漢堡佬 (Moved) New Location

今日經過天水圍新北江商場地下，比我見到呢間毫不顯眼既漢堡佬，見到忍唔住買咗個試一試。漢堡佬是只可以外賣既餐廳。諗左好奈，都係試試招牌$42 三重芝士牛肉流心蛋漢堡同$38 椒鹽一口雞，諗唔到好有驚喜。漢堡嘅包有先烘過，芝士味好濃郁，手打牛肉好多汁，生菜同蕃茄好新鮮，漢堡一咬肉味香濃，醬汁份量岩岩好。另外，小食椒鹽一口雞嘅調味非常好，大大塊雞肉，非常多汁，加埋椒鹽粉，超正！估唔到呢間舖頭細細地，深藏不露，水準頗高。食完好想再encore！忍不住要寫個好評比佢，推薦一下！

一開始開張幾高質，各款食物都唔錯，但越嚟越差，最近一次叫完真係好後悔，未食過咁差嘅洋蔥圈，漢堡包嘅牛肉又散又咸，出餐時間好耐，真係差咗好多，應該唔會再有下次了😕

呢度啲員工態度差到一個點，係咁話我屋企人，其實你哋唔想畀人剩係買飲品，咁不如你哋將全部飲品下架吧！又話人唔好咁樣預約黎取，咁你哋又set可以預訂時間😡你估個個住係你間舖隔離咩，簡直荒謬我唔係行動唔方便，都唔洗叫家人幫忙黎攞，搞到家人要畀你哋咁既惡劣態度對待🤬🤬🤬本來諗住下次試食物，但咁既態度，絕不會再光顧做飲食行業，除了注重食品質素，最基本係店員既禮貌，無禮貌就算野食幾好味都無用，食落都背脊骨落。

幫襯咗漢堡佬好多次，都係第一次寫番食評俾佢哋。記得第一次係仲未需要分顏色嘅時光。食落真係啖啖肉汁，好juicy好正嘅漢堡。人大咗，由一定食有佢啲流心蛋，到咗而家要少食蛋嘅年歲。天水圍都可以出到一間咁正嘅漢堡店，邊個話大西北無嘢食？只有你搵唔到。今日經過買咗牛肉漢堡嚟食。我遲咗少少拎，店員都有問吓我做咩咁耐先拎。仲提我佢哋啲嘢飲未雪夠凍，因為佢地開12點呀。漢堡，都係趁熱食先好。薯條都唔錯嘅，不過可能佢地啱啱開鋪，啲薯條有少少炸唔起

得閒d繼續掃黃漢堡佬除左食漢堡🍔🍔🍔🍔🍔🍔小食都相當出色但人手不足要等耐d啦最好打等電話去落定order見到咁多人幫襯好安慰👫👭👫👭👫👫👭👭等既時候仲可以去其他黃店幫襯👍🏿👍🏿👍🏿👍🏿軟殼蟹配薯條🍟足足有2隻🦀 🦀大大隻好抵食👫share都唔會唔夠喉酥炸雞翼🐥🐥🐥🐥炸到好香脆😋 😋😋😋呢到既炸物一d都唔油膩如果食得辣既可以揀水牛城雞翼☺️

今日試呢間係小店，只做外賣，不設堂食。原本以為只係得漢堡包，倒不是啊，其實仲有一啲小食好似炸燒賣，薯條，意大利粉等等。今日就試左：三重芝士牛肉流心蛋漢堡🍔炸燒賣細薯條🍟🍔漢堡包都幾大個，材料足，三重芝士味濃🧀，牛肉比較煙靭，有𡁻口。炸燒賣配以椒鹽，炸得好香口，很喜歡椒鹽味，非常好吃，加上燒賣沒有菇類及馬蹄，係我哋喜歡的那種麵粉頭燒賣，正😋👍🏻🍟薯條是比較闊身的那款，有別於連鎖集團式的，炸得好脆、好香口。

一踏進天水圍，感覺就像大鄉里出城。輕鐵的速度跟人類的步距差不多，但歸根究底，這個也是香港的特色之一。餐廳位置餐廳位於新北江商場，第一次來，感覺這個是新界版的旺中，也很容易找。食物方面點了1）牛肉漢堡(無流心蛋)$30+細裝薯條$10；2）溶岩芝士肉醬熱狗 $32。點了牛肉漢堡(無流心蛋)，從外觀上來看，牛肉是厚切的，會是啖啖肉的感覺。牛肉是以免治牛肉為原材料，經人手剁碎並塑造成牛扒的形狀，一咬下去，肉便立刻散掉，略嫌口感不足，但感受到人手背後的心思。薯條並不給予評論，因為並不是在熱辣辣的時間吃，但十元就可以有一罐可樂和薯條也是值得添加的。至於那個溶岩芝士肉醬熱狗，芝士迷是不容錯過的。每一口也可以吃到芝士的。熱狗是烤過的，咬下去是卜卜脆的。但那個肉醬就跟整個包格格不入，時間一過，淋patpat的肉醬會嚴重污辱了包，令整個包失色了不少。整體來說，我會說這個體驗很好，或許日後去天水圍的時候會再來這個新界版的旺中逛一逛。

