漁道樂 (Closed)

燒油甘魚頭鮫個魚頭鮫原來都有好多肉，油甘魚鮫燒到外脆內嫰滑多汁，啖啖肉又好香口。牡蠣和牛嫰滑既半熟蠔披住入口即溶既和牛，成件事Fancy得黎又好夾，不愧為推介之選！生蠔刺身呢個係北海道赤崎生蠔，肉質肥美新鮮，食落鮮甜有海水味，配埋紫蘇葉、蘿蔔蓉、蔥花同少少醋，都好提鮮。極上壽司大盛總共有8件壽司，店家會因應當造食材而有所更改，今次有海膽、帶子、吞拿魚、深海池魚、牡丹蝦等等。當中海膽最為出色，非常鮮甜，完全冇腥味。海葡萄抹茶冷麵海葡萄口感特別，真係好似葡萄咁，粒粒爽口彈牙。抹茶冷麵份量多，帶有淡淡抹茶香，連埋海葡萄一齊食，口感豐富。白桃梳打飲落桃味香濃，甜甜地幾好飲，唔係化學桃味。梅酒加冰梅酒香醇，平時我食日本野都好鍾意飲梅酒。

相就冇影室內環境係似日本居酒屋食物好普通嗰晚記憶叫左刺身盛壽司盛浜燒拼盤蟹肉沙律清酒煮蜆雜菜烏冬炸蝦天富羅一支720清酒全程$27xx全冇驚喜吸引唔到有下次Ps:門口嗰位阿叔唔知老細定經理態度麻麻

補食生日飯，啱啱要喺附近開工所以揀咗呢間，睇cm好似幾高分都冇帶期望咁book咗，環境不錯好有日本風情，不過估唔到坐個張枱都要min charge，又唔係有房，service都ok有禮貌，兩個人叫左個set，好多嘢食冇叫酒飲都夠哂飽，不過冇影哂d所有食物，有少少趕時間，1個鐘內就食哂d嘢😅 整體嚟講食物環境服務都正常，價錢可能偏貴，自己衡量，但可以一試。btw我睇到佢貼出嚟d雜誌介紹，好似之前會有表演，唔知而家仲有冇呢，同埋唔知係星期幾有，如果有得睇咁就幾值得去。

令人大失所望的日本菜，本身滿心期待的一餐日本菜點知…….壽司刺身感覺放了好久，食落第一淡已經覺得唔新鮮既感覺。之後想像烤會比較好食，所以點左帆立貝(活貝組合)，味增蟹甲羅🦀，烤既時候的確嗅落好香，真的似去了日本，但食完之後只可以是說不過不失，貝殼類唔算好有鮮味，味增蟹一向是我至愛，所以對佢包容一向比較高，所以評佢不算是差評，但唔會令我想多叫一個柚子啤酒，味增湯就是正常發揮！最後賣單二千幾兩位，覺得十分不值😅😅😅如果味道好，唔介意食咁貴，但只能說佢既食物真的不值😖😖😖😖😖

幾個中女定期聚會，又要方便放工從「天南地北」咁去，又要有車位，誤打誤撞去咗呢間，座位、設計幾舒適，唔駛跪😌，有魚生、燒烤，火鍋選擇，最重要係你隔離燒，唔係係你張枱，方便吹水之外，又有氣氘，佢哋有個蟹蓋燒，配鵪鶉蛋，蟹粉，必食之選

餐廳：漁道樂 (尖沙咀)地址：尖沙咀金巴利道35號金巴利中心地下A舖尖沙咀金巴利道呢間漁道樂 @ryoudouraku 有1️⃣「漁」鮮、2️⃣「味」道、3️⃣「樂」天呢三大宗指，佢哋喺一間日式居酒屋🏮，主打浜燒🔥，提倡日本漁民即燒即食嘅海鮮文化🦀未入到居酒屋已經聞到好日式嘅味道🇯🇵，由外至內無論裝修、日式掛旗同魚旗🎏、海報、兩間設有低消嘅和室房間、塌塌米座、日本酒酒標等等，比人感覺真喺好似去咗日本咁。佢哋每日仲會有唔同嘅時令海鮮同食材由日本運抵餐廳，包括每日都有嘅日本魚王喜知次，務求比香港人食到日本家鄉嘅滋味😋✝️漁道樂·活貝盛合 $398浜燒嘅過人之處緊喺用最新鮮嘅食材喺你面前即場燒比你食。呢個活貝盛合有2隻鮑魚、2隻生蠔🦪、2隻扇貝同4隻蜆。鮑魚上枱嗰陣仲識郁㗎😍；生蠔好飽滿大隻，入口奶滑多汁，充滿鮮甜蠔香一啲腥臭味都無👍。將即刻燒完新鮮熱辣辣嘅海鮮放入口真喺無得彈✝️味噌蟹甲羅 $78「甲羅」喺日本解作「蟹蓋」，而甲羅燒即喺將蟹肉同埋用味噌調味過嘅蟹膏釀入蟹蓋再拎去燒嚟食🦀，燒緊嘅時候蟹香已經不停喺烤爐上飄出嚟，連同鵪鶉蛋、蟹籽同蔥花撈勻一齊燒，豐富咗口感之餘蟹香仲好濃郁，一啲都唔腥，食晒成個

