Running 燒 (Closed)

好耐都無食過韓燒喇，今日同朋友約左喺將軍澳試下呢間韓燒，之前喺旺角食過一次都唔錯，今次試下第間分店餐廳面積都幾大，座位好闊落，坐得都幾舒服，用手機落單都幾方便，食物選擇多，除左手機落單，出面仲有自助bar添，飲品櫃有3個，最鍾意飲嗰隻荔枝烏龍好鍾意食個泡菜，味道係甜甜辣辣咁，用生菜包住肉食一流🤤最鍾意就係燒呢隻肥牛，易燒又好味🤤海鮮都唔錯呀，都幾新鮮，肉質係爽嘅呢隻雪條好好味，有兩隻味，最鍾意都係士多啤梨味每人$258加一，食到飽飽真係好抵😆

之前食過，服務同野食還可，又有機械人送餐，幾得意，諗住細路仔會開心早兩日午餐本來想帶兩小朋友幫襯，但該半禿中年男員工(像是經理既物體)態度超差，遲遲未安排入座不特止，個場明明空哂, 我同前面一對母子等左好耐，大把位就慢慢帶人入座，呢樣當你個場唔夠人，我算數。再俾訂左位先既客入都算。之後你俾㩒飛客入，完全無視排隊既客人，仲要串咀叫我地唔幫襯可以走，場都未入就走人永久blacklist, 請著呢d員工真係三生有恨

成日係將軍澳行街經過呢間燒肉放題店，都好想入去燒一燒！今日機會嚟啦！有朋友提出想食燒肉，所以我哋就決定今晚去呢間燒肉放題店度試試！我哋7:30左右就到左呢間餐廳，仲有剩最後一張卡位，很開心呢！我哋一坐低，侍應就好細心咁話俾我哋知每位既價錢同埋介紹下點樣落單！我哋每人258一位！自助區同餐單入邊嘅嘢食，加加埋埋d 種類都幾多！仲見到好多韓式飲品同雪糕！仲有夾糖見到咁多野食，我哋都忍唔住即刻開餐啦！我哋覺得d燒物就不過不失，不過最有驚喜嘅係啲熟食同甜品！柚子味嘅炸雞同原味嘅炸雞又真係幾好食喎！仲有辣度可以選擇！我哋覺得小辣已經足夠炸魷魚更加唔使講啦，我哋不停encore 仲有迷你吉士泡芙，我一個人都食咗三個！味道不錯呢！

今日去左將軍澳POPCORN食飯,呢個商場真係錯綜複雜,搵餐廳都搵左一段時間.由將軍澳站入左POPCORN商場,向右行,扶手電梯上一層,右邊會見到Venchi,Venchi斜對面就係POP FOOD.上2樓行到尾就係RUNNING燒!燒肉放題 $258/位 再加一可以食120分鐘,最尾30分鐘會截單.但侍應都會提你要截單既.呢到係用QR CODE落單,侍應會同你講一次點落ORDER,而野食數量係1件件咁計,食幾多嗌幾多.大家最好食完再嗌啦,免得嗌太多食唔曬做大曬鬼.出邊會有自助區,有蔬果,菜,小食,野飲,甜品,泡菜,雪糕，醬汁等等可以自己拎.我地落完ORDER好快就上野食,幾有效率.由於好肚餓所以嗌左啲炸雞食住先,都幾好味,同埋可以1件件咁嗌,試曬唔同口味都得,至衰我地唔食得太辣,否則可以試下勁辣炸雞.之後我地燒左啲肉類先,我拎左啲生菜黎包住食會無咁油膩，感覺都健康好多。醬汁方面佢個燒肉汁同甜酸烤肉醬都好好味。整體黎講佢環境幾好，我地燒左咁耐都唔覺有油煙，食完個身亦都無味！好神奇！而野食方面選擇雖然唔算勁多，但質素唔錯，我最鍾意肥牛，辣味五花肉同埋辣味雞肉！ 我地嗌左以下野食： 肉類:

