漢堡佬 (Moved) New Location

今日放工好想食漢堡，上咗飲食平台睇吓邊間好食啦，到左見到店舖細細間咁，但原來有好多款漢堡可以選擇，仲多過一啲連鎖店！再睇睇下小店嘅食評介紹，見到個好邪惡嘅漢堡，有齊我鍾意食嘅嘢。就是三重芝士牛肉流心蛋漢堡啦，再另外點左個薯條。返到屋企打開一睇，賣相好豐富，馬上試吓先。漢堡塊包烘過脆脆地，陣陣牛油香，牛肉外層經過煎之後變得惹味香口，食落多汁，配上極香濃郁既三款芝士，散發淡淡奶香。加上新鮮生菜蕃茄，同流心蛋，食落一D都唔會膩！薯條食落好香薯仔味，炸得剛剛好。

小店美食林立，要喺呢度突圍而出，都唔係一件易事，今次食呢間小店專做漢堡包，而且做出更是高水準的漢堡包，搞到每次過黎都心郁郁會去食呢間漢堡！平時一直食開牛肉同雞漢堡，今次見到出咗新款漢堡，梗係試吓佢先。晚餐就決定點黃金軟殼蟹漢堡再加個小食麥樂雞。軟殼蟹漢堡好有驚喜，軟殼蟹成隻大閘蟹咁大隻，咬落好鬆脆，蟹味濃郁，軟殼蟹有好多蟹黃！加埋麵包，生菜同蕃茄同醬汁，味道好豐富有層次，太好食啦！就連小食麥樂雞都炸得金黃酥脆，內在鮮嫩多汁！點埋蕃茄醬無得輸！

聽同事講新北江有一間漢堡小店好好食，早午晚都有好人排隊，當然要去試吓。未到餐廳都已經聞到好香burger味，一到果然真係好多人，原來呢間店只做外賣，好彩唔洗等太奈。個菠蘿脆蝦漢堡一正好，馬上跑番公司，打開個瞬間驚訝左，個漢堡比起我個拳頭更加大！完全冇可能一啖食曬所有料，要分開兩啖去食先得。漢堡既面包烘到好香脆，做到外脆內軟，成個漢堡包餡料豐富，有大大塊菠蘿，好厚身既炸蝦，新鮮既生菜同蕃茄，再加上自製醬汁！入口個下超級滿足！酥脆既炸蝦加酸酸甜甜既菠蘿，真係好好食！

一向都好鍾意去新北江搵嘢食，今日見到我平時有食開嘅漢堡佬出咗新菜式黃金軟殼蟹漢堡，當然要試吓啦。呢間既軟殼蟹係即叫即炸，軟殼蟹是原隻又大隻，咬落好香好脆，完全唔厚粉，食到一半嘅時候，先發現軟殼蟹有蟹黃，蟹膏味非常濃郁，加上烘過嘅麵包，生菜同蕃茄同自製醬汁，成個配搭好多汁好好食👍 真係比起其他餐廳，呢間嘅價錢更加親民，食物有驚喜又有誠意，真係平民嘅美食天堂。個人真心希望餐廳可以單賣炸軟殼蟹，我一個人可以食三隻😂 大家經過都可以試試，佢地其實有好多選擇，牛肉漢堡都好好食架！

今日去天水圍朋友屋企玩，實在太肚餓，打算買個外賣去佢屋企食❤️❤️於是我揀左有好多好評，食物相都睇落唔錯既呢間漢堡包店，其中一個關於軟殻蟹漢堡既好評好吸引我，於是我揀左 $58黃金軟殻蟹漢堡，見好評寫到超級好食咁，等我試下係咪真先。一拎到個漢堡，聞落已經好香，忍唔住打開個包睇一睇下個軟殼蟹，比想像中大隻。食落好香口鬆脆，炸得啱啱好，食到蟹中心嘅位置，居然有蟹膏，蟹黃味好重。好食到我忍唔住再睇一睇個價錢，居然真係$58😂 好平！果然要知道呢間餐廳嘅嘢食好唔好食，最緊要睇食評！

