Running Korea (Closed)

worst Korean food I've ever had. Instant noodles for the 짜장면 (their menu mistakenly says 자잠민) and for the first time ever in my history of Korean eating, no kimchi or 반찬. No sauce on th chicken.stay away unless you're ok with really bad fake Korean food.

以前耐唔耐都會上黎美食廣場食飯但近年啲餐廳真係愈做愈差好似呢間韓國餐廳咁一入去帶位既侍應已經好粗魯枱同枱中間迫到行唔到入去坐重點其實係間鋪根本唔full枱面未抹乾淨，地下好多垃圾想話算啦，比呢個價錢又係屋村落單嘅時候侍應姐姐再一次不耐煩芝士飯卷好快黎到，算係最好味。我地仲嗌左個炒牛肉烏冬嘩!未見過咁多汁，食落好咸!烏冬仲太淋帶點酸個泡菜煎餅直頭唔知食緊乜好似食緊粉槳咁又咸又酸完全無泡茶味真係唔明白原本好地地既餐廳變成咁員工質素差，食物更差，無下次

畀呢個餐廳嘅名字吸引到， 一間好有韓式餐廳特色嘅名字。 我諗大家對韓國其中一樣最熟嘅應該係running Man。雖然畀呢間餐廳嘅名字吸引到， 外表光鮮之下， 食物味道卻麻麻， 泡菜嗰啲嘅味道得個鹹字， 好明顯未發酵夠時間。大失所望。

午市性價比高30-40蚊就有一個餐 包野飲但d野食水準一般 因為唔係正宗韓國風味 但還可以接受炸雞都幾抵食 就算凍左都脆 39 蚊有6舊雞包一個芝士麵（正宗不倒翁芝士麵）/辛辣麵食服務員都好有禮貌環境好好

今日是我們家工人姐姐生日所以叫了這店外賣送到家裡。期望應該會好吃但無一碗食物值得提最不知所謂的是芝士海鲜炒年糕！我將原隻蝦放入口一咬之後全吐出來蝦肉是「梅」的！年糕炒到一嚿嚿硬到筷子來弄不開！芝士紫菜飯卷一夾就散魚蛋湯全碗是油我吃了一件韓式燒牛仔骨肉質很硬之後無人肯吃牛仔上放了一堆泡菜其他東西無人肯試其他東西不說也罷！我老公和仔說早知這麼難吃不知叫KFC。我也相信KFC的炸雞也會好吃過那碗韓式炸雞

好多人話大埔有好多好嘢食，因為仲未被大財團壟斷晒，仍然有好多小店努力生存中。今次入大埔就是為了支持這些小店。經朋友介紹，得知大元街市上面個平台有好多好味小店，今次專程去搵好嘢食。一上到平台，就見到小店一間接一間圍繞住中間一個小公園。近期大吹「韓風」，就一於幫襯Running Korea。我哋兩個人，order 左個安東雞部隊鍋。個鍋好吸引，而且見8成食客都有 order。可能我哋期望過高，個鍋冇想像中咁好味。而且爐太大火，易燶，啲雞味道都可以，整體OK。

大埔近年愈黎愈多韓國餐廳不過好多都比較細 坐得又迫又難等位今次食既呢間Running Korea枱同枱中間既空間較大 坐得舒服!每次黎都會叫佢地個飯卷有好多唔同既口味可以揀款款都好大舊好足料再叫左一個安東雞部隊鍋大大個鍋有好多配料例如韓式魚蛋、年糕、芝士腸等我地兩個人都已經好夠食！不過雞既味道偏淡 要加辣醬先好味鐘意辣既朋友不仿試下嗌加辣湯底食起黎會比較惹味！以呢個價錢有咁既環境同食物算得上係一個超值之選

諗住同親戚試下新野, 叫左個個大醬湯試下, 但嚟到個味系同麵豉醬溝水冇分別,仲要好鹹...very disappointed!!!!!!!!😒😒😒😒😒😒😒😒其他野食都系一般😶😶

