Rustico

Open Now

Now Closed

偏貴的西班牙菜好耐無嚟呢間餐廳食，好掛住佢個馬鈴薯洋蔥奄列。不過好可惜，唔同以前。之前嚟食喺立體長方形，大概 8cm x 6cm 大小。今次嚟食竟然變咗偏平圓形，細咗好多好多。雖然味道還是和從前一樣，但Size細了很多，感覺貴好多。傅統西班牙馬鈴薯洋蔥奄列 $65加入薯仔嘅奄列，好有飽肚感，不過都喺以前個個味道好食啲，味道濃啲。地中海紅蝦意大利粉配龍蝦汁 $398紅蝦超級鮮，勁濃味。不錯可惜個意粉上枱時好似未熟咁同職員反映後，職員都適時處理幫我哋再煮不過重煮嘅意大利粉都仍然不夠軟身可能喺意大利粉質地問題而且重煮之後鹹咗兩倍😅好鬼鹹可能食其他會好食啲不過呢餐飯偏貴，兩碟，埋單六百幾餐廳好靚，好有情調，如果帶客人或者女朋友嚟，價錢同環境都唔會失禮。

Roasted Chicken Caesar Sland served with Parmesan Cheese香烤雞肉帕馬森芝士凱撒沙律Classic Paella with Mediterranean Seafood and Iberian Black Pork招牌西班牙黑毛豬海鮮飯Traditional Beef Tripe Stewed with Chorizo and Chick peas傳統西班牙燴牛肚配鷹嘴豆辣肉腸醬汁Dry-aged Meats熟成牛平時經過每次都見到爆場，今次就專登book枱嚟試下。個香烤雞肉帕馬森芝士凱撒沙律雖然無咗麵包粒，但佢喺用個酥皮圍裝住，沙律連埋個酥皮一齊食👍👍相當之特別。不過芝士粉就略嫌唔夠重味。招牌西班牙黑毛豬海鮮飯嘅每粒米都脹卜卜、入晒味、索晒汁，燴汁嘅味道夠晒味，飯粒口感軟硬適中。不過黑毛豬肉得幾粒，份量小咗d。海鮮餸料都喺好像徵式咁每樣得2-3舊，份量都喺小咗d。傳統西班牙燴牛肚配鷹嘴豆辣肉腸👍👍值得推薦。牛肚炆到好淋身，加上味道好濃，好重內藏嘅羶味，但羶得嚟喺令人易接受。醬汁同調味都酸酸咸咸咁，好令人開胃。呢道嘅熟成牛令人有d失望

喺D2 Place地下有一間西班牙菜經常滿座，今次提早book位，lunch時段去冇咁多人，而且lunch set亦好抵食。西班牙白毛豬火腿配特選蜜瓜及沙律味道比黑毛豬淡，但充滿住鹹香味同埋果香味，夾住甜甜嘅蜜瓜食好清新。自家製蕃茄醬煮新鮮大蜆, 小八爪魚及海蝦蕃茄醬酸酸甜甜，海鮮整體來講新鮮，海蝦肉質鮮，前菜來講份量都算多。日本空運魷魚燴墨汁西班牙飯一上枱已經見到超大盤西班牙飯，用料特別，魷魚係日本空運貨，非常新鮮食落去彈牙爽口，加咗墨魚汁煮嘅飯非常鮮味，高質之選，而且非常抵食。香煎海鱸魚拌烤南瓜另一高質之作，海鱸魚肉質結實，海水味較重，配菜烤南瓜🎃甜甜地。

係今次之前一路都有食過呢間，平日/節日都有食過，無論味道食物，賣相同價錢都唔差，所以期待咗琴日情人節呢餐好耐…但係琴日真係好失望…招牌菜西班牙燉飯（由於太失望相都唔記得影…所以拎咗舖頭ig 幅相，）喺情人節竟然變咗唔係鐵板上係碟上，仲要冇味嘅。另一個主菜封門牛柳得細細舊又燶…明明二人餐份量仲少過一人餐😮😮情人節係會收貴啲，都唔係咁過分呀？頭盤嘅生蠔同生牛肉片就不過不失，至於甜品方面，誠意欠奉🥶🥶🥶💸💸