平時係新北江食嚟食去都係嗰幾間，有啲厭。上網睇睇啲foodie介紹D咩餐廳先，見到有間主打漢堡嘅餐廳叫漢堡佬，感覺都幾特別，食評都唔錯。特別係菠蘿脆蝦漢堡令我特別好奇佢嘅味道，就點左一個試吓。另外都點左煎西班牙黑毛豬扒同薯格。菠蘿脆蝦漢堡食落好香蝦肉味，炸得好香脆多汁，菠蘿非常香甜帶點酸酸嘅果汁味。感覺特別得黎又好夾。豬扒好大塊，亦非常厚身，醃料嘅咸道非常適中。薯格好香薯仔味，食落非常香口酥脆。總括而言， 如果滿分是10分嘅話，漢堡想比9分。豬扒比9.5分。薯格8分👍

今日嚟到天水圍交收，難得山長水遠入到嚟，梗係睇吓有咩好食，到左兩點左右，開始肚餓，在嘉湖新北江商場，行行下聞到好香既漢堡包味，就決定呢間啦！餐廳好細間，但野食有好多選擇，我係意粉同漢堡之中，諗左好奈。最後決定點餐廳主打既漢堡。$52 菠蘿脆蝦漢堡，落左單唔洗十分鐘，漢堡已經正好，比照片上實物更加大，我一口咬唔曬😂 脆蝦好厚身，滿滿既蝦肉，蝦味好多汁，食落好飽滿彈牙。菠蘿煎過好甜，又酸酸地，蝦連埋菠蘿食，出乎意料地夾，超好食！果然點餐廳既拿手菜式是正確既選擇！

今日好想食漢堡，除左只有食麥當勞既漢堡餐，仲可以有點咩選擇呢。突然諗起上次經過新北江商場，見到有間專門賣漢堡既餐廳，仲抵食過麥當勞，當然馬上去買一個番屋企先試下先。毫不猶豫叫左個$42 三重芝士牛肉流心蛋漢堡。一打發現漢堡包好大個，真係好抵食。留意到佢地既漢堡包有預先烘過，麵包好香好鬆軟，牛肉好厚身，肉質好嫩，一咬牛肉嘅肉汁加上流心蛋嘅蛋液，半溶既芝士同生菜蕃茄既配搭，啖啖都好滿足！ 好好食，仲大過我拳頭嘅漢堡都只係$42 ，完全簡直係平民價錢，高質嘅美食享受。

難得經過新北江商場，當然要食我心心念念嘅漢堡佬啦，估唔到一段時間冇黎，佢哋嘅菜式種類又增加左唔少。今次點左新菜式西班牙黑毛豬扒，同我的最愛黑松露大蝦意粉，再加椒鹽一口雞。呢間餐廳一如既往地份量好足，意粉未食已經聞到好香嘅黑松露香氣，大蝦都有六七隻，意粉水準依然保持，非常好食。雞塊大大嚿，多汁香嫩。而第一次食既煎豬扒肥瘦均勻，咬落軟嫩多汁，帶有小小咸香，好食！見我食得咁滿足，屋企人都忍唔住要偷食幾啖豬扒。仲追問我到底喺邊度買，聽到我講豬扒先$40，佢哋超驚訝！太抵食！

午市的時候，通常就是跟同事覓食的好時機！今次趁着人多，就可以多點幾款小食。我哋一人要咗一個主食，黑松露大蝦意粉同雞肉蘑菇意大利飯，再點埋豬扒，麥樂雞同薯條。拎住兩大袋野食返公司，其他同事都嚇親😂 一坐底，同事已經急不及待試黑松露大蝦意粉，因為黑松露味香到連袋都擋唔住，一食，同事不停讚，話黑松露好濃郁，真係超好食，然後狂食，但明明係我個餐😅 我唯有食佢點既雞肉蘑菇意大利飯啦，雞肉好嫩，意大利飯中心仲有少少硬，好正宗！豬扒都醃得好好，又肥瘦均勻，食落多汁！

