Running 燒 (Closed)

同事就來離開香港，今晚一於同佢燒一燒🤗呢間任飲任食真係啱晒我地2個男人本人最愛燒雞翼，所以一坐低即刻叫來燒，豬頸肉同牛都好味雞翼真係燒到好靚叫左d海鮮，不是生蠔燒好後縮到好細粒，扇貝好食好香有一款蠔有芝士，如果d肉再大d就好。牛五花我今晚食得最多，因為燒嘅時間好快就熟，食落去好香炸雞好味，番叫左幾次，餃子都唔錯岀面都有自助食物，有熟食，蔬菜類，沙律，甜品類，同野飲，好足夠最後食咪甜品，心滿意足走人

收工後，朋友約食飯，去到將軍澳先知佢book左食韓燒，諗諗下都有成2年冇食過韓燒由於朋友預先book左，所以我地直接入座，安排座位好大，坐得好舒服，燒個時唔會覺得好焗即刻叫野食，平時減肥咁辛苦，今晚放縱下先牛五花好好食，食完後再叫左幾次扇貝都好好味，我自己鍾意落多d蒜蓉炸雞同炸餃子熱辣辣，估唔到炸雞咁高水準甜品同雪糕都有好幾種選擇，呢個雪條平時其他放題好少有，幾好食！另外我個人覺得，呢個吉士包必食！

今次食嘅係一間黃店韓式燒肉店💛💛餐廳主打係平民燒肉風格 咁呢個就係餐廳嘅自助區啦 其實都有好多唔同種類嘅嘢食🤤有熱葷 甜品 蔬菜區 同埋唔同種類嘅雪糕雪條 食物嘅種類都算頗多 可以比客人自行選擇🤣餐牌嘅選擇都幾多有豬牛羊雞海鮮同埋熟食類 每一項都有10幾款選擇🤤咁我今次就試咗佢牛肉雞肉同埋其他海鮮🦞牛肉肉味都幾濃 加咗燒肉汁之後整體來講都唔會好鹹🤤雞肉嘅肉質嫩滑 海鮮方面就正正常常不過不失咁我最後就食咗dreyers嘅雪條做甜品 佢呢隻乳酪雪條係做得幾好食 又唔會太甜又低卡路里😂啱晒啲減肥人士又想偷食下😂賣單$300內係正常價錢 不過我想讚美下店員服務態度幾好 會提醒你last order嘅時間👍🏻又有禮貌整體上呢間燒肉係幾好食嘅🤣

呢度好多品同韓燒食物，任飲任食，上openrice睇過好多好評一於試下😃餐廳環境開揚又闊落，坐得好舒服，每張枱都有枝好大的煙囪吸走油煙，有韓式街頭風的味道，食客唔使膽心油煙問題。肉類方面，最愛係西冷，好香，肉汁正，口感最有肉味，帶小小油脂， 入口即溶。另外仲有薄切牛舌，牛柳粒，牛肋骨，雪花牛仔肉，油花好靚嘅五花腩海鮮方面，有多春魚，芝士生蠔，帶子，扇貝，帆立貝，海蝦，魚柳，最鐘意食就係芝士蒜蓉生蠔，夠曬新鮮鮮甜熟食小食方面，選擇好多，有炸餃子，豬耳，炸雞，加魷魚鬚，炒粉絲炒年糕等等，我最鍾意食水冷麵，配住熱辣辣嘅燒肉食，好解膩又降溫甜品方面，餐廳有韓式雪糕雪條無論熟食、海鮮、烤肉都好好味又新鮮，肉類款式零舍多，又提供唔同醬料，qr code落單好方便，整頓晚餐平靚正👍十分推介Running 燒 (將軍澳)將軍澳唐賢街9號Popcorn商場2樓PopFood 4號舖#hkfoodie #hkfoodblogger #foodporn #followforfollow #hkfood #hongkongfoodie #hkfoodlover #hkig #香港美食 #hkgirl #igf

好耐冇食過韓燒喇，今日第一次黎pop food，個位都幾僻下，估唔到入場都有8 9成滿。坐低職員俾左個2D code 我地，原來係用電話落單嘅，都幾方便客人。除咗落單之外，岀面都有啲熟食俾人自取，冷盤熱盤都有，例如咖哩魚蛋，豬手，春卷，泡芙，木糠布甸等等⋯⋯我淨係試左吉士泡芙，細細件方便想食少少嘅人，係幾好食嘅至於作為主角嘅燒肉，都有好多種，豬牛羊，每種都有好多款，我就特別推介食雞腎，口感好爽脆，又細細件，仲有一款係腌左嘅，叫青陽辣雞腎，我鍾意食辣都覺得幾辣下。另外試左燒雞翼，都ok，雞翼本身剪開左方便客人燒，都好貼心。飲品都有幾個大雪櫃存放住，我飲左荔枝烏龍茶同伯爵茶，配合燒肉最好不過，清走油膩感👍

