茹絲葵牛排餐廳

鍾意食steak的人一定有聽過呢間餐廳的名字，之前好幾次想去試但係都同朋友夾唔啱時間，今次終於去到。餐廳地方好大，有好多座位。🦀Crab cake 蟹肉豐富落足料，以頭盤來講份量都幾大。🥩黎呢度當然要食牛扒啦，叫左medium rare，肉質幾好好juicy，食得出用的牛排品質好好。🦐Barbecued shrimp的sauce好香，配埋d蝦好惹味。🍮因為朋友生日，所以餐廳好貼心地送左個甜品。整體而言，價錢唔算特別平，但因為食物質素水準唔錯而且份量好大，所以性價比都幾高。

生日/週年紀念/氣氛總有啲日子需要一啲有氣氛燭火晚餐嘅餐廳。今年生日決定食西餐。一星期前訂位，前一日同當日都有人打黎confirm booking。七點準時到達，reception有個講流利廣東話既南亞裔人士，個心好驚喜，佢非常有禮貌。入到去，Waiter會先greeting 再介紹自己然後問我地飲咩。當日叫左兩款牛扒 fillet and rib eye牛柳比較淋身少脂肪，但估唔到肉味濃厚。肉眼 有咬口，比起牛柳有咬口但係都唔會好un.生日送甜品連即影即有，估唔到送即 士多啤梨cheesecake 好開胃，酸甜。如果兩千budget內扒房 其實選擇唔錯。

Ruths Chris 曾經係我每一年都必定拜訪嘅地方， 但近年已經逐步被取替。今次剛巧HSBC x restaurant week 有價錢相宜的套餐供應，而且係我最鍾意嘅crab cake,二話不說就即刻訂枱。前菜叫咗個湯，一個牛肉他他。湯有蟹肉，粟米，chowder係一種質地好傑身的湯，似中式粥。牛肉他他沙律，牛肉醃好， 薄切 ，加上新鮮嘅沙律菜，芝士片， 醒胃美味。主菜當然係叫咗我地最鍾意食嘅crab cake 以及 加大了份量的大蝦菲力牛排(+275由 4oz upgrade到8 oz)，其實4oz係真係唔會夠食。而且個set唔包飲品,可能我地又冇開酒， 而且唔係西人， d 侍應唔夠殷勤同以前一樣,main course 用溫熱了的碟上，如果同佢講話 for share, 佢會多準備兩隻碟畀。crab cake 啖啖肉，但不知是否我咀食 刁鑽了，始終覺得冇之前咁重牛油香大蝦菲力，牛排剛好medium rare,生熟度一向不會錯手。 大蝦有驚喜，雖然比較硬身，一都唔彈牙，但係有燒烤嘅鹹香。其他side dish是合乎水準之作。最驚喜係個甜品— mini StrawBerry ch

已經不是第一次來這餐廳，我們通常會叫一個套餐 兩份食另外再散嗌一，兩款食物！今次都唔例外， 今次我講嘅事件唔關食物事 ，因為牛排keep到質素， 而且蟹餅亦都好好味~但唔愉快嘅事件係遇到一個不誠實的侍應， 食到尾聲我哋個餐會有甜品， 這個侍應呢個時候就捧住四款甜品出嚟叫我們揀， 我哋揀一個芝士蛋糕 , 揀完我仲諗: 今次有咁多款選擇嘅,比menu多咗wo, 個蛋糕嚟到都好好味我哋好開心啦, 到埋單嘅時候發覺蛋糕要$125, 我就問侍應點解會係咁？唔係我哋個餐有包甜品咩？ 佢之後就話你哋嗰餐係包括甜品，不過你食嗰個唔係， 我哋就話你畀我哋揀㗎喎， 之後佢先話有得將個蛋糕加30零蚊轉做而家我哋食緊呢款蛋糕！😡😡 首先 如果要額外加錢嘅蛋糕點解唔一早講，第二原來如果嗌餐嘅話轉甜品原來只需加三十幾蚊，點解要我check單發現佢收正價先同我地講 其實加錢轉都可以…… 另外我哋個餐有甜品點解唔直接畀我哋，而係特登叫我哋揀， 實在過份！ 食物係好，但係請到啲咁嘅夥記真係影衰晒😠😠😠😠😠

臨近聖誕, 飯局多到應接不暇, 又是一次選擇困難症, 到底 Morton's 還是 Ruth's Chris... ? 思前想後, 揀結婚對象都無咁頭痛, 當然, 見到此刻這幅圖, 清楚晒吧! btw..., 友人話, 下星期去一次Morton's.... 。。。 話說...今次這店不太滿意. 服務水準是一流的, 但食物質素, 與樓下wooloomooloo差不多, 當然, wooloomooloo的質素都是一等一水平, 但收費相差廿個百份點, 但無論如何, 服務水平高, 最緊要是 食得開心, 不會吝啬給個"笑臉".美帝回來的友人, 十分好奇香港這兩家國際級數牛排屋... so...國際級數?!?? 哈哈..., , 兩家..不都是美國級數嗎?? 友人認為, 在美國, Ruth's Chris 的食物水準, 勝過Morton's, 但如果要食牛排兼嘆雪茄, 就首選Morton's喎..., 雪茄?!?!? 深海魚的雪茄毒素, 我估..我間中都會吸收到少少啩...,  貴價煙仔, 我等窮鬼懂個屁咩.... 門口櫃位區域, 有一個"安排等位的座位"..., 齋聽這個名稱, 腦筋遲鈍少少都轉

