Running 燒 (Closed)

今次黎到將軍澳都算係一間新開既韓燒餐廳，叫running燒，入到黎新裝修都幾闊落，好多韓式既裝修，爐具夠曬新淨，而且座位之間既距離夠曬闊，所以環境衛生都好d喇。海鮮類方面，本人就最鐘意佢個海蝦，夠曬大隻，又夠曬新鮮，而且隻隻色澤都好有光澤，唔會話霉淋淋咁，所以堅係幾正，配埋個韓爐黎燒，火喉控制容易，可以燒出岩岩好熟既海鮮，咁就唔會話乾得滯，浪費左咁新鮮既海鮮喇。原隻元貝，燒落夠大隻，而且清潔得都幾乾淨，岩曬一上台就放上去燒，夠曬juicy，配埋佢果3種韓式醬料，真係幾正，唔鐘意點醬既朋友都可以就咁食佢個原汁原味。肉類方面，五層豬腩肉就最好食，油脂味重，豬味濃郁。甜品方面，北海道牛乳好正，夠曬滑口，奶味濃郁，又唔會太甜，味道一流。

趁住今日準時收工，即刻約朋友去食好耐都冇食過嘅燒肉放題，化身食肉獸。Running燒之前都有食過旺角分店都唔錯，今次去到將軍澳嘅分店再嚟食下。鋪頭好大下，自助巴同食座位間隔分明，唔洗盲摸換行錯位。入坐起110分鐘飲食，掃barcode落餐。有豬牛羊雞，各種唔同部位嘅肉類同海鮮。有d小食例如炸雞，冷麵，等等。自助巴就有各款醬料，中式，韓式湯類，沙律菜，罐頭水果，以及幾款甜品。主打嘅肉類方面，任食嚟講質素都幾高，落左order基本上5分鐘內都到齊，特別鐘意羊肉片，豬腩片，肥牛，牛仔骨。羊肉片唔羶，食落都有羊肉味。豬腩片肥瘦大致平均，一路燒一路爆哂d油脂，咬落肉質都幾嫰滑，脂肪位置外脆，入口即溶，間唔中都放縱下，品嘗下油脂嘅香。又或者用沙律菜夾住食，當菜包肉咁，生菜爽脆，再少d油膩感。牛仔骨比想像中嫰滑，厚度啱啱好，燒完都仲鎖到d肉汁，冇咩等別調味，點少少燒肉汁都已經好好味。呢到嘅小食都好多選擇，味道都唔錯。炸雞新鮮脆口，裏面嫰滑，再加埋d柚子醬，好好味。仲有同燒肉好夾嘅水冷麵，湯底微微帶甜酸，解膩又開胃。仲有各式小菜，泡菜，拍青瓜，芽菜等等，因應個人喜好隨便揀。甜品之中有雪糕，雪條，泡芙等

食物質素一流。以韓燒任食來說，食物質量比一般市面上的放題韓燒超水準，性價比超高。除了一般任食餐廳提供的肉類 e.g.牛肉、雞肉、豬肉、羊肉… 還有勁多海鮮類食品提供，例如有青口、蠔、扇貝、蝦、魚… 韓式泡菜、甜品、雪糕、飲品等應有盡有，餐廳提供了非常豐富的食物選擇，照顧不同人士需要。 另外值得一提的是餐廳的韓式炸雞，配搭餐廳特製的醬料，回味無窮。最特別的是，餐廳有免費提供專門給小朋友食的橡皮軟糖，真的是其他餐廳少有的選項。 價錢相宜，人均消費大約港幣300(連加一)。今次我們一行9人，分3張枱坐。注意價錢是星期五夜晚7:30pm入座。建議用餐前先致電餐廳預約訂座人數，以免需要排隊輪候。 唯一美中不足的是入座時間只有110分鐘，個人感覺食用時間不夠。