係我屋企附近嘅韓燒啊😳有得成日去食 開心仔😚呢度落單好方便 都係嘟個qr code就落到食物選擇都好多🤤🤤海鮮 牛肉羊肉豬肉甜品主食乜都有海鮮方面 佢啲生蠔同帶子好新鮮煮出黎一啲腥味都冇 好鮮甜牛肉入面有隻叫牛肩肉嘅入口即溶估唔到任食都有呢種質素🥺主食黎講 我嗌左辛辣面 冷面 紫菜包飯想講三樣都幾出色特別係紫菜包飯！份量啱啱好 唔多又唔少除左要落單叫嘅菜之外出面任拎嘅菜質素都好好想飲暖野開個胃？飲老火湯啦 仲有個雞湯2種湯都好出色另外仲有腐竹雞蛋糖水好快比人飲曬上湯都上得好快食完主菜 想咬下啲甜品全部甜品都係細細份 唔使嘥野好食嘅 唔會太甜太漏雪條都有好多選擇😚員工嘅服務態度都好好好快手上菜執枱都係會再黎！

今日同朋友係將軍澳行街，晚餐黎到Popcorn嘅Running燒歎番餐，平日晚市計埋加一大概$280，任燒110分鐘。餐廳環境都幾大幾舒服，而且估唔到平日都有唔少人黎食~肉類嘅選擇非常多，特別推薦牛五花肉，非常香口，黑豚腩肉燒完後半脆半腍。雞脾肉醃得好入味。唔同部位既肉亦分類得明顯，唔會放到好亂。海鮮亦都好吸引，有蠔、扇貝、帶子、蝦等等。蔬菜類仲可以自己出去自助區夾，款式超多。除咗燒肉，餐廳仲提供咗一啲韓式熟食，例如炸雞、年糕湯、辛辣麵。依個水冷麵煙煙韌韌，同熱辣辣嘅燒肉一齊食好過癮。飲品甜品同樣都係任食，亦都係自助形式，夠哂方便。整體，落單到送餐既速度亦快，侍應服務亦有禮。抵食。

之前去過旺角嘅Running燒，真心唔錯，今日黎將軍澳見到有分店，於是再黎試下~19:15入座，收費$258，要加一，價錢合理。入到去已經見到自助吧，係旺角店無架，可以自己夾蔬菜、熟食、飲品，連雪糕雪條都係任食！其他就要掃QR code黎落單，中途仲見到餐廳會用機器人黎送菜，好盞鬼！中意食牛嘅我每款牛肉都有燒，最中意薄切西冷牛扒，快熟之餘肉味又濃。豬肉、雞肉，羊肉都醃得好入味。海鮮都有好多款可以揀，而且好新鮮。等燒嘅時候仲可以出去夾熟食，亦都有啲要係手機點，主食同小食都應有盡有，有唔同味嘅炸雞、麵食等等，真係唔驚唔夠飽><最後仲要留番少少時間食甜品，有自家製牛乳布丁、唔同款嘅雪糕雪條，雖然得110分鐘，但係食得好飽好滿足。

好耐冇食過韓式燒肉 聽朋友講將軍澳有一間好抵食嘅 襯今日早咗收工去試下先！一入門口 就見有一個自助區 有飲品 甜品 糖水 熟食 應有盡有 醬料方面都6種咁多 非常認真！ 我全部拎返去逐一品嘗落單係用手機掃QR落單 上菜速度都非常快 每次一落單大約一分鐘就到台面推介 羊脾肉 大蝦 配上萬能既韓式辣醬 好容易食上癮！除咗燒肉之外 仲有麵同飯可以點 啱晒我呢啲大胃王😋 今次我叫咗一碗溫泉蛋香蔥紫菜飯 入口非常香口 又有蛋汁令到更易入口 食下食下不知不覺成碗就食哂今餐真係好滿足 CP值極高 好推薦大家去試下