話說放工好想食西班牙海鮮飯，於是同老公一齊去食西班牙嘢。由於對西班牙海鮮飯特別抱有期望，滿心期待就係食佢哋嘅西班牙海鮮飯所以今餐真係認真麻麻呢間餐廳嘅其他小食都好好味，除咗佢嘅飯。首先頭盤叫咗脆炸鱈魚球配蜜糖泡，佢哋嘅炸魚球外脆內軟，仲要加咗好特別嘅蜜糖泡，真心好食嘅而且仲好特別真係值得一試之後我哋就叫咗初榨橄欖油浸香蒜海蝦配多士啲蝦香蒜味非常濃郁，而且d蝦都好肥美。個多士浸喺嗰啲醬汁度好好味浸完個汁之後又軟又香脆。聽個侍應話，有啲人會嗌多份多士去點佢哋嘅醬汁如果唔怕醬汁太油都可以加多一份多士最後到滿心期待嘅西班牙海鮮飯好好好可惜，因為一心去食，仲要OpenRice 好多人推介。諗住實冇死喇，點知最失望係嗰一個飯。我哋等咗差不多半個鐘，個飯先到。可能mass production, 一次過出餐。講返個飯先，賣相就真係認真麻麻，海鮮又唔夠多，青口又細粒，蜆又少。青口得三粒，顯有兩粒，有一粒係得個殼，入邊啲肉消失咗蝦有兩隻，仲有少少九唔搭八嘅豬肉片。230幾蚊食啲咁嘅飯，我寧願食煲仔飯。飯嘅份量又少。講味道，佢係冇咩味，加咗佢附上嘅檸檬先有少少酸味。食完真心嬲因為滿心期待，所以落差亦特別大

每次經過都見佢排好長龍🫣終於有機會可以試下今次試咗daily special 嘅蠔同埋西班牙飯 Oyster set 4pcs $268今次得返4款西班牙生蠔 每隻都幾肥幾飽滿 食得岀都幾鮮甜😗但係個人就覺得冇乜蠔味😢Seafood paella $ 248一上枱俾佢個盤嚇親😂份量都幾多 入邊有啲切粒嘅黑毛豬 亦都有啲比較大塊嘅黑毛豬🤩黑毛豬嘅豬肉感覺係有煎香過 而海鮮亦都幾鮮甜 ，特別蝦係好彈 好爽口 🫡而飯都幾足味 軟硬亦都適中📍Rustico Spanish Restaurant地址：茘枝角長義街9號D2 PLACE一期地下GO1舖推薦：💛💛💛💛🤍

▪️香烤雞肉帕馬森芝士凱撒沙律 ʀᴏᴀsᴛᴇᴅ ᴄʜɪᴄᴋᴇɴ ᴄᴀᴇsᴇʀ sᴀʟᴀᴅ sᴇʀᴠᴇᴅ ᴡɪᴛʜ ᴘᴀʀᴍᴇsᴀɴ ᴄʜᴇᴇsᴇ $𝟷𝟹𝟾 呢個沙律真係超推介！個酥皮非常特別，撈埋雞肉同芝士一齊食好好味，完全唔覺得單調，係一個幾驚喜嘅沙律♡好味指數 🌕🌕🌕🌕🌑▪️"ʀᴜsʀɪᴄᴏ"特色西班牙炸蛋 "ʙʀᴏᴋᴇɴ ᴇɢɢ"伴香脆薯絲及辣肉腸碎 $𝟷𝟷𝟾薯絲炸到鬆脆可口，配搭辣肉腸同辣肉腸非常惹味，口感十足♡好味指數 🌕🌕🌕🌕🌖▪️招牌西班牙黑毛豬海鮮飯 ᴄʟᴀssɪᴄ ᴘᴀᴇʟʟᴀ ᴡɪᴛʜ ᴍᴇᴅɪᴛᴇʀʀᴀɴᴇᴀɴ sᴇᴀғᴏᴏᴅ ᴀɴᴅ ɪʙᴇʀɪᴀɴ ʙʟᴀᴄᴋ ᴘᴏʀᴋ $𝟸𝟺𝟾西班牙飯相對普通，冇咩特別驚喜，海鮮唔算好多，亦唔算特別新鮮♡好味指數 🌕🌕🌗🌑🌑▪️傳統西班牙ᴄʜᴜʀʀᴏ炸脆條配雲呢拿雪糕及朱古力慕絲 sᴘᴀɴɪsʜ ᴄʜᴜʀʀᴏ ᴡɪᴛʜ ᴅᴏᴜʙʟᴇ ʟᴀʏᴇʀs ᴏғ ᴠᴀɴɪʟʟᴀ ɪᴄᴇ ᴄʀᴇᴀᴍ ᴀɴᴅ ᴄʜᴏᴄᴏʟᴀᴛᴇ ᴍᴏᴜssᴇ $𝟽𝟻ᴄʜᴜʀʀᴏ拎上手仲係熱辣辣㗎!好夠鬆脆，點埋啲朱古力慕絲一齊食，好滿足🥰♡好味指數 🌕🌕🌕🌕🌑✔︎性

