台灣小倆口三文治 (Closed)

..其實我唔係第一次幫襯小倆口..但確實每次都保持水準..由其每次入到去.個四眼老闆總係態度有善...講服務已經讚佐先....封面設計好踏實..哈哈....雖然唔係.好大盒.但都係即整..熱騰騰....成個過程睇到晒..佐.係我既.芝士火腿..蛋餅...右係我朋友既吞拿魚.肉鬆.蛋餅..我見到煎個時.係卜佐成整蛋落去.一齊煎..所以每一淡都好有蛋味..不過出面個層皮就真係唔知係咩//但係都好好食..軟熟得嚟.又有少少UN.既口感.非常受落..係出面真係比較難食到...再留意埋佢中間包醬汁..甜甜地..幾特別..至於我朋友既吞拿魚.肉鬆.蛋餅..就真係好足料..雖然無份食.但睇上去都脹卜卜...我睇住老昭闆整..應該夠飽肚...我朋友就話好食...因為係佢叫我埋返嚟公司..HAHA.賣相.雖然普通..材料都係普通..但食落.就唔普通....我諗老闆一定下佐不少心機.包括個包汁...

I ordered ham and egg toast with cheese, and the 肉鬆蛋餅 for breakfast. Service was good and prompt, I do find the bread too chewy for my taste. Overall good experience and will go back for the 肉鬆蛋餅! Total cost was 28hkd

想試左好耐架啦...終於試到啦~~ ^^本身好喜愛台灣, 所以恨左試呢個好耐....鋪面真係好細, 佢都係諗住D人外賣. 不過我地就係都要堂食~~ 哈哈佢鋪入面得兩張細接枱同D圓小櫈, 真係唔係可以坐得耐嘅地方... 肉鬆蛋餅不錯不錯, 不過如果個蛋皮可以厚D, 多D蛋會仲好!!! 總裁牛肉蛋堡正, 唔會比D美國BURGER店差!! 牛有肉汁, 又有厚厚嘅蛋, 雖然麵包只係嘉頓包, 但係佢焗到脆脆. 老闆娘仲好貼心問我地洗唔洗切開, 跟住用兩張紙分開包 唔會食到周圍都係 地瓜拉餅我地一見到嘅時候覺得 "照片與實物不符" 因為佢D地瓜好薄.... 不過OK啦, 有D餐廳D相仲誇....呢個都OK嘅, 有淡淡嘅地瓜甜味.... 咪睇佢薄薄咁, 都幾"濟" 百香果乳酪 & 水蜜桃乳酪唔知點解半價$7杯 不過.........飲品麻麻, 冇味嘅..... >.<一定會再黎~~~

睇見open rice食評唔錯, 又冇劣, 所以特登去試下叫左個千層地瓜蛋餅同肉鬆蛋餅外賣拎到返屋企仲係熱熱地, 冇林肉鬆蛋餅 好好食, 好香蛋味, 加埋個汁仲正, 下次一定試埋其他千層地瓜蛋餅 就一般啦, 冇咩特別

上回講述素未謀面的食友與我在「Outback」共晉午餐，難得食友專程來荃灣一趟，而且彼此都那麼好吃，吃一餐當然不罷休，於是午飯的食物才剛下肚，我們就匆匆趕往下一站—「小倆口」（選它的原因是咱倆都愛吃麵包，並且此店在荃灣食肆綜合指數排行榜上名列第五呢）。店子還算好找，鮮黃色招牌在一頗舊式的鋪頭裡面挺突出的，店名令我產生好感，要用普通話來唸才覺順口。店裡地方狹窄，進門右手貼著一大塊幾乎到地的價目表，清楚列明了此店有啥吃的，靠牆一邊是開放式廚房，呈‘L’形，另兩邊有落地玻璃，只擺放了兩張小得不能再小的桌子，其餘的空間都放置了雜物。食友和我口味相近，再加上此店以麵包制品為主打，花樣不算多，我們很快便有了決定：千層蔥肉拉餅、總匯三文治（到底先前吃過飯了，點兩樣小吃淺嘗一下）。千層蔥肉拉餅（$15）：乍看有點傻眼了！這餅怎麼跟超市裡賣的急凍蔥油餅一個模樣？差不多和紙一般薄（不知道千層是如何計算出來的），這樣咬起來，上下牙齒碰到一起，感覺不好，也沒什麼嚼頭，麵粉香味極其薄弱，蔥花倒遍布整張餅面，卻聞不到香氣，定價十五元，我認為很不值，如此質素還不如在超市購買呢！總匯三文治（$23）：用上一個小紙袋

在外覓食，我總是挑自己做不到或做不好的食物，那樣心裡才踏實，才覺得「花」得其所。偶而點些簡單的 (凡事總有例外，見本人食評〈味道，因回憶而美好〉)，也挑剔得厲害，彆扭死了 ──這是熱愛烹飪者的「通病」罷，我想。一言以蔽之，我這人徹頭徹尾是──「婆仔」性格囉，怎麼樣？離開 Outback，逛過二德惠，「兩生花」最後來到位於沙咀道、頗具名聲的早餐店──台灣小倆口三文治。鮮黃色裝潢配合主題，一派朝氣勃勃 。店面非常窄小，我們和一對情侶各佔一桌，已經滿座。牆上有一落地餐牌，用詞台化 (是台灣特許經營店？)：吉士、培根、鮪魚、土司……「研究」了一陣子，我們決定試試千層蔥肉拉餅 ($15) 和總匯三明治 ($23)。所有食物即下單即製。等了一會兒，蔥肉拉餅先上桌。等候期間我們猜想店家可會採用超市裡的冷凍貨呢？結果是──圓圓一張，纖巧薄脆，一看就知道不是「千層」(按字面解釋，該以多層麪皮夾著蔥粒和肉末才對 )。蔥肉份量不多，不油膩，入口挺酥的，帶點黑胡椒香，蔥味反而不濃。熱騰騰地吃，味道尚可，但沒有預期好。是否冷凍貨？抱歉，拉餅我不常吃，分辨不了新鮮跟冰鮮的。食友謂同區路德圍有一家賣台式手抓餅的小店