今次試左一間想試好耐嘅扒房，其實一直想試Ruth Chris，不過見佢嘅價錢唔算平，而且地點又唔算好就腳，所以一直將佢放左係waiting list！今次見到匯豐信用卡有優惠set menu，食嘅仲係正常會叫嘅野，所以即刻試！雖然餐廳位置唔算好好，仲要係個古怪商場入面，記得當日去到8點左右，個商場d電梯已經熄哂，鋪頭又無乜，感覺怪怪的。不過間餐廳入面嘅裝修又幾靚，而且座位同座位之間都好闊洛，環境一流！坐低後我地見唔到有HSBC 個set，我地要問職員佢地先比呢個menu我地，所以唔知有優惠嘅客可能會食左貴野！呢個menu真係抵到爆！牛扒set都係4百幾，仲要3 course加 coffee tea，呢個價錢又比到呢個質素，真係好難搵！坐低後上左麵包，麵包係暖嘅，幾脆幾好食，而佢個牛油就係好creamy個隻，我就麻麻地，都係鐘意硬身個隻。雖然唔係好夾，不過我叫左杯香檳，始終食好野都係要有杯酒飲下先開心！頭盤我地都叫左 crab cake，真係好食！好多蟹肉，大大舊！絕對要試！牛扒我地叫左一份西冷一份肉眼，牛扒煎得好香，生熟度亦滿意！上面是medium rare！Side 我地叫左crea

又係一年一度紀念日，雖然已婚多年但仍會每年來呢度慶祝一下，特別喜歡呢度環境寧靜簡潔，亦好欣賞呢度既牛扒，食過好多間扒房呢間係我同老公既首選，入餐廳門口見到有HSBC credit card優惠坐低後問waitress原來有個特價餐非常抵食4佰幾蚊就有頭盤，主菜+配菜，甜品同飲品，諗都唔諗就點了兩個餐，頭盤有生牛肉沙律同蟹餅選擇，當然每款各一啦，蟹餅係必食架，蟹肉豐富鮮甜用牛油煎香非常香口，生牛肉口感唔似食緊生牛肉非常易入口有牛味亦好軟，切得非常薄但有好多片good👍🏼,主菜選左一份Ribeye及一份Prime New York，牛扒點了medium rare無失手，但今次牛扒竟然有一大條根，之前食咁多次都未試過，唔知係咪信用卡優惠餐所以質素無咁好呢，但依然好食，另外跟配菜薯蓉及蘑菇，甜品要雪糕同cheese cake, 因訂枱時接線生有問是否慶祝活動所以會送一客寫有祝賀字的甜品, 最後waiter會主動以餐廳相機代為拍照並即時印出來送給客人，服務質素依舊非常細心貼心，適時亦會來詢問食物啱唔啱食，另客人感覺有被重視既感覺，好窩心呀😊

是日一行五人來這間餐廳..由於是第一次來.都帶點期待的..果然不負眾望..每一樣都好好食..一坐底會有位侍應會自我介紹是今晚負責serve你的..之後點餐後會拿麵包給你..這個麵包十分好食..完全令人有想一食再食既衝動..可惜要留肚😭😭只能少嚐一舊.之後就上salad..我們叫了蟹肉salad同凱薩salad..十分推介蟹肉salad..肉甜份量又多.絕對值得食.至於凱薩salad反而沒有什麼特別.但味道還是不錯突然我們發現叫漏龍蝦湯.馬上補叫..味道不錯.但其實可以二個人share一碗，因為會很飽...而湯也夠熱.主題來了..我們叫了rib eyes 5成熟..12安士..但發現其實可以叫16安士 share..因為有叫其他野食.這個扒果然不負眾望..肉汁很juicy..而也是剛好五成..值得一試同行友人實在太看得起我們..他還叫了炸薯角.忌廉菠菜同磨菇..但我們實在太飽了..只能食好少..所以浪費了這些食物..很可惜

真係光陰似箭，日月如梭🚀話咁快我就同我男朋友五周年啦🙈不過係呢五年入面，其實我地實際相處時間只得三年半🤣點解？因為其中一年，男朋友去咗外國讀書📑而又有另外半年，我好任性咁去咗working holiday✈️所以扣吓扣吓，咪得三年半囉😂不過正正係因為經歷過咁多野，所以先覺得呢段感情特別珍貴❤️周年紀念日食好嘢是常識吧😈其實我地真係諗左好耐，但都諗唔到食咩好😅所以最後揀咗幾年前，同男朋友慶祝生日嗰陣時食過，而又覺得好好味嘅Ruth's Chris😋去過香港咁多間扒房，如果講裝修、講環境，佢或者比較輸蝕...不過如果講味道嘅話，我覺得佢係無得輸 🥇餐包唔算有咩特別，不過勝在佢地嘅奶油夠晒滑，配埋一齊食，味道唔錯👍🏻之後到蟹餅配蘆筍，蘆筍鮮嫩爽口，不過我略嫌蟹餅外層唔夠脆，同蟹肉有少少腥味，我覺得無以前咁好食另外我地點咗五成熟嘅Rib Eye配蝦，切開一睇👀血水慢慢咁滲出嚟，然後見到肉汁豐腴，嫣紅色嘅肉質！ 無錯！係我地想要嘅五成熟啦😍食落肉味香濃，肉質細嫩，就算唔加任何調味料已經好好食👍🏻不過佢隻蝦相對嚟講比較普通，我覺得...其實唔叫都可以囉😂😂 上次食過超好食，所以今次一定要encore呢