食物選擇都幾多，平均肉類、熟食同海鮮都有至少五款選擇～而且平日夜晚成人價錢都係258另收加一，如果食量有返咁上下嘅話都幾抵餐廳座位闊落，就算叫得多野食都唔怕冇位擺👍🏽而且仲有自助式拎泡菜同醃豆芽，想食幾多都可以拎其他自助熟食就有蓋好，確保衛生😄試左幾款自助前菜，涼拌萵荀同青瓜都唔錯～而肉類主要食左豬同羊，豬肉選擇會多d，有調味嘅五花腩幾好食😋至於羊排肉就比較羶，點醬汁食會好d海鮮就試左鯖魚、帶子同魷魚🦑全部都正正常常，帶子特別推介😇我地仲有喺自助枱拎左d蔬菜，杏鮑菇真係超推薦🤪而熟食黎講，炸雞同炸魷魚鬚都係熱辣辣咁上菜，做下酒菜都幾好最尾去左雪櫃拎左個牛乳布丁食，牛奶味唔算好濃，但都滑嘟嘟～

收工想同同事食個晚飯鬆一鬆！大家不約而同都想食燒肉！之前都食過呢間其他分店！食過都覺得幾甘唔錯！所以今晚就提議食係公司附近既分店！將軍澳呢間分店比旺角大！所以坐得闊落得多！呢間同旺角落單有啲分別，定係我太耐冇食過😂😂呢度係scan code用電話落order!以家都非常普遍！慳紙好多，同埋就算就係咁落order都吾會覺得會好尷尬😂食肉獸既我哋，叫左好多牛！啲肉吾會太大件，吾會食完一兩件就飽哂！我地可以叫多啲款式！當然呢道都有豬雞羊！仲有大啡菇！我地落左好多牛油去燒當然都要提下，放題少有既燒生蠔！仲要有得揀芝士舖面😋😋仲有新鮮帶子任食！超級回本！仲有呢度都有好多款式既飲品同甜品！超級推薦！

原來將軍澳都有韓燒，真係唔搵都唔知😂餐廳收費黎講屬於中等價錢，晚巿連加一284蚊任食110分鐘都算巿價，加20蚊仲有得升級任飲生啤🍻食物種類比想像中多，現場有前菜、餐湯、蔬菜同甜品等等可以夾🥢餐湯🥢蔬菜🥢甜品至於肉類、海鮮類同部分熟食就可以用QR code落單整體黎講，肉類同熟食比較好🥢牛肉類🥢豬肉類🥢生蠔🥢炸餃子🥢炸雞（小辣）🥢炸雞（小辣）🥢甜品類大約食左兩至三轉都已經好飽🤣幾欣賞餐廳冇出現漏單情況，而且上菜都好快👍🏽同埋抽氣扇好勁，食完都冇成身油煙味！

將軍澳好似冇咩放題可以食，呢間係個人覺得性價比比較高的一間，通常食午市200出頭一位，有海鮮有肉啲小食都ok,不過甜品就麻麻 ~間鍾都會去食一餐，都值得回頭的一間餐廳

今晚去左popcorn食燒肉，叫running man我覺得呢間幾好，價錢又合理，d肉質素都幾好！首先佢係用QRcode落單嘅，好方便，吾洗等人收紙，一落左單又好快送到！好多野食，牛豬雞羊都有，當然有不少海鮮，最喜歡嘅係尤魚同大蝦，仲有帶子，青口等等，食物選擇都好多，除左燒物，仲有現成嘅自助地區，可以拎嚟燒例如菜菇瓜等，有熟食嘅可以自己拎，例如老火雞湯，云耳小食，雞翼， 泡芙，小蛋糕 ，雜果西米露等等，仲有軟糖地區，飲品區，雪糕雪條都有，有 dreyer's雪條同雀巢雪糕等，好正好多野食！講返野食，我推介嗌海蝦，好新鮮大隻又彈牙，另外仲有大啡菇好食好燒，加一d朱油咁燒好食，除左牛咁食，我都喜歡包菜食，好味道又冇咁油膩幾好，最後可以揀埋dreyers雪條都推介，有2隻味，食左蘋果味！都吾錯！