黎開將軍澳見到Running燒呢個店名咁生動有趣，於是就拉埋同行朋友黎試試。呢度裝修幾新淨，感覺乾淨企理，油煙味吾係好覺，同Friend邊燒邊吹水就岩哂。燒野食最推介香草羊西冷，醃製入味而且一塊塊甘，好容易就到自己分量唔會浪費野食，做大嘥鬼。雪糕款式同甜品款式超多，設有兩個area.適合帶小朋友來。另外熟食，我最鐘意係炸魷魚同炸雞，炸雞超級好味，設有三個辣度，細，中，地獄辣，實在太辣拉地獄啦，挑戰辣度的朋友可以試下！！！差d吾記得仲有蔬菜區域同熟食區域，款式超多，而且洗得夠乾淨，我就show圖比你地參考拉🌝胡椒雞湯超級正，不會過咸，胡椒味明顯，絕對係我的養身之選 ，正！

好彩一早book 左位，我食6點原來都唔少人入座，可以食110分鐘。一坐低我地叫左好多款肉，有牛舌，牛五花，肥牛，牛仔肉等等，質素都唔錯，其中牛舌我encore 左幾次，切到好薄身，食落少少爽。試左個帶子都ok，本身有略略調味，唔洗加醬汁照食都夠味👍另一個驚喜係岀面自取嘅養生雞湯，飲落原來係胡椒雞湯黎嘅。胡椒好香，唔算太辣，我加左3次湯🤣甜品類有例牌嘅雪糕🍦雪條之類，雪條仲有dreyers 嘅yogurt 雪條添！成餐都幾滿意，食到好飽飽❤️

今日同朋友試下哩間人氣放題烤肉，7點去到已經差吾多全場爆滿！入到去見到有部機幫手送野食，一路播mirror既歌，都幾得意佢食物選擇有好多，有餐前小菜有冇泡菜、青瓜、春卷，唔錯。湯有老火湯同雞湯，不過就冇試。主食我地叫左水冷面同埋年糕湯，佢份量比較細，唔驚食唔落其他嘢。水冷面好出色，酸酸地，可以解番食完咁多肉既膩感，好開胃！肉類方面，我最鐘意佢既烤牛肉，好薄好有牛味，仲有好多蔬菜可以自己拎：粟米芯、腸仔、生菜、番薯、青椒等等應有盡有海鮮有生蠔、蝦、青口、帶子、扇貝等等！都幾新鮮，同埋上碟好快，有效率！員正服務態度吾錯又坐得舒服闊落！仲有最特別既係甜品！有牛奶布丁、涼粉、腐足蛋白糖水、Tiramisu、tart仔等等最正係有乳酪雪糕🍦真係食到抱住肚皮走

今日約左朋友食飯，近近地，去咗屋企附近嘅Popcorn，揀咗間韓燒放題，估唔到有驚喜！佢食物選擇有好多，有最基本嘅牛肉、羊肉、豬肉之外，估唔到海鮮類，帶子、蠔、青口、扇貝，都係任點任食㗎 ！通常其他放題都要加錢嘅～可以唔洗再加錢其實都好開心！我覺得佢個帶子都幾鮮甜，五花腩、牛肉粒都幾好味。甜品方便，我試咗Oreo奶凍同埋玫瑰花茶凍，味道還好，都係試吓咩味。但係雪糕同雪條就真係好吸引，佢唔係一般剩係得雀巢雪糕，係有dryers 嘅低脂乳酪雪條，勁快俾人拎晒，走嗰時都係得返三條咋！飲品就正正常常，都係平時放題飲嘅韓式汽水飲品，即係忌廉鮮奶嗰啲。走嗰時仲發現原來有涼粉～都幾多選擇。總體來講，呢個價錢真係幾抵，有試到唔同嘅嘢，質素都算中上～

首先我覺得啲嘢食一般般啦該有嘅嘢佢都有啦但係都叫做嚟得齊既啲肉類一般般 啲生蠔完全唔得開得麻麻哋 唔會主動幫人換網安排上都冇乜問題好準時入去甜品就少咗選擇 唔計雪糕得個三四樣選擇馬卡龍唔知點解好似餅乾咁所以我食過一次就算啦啲醬料好似唔係嗰種味爭咁啲同牛角 總之就唔係嗰種味道同埋我都好明白夠時間就要走人都唔使係咁吹我哋走㗎我仲食緊甜品㗎 😂同埋個機械人首歌可唔可以轉下同埋用機械人送嘢我覺得幾得意我食咗110分鐘係咁聽嗰首歌

接朋友收工係佢附近食燒肉放題，之前食過旺角分店幾好食所翻炒將軍澳分店，餐牌選擇同自助bar都好多野揀，有雞，豬，牛，蔬菜，海鮮，熟食類等，掃完落單好快有野食，首先想讚下佢啲肉類，燒肥牛配燒汁加蒜蓉非常好味，火力夠猛個肥牛一陣已經可以食得，豬頸肉好大塊，而且咬落唔煙韌，唔洗扯住食，本身已經醃左既蜜汁都好味，芝士腸廚師腸呢啲例排野更加一定要燒，個人超級中意佢個溫泉蛋紫菜拌飯，食燒肉咁heavy既野，食返個好香既紫菜拌飯中和返簡直一流，海鮮方面個帶子好juicy，可以配埋個人口味加啲牛油就更加香，鯖魚啖啖肉原件上，唔洗落調味料都好味，最得意係佢有軟糖任夾，真係第一次見好得意😂

