漢堡佬 (Moved) New Location

天水圍少有既良心店想食burger可以試下佢架朋友推薦我食佢既burger comment: better than McDonald 咁我都特登去試下佢可以wtsapp 落order的因為即叫即做 所以係熱辣辣出爐我叫左好多野食 勁平 兩個人份量 都只係$144吉豬流心蛋飯 轉餐 加薯條 仲有唔同既味粉揀但細佬話個飯麻麻地 所以我都係唔推薦了咁人地個名係漢堡佬 漢堡應該係重點仲叫左牛肉薯餅 + 五隻炸雞翼啖啖肉流心蛋漢堡 避開曬我唔食既配料佢有煙肉 流心蛋 芝士片 仲有拉絲芝士小朋友最愛個手打漢堡 外邊好香脆 咬落去又好多肉汁 超正 勁有良心呀 配料多到爆個牛肉仲要好厚身 好足料$40咋 再比$10加個餐有埋薯條同野飲佢咁有誠意 即叫即製 食材又新鮮只係貴過啲連鎖店少少咋 返緊工既實比得起啦BTW 我見到學生係有優惠的 

今日叫咗個外賣漢堡扒食到洋蔥味同胡椒粉味之外就係鹹味而呢一種鹹味已經唔可以用言語去表達我嘗試說服自己可能係得塊係咁結果用盡方法都係咸用你做既食物黎對比海水咸一d都唔過份

第n次食 呢個商場好多食店 平過佢有大把 但呢間漢堡質素幾高 有時耐唔耐都想過下口癮漢堡即叫即整 熱辣辣 牛肉patty 好多汁 不過佢係外賣店 無位比你坐得 所以我次次都快快食 影唔到咁多相

$30-40就有一個burger🍔，加$10仲可以轉做餐，有薯條🍟有野飲🥤，薯條唔係得茄汁，仲可以揀其他醬🤩（eg. 蜂蜜芥末）仲有下午茶餐都只係$38‼️之前係佢地有買一送一優惠嗰陣叫咗個芝士手打牛肉漢堡餐（$40+$10），牛肉食落好juicy😋，仲要有我最愛既蛋同芝士做陪襯，勁多料一啲都唔hea! 呢度冇堂食提供，要食就要take away啦！不過而家係出面食個burger，閒閒地都要百幾蚊或以上，呢度$50就有咁多野食簡直係超值！🤤

漢堡其實整得好味呢好睇塊肉同個包，呢到選用既係手打牛，牛味幾香，包就烘得個邊幾脆，唔錯。我幾推薦呢d小店，特別大家明白天水圍無啖好食，稍為有質素既大家都應該要支持下！但一定要拎走，無得坐係到食架！

因為“新北江”個名娘娘地，我仲一路以為個商場喺內地😂原來呢度係天水圍嘅美食基地，有好多特色小店架！今次就試咗抵食嘅漢堡佬~~take away~雙層手打牛肉芝士漢堡$52 + 細薯條連汽水$10嘩！個包真係大到塞唔到入口！唯有分兩層食，變相一層有菜同蕃茄，一層冇。牛肉夠juicy，連菜同包大啖大啖咁咬，真係好滋味，但冇菜就有啲咸，所以下次都咪咁貪心，叫返芝士手打牛肉漢堡$40就啱啱好喇~本身叫咗細薯角，但比錯咗細薯條，但好在外脆內軟，味道不錯。黃金軟殼蟹漢堡$58+ 細薯條（紫菜粉）連汽水$10香脆嘅軟殼蟹加沙律醬連生菜，味道真係冇得輸！不過我喺第二度食過更好味嘅軟殼蟹漢堡，但價錢應該貴成倍😂細薯條其實可以揀味粉，我揀咗紫菜味，幾香，但愈食愈咸，都係原味正啲~

手打牛肉漢堡 $30🌕🌕🌕🌕🌕漢堡烘過，但略嫌烘得唔夠脆。有爽脆青瓜、有點辣既紫洋蔥、唔太流心既流心蛋、超juicy既牛堡、蕃茄同生菜絲、再加左啲醬汁，食落一啲都唔乾。牛堡都幾厚，入面加左啲洋蔥粒同黑椒調味，食得出好重牛味！最最最重要入面有芝士，拉絲拉到好過癮🤤。個包都幾大個，一個女仔食完都有9分飽。呢個價錢，神級質素，毫無疑問滿分！-芝士牛肉漢堡 $38🌕🌕🌕🌕🌗配料同口感如上，但多左塊橙色芝士，芝士味無濃郁到，個人覺得唔值得加$8多塊芝士。-蜂蜜芥末醬薯條 & 罐裝飲品 +$10🌕🌕🌕🌖🌑同m記細薯條分量差不多，質感都似，但薯條唔夠熱。個醬值得一讚，非普通hea芥末，上面仲有芥末粒粒，但可惜芥末味唔太重，顯得有點普通。-熔岩芝士肉醬薯條 & 罐裝飲品 +$15🌕🌕🌕🌑🌑凍左，芝士已經唔郁，好多肉粒，但肉醬有啲乾，搭配薯條唔太夾，唔建議嗌。-食品用心，包裝靚，無用cheap茄汁，用料上乘，服務態度好，無得彈！

新北江樓下依間鋪頭無幾耐前轉左手，餐單都轉埋，所以想去試下，順便都叫支持下新開既小店，點知非常有驚喜！首先，依間鋪頭係用《即叫叫整》既造法，任何食品即刻整出黎，熱辣辣咁食，一定兩三倍好食，特別係薯條同漢堡，雖然要等15分鐘左右都非常值得。其次，鋪頭採用非開放式既廚房，所以可以透過玻璃睇到廚師做緊咩，我就睇到廚師帶住手套打漢堡餅，所以好肯定唔係出面買一塊塊肉餅直接煎，重有即刻整炸雞塊同薯條，非常衛生又有誠意。1）手打漢堡（$30）係張相果到睇到，無論係紙盒，張包紙或者竹籤，鋪頭想提供一個美式既感覺比食客。而講漢堡既餡料，上層既麵飽塗有千島醬，然後順序有青瓜，蕃茄，洋蔥，芝士，牛肉漢堡，生菜絲，下層既麵飽就有沙律醬。雖然睇張圖可能會覺得塊漢堡好似好細塊，但係我見到廚師每塊漢堡都有用磅秤重，而且佢塊漢堡係非常厚身，有三四塊麵包皮疊埋咁厚。而味道黎講都相當唔錯，一啖咬落去，所有既配料都好夾，互相配合，唔會話搶左牛肉既味道，而且牛肉係呈現粉嫩色而且好Juciy，食晒成個飽都唔會覺得好膩，會令人想再Encore一次！一個字：正！完全超出左30$既價錢比到你既野！不過，都有少少失分既地方就係牛味略嫌