好耐未嚟過食，對上一次已經係搬之前！星期日突然想食扒，本來想去Morton,不過當然，last minute 訂位一定冇啦，所以就揀咗呢度！估唔到，味道，情懷，服務 始終如一！個飽又脆，又䁔！Crab cake一份兩件，因爲知道我哋share,所以幫我哋分碟上！22oz Cowboy 真係超大塊，冇厄秤，扒夠厚，其實三個人食都ok! 火喉剛剛好，medium真係medium, 剛剛粉紅色，仲有保留到肉汁就算分咗兩份另上，碟都堅持用500度高溫上枱，熱辢辢！side dise 只叫咗一個 cream spinach ! Spinach 蓉加 cream 加牛油！绝對係tradition 西人嘢！最不得了係佢D甜品！件件大大份！我呢個bread pudding 大到好似出面美心果D mini 版半磅生日蛋糕咁大！一個人絕對冇可能KO佢！真心，除咗去D多人排隊，waiting list 嘅地方食飯，其實仲有好多被忘記嘅好地方值得光顧！

老公專程book了Ruth Chris請我吃了一餐非常美味難忘的晚餐!其實這間餐廳是我們的"老地方",十分值得紀念!裝修以深色木為主,配合每張台的Candle,浪漫氣氛一流!由於本人鐘情海鮮,點了Crab Cake,蟹肉多汁香口;煎蝦味道香濃可口;medium rare的西冷牛扒十分Juicy!

One of the better cuisines Americans export are their steakhouses. This place is always good and reliable. The chop salad before your steak is highly recommended. Excellent service. Give the bread pudding a miss though.

這夜幫朋友慶生，由於之前有朋友介紹話服務好，食物有心思，所以決定一試。 成餐飯所有食物的碟都先預熱左，而且碟上亦有滿滿的牛油，講真，一碟半碟就話啫，碟碟都係咁唔漏咩。。。。。熱左個碟咪得lir, 駛乜次次加牛油頭盤。。蟹餅，很讚。。。蟹肉很多，而且熱今次4個人叫左2 個set同加左個T bone...全部要5 成熟。。。。。。but really oh my god......作為一間steak house, 點可能medium well的扒變成全熟。。。。我地覺得原因得一個，煮係5成，上左熱碟碟又熱多成，上到我地碟又熱多成，最好變成9成熟lor......值得一讚係佢會幫生日的嗰枱影相曬番俾佢地。呢個價錢，我唔會去多次

今晚和男朋友食慶生飯, 看過好多食評加上朋友推介, 就試了人生第1次的茹絲葵!打去訂了位,  當晚7 點已經到了, 由侍應帶我們入座無論門口或是餐廳裡的員工都是十分有禮訂位時沒有特別註明要海景位, 去到是坐到街景位, 不過整間餐廳的氣氛也很高級浪漫, 加分!這裡的套餐要過千大洋一個...真心有點貴, 而且套餐牛扒多是8安士愛吃牛的當然要叫大大份的才滿足, 所以決定散叫22安士的T骨扒點菜後, 侍應先拿來麵包和牛油麵包很鬆軟, 配上軟滑的牛油很好吃然後頭盤送來了BARBECUED SHRIMP (HK$180)個醬汁味道很特別, 令烤蝦子更好吃, 沾麵包更是一流!! 拌著醬汁, 我們很快把一整條麵包KO了!CRAB CAKE (HK$180)下單時侍應問我們是否SHARE, 然後上菜時就很貼心的把蟹餅分成2 份蟹餅是放在超熱的碟子上, 食時還會聽到汁在滋滋響夠熱的蟹肉很好食, 而且整個餅都是蟹肉, 十分足料!!T-BONE ( 22 OZ) (HK$680)侍應把頭盤的碟和桌面清理好, 再上主菜 - 22 安士的牛扒!!其實份量很大, 足夠2 人吃!有點美中不足是, 這塊牛扒2 種肉的分

環境都幾浪漫、點晒蠟燭咁主角黎喇！叫左 medium rare切開都做到 medium rare , 肉質幾好，好有牛味、仲幾 juicy 下添不過，唔係太鍾意佢好油睇下我隻碟就知配菜要要左新鮮蘆筍食扒（仲要咁油）係要配返啲蔬菜最後，係老公預先叫餐廳準備嘅甜品細細件已經好足夠因為件扒真係已經好飽