今天與朋友打算去親親大自然去濕地公園走走，出發前先醫肚，在Openrice找到這間漢堡熱狗店就搭輕鐵來試試。樂湖站落車就找到嘉湖新北江商場，我與朋友也沒來過這裡，幸好店舖在地下中間位置，很快就找到了～ 想與朋友share吃，但落單時忘記叫店員幫忙切一半，取餐時本想取一把刀自己切，但沒有刀提供，店員就主動幫我們叫廚房切，很貼心呢❤ 食物方面：這裡的食物即叫即整，落單後約10分鐘可取～ 1.牛肉漢堡（無流心蛋）套餐（配紫菜味粉薯條＋可樂）$40 (評分：8／10）一打開牛肉漢堡，見到超厚的牛肉漢堡，約有1吋多厚，口感軟綿綿，吃得出是手打牛肉，不過我覺得漢堡質感有點散和煎得不夠香，但整體味道幾好味，份量上覺得好抵食～ 薯條紫菜味粉不太多，不是太多紫菜味，加上可能外賣吃，有d焗淋左少少。建議要盡快食用。 2. 溶岩芝士肉醬熱狗 $32。(評分：7／10）熱狗包烘得很香脆，很多芝士醬汁，熱狗腸咬下去有點淋，但不夠肉醬，味道幾好～

突然好想食漢堡包， 所以我用咗UBER EAT叫咗漢堡佬嘅外賣。今日我叫咗一個鐵板雞軟骨同流心蛋牛肉漢堡。兩樣食品嘅味道係差天共地，所以我都唔知話漢堡佬係好食定係好難食。三重芝士流心蛋牛肉漢堡首先要讚一讚呢， 個流心蛋牛肉漢堡係幾好食嘅。佢出色在塊包皮，口感外脆內軟，而且包上面啲芝麻好脆同好香。加埋佢中法間嘅牛肉同配料，成個包嘅整體感覺係好得嘅。不過我上網睇人話係手打牛肉，牛肉都多汁同軟嘅，但就冇咩牛味。入面嘅蕃茄、青瓜、洋蔥都幾好食，又唔算好重醬汁味。係好評嘅鐵板炒雞軟骨呢一個真係食到懷疑人生，如果食晒一定會生腎石。佢咸到苦㗎，我懷疑係落咗無限次言都唔記得，人生未食過一兜咁鹹嘅嘢。入面有少少椰菜同紫洋蔥🧅，都係喊到懷疑人生。我攞嚟配自己帶嘅私家飯，都食唔落啲雞軟骨。最後為咗我嘅健康着想，係成兜放棄咗。佢份量唔算少，但真係食多粒都邁進生命嘅盡頭近一步。所以我覺得漢堡佬嘅漢堡包係可以食，但今日第一次挑戰佢嘅小食雞軟骨係嚴重地失敗，你俾機會我食咗人生最鹹嘅一個餸。食風乾火腿都冇佢咁鹹。

网上见到D评论好似几ok, 经过就试下啦，但真係冇下次，真系唔好食...我叫左个三重芝士牛肉流心蛋漢堡40蚊，加10蚊配薯条可樂。首先讲个漢堡，塊面包冇茶牛油煎过，一D都唔香，再黎塊漢堡扒，係好大塊呀，不过成舊都係粉呢，我情愿你俾细塊D，唔好焗我食咁大舊粉呀大佬，个味道係完全冇漢堡扒嘅香味，一路食一路好失望，感觉浪费左我嘅胃容量薯条就普通正常，屬於淡口果类，喜欢重味嘅朋友应该唔岩啦！最後想提下，冇送一兩纸巾清洁，食之前拎定纸巾先好

今次試食第二間漢堡店，配合不可堂食，選擇外賣漢堡是一個好選擇。提一提大家，今次食評是兩次光顧合成的。第一次試食是黑松露牛肉漢堡加細薯角（香蒜粉），完全冇黑松露味，薯角因為外賣而焗淋，見意有氣炸鍋的朋友可以先氣炸後再食會好好多。所以第一次感覺一般。不過因為手打牛肉漢堡，所以漢堡是十分好食而且十分厚身。第二次光顧選了軟殼蟹牛肉芝士漢堡，豐富的口感和味道，而且出奇地夾，份量十足，食唔停口熔岩芝士肉醬熱狗，一樣份量十足，豐富的口感，但可惜主菜的熱狗腸唔夠腸味（雖然脆皮），扣了唔少分。兩次光顧後，總評分算中上，不過有唔少地方要改善。而加分位有:薯角可以揀不同口味的味粉(原味/芝士粉/紫菜粉/香蒜粉/椒鹽粉/香辣粉/蜂蜜芥未籽醬/芝士肉醬/黑松露沙律醬)，whatsapp落單,用料十足同新鮮等。現時疫情嚴峻，而且沒有晚市堂食，這類外賣店是唔錯的選擇。