餐廳的裝修好靚好有西班牙小菜館的風情，入左去會令你忘記自己置身荔枝角。餐牌的菜式都好陌生，除左西班牙海鮮飯之外都唔係好識。*脆炸鱈魚球配蜜糖泡沫*大推!! 炸粉好薄，裡面有滿滿一絲絲的鱈魚肉，中間的蜜糖泡沫好得意，點黎食係唔同風味。*西班牙燴牛肚鷹嘴豆辣肉腸醬汁*店員知道我地叫牛肚，推介我地叫埋酸種包，可以點埋啲咁惹味的汁。牛肚好軟身，沾滿醬汁，醬汁望落似羅宋湯，但實際上充滿肉香，偶而咬到啲辣肉腸粒，好好味。*傳統烤焗多士,西班牙有機小蕃茄,香蒜及初榨橄欖油*反而呢個包冇咩特別，好薄，烘得好脆。*招牌西班牙黑毛豬海鮮飯*呢碟係最普通的，飯係有蝦膏的香氣，但偏油，而且海鮮比較少，黑毛豬更加唔知自己食左。不過黎食西班牙菜，好難唔食呢碟飯。值得一提的係呢到的店員超級趕，說話態度冇問題，但超快收走枱面的野，你放低佢就收，好似好想你快啲走。

位於荔枝角D2嘅Rustico, 已經屹立左好幾年，相信質素唔會差，今晚同朋友聚舊一於試試。餐廳裝潢走歐陸風，啡紅色調加上石磚拱門，整個格調都充滿西班牙小餐館嘅感覺。侍應一黎到就好熱情介紹是日推介，未食都已經有輕鬆有趣嘅氣氛。傳統西班牙油浸馬鈴薯洋蔥奄列🥔🧅🥚Share分量嘅Tapas, 雖然外表平平無奇，但食落幾好味好有驚喜，熱辣辣嘅奄列蛋好滑，食到啖啖都有薯仔同洋蔥，好香。脆炸銀鱈魚配蜜糖泡沫🐟🍯銀鱈魚頗鮮甜，唔會有腥味，肉質唔會梅，加上蜜糖甜甜地幾開胃。作為前菜唔會好飽，啱啱好。炭燒21天乾熟成美國肉眼扒🐮🥩因為係乾熟成牛扒所以特別嫩滑多汁，味道帶鹹香，好好味。值得一提係焗蒜頭🧄，每一粒蒜頭都有油嘅光澤，焗至全熟，好食。最後唔少得係白酒Sangria🥂, 好易入口好似飲果汁咁，一跟飲一路食一路傾計，好滿足！溫馨提示) 廁所係位於D2 Place, 女廁入口非常跣，一定要小心地滑🤓

🌟餐廳：Rustico📍地址：荔枝角長義街9號D2 PLACE一期地下G01舖💰價位：～$200- $400⏰營業時間：星期一至日 12:00 - 15:00 / 18:00 - 23:00📱電話：2743 4511最近經常去荔枝角做野，收工通常都會去D2 Place 附近行下同埋食下野~朋友仔就介紹咗我試下呢間主打西班牙菜既「Rustico」，一於今晚就約埋佢去歎下先~———————————————————🌟Home Dry aged Menu 2人套餐🌟———————————————————🌟Spanish Tapas🔹西班牙大蔥及伊比利亞火腿(48個月)配傳統烤焗蕃茄多士🔹脆炸西班牙大蔥配傳統甜椒醬及白蒜蛋黃醬兩款Tapas 都好傳統，同樣以西班牙大蔥為主～特別鍾意伊比利亞火腿入口甘香，散發啖啖油香，而且唔算太咸，搭配烤焗蕃茄多士岩岩好！———————————————————🌟Middle Course🔹自家制乾熟成鴨胸火腿伴西班牙大蔥🔹香脆西班牙大蔥絲配特色炸蛋配Sabrasada香腸又係西班牙大蔥！！正！！鍾意食大蔥既朋友仔就岩哂啦haha！推介香脆西班牙大蔥絲配特色炸蛋配S

