Running 燒 (Closed)

同朋友傍晚行行下將軍澳嘅Popcorn商場，朋友就建議去到位於2樓嘅 Running 韓燒店食韓燒放題，時間上岩哂我地兩個餓鬼😆😆而家9月放題係呢個價：🧐去到餐廳，我地被安排坐在自助區前面，旁邊就是飲品櫃，飲品真的好多選擇，熟食區、醬料區選擇都唔少。😙我地先食左沙津醒醒胃🌟🌟，仲有唔少其他熟食都唔錯👍🏻，醬料值得一提嘅係有韓式泡菜同埋酸辣芽菜。😋😋手機落單無耐，d生肉、海鮮、都好快送左上黎，主要係在爐燒食物需時，不過咁先係食韓燒既特色，一邊燒一邊食😆😆 牛肉切得好薄，方便易燒；醃過辣味既豬肉就厚身；海鮮無hea底。😆而大食既我地都基本都將餐廳有提供既食物都食遍一次。😎😎甚至最後點左紫菜温泉蛋飯同韓國辛辣麵，哈哈😅😅最後半個鐘頭，店員就親自過黎提左下會截單，要 last order，都算係貼心，大家有個預算食下甜品咁。

約左今日收工之後同朋友去食飯 呢間Running燒💛之前已經想食架啦 但果陣book旺角果間book唔到位 最近check左先知原來將軍澳都有開 即刻要試試佢啦😙去到門口 店員好快就安排咗座位俾我哋 坐低開爐 收費同用餐時間 就可以開始用QR code落單 同埋出去拎野食啦😇用QR code落單好方便 每樣食物都係一件一件咁樣計算 唔會驚點多左食唔哂唔會浪費非常好👍🏻 食物種類都有好多 牛 豬 雞 羊 海鮮 熟食小食 麵飯 多到試唔哂禁多款呀🤣 外面係自助形式 所有蔬菜類都係出去自己夾 都係有好多款.. 特別一提既係燒菇想落牛油啦 加幾多都係自己決定 讚呀👍🏻 飲品有3個大雪櫃既選擇😌 咁我地樣樣都想試下 都叫左幾多架😆肉類全部都係正正常常 特別推介係牛舌、羊肉 同埋辣味五花腩😋 羊肉加左孜然粉燒完真係好出色👍🏻 辣味五花腩少少辣加埋醬汁再用生菜包埋一齊食😌👍🏻除左肉類之外 海鮮都係我覺得好好味 芝士生蠔 扇貝 青口 帶子 魚 魷魚🦑 每樣野我都要encore🤣 仲有呢個水冷麵 真係好好食😋 細細碗鍾意食既可以叫多碗.. 個麵煮得煙韌有咬口 燒完肉熱辣辣食一口冷麵真係好正呀🤭 溫泉蛋

一星期既中間 - WEDNESDAY ，決定食好D，我同朋友去左將軍澳食燒肉放題，限時110分鐘，因為平日 ，$258 一個人，$516兩個，另收加一。🍽🍽感覺佢地都係做當區熟客仔生意，因為Running 燒在Popcorn商場2樓PopFood 度，上面都好幾間食肆，我幾次去過Popcorn 都唔知果度有野食。🤔🤔在餐廳門口基本都見哂裡面既環境了，一目了然。✨坐低之後我地已經急不及待落單啦。😹😹主要用手機落單，都好方便，出面仲有飲品自助區、一些頭盤、熟食自助區、雪糕甜品、湯水、飯都有，野食真係唔少，真係無機會全部試哂。我們食左d冷盤，叫左一輪海鮮、兩輪肉、仲有食左d甜品，就差不多了。牛肉真的比較容易燒，唔識燒嘅朋友仔可以揀牛肉片。海鮮方面，芝士蠔真係比較出色。熟食都唔錯啦，大家在燒之前可以去自助區拎d頭盤冷盤，開開胃先。最後埋單人均唔駛$300。好飽、好滿足😄😄