話說每次經新北江，見到佢地嘅原隻燒春雞都想試。但由於即叫即製嘅關係，落單後要等25分鐘，建議可以先打電話落單，等差唔多夠鐘先去拎。餐牌上寫700-800g，但重量同實物比想像中細隻，目測約600g。估計為加快製作時間，春雞先經油炸再烤焗，好處係可以逼出雞油，雞皮薄而酥香；壞處係過燶，口感偏乾身，無油汁，唔會有一咬落去好肥美嘅感覺，特別係雞全翼位置chur乾哂。以香草同鹽簡單醃製，連近骨頭位置都入味，肉質結實，口味略重，空口食會過鹹，配soft drink就啱啱好。

喺中電網站用積分換左個網上外賣平台 新客戶– 輸入指定優惠碼訂購滿港幣$160即減港幣$80的優惠券之前幫襯漢堡佬食過漢堡，今次就試吓其他嘢買咗四樣嘢折實後全部夾埋$81.6三重芝士牛肉流心蛋漢堡、素菜芝士雞蛋吐司、、酥炸軟殼蟹（兩隻）配薯條及水牛城雞翼（五隻）我預訂咗6:45取貨，我6:30就到達，食物已經準備包裝好晒，立即攞回家進食一打開袋就心知不妙，所有食物嘅包裝都已經滿晒倒汗水，食物都已經沒有溫度，連微暖都沒有，好明顯佢已經煮好左好耐。三重芝士牛肉流心蛋漢堡：正正常常素菜芝士雞蛋吐司：蔬菜新鮮爽脆嘅，但係麵包已經又淋又硬又乾囉酥炸軟殼蟹（兩隻）配薯條：真心失望軟殼蟹係又凍又淋又硬又乾，薯條又凍又乾又硬，食咗兩條全部掉咗水牛城雞翼（五隻）：有五隻過晒氣嘅雞翼，又係炸完好耐，另外淋上紅色有黑胡椒有蕃茄汁辣辣地嘅醬唔難食嘅，唔識欣賞姐除咗漢堡之外，其他嘢都唔得囉

這間漢堡必需推， $50-60價錢食到個同呢隻食住雪糕奸夫差吾多高嘅漢堡（大約一個半拳頭）， cp 值超高！.芝士大菇牛肉漢堡（$62)超足料，好多層，漢堡包皮塗上牛油，鬆軟香口。手打牛肉漢堡扒厚身，嫩滑多汁，食落啖啖肉。大啡菇juicy好濃菇味，配埋邪惡芝士同解膩嘅蕃茄生菜，成個組合一級棒！

之前小編有介紹過元朗同屯門嘅美食😳，今次點都輪到天水圍喇🤨。而係天水圍最為人熟識就一定要新北江，新北江由入口到出口，地下至1樓周圍都係餐廳🍽，而今次小編就想食得特別啲，又唔想食飯🍚。小編周圍行下行下就去到地下搵到一間係食漢堡🍔，價錢都唔貴😲，仲要有自家製漢堡扒😊，相當吸引。而小編今日已經預留咗個肚食好嘢🤤，而且小店當然要幫襯下💰。✦✦✦✦✦✦✦✦✦✦✦✦✦✦🎈牛肉流心蛋漢堡 $34牛肉漢堡扒厚身而且味道濃郁，牛肉味未食已經聞得到，煎得又香又入味🥩，而且唔乾仲好juicy💦。除咗牛肉、蛋之外，仲有沙津醬、菜、蕃茄、青瓜同洋蔥，每一啖咬入口都好豐富，口感層次滿足✨，每一層都好高，用足料👍，小編都要擘大個口先食得哂呀👄。不過唯一少少失望可能就係個名所講嘅流心蛋🍳，因為小編食唔到流心嗰個效果喇🥚。✦✦✦✦✦✦✦✦✦✦✦✦✦✦餐廳用嘅外賣係用紙唔係用袋裝住🥡，呢個係加分位嚟👏，因為小編個人比較喜歡紙袋質感同夠時尚🤭，讚。另外，餐廳仲用貼紙痴實開口位🏷，上面仲有個電話號碼📱，店主仲好有心咁同小編講可以提前係電話Whatsapp到預早落單📜，咁樣就可以省返好多等候時間🕐。✦✦✦✦✦✦✦✦✦✦✦✦✦✦