韓風大熱， 連屋邨街市嘅熟食中心都有店舖 專食韓國嘢 一入到去你未嗌嘢，侍應已經畀咗餐前小吃你，有菠菜同辣青瓜，辣辣地，ok。 枱面仲放咗樽清水同水杯， 自己斟水飲。 叫咗一個之前食過嘅傳統紫菜包飯拼韓式伴粉絲 ，一共有九件紫菜包飯 ，其中兩件係頭同尾 ，不過不失 ，韓式粉絲鹹鹹地。 另外叫咗一個韓式炸雞塊，揀咗蜂蜜芥末醬， 配芝士麵。 雞塊炸得香脆 ，配埋蜂蜜芥末醬幾夾，芝士麵可以硬少少 。餐飲叫咗罐裝忌廉溝鮮奶同石榴汁，made in korea 。今日整體嚟講都ok， 呢度識揀嘢食係個重點， 上次嚟叫咗泡菜豆腐湯跟飯同牛肋骨湯跟飯， 啲餸係少得出奇

夜晚路過呢間見門面裝修ok 又有幾台人 所以捻住去試下 呢個牛肋骨湯 無鹽無味 拒以為比碟味精調味就會好味d？ 會唔會hea左D吖😑😑😑 得少少牛肋骨 兩舊小小小紅蘿蔔同白蘿蔔 仲有少少粉絲 少到無嘢講牛肉石鍋飯 超少牛肉 其他材料都唔多 如果唔係加左辣醬 都係無鹽無味 仲試左牛肉紫菜卷 真係好普通 包到好實 但係味道好麻麻 而且D侍應好似唔想做咁 扮睇唔到有人舉手 入座連杯都無 有時連一個侍應都見唔到 呢間嘢真係唔會再試 難食 服務態度又麻麻😤

I came here for dinner and ordered 3 dishes, a noodle dish and 2 portions of fried rice. Apart from the dumpling soup lacking in a bit of flavour, the rest of the dishes tasted great. There was a homely atmosphere and it's located in a residential area. It's worth trying it out if you're on a budget, but still want some good food. I would recommend the beef fried rice, you won't be disappointed! You'll also get to experience a more local part of Taipo. Thumbs up!

石頭鍋飯有焦香，用料足，朋友大讚好味。飯採用珍珠米令口感十足。韓國拌飯醬汁惹味，用料新鮮，泡菜味道不會太辣。50元正可以食到正宗韓國菜，簡直超值。值得推介給你的。

看圖就知😑😑比門面裝修呃左。諗住人少少，價錢ok!點知⋯⋯可一不可再。傳統紫菜卷飯30蚊賣相-應該一個小學三年班同學可以做出既作品。大少不一，高矮有別！好不論不表⋯食落，應該自己做家底劣手作都會比佢好。味道，亞媽留左飯，你十世返到屋企食兩啖個種凍！無其他味。海鮮芝士年糕48蚊賣相-比7仔叮叮還要乾！無味道可言。所謂海鮮就有一隻青口、一隻蝦、五粒八爪魚腳😡。數量唔係問題！問題係48蚊，食一個衰過7仔或者亞媽新手整既質量！完全唔熱，年糕好似無煮（唔好講林）、成個餸，我相信係放左廚房好內，有人叫就加芝士叮幾廿秒上台！凍檸茶「送既」唔明點解散叫都會送，但最後就會明。杯檸茶甜到我篤到個三片檸檬散都係得個甜！無茶味當現唔會酸。十級多冰「圖為飲左一啖」😑。極速食完，我就知，如果哩餐我無杯甜野過一過口，真心好難格硬食落去。有杯野下一下火好好多。店員可能趕收工（晚上六點左右，唔知係咪唔做晚市）完全咩都唔想理，入門連杯水都無。算！可能環保。食野碗仔都唔配隻😒。連埋單都唔想旭。建議不如提早收工🙇🏻

無味既蛋邊芝士部隊鍋…泡菜都無塊，要問先有。雖然我知部隊鍋=腸仔午餐肉公仔面，但係真係自己煮個辛辣面都好味過佢…服務態度又差，hea到爆。出面懶有feel播韓文歌，但廚房勁大聲播 沉睡中的主角怎會怕寂寞……搞到好亂好嘈。總之一定唔會有下次。

午餐，其他餐廳沒位置就進來了裝修時尚，餐牌款式不少其他食客的食物樣子還好，就點了韓式粉絲蓋飯 怎知就真的只有粉絲和飯，和三小片冬菇連一點點肉和其他菜也沒有竟收$38絕對無下次