今日放工突然想食燒肉，就去左呢間近公司嘅燒肉放題試下！好彩去到排一陣就入得！入到去好闊落，好乾淨企理，幾舒服。以下呢個係主要放蔬菜類嘅食物的地方。呢度係甜品、糖水、韓式泡菜及湯品的地方。仲有得夾糖添好正！呢度係熟食區同醬料區，有韓式炒年糕、薯角、雞腳等，好好食！以下係飲品櫃，有好多款飲品供客人選擇坐低之後，就有張QR code比客人掃，就可以開始落單我同朋友太肚餓，全部食物都叫左一樣試下，點知全部都好好食。下面係雞、五花腩同魷魚，尤其係魷魚特別好食！呢個係牛利牛肉粒等牛肉，我特別欣賞牛肉粒，好好食！仲有好多唔同款嘅海鮮添，有帶子、帆立貝、芝士生蠔等，好滿足好新鮮！呢個係必點的水冰麵同紫菜拌飯，真係一流！我同朋友一人食左1碗，好開心燒得好開心😆以上係雪糕雪條區超級好食！尤其係奇異果味，真係好好食！爭啲講漏左呢部送餐機，好得意，會幫手送餐。臨離開前發現佢待機中，好可愛

西貢回來, 想食燒烤, 喺OPENRICE search一下，就發現呢間好似新新地的烤肉店。一入店內, 全播放著鏡團曲目, 仲有MV無限LOOP。更先進的, 引入了1部送餐機械人，機械人的魅力如同鏡團出場, 因為邊行邊播著他們的曲目，没有人不會吸引不到的。全程手機下單, 送餐時間頗快，多謝送餐機械人效率吧~~食物方面, 一般烤肉店/韓燒店有的款式呢度都有。牛肉質感一般, 牛舌OK, 雞翼美味，蔬菜款式亦多。最值回票價的還是海鮮。手掌大的生蠔無限點, 可惜連住厚厚的蠔殼, 故燒烤時間需時。扇貝也很好, 大蝦最好味, 因為生鮮。韓式炸雞也很推薦, 更推薦食得辣的朋友下單挑戰"炸雞(噴火辣)", 。總用餐時間110 MINS,  幾個大雪櫃, 罐裝汽水/茶包羅萬有。被誤導的, 啤酒需另付費, 全枱人頭計。點解叫被誤導呢?我們用餐時段係全日最貴時段，而手機下單顯示(已付$20可以任飲)。當然到下單後, 店員過嚟同你講：「需另付費, 而且全枱人頭計...」。總結：嚟得都係想食烤肉為主，可惜此店啲牛肉質素真的好一般般，靭的, 粘網, 翻肉時好易碎了，更加不用想烤魚柳吧！而且碟子很細, 即使烤肉燒好

Running燒位置比較隱閉，要係Popcorn一樓Popfood搭lift上，就咁行街未必會察覺。平日食燒肉食開漢X或炑X，今次試下Running燒先～環境方面幾別緻有feel既～燈泡裝飾搞到好似置身韓國咁，最大既重點係電視長期loop MIRROR同ERROR MV！絕對係深得我心呀<3一坐低都係刷QR code，data限緊速，好彩有Wi-Fi用。有唔同生肉、海鮮、熟食點。出面都好多野拎，蔬菜、涼菜、中湯、醬料、甜品、野飲，糖都有！？真係花多眼亂又滿足呀～最驚喜係連牛油粟米都有得燒Order既野食到啦！原來叫一份真係只黎一件，對於獨食既我都係好事，咩都試下之餘，都唔會太飽。醃左辣既肉對我來講有點兒too much，但其他都係高質既，推介羊肉片、生蠔同帶子！燒生蠔時唔太sure要燒幾耐，職員都會幫手。最後埋單$284，雖然唔算平，但環境舒服同選擇之多，都真係值得呢個價錢。搵日再戰！

收工去將軍澳搵親戚飯聚，今次嚟到呢間燒肉放題店，親戚話將軍澳好少呢類型嘅餐廳，要食燒肉嘅話平時要去坑口，今次喺Popcorn就有得食，方便好多！我哋平日夜晚7:30嚟到，都唔使等位，可以直入，入座率都有八成。座位通道都算闊落，而且餐廳有好多部電視，播緊mirror嘅歌，一邊燒肉，一邊跟住一齊焫焫焫焫焫焫着！我哋嗰款套餐有得食海鮮，肉類表現正常發揮，對得住個價錢，海鮮都有驚喜，唔會有怪味，都算新鮮。至於出面自己夾嘅食物種類都幾多，熟食同糖水都好吸引，估唔到連糖果吧都有！配菜同小食方面，係出乎意料地好食喎！炸物夠晒熱辣辣，又唔會炸到乾柴，最鍾意食炸雞同炸魷魚鬚，encore左兩輪。唯一美中不足係時間太短，得110分鐘有啲唔夠喉，希望將來可以食耐啲啦！