差不多成半年無食過燒肉餐廳，今日決定同朋友近近地係樓下搵間韓燒鋪頭，發現popcorn開咗呢間running燒，好似幾抵食，環境都唔錯。決定揀258蚊一位110分鐘任食嘅plan。用QR code點菜都幾方便，肉類種類都夠，淨係牛肉都五花八門，今餐主要係叫咗肥牛卷、雪花牛仔肉、西施牛肉。最好食係西施牛，燒出黎完整一片，意想不到係入口即溶，另外叫咗五花腩同埋豬頸肉，呢兩款菜係韓燒必點。多汁juicy，都翻點咗幾輪。菜bar入面都都有必要嘅生菜同埋泡菜，包住啲肉類黎食先係傳統嘅韓式燒肉。菜bar都有燒烤菇、青椒、金菇牛油粟米呢啲絕佳配搭。另外有叫其他嘅海鮮類，有扇貝、帶子同埋生蠔，貝殼類食物夾埋芝士一齊燒真係無敵。韓式燒肉店除咗燒烤類食品，仲有主食類，我地叫咗一個水冷面同埋一份辛辣面。另外配菜類都有好多選擇，有中式湯水/糖水。甜品都有幾款特色野，木糠布甸、法式迷你忌廉tart等。雪糕就有dreyer低卡雪條，食完燒肉整一條可以解膩。對於呢間韓燒店整理評價好好，店內仲要有近期最紅嘅香港明星，mirror嘅音樂。連送餐嘅機器人都係播mirror成員嘅歌，鏡粉絕對要黎呢間餐廳。

Running 燒既價錢$178起，食物質素正常，符合價錢預期。餐廳環境光猛，座位寬敞、整潔。自助區有各式各樣嘅飲品、冷盤（涼拌萵筍、青瓜、泰式芋絲等）、熱食（中式湯、腐竹雞蛋糖水、炸咖喱角、薯條等）、10幾款新鮮蔬菜、甜品、棉花糖、雪糕（Drumstick、Dryer’s 低卡雪條同雀巢雪糕）6款醬料中泰式辣醬最百搭👍🏻食客用QR code下單，有各種牛肉、豬肉、羊肉、海鮮類、炸物、飯麵當中推薦：雪花牛仔骨、西施牛肉片、大蝦、咖喱魷魚鬚、鯖魚、溫泉蛋香蔥紫菜飯炸物都幾唔錯:-炸雞（原味、柚子味、大中小辣），雞肉juicy，炸皮香脆👍🏻-炸餃子（韭菜、泡菜味）同炸魷魚鬚都唔錯海鮮類仲有帶子、扇貝、魷魚圈、龍利魚片、蒜蓉芝士生蠔、藍青口，味道屬正常

夏天熱辣辣，突然很想韓燒，無得去韓國就唯有韓燒以慰🈚️得出遊之苦！今次選了Running燒，一個價錢吃到飽！環境寬敞，電視機還不等播放Mirror和Error的歌，係鏡粉同錯粉的衆會好地方！另外，餐廳是以手機QR code點餐方便又環保！選好款式後再簡數量，一件可選，就可以避免浪費和吃多幾樣！我係牛魔王，主攻牛肉，牛五花、西冷、牛舌、牛柳、牛柳粒和牛仔骨，全部都不會雪到死實實，本人特別推薦牛五花，快熟又香肉味，牛的脂肪燒容後特別香值得一讚的係價錢已包海鮮，有生豪或芝士豪、大蝦、帶子及咖喱尤魚，以燒肉放題外仲不用加錢有海鮮真得物超所值！另外佢仲有三大個飲品雪櫃和甜品雪糕雪條櫃，蔬菜款式也很多，除了肉色朋友，喜歡蔬菜的朋友也不愁沒有選擇！熟食選擇也不少，有韓國必吃炸雞，本人就十分喜歡佢地的炸雞juicy不會太乾，唔好以為食燒肉熟食就會馬夫，明顯佢哋的熟食都係用心做！下次想食肉就可以簡佢至於甜品今次我就放棄了雪糕雪條，選了他們自制的牛奶布甸，香濃幼滑，真係大滿足的一餐。