翻到tko唸緊食咩，行過popcorn叫到running燒搬左過泥，岩哂我呢啲食肉獸，就快快趣去二樓拎枱！手機落單。出面都好多野攞，有幾款熟食同沙律，當然唔少得韓國泡菜同韓國芽菜。仲有參雞湯同中式湯比大家下火。飲品櫃都多選擇，好多唔同既茶仲有coke zero!岩哂任食，燒滯解油！豬牛雞都幾個唔同部位，我最推介五花腩同羊仔肉！夠肥，慢燒烘哂啲油出泥岩岩好。配翻韓國麵豉醬，放一塊生菜同少少食，絕配飯我揀左流心蛋紫菜飯，同牛X果個飯有得比！甜品有多款雪條，仲有軟糖！我忍唔住食左好多條可樂虫🤣

今日同朋友黎到popcorn搵食，見到有個位置叫popfood，係popcorn搭lift上一層，其中一間叫Running燒，晚巿時間只需$258就有任食韓燒，所以就入去試下，餐廳空間感十足，抽風做得好好，雖然是韓燒但不會滿佈油煙。我們坐下來就立即用QR code 連結menu點菜，食材豐富多樣，我們點了多款牛肉，如肥牛、牛肉片、牛仔骨、再點了些豬頸肉、羊肉片、雞翼、辣雞肉等，還有不是平時韓燒常見的食材，生蠔、扇貝和青口等等。這裡除了肉類之外，我們亦點了小食韓式炸雞。餐廳一角有自助bar可任選各類冷熱菜式，如口水雞、豬手、人蔘雞湯、新鮮蔬菜、糖水、還有各類咖啡、橙汁、蛋糕和雪糕櫃均選擇。隔了一回，各款肉類陸續上台，肉質都都幾嫩滑，尤其是牛仔骨和雞翼，新鮮嫩滑，非常香口，點些燒肉汁一起吃，肉味更加突出。另外小食韓式炸雞亦值得一試，又熱又香脆，十分好味。其間店員主動地幫我們更換燒烤網和遞上餐巾，十分體貼。我們最後再encore了牛仔骨、雞翼和扇貝。

燒肉一向都係我最愛嘅菜式，今晚更係韓式日式兼備，而令我加倍開心嘅係餐廳全晚都播放住mirror嘅歌曲，仲有部大電視播住MV😍，一路食一路聽岩聽嘅歌真係好爽🤣 講番食物質素先，外面自助形式的有熟食前菜、飲品、雪糕雪條、甜品 和 生的蔬菜。用QR code電話下單的有各款 牛肉、豬肉、雞肉、羊肉、海鮮食物都好多元化，接近100款🥰 肉類質素中規中矩，正常發揮，印象深刻的是豬頸肉和豬五花，油香豐腴，咬落又有口感😋 海鮮黎講，大蝦真係encore之選，除了大隻之外，燒緊嘅時候已經聞到蝦頭膏味😍，蝦肉唔痴殼仲好彈牙😋 食完哂仲可以任食甜品🤤有dreyers嘅低卡路里雪條，放題食可以減低罪惡感😆

環境唔錯 4個人坐卡座好闊落好舒服服務員由counter到樓面都幾好禮貌全晚係咁播MIRROR既歌 電視又係連個送餐機械人都係 好歡樂XD用自己電話scan QR code落單 有唔同既牛、豬、雞、羊 應有盡有而我主攻海鮮類 包括蒜蓉芝士生蠔、扇貝、帶子、青魚、青口等等熟食既柚子炸雞好味 驚唔驚飽重可以叫辛辣麵/白飯/紫菜溫泉蛋飯等等而自取食物有糖果、前菜、湯、蔬菜、飲品、甜品屋企人話無骨鳳爪好味甜品方面 有懷舊紅豆雪條 而我食左青提雪條 好fresh唔太甜!另外D忌廉撻個餅皮有D淋 可能放耐左假日每位$288 長者/小童子$198 再+1 坐食110分鐘多款式味道唔錯 整體都好滿意!