一直都好鍾意漢堡佬既芝士牛肉漢堡，雖然鋪頭細細間加上只做外賣，但佢哋漢堡嘅非常有水準同誠意。今日諗住再去食過，先發現原來除咗漢堡，佢哋都有意粉提供。所以就決定今晚晚餐食佢哋嘅黑松露大蝦意粉。意粉份量十足，連大蝦都有好多隻，睇賣相都已經非常豐富。馬上試下先，好有驚喜，大蝦煮得啱啱好，完全唔會乾，更加唔似出面急凍過嘅蝦，有種雪藏味。黑松露味都非常突出，加上白汁，成個意粉味道變得好有層次。咁大份又咁好食都只係$58，我忍不住諗餐廳咁樣，會唔會蝕錢😂

唔知點解今日好想食漢堡，特意去到新北江商場漢堡佬去買。雖然漢堡佬細細間，不過菜式都有多嘅選擇，有漢堡，意粉同小食。我平時都係食開雙層芝士牛肉漢堡，今日就打算試下新野，叫左個$38 元祖脆雞漢堡。雞真係好大塊兼且好厚身，咬落非常多汁，加上麵包有烘過，配埋新鮮蕃茄同生菜同自製醬汁，脆雞漢堡真係好好食，呢間漢堡水準真係好高。佢地嘅漢堡，我覺得完全可以媲美出面西餐廳嘅水準，仲要價錢平咁多添！令我都好好奇佢哋嘅意粉同小食嘅水準如何，如果下次經過，要試埋先。

成日行過新北江商場，今日先發現原本呢度有間漢堡包專門店，仲要有好多選擇，於是買個試下先。以前都只食開牛肉漢堡，見到呢間野居然有菠蘿脆蝦漢堡咁特別，價錢都是$52，好合理。食左發現，餐廳做菜好有誠意，居然連菠蘿都有先煎過，食落酸酸甜甜。炸蝦塊比想像中大塊，炸粉都唔會太厚，蝦味濃郁，一咬成個漢堡，菠蘿嘅酸甜味加上脆蝦嘅蝦味同醬汁嘅點綴，非常好食。另外$38 小食椒鹽一口雞都很有驚喜，雞很大塊，雞塊好多汁，椒鹽嘅調味都非常適中，份量都十足！咁樣呢一餐都只係$90，出乎意料！

三重芝士牛肉流心蛋漢堡（$42）漢堡包好大個漢堡扒非常厚身大舊 調味比較重唔知係咪粉類落多左少少 食落略嫌糊口易散同埋牛肉咬落有啲筋蛋熟左少少 唔算好流心另外有少許蕃茄生菜做配料粗薯條（大）連飲品 （跟餐+$22）新鮮炸起熱辣辣 食落外軟內軟唔係落左好多鹽 食落比起平時淡味少少 但我幾鐘意加多2蚊要左個蜂蜜芥末籽醬用黎點薯條幾好食—————————————-整體黎講漢堡既質素唔算非常好食但作為街坊 漢堡癮起想過下口癮佢哩個質素同埋份量比起連續快餐店實在好太多加錢要埋個餐都係六十幾蚊哩個價真係超值話哂好多時六十幾蚊係連個漢堡包都買唔到

雖然成日都去新北江商場行街買野，但都係第一次留意到呢間漢堡佬，我從來都未試過。今次就試吓佢先，漢堡佬菜單都有好多選擇，原來除左漢堡，仲有意粉同小食，糾結咗好耐。最後決定左點$55 雙層牛肉芝士漢堡加$22 薯格，漢堡非常大個，成個拳頭咁，牛肉都很厚身，一下落去滿滿既肉汁，加埋濃郁咁芝士，新鮮生菜同蕃茄同醬汁，非常之好食。薯格方面都炸得啱啱好，非常香口鬆脆，好有薯仔味。點埋番茄醬，絕配！ 漢堡加埋薯格都係港幣$77 ，價錢非常之親民。整體既性價比很高！好值得再次光顧！