途經幾次... 都俾呢間居酒屋吸引住... 齋睇門面裝修同擺設... 已經感覺到極具日本風味! 趁有開心嘢要慶祝一番... 我就提議朋友嚟呢間食豪dd!🤭我地order咗二人前套餐... 都幾豐富、幾飽肚㗎!「二人前套餐」💰1️⃣8️⃣8️⃣8️⃣🥗 飛魚子蟹肉沙律🦞 龍蝦4點刺身🍣 極上壽司盛合🦀 味噌甲羅燒🦪 活貝盛合🐷 豚肉鍋(可選牛肉鍋)🦐 海鮮天婦羅🐮 蒜片和牛燒🍮 甜品飛魚子蟹肉沙律:非常清新醒胃嘅前菜... 打開味蕾!🌱龍蝦4點刺身:即劏即上嘅龍蝦肉肉質非常爽滑鮮甜... 帶子好肥美... 三文魚口感豐腴柔嫩... 油甘魚刺身爽口結實!👏極上壽司盛合:魚子軍艦、帶子壽司同埋多款魚類壽司... 食落好新鮮!🤤味噌甲羅燒:蟹味噌即係蟹膏... 甲羅即係蟹蓋... 而味噌甲羅燒即係蟹蓋裏面放咗蟹膏... 然後擺喺烤爐上面燒!師傅將鵪鶉蛋、葱花、飛魚子、蟹肉同蟹膏撈匀...一邊好pro咁介紹... 一邊燒! 味噌甲羅燒食落鮮味濃郁... 非常好味!😋 我之前買過frozen嘅甲羅燒... 但係品質真係冇得同呢度嘅嫓美!活貝盛合:有2隻生蠔同2隻帶子... 同樣係由師傅幫手燒! 生蠔燒完甘甜

我咁咀刁，梗係周不時要揾d好嘢食la!😏今日朋友話要食豪dd，我梗係舉腳🦶贊成喇!🤣今次我哋選址尖沙咀👇【漁道樂】📌尖沙咀金巴利道35號金巴利中心地下A舖呢間係裏裏外外都充滿日本風情嘅居酒屋，店外有好多酒樽做裝飾，別具風格! 2個人order2人套餐，點都抵過逐樣叫! 而呢個二人前套餐睇落都幾豐富、幾飽肚!「二人前套餐」有d乜👇✅飛魚子蟹肉沙律✅龍蝦4點刺身✅極上壽司盛合✅味噌甲羅燒✅活貝盛合✅豚肉鍋(可選牛肉鍋)✅海鮮天婦羅✅蒜片和牛燒✅甜品呢度嘅食物質素幾有水準，而且海產類特別新鮮!咁多食物裏面，我特別鍾意味噌甲羅燒，咸度適中，鮮味十足! 另外，龍蝦刺身又係冇得彈，爽滑鮮甜! 帶子刺身勁大粒仲好juicy㖭，正呀!我地各點咗一杯飲品，原味Highball 同白桃梳打! 前者係居酒屋必點嘅酒精飲品 ~ 威士忌加梳打水，酒香同氣泡水交織出刺激口感! 後者比較適合唔飲酒嘅女士，清甜又清新!整體上，呢間食店好高質，食物新鮮不在話下，店員專業又有禮!

呢間門口裝修已經好靚🥰由門面到店內都係日本風🇯🇵好有日本氣氛！同娘娘一齊去撐枱腳就啱哂。食物款式都好多~但娘娘腸胃個日麻麻，所以無嗌到刺身，下次會再試！🥰💂🏻‍♀️《味噌蟹甲羅》$78呢個真係必點的菜式！甲羅燒即係燒蟹膏釀蟹蓋🦀蟹蓋裝住滿滿的蟹膏，另外仲有蟹籽、蔥花、鵪鶉蛋！之後有專人即場幫你係烤爐上燒，鮮味濃郁，蟹味好香好好食😋配白飯或用匙羹淨食，都真係一流！評分: 95/100💂🏻‍♀️《和牛蒜片炒飯》$158和牛好香，配炒飯都無得頂！蒜片炒到好香脆，令成個炒飯有蒜香味更惹味❤️個飯唔會太乾，又夠熱，食黎暖一暖胃正。不過份量唔算好多兩個人食啱啱好。評分: 80/100💂🏻‍♀️《和牛壽喜鍋》$298有大概4-5大塊和牛，入口即溶，質素幾高👍🏻壽喜燒個湯底可以再濃啲就更好，菜嘅份量好多但款式唔夠多！性價比就差少少，但都好好食😊評分: 70/100總結：如果掛住日本，想去間有氣氛啲的居酒屋❤️呢間好推薦大家去，食物質素同員工嘅服務態度都好好~下次會想再黎食佢嘅壽司同刺身。頒發軍階：上將🎖🎖🎖🎖