听朋友介紹，放工後來TKO Running燒試下，家住沙田，有些山長水遠，希望不要失望。一早預約，好快有位，招呼好，地方干淨。抽風系統ok,不會成間煙霧迷矇。自助吧有各种熱食及冷盤，幾款醬料，炮菜少不了。也有至少2款韓式湯，甜湯等任飲。更吸引有三櫃飲品及甜品，例如雪條任飲任吃。電子點單有生及熟食。熟食款式不多，但炸雞及炸餃子有幾款，任君選擇。我好喜歡吃幾柚子味炸雞，吃了幾轉推薦。👍😊點了五花腩，豬頸肉，牛肉雞肉燒。有不少已醘好雞肉，好入味，整得好，燒好後好吃。个人至愛各款海鮮，新鮮，且落單後，好快上菜，不飛單。叫了幾轉帶子，蝦（大大隻），扇貝，尤魚圈及魚燒，服務員見到碟full了，主動過來換，夠積極，又有禮貌。會再去

已經好耐冇寫過食評了今次去popcorn食呢間韓燒, 其實呢個樓層都有啲難搵, 要特登搭𨋢上, 因為今日比較早食所以都唔使排隊好快就可以入到, 入到去之後見到佢落單形式都係上網落, 半自助形式至於一啲熟食或者甜品就要自己出去拎, 喺呢度值得一提嘅係佢嘅人蔘雞湯都幾好飲, 肉嘅款式種類都多, 座位上都闊落, 我一行四人坐低佢有好闊嘅空間可以放下袋。鍾意食辣炸雞嘅朋友可以嚟呢度試吓佢有幾種唔同嘅辣度揀, 自問都算食得辣, 但我都食唔到佢最辣嗰款。 唔知幾時先可以去到韓國食野, 唯有食呢間頂住先。 掛住食都唔記得咗影相😂

貓貓好想去韓國旅行，好掛住oppa們嘅食物，唯有係香港食啦。貓貓好鍾意呢個地方。環境光猛，仲有自助區可以俾貓貓任攞任食。貓貓雖然係港貓好細食，但都食唔少肉架。好多好多肉，個個都咁fresh，慢慢品嚐！牛舌燒得剛剛好，好彈牙，味道甜而不腥。貓貓encore左好多好多次！出餐都出得好快，網上order左好快就送埋過黎。服務好好。仲有貓仔幫手送！仲有呢塊豬肉，配埋醬汁一齊食，食極都唔夠，夾埋醬汁真係越食越開胃！發覺呢度野食乜都齊。包羅萬有，菜，牛，羊，雞，豬，海鮮，你諗到嘅都有。食得多肉，可以叫下菜fresh下個口，再繼續食。食到咁上下，係時候食返個甜品啦。貓貓留左第二個胃俾甜品。食到好飽再用甜品劃上句號，貓貓好開心呀喵！

錯😀其實個名純粹係嘩眾取寵only，間野之所以叫running 燒係同running man 無任何關係，大家唔好誤會😂之所以入到將軍澳咁遠食，都係純粹想就朋友工作地點only，並唔係因為我知依間餐廳本身有咩過人之處😌Anyway 入正題，果然「不抱任何期望去食一樣野永遠都會有驚喜」依句野係真，Running 燒既烤肉海鮮放題雖然唔稱得上好食，但都有d幾值得留意既加分位！首先係我幾impress 佢有提供生蠔同帶子，依樣野唔係間間燒肉店都做到，如果食物種類都可以多元d就好。另外任拎甜品同蔬菜區都係一大賣點，基本上真係乜x都有😂有小食including 咖哩角同魚蛋，又有係出面比較少見既醉雞同俾埋鐵盤你自行diy既牛油粟米，至於大路野例如沙律老火湯雪條都算齊，如果咁啱去開係值得一試！