訂咗枱入去想同接待員講到咗，未話到畀佢聽。佢已經話「出去等」冇請冇唔該。我又冇呼呼喝喝，佢何必語氣咁差。佢當我walk-in 客，我老豆見我畀人趕咗出嚟就輪到佢入去話預約咗，佢就問係問我老豆係咪姓錢，咁雖然我係訂枱不過我老豆同我同姓，佢即刻安排咗張枱畀我哋。裝修，環境同其他員工都正，如果想食又想享受，請迴避門口嗰位女士。食物不過不失。一入到去坐低會問still water or sparkling water，呢個係會收錢，好似茶樓收茶介咁，要咗still water 要價HKD55.00。換碟換得好密好事，落菜同時落咗酒不過唔記得咗上酒壞事。

星期日仲諗住去D2 place逛逛，見有得喺OpenRice訂位就諗住去試試環境靚，食物質素又好餐廳喺D2 place隔離，地點方便，一出地鐵站就見到，外表都幾突出，好似一間小木屋，入面嘅裝修就好似唔喺香港一樣雖然話係一間西班牙菜嘅餐廳，但大部份dish似係普通西餐，不過唔緊要最緊要好食！我哋兩個人都叫咗lunch set，大概二百幾蚊一個月Waiter服務質素亦好好，一見到杯冇水就即刻幫我哋浸已經將餐廳放喺我的最愛，得閒會再去試佢哋嘅晚餐😋

這間店是我在聖誕節意外找到的小餐館，因為當天去了D2 Place拍攝聖誕樹，然後又要趕時間，所以就在附近找餐廳，在沒有預訂的情況下找到的小餐館，幸好店員說有位置但要八點交枱，不然我聖誕節就沒有東西吃了(因為通常節日很多餐廳都會有人預訂位置)😂店鋪裏裏面很有異國風情，還有一棵聖誕樹很有節日氣息，每張桌子上也有聖誕節小禮品送給客人，很有心思🫶🏻我吃的Testing Menu是聖誕節才有的，可能會跟平常的菜單不一樣，所以頭盤我也不作多介紹，味道都是合格水平可是我要重點介紹的是他們的招牌西班牙燴飯和熟成西冷牛扒！飯底是他們的招牌西班牙燴飯，口感像意大利飯有一點點口感但又不會太硬上面是經過21天熟成的烤乳鴿，跟中式烤乳鴿口感完全不同，皮脆肉嫩且吃到非常香濃的乳鴿肉味很好吃Testing Menu裏面有肉眼牛扒和西冷牛扒西冷牛扒需要另外加錢加$180左右正常肉眼牛扒的肉質應該會比西冷牛扒軟糯可是我看到他的煮法跟平常吃的不一樣，而且更貴就試試有什麼分別😂經過21天熟成的西冷牛扒原來口感非常軟糯比正常的肉眼扒口感更軟肉味也很突出意外的好吃！最後配上Testing Menu贈送的甜品就圓滿結束這一餐了🫶

Rustico has been on my go to list for a long time but could never make it as I’m rarely on that side of town. Finally managed to try it when I brought my kids to D2Place to check out the Christmas decorations. We tried the octopus, peppers, potato balls and broken eggs for appetizers. They were all decent but the broken egg was a standout! For mains, we had the dry aged steak and seafood paella and both were incredibly awesome. Steak was cooked to perfection with a nice char and the paella was p

朋友23年12月19號和同事來吃晚飯，叫咗set加西班牙紅蝦多士，買相很好，蝦肉豐滿，便推介給我。12月28號我和家人來吃晚飯，當然點一客紅蝦多士，真的有點意外，蝦頭差不多大小，但蝦肉好像縮水得番一半，看來這道菜來貨水準很不穩定，餐廳可能要注意一下。之後來的西班牙海鮮炒飯，都ok啦，但不算突出。跟住是烤乳豬，總算有啲水準，皮薄而脆，香草味濃，值得一試。最後的甜品是炸脆條(churros)，新鮮炸起，又甜又脆，配上慕絲雪糕，女士們應該會喜歡。整體來說味道不錯，但個別食材水準不錯，點菜時最好先問一下。另價錢也不便宜，只算是中上的選擇。