第一次同朋友來試，星期六全場中午只有兩三枱客，人不多邊吃邊聊天挺合適的，不過限時90分鐘有一點壓力，想坐旁邊榻榻米座位的話設最低消費1500元，其實都無咩人，唔明點解4位都唔可以主動安排，其實食得開心都好易過，不過講明要食夠錢先得感覺對客人不太體貼。食物味道ok, 和牛壽司有筋，海膽反卷微甜好食，蟹子沙拉份量略少，炒飯也不錯。整體感覺一般，服務人員兩位想加茶要多次舉手，座位環境還可以，茶單食物選擇其實不多，價錢也略高，尖沙咀日本料理咁多選擇，食客唔多有其原因。

本篇文章有幸成為我第一次打嘅負面食評，係openrice訂左位，係門口等勁耐話搵唔到booking，擾攘左幾分鐘之後又話搵到。安排左張二人枱比我地，一坐落去頭頂冷氣吹到正，同侍應講想換隔離張枱，之後一句話個個位都差唔多唔比換，話只可以較細風少少，但校完等於無較過，再同侍應反映，得到回應係已經轉左自然風。未食野已經吹到頭都痛，睇餐牌無乜選擇，點左四個菜。「蟹肉青瓜沙律」$128，黎到唔講仲以為係前菜，蟹肉係蟹柳絲，個底再加青瓜加沙律醬，完全唔值百幾蚊。「特選壽司盛盒」$298，首先望落去完全唔新鮮質素似爭鮮，咁既質素真係嚇親！三文魚子食落口有啲怪，其他三文魚帶子魷魚刺身都嗝係好食得落口，哩幾件壽司收$100都嫌比多左佢。「蟹甲羅」$78，味道算係正常，OK。「海膽海鮮炒飯」$228，個樣望落去正常，但係海膽完全唔OK，唔知係咪國內生產，螢光橙色。炒飯裏面嗰啲魚勁腥，唔知咩魚黎，唔信可以自己去食下。侍應收碟速度同自助餐差唔多，加上不停望住你食，好似想吹你走咁，但係我由點餐到食完嗰刻都係半個鐘唔使，咁你可以知道佢嘅食物係有幾用心煮～整體來講，無論食物質素、餐廳環境、服務質素都完全唔合格，永遠

OpenRice book位的確快捷，簡單又方便。一家四口去食午餐佢有個套餐係$1888嘅 不過只係二人我哋就選擇左單叫，食材都唔算好新鮮。我哋叫咗一份刺身拼盤，一碟炒飯一個壽喜燒嘅牛，不過啲牛擺早10分鐘 個碟底下都有血水，有些少影響食慾沙律同埋清酒煮蜆不過不失。不過都幾好食嘅，份量就少咗啲⋯⋯服務員形容到都係空運同埋新鮮的。勝在服務搭救，全場嘅服務員都好細心同招呼周到，收起用膳完畢嘅碗筷，亦都好快確保張枱唔會太迫放食物。氣氛同裝修都好有日本風格，一大班朋友嚟都OK嘅。但情侶拍拖就未必會再去食啦

Food not good, too expensive, I’m ok with eating time 90mins, but last order in 45 mins, if you’re not going to order anymore, they will ask you to pay right away, 吹吹吹, so bad experience, I’m so regret I waste my money and time in this restaurant, oh my god, please think through if you want to book this restaurant!!!!!!!!P.S. I booked this restaurant through OpenRice, but I just realized they said I ever showed up and cancelled my booking? 無語🤦🏻‍♀️ like I did something wrong.

呢間餐廳係第二間差到我要寫食評嘅餐廳 😡佢嘅食物都算新鮮嘅，但係真身出到黎同menu 係原完唔同，menu 係影到好靚好多，真個碟黎到係得相上面嘅一半。極上壽司要$398,但係黎到同平時食lunch 嘅$188 價錢 咁，沙律要$148 但係個portion 係一人前的。啲野食唔值都算，最差嘅係趕客，我book 6點枱，食到6:50 就話last order, 我仲食緊野個時7:05 就拎張單過黎叫我埋單。都明白想做多幾輪客，不過呢啲service 真心係冇番枱客，啲客戶覺得唔新鮮就唔會再去，好快byebye。如果為左打卡去呢間就一啲都唔直，尖沙咀仲有好多間磯燒+居酒屋，真心唔推介呢間。

來到以為環境應不差，誰知店内排位很缡迫，隔板只做下樣根本今人坐下便感不安心，另一邊卡廂座外因都是放客人除下的鞋，距離與旁的座位又近，很不衛生!食物普通也不夠新鮮，刺身不夠凍，連碗蜆湯豆腐都冇粒I價錢與食物質素不相乎!令人失望的日食店!