香港嘅放題同埋韓燒餐廳實在太多，有時要約朋友，一打開OpenRice就會popup 唔同嘅餐廳推介。當然我喺將軍澳住，附近嘅韓燒餐廳選擇唔會太多，今次嚟到呢一間Running燒，決定試一試。餐廳入邊格局分明，抽風系統亦都強勁，相比出邊好多餐廳都煙霧離漫，呢度算係好少油煙味值得一讚！坐低落嚟，第一時間我哋就要點餐，呢度嘅選擇好多，有燒肉，有唔同嘅熟食可點，亦都有飯類同埋麵類可供選擇。去到嘅時候已經好肚餓，所以我哋第一時間就叫咗溫泉蛋海苔飯試吓。溫泉蛋的蛋漿同豉油很配合，入口滿足。我哋叫咗韓國年糕湯，很消暑，很適合食熱氣的食物啊上面係我哋叫咗嘅豬牛羊雞四款肉類，每樣嘢望落去好新鮮上面鐵盆是醃製的肉類，雞腿肉是一口size的，而且醬料味道很濃厚，燒完之後雞很滑同入味！除咗普通肉類之外，亦有唔同嘅海鮮，例如扇貝青口生蠔可供選擇。真係大份夾抵食！我哋一路等嘅時候，一路品嚐炸好咗嘅炸雞魷魚鬚同埋泡菜餃子。估唔到炸物非常之有韓國特色，配埋辣醬一齊試反而很夾味，而且炸物亦唔會很乾，反而很彈牙呢！餐廳亦都會提供甜品，例如雪糕雪條或者飲品，每樣款式齊全，選擇多，實有一款啱你口味！想講嚟到呢一間餐廳，你除咗

話說今天公司收半日，所以同同事好好享受悠長的lunch hour。平時剩係得食下午茶一個鐘，今天當然要揀個長時間的韓燒食啦！這間近公司，在商場裏面的韓燒店乾淨企理。侍應會幫我哋開爐，爐頭都十分乾淨。蔬菜是放在出面的，我們試咗啲番薯和菇，原來燒咗好味過蒸。飲品有很多選擇，大多數都是韓國出品。特別要推介的是番石榴汁，清甜得來又可以解到肉類太油膩。一罐飲品當然不夠啦，另一罐我有飲的是韓國蜜糖飲品。不會有氣，唔使脹着個肚。雪糕特別要食有兩種，第一支是煉奶味雪條，第二支是芒果89卡路里的雪條，兩個不是太甜，反而可以在肉類與肉類之間食一條，清新得來又可以讓口腔回一回味。另外，我的朋友因為不喜歡學甜嘢，所以他喜歡這部咖啡機。咖啡機可以沖白咖啡，或者黑咖啡，仲有綠茶和清水。腸仔真的不錯，芝士在入面湧出來，因為用小的方法，外皮零瀉趣。我的朋友怕熱氣，所以他食多啲前菜，拍青瓜唔辣，配合蒜蓉10分好味，炸薯角並不是只有脆粉，是比較上軟熟的。雲耳配上蒜蓉，很開胃哦！這些甜品一定要食，忌廉夠滑，又不會太甜。作為海鮮愛好者的我，我一定會食這個芝士蒜蓉生蠔。食完之後做到拉斯效果，調味亦不會太鹹，可以食多幾件。青口帶

真係很久沒有食韓式BBQ了，今天朋友邀請，帶我去了位置POPCORN的Running燒放題。星期一都只需要$258一位。跟朋友座低後就去到小食bar 先看看有甚麼吃。原來自助bar都有很多東西吃，有各種瓜菜，如南瓜、紫薯、生菜、冬菇、茄子等，太多了。而且亦都有沙律、熟食、甜品及飲品。肉類方面，是用qr code點的， 有不同牛的部位，例如：烤肥牛、牛柳粒、牛肋骨等等。每款肉類調味剛好。喜歡食肉既朋友絕不要錯過。其中牛仔骨非常出色，厚薄岩岩好，燒出來有咬口而且牛味道濃郁。另外亦有雞牛羊。海鮮方面，有蠔、扇貝、蝦、魷魚，非常新鮮。如果不喜歡只點生肉，又可以叫炸餃子、炸雞。炸雞有韓式炸雞水準，不錯的。店員服務質素非常好，十分有禮貌而且又主動替我們換烤板。