話說今日去將軍澳跑步，跑完梗係要食餐好嘅慰勞自己。好耐無食燒肉放題！一入餐廳，感覺好舒服，而且位置夠大，食韓燒最緊要檯要夠大，坐得舒服。依家餐廳都越黎越先進，掃qr code就可以落單。識食梗係叫啲牛黎食。睇到已經流口水。牛肉好靚，食好甜，配埋生菜。燒肉同生菜呢個組合永遠無得輸。睇下啲豬肉！韓式燒烤，五花腩係必須！燒到脂肪係咁冒泡，咬一啖，脂肪香味滲透出黎，好邪惡，完全完美！除左肉，仲有好多海鮮食。有得燒埋海鮮真係好開心。海鮮口感新鮮，鮮甜。仲有小食可以叫，太好啦！炸物都係啱啱炸好，熱辣辣，好惹味！炸物選擇都算多，但叫唔到咁多黎食。因為食肉已經食到好飽。真係好滿足好滿足嘅一餐。慢慢食，吹下水，食到飽為止，好正！

要係將軍澳食韓燒選擇唔多，E間應該係最抵食。任食任飲計埋加一每位都唔洗3百蚊。如果你係鏡粉極力推介你去食，食110分鐘全程都係聽住鏡仔既歌🤣連送餐機械人都係播住姜B既蒙著嘴說愛你講返最重要既食物先，肉選擇多同埋一d雪味都無，豬頸肉同牛柳粒最正。熟食方面小食都有成8種。另外仲會有d甜酸雞腳、泡菜等等涼拌小食味道都唔錯。炸物方面，最好食係柚子味炸雞，上到枱仲係脆卜卜熱辣辣。而飲品方面都好多選擇最後食飽飽，緊係開動胃第二個位食甜品啦，估唔到有出面賣成十幾蚊支既dreyer's 低卡雪條。

係將軍澳區想食燒肉放題真係冇咩選擇朋友介紹下先發現原來Popcorn商場樓上個層有間韓燒二百幾蚊任食任飲仲有熟食同甜品性價比非常之高 近近地區內都可以過吓口癮原來其他時段入座可以再平啲㗎我哋七點後入座係最貴嘅熟食區選擇非常之多 淨係甜品都有四五款仲有軟糖夾小朋友見到已經非常開心前菜部份 涼拌粉絲比較淋 但青瓜同魚糕都幾好食雞腎同五花肉都好推薦牛肉就比較偏薄 燒時好容易黐底我哋卷做金菇肥牛卷咁去燒 效果都唔錯😆柚子蜜炸雞 超好食 係新鮮炸落嘅水冷麵都唔差 味道正宗 同我喺韓國食都差唔多另外朋友話辛辣麵都好食我哋仲試咗年糕湯正正常常吉士泡芙 開頭見佢擺咗咁耐擔心會好林但食落都唔差仲係脆嘅黎到最後食甜品喇 呢度嘅雪糕選擇唔多不過呢個低卡嘅果汁雪芭幾好食白提子味好清新 整體來講呢個價錢任飲任食其實性價比非常之高將住將軍澳近近地想食韓燒都可以考慮吓佢

男朋友ot，晚飯冇著落，放工捉左個同事陪我dinner，佢話想食燒肉就附近求其揀左呢間。去到7點幾，任食110mins，每位$258+10%。入到去勁開心播緊AK首歌，去到食完，仍然係mirror/error d歌，超開心，好似屋企聽住歌食飯咁。最搞笑有隻機械人送餐，佢一出嚟就會播蒙着嘴說愛你，好好笑。不過佢冇過嚟我嗰邊，所以影唔到佢😂好，言歸正傳，自己scan QR code落order，跟住出面有熟食區，蔬菜區，沙律區，甜品區同飲料區。落order的食物好快就上菜，非常滿意。牛：牛柳粒最正豬：黑毛腩肉最正雞：雞翼最正海鮮：蠔仲要一定要叫紫菜飯，勁正，個飯一到就比條友係咁食，係咁話好好味好好味蔬菜：一定要食牛油菇，牛油可以自己鍾意加幾多就幾多，超正