痴到半個月內第二次食，冇計啦，呢區冇好高質素嘅韓燒，所以佢可以講係TKO獨市。如果唔係要出九龍了。呢度係QR Code落單，今次唔知點解牛大塊左，食到傻，意外發現小朋友都食紫菜飯。另烏冬唔錯。蝦幾好，預先幫你剪走哂，唔哂燒到濃，不過老實講，泊將軍澳中心行過離好遠。真係又愛又恨，下次唔通真係要MTR ?有Dreyers算唔錯，青提味唔太好食，食飯牛奶公司可能喺唔錯嘅選擇。真係要book先好去，walk in驚白行。

一向都喜歡燒烤嘅我，今日同朋友都想試下呢間韓式燒烤餐廳：running燒。 晚飯時段入座，人流未算多而且好快有位。 可以揀坐卡位，座位好寬敞。 自助燒時間今次有110分鐘，有自助食物區、另外可以手機點餐、叫燒烤食材。手機點嘢食可以叫豬、羊、牛同雞肉。另外叫咗蝦同元貝。 等緊食物時侯，到自助食物區拎咗開胃食物，由於都有啲肚餓，拎咗少少泡菜、炸薯角同埋沙律食。 另外，每次食韓燒都好鍾意飲雞湯，亦拎一碗飲。燒烤食物好快到，可以燒我最愛嘅五花腩食，薄薄一片五花腩好快燒香ready，加埋一片生菜同埋韓式辣醬、燒烤醬後，包住一齊黎食好正。 由於比較食量大，仲叫咗一個溫泉蛋撈紫菜飯、韓式辣麵食。 紫菜飯加五花腩薄燒唔錯。另外，見佢一啲熟食都不錯。 叫咗平時好少食嘅炸魷魚鬚同炸雞食。 食飽飽後到甜品時間，布丁、雪糕同埋蛋糕仔不能少。 除咗食物方面不錯之後，服務質素都不錯。 店員好有禮貌，上菜速度算快。下次可以再幫襯。

搵左成個將軍澳，發現原來韓燒店好少選擇，跟住見到呢間，本來見到食評好差又服務更差，唔知老闆已經係轉左人定係檢討過之後，我去到發現又唔係咁喎。首先我係透過open rice預約,去到鋪頭度仍然要拎K既票，拎嘅原因係你可以優先入座。喺好誇張，啲人早過你都可以優先入，而且仲好近食物區添。成件事已經加曬分。5點鐘一到，成層樓都係幫襯緊Running燒。期間都唔發覺有漏單嘅情況，搞笑有一位Senior既男待應勁好人。一路有聽到我同屋企人講既問題，佢即過嚟解答，已經兩次仲有見我喺度剝蝦殼，竟主動遞上濕紙巾俾我生蠔麻麻唔新鮮，打左兩轉都無再叫，反而帶子OK,拎過錫紙兜加牛油加粟米正到暈。仲有個魚都好味，讚。仲有肥牛都係必食，臨走先發現烏冬好滑好彈牙。意外地發現有一直唔喺樂天嘅橙汁好好飲。雪條建議行多幾次，被人話竟然有D字頭品牌。至於之前喺度講嘅亂收費，其實佢個系統都好清晰，唔包既野你一按，個費用已show 喺度.本來諗住渣車嚟，好彩冇咁做。原來唔喺泊pop corn, 要把將軍澳中心先有優惠，真係好好彩。現場仲有一個電子貓送餐，好得意。

今日來將軍澳做野，收工本來約左同朋友來食韓燒，book埋位，點知個fd臨時ot來唔到，無計唯有自己來食。套餐分有幾個時段。一入到餐廳已經有幾檯人食緊，但係無煙霧離漫嘅感覺，值得一讚，好怕好大煙好嗆。入座時店員好細心講解，110分鐘任食，用手機落單，份量係1項1件。另外呢個係半自助形式，出面有熟食、蔬菜、甜品、飲品。飲品方面好齊全，又有少有嘅有氣利賓納。果汁有果肉，稍微有點驚喜，另外有酒精類飲品可以用電話落單，但係要另外收費。而各款即食小食當中，咖喱魚蛋較為出色，好入味，咖喱汁唔會太稀。而生肉方面，各款肉都醃得入味，當中覺得厚切豬頸肉比較好食，燒起來唔會乾爭爭。來韓燒點可以唔叫炸雞同炸物呢，啲炸雞唔會炸得好燶，剛剛好，仲好脆。食到最後緊係要食埋甜品，有幾款甜品，雪條、西米露、蛋糕、泡芙⋯較為特別有低卡雪條，食多支都唔怕啦食完臨出門口仲見到原來有lunch set，下次經過可以來試下。