因為疫情，真係好耐冇食韓燒了， 剛好朋友生日， 一於請佢和自己食餐飽嘅， 剛好屋企附近 有一間， 平日午餐 放題 只可以食110分鐘， 因為疫情， 可以由十二點食到三點半， 食足三個半鐘， 可以同朋友慢慢食慢慢傾， 這裏嘅食物 好豐富， 有海鮮、生蠔 、 鮮蝦、帶子、 牛脷 、牛肉、豬肉、雞肉、羊肉………… 還有很多 炸魷魚、 炸蝦、 炸雞翼之類嘅食物， 還有很多甜品 、飲品、 熟食 連雪糕雪條都有 ，總之多到講都講唔曬 ， 食之不盡， 我們幾乎每樣食一兩件已經飽曬了， 食物很新鮮，有質素，真不錯， 值得一讚的是哪位在門口招呼我們入內的男店員，十分殷勤，有禮貌， 又不斷地招呼我們， 我和我的朋友都， 感到他的服務態度好親切，好滿意。 這餐我們都感到好滿足， 我朋友都很滿意這次生日的慶祝。

每年都會食一次放題,平靚正!呢間係咁播MIRROR既野,好貼近潮流。自取食物有唔同既SECTIONS,有飲品、有沙律、湯、糖果,應有盡有。其他主食可以用手機下單。海鮮、豬牛雞羊都有。我點左D青口、蝦、牛,好味。熟食既選擇都唔少,有炸餃子,我食左兩隻,大大隻又好脆。我就自製左粟米加金姑、牛油,好有BBQ既感覺。人大左,都仲好中意BBQ,但中意係乾淨環境下食。食完大餐仲有甜品,有DREYERS既雪條,我都係第一次食JAR,卡路量唔高,我食左兩條。好味!

今日收工去開將軍澳唔知食乜好行過見到有間韓燒好似幾吸引就去試下係門口已經見到自助餐好多野拎有熱盤、幾款湯、沙律、前菜、醬料、仲有甜品同雪糕當然唔少得飲品啦但原來佢都係用手機落單肉類同海鮮都係手機落單仲有架機械人送過黎個盆幾好，分開晒，唔洗驚唔同既肉溝埋，同埋d醬汁都分番開肉整體黎講都唔錯，唔會有奄料味太重，或者雪味當中五花腩、牛五花、牛舌最正仲有個勁辣雞腎超惹味而且佢有成6款醬比你點、我就最鐘意大醬同仲有酸酸地既燒肉汁都唔錯不過試完都係食番原汁原味，包菜食一流海鮮方面有蠔任食，仲有一隻係蒜蓉芝士味 超正仲有curry魷魚 大大條燒完勁正青魚都唔錯 仲有蝦、帶子，元貝呢個價錢其實都算抵最後食完咁多熱氣野，緊係要食番條雪條畫上完滿既句號啦服務都唔錯，門口個哥仔講解得好詳細，聽到我地研究緊個個係咩肉仲走過黎話比我地知抵讚 而且收碟都收得好快，因為叫左好多野

出開將軍澳，朋友帶左我去一間好近地鐵站既韓燒試新野～110分鐘放題價錢唔算貴，早鳥或者夜d既時間仲抵玩添！自助區有各款唔同既醬汁，熟食，冷盤，同埋蔬菜，丸類可以自取。特別推介涼拌雲耳～～～酸辣又有花椒油香，幾開胃～肉類同海鮮類選擇都幾多，雞，牛，豬，羊，樣樣齊，仲有蠔可以燒黎食下添～～～我地樣樣都叫左啲黎試，有幾款我都幾鐘意，包括羊脾肉同厚切豬腩肉，又邪惡又香呀～另外我最最最推介既係牛五花肉同牛脷，特別係牛五花既肉質好軟嫩，帶油香，又夠肉味。另外西施牛肉片既肉質都幾好～