香港人生活節奏急促,能坐下安安定定吃個早餐己經不易.那些滿佈油光的炒蛋,白烚三色雜豆配味精湯通粉,不知敷衍了大家幾多個趕時間的早上.營養豐富,新鮮味美己屬奢侈.若有一個較既可口亦不失便捷的選擇,算這一家在荃灣的即製台式三明治可以做到.小店位於荃灣工廠區及熊貓酒店之間.雖夾在兩個終年車水馬龍的區域,但小店偏偏保持旺中帶靜.離遠己望見其鮮黃橙色門面,襯著大大的"小倆口 三明治專門店"字樣.在台灣,"三文治"的字面寫作"三明治"從台灣來過江而來這小倆口,不但只是帶來字面上的台灣風格,更可以從創辦人夫婦的故事中,感受到台灣人的堅毅及以"小倆口"為名的故事.女主角是一位對麵包製作富濃厚興趣的人,不但遠赴日本東京製果學校留學三載,回台灣之後更在當地的山崎麵包店由低做起,本來平步青雲,晉昇至主管的她,一天在工作期間不慎被壓麵機絞傷右手,以致右手四指終身殘障無法完全彎曲.但她的丈夫不但沒有對妻子放棄.更與太太一齊以小貨車賣三明治,不離不棄.直至成為台灣其中一間成功的三明治專賣店.由傷痛到失敗,再由努力到成功,全靠倆口子互相支持.發展至今,此三明治專賣店的款式己多得眼花繚亂!更以特許經營權的型式在港設分

呢間一聽係關於小夫妻經營的檔口,主要做外賣,都設一張2人桌子,我同男友都等左一會先坐到.個黃金蝦堡冇落沙律,有生菜令炸蝦唔會咁乾,一入口就有香脆蝦味.麥樂雞堡,都OK LA.有2片蕃茄青菜,食落有D清.,葱爪餅煎得有D燶,味道唔錯.但價錢同麥記餐拍得住,平均每人30元.貴左D,如左套餐會抵食D.

呢間小倆口開張到而家都食左唔少次，經常會買多幾份俾屋企人第二日做早餐，一向都覺得佢好味大份又經濟。今次我試左個全素既三文治，好岩我口味！素食三文治主要有蕃薯容、芝士等材料，好似好簡單，但又真系幾好味！食落甜甜地，有別於一般三文治。好味又健康！正！

自己住係荃灣咁耐, 成日經過都想試下, 不過次次都行過都多數食完野...早幾日終於有機會試下..試左個鮪魚蛋餅..幾得意, 睇住佢整, 感覺特別好味, 到真係咬落去, 好彈牙, 而且估佢唔到咁香魚味, 我呢個鐘意食魚既人...真係特別支持, 不過食完先醒起唔記得影相, 因為平時無寫開食評...以後食多d, 寫多d先...

成7點半行過,見佢重有人食緊,未收舖,雖然晏多少少就食飯,都忍唔住要入去買黎試下,今日得老板娘一腳踢,見佢要唔停手整野食俾我地,佢真係好忙! 鮪魚蛋堡 ~ 好多料,飽皮又脆~GOOD

小妹第一次寫食評，請各位多多指教之前一路都想試小倆口，不過遠左D，所以搬咗嚟荃灣咁耐一路都冇試，咁而家係荃新天地2期嗰邊箍牙，去開覆診先過嚟咋，好彩D嘢都幾好食，不枉我咁遠行過嚟。得一個人，樣樣都想試，結果叫咗鮪魚蛋餅 (＄15)個盒好靚喎，仲寫到明係用無毒油墨印，真係好放心。蛋餅比想象中細，不過 一個女仔做lunch都夠嫁啦，很喜歡佢即叫即整，落咗成隻蛋，慢慢煎香蛋餅皮，先係雪櫃攞D吞拿魚出黎，仲放咗好多比我添。個皮QQ哋，又多餡，D魚味有少少搶咗D蛋味，不過都食得好滿足。仲有好多野想試，下次覆診又過嚟先!

之前睇食評覺得e間評分幾高 一直都想試 今日終於都試到!晚上8點鐘到 見到仲未關門 心中叫好!一推門入去 老闆就好好笑容 態度很好!之後 就決定食 燒肉蛋餅加芝士 同老闆傾傾下計先知 原來佢地係關7點幾 我去到果陣佢地已經關門 但都做我生意 冇好似其他餐廳趕住收工咁趕客! 仲好好笑容招呼我!很讚!!!!不過我好好彩 佢地今日冇拉閘 可能係因為加裝玻璃門 而且好舒服 有冷氣 又冇塵燒肉蛋餅加芝士全程睇住老闆整 幾衛生!我係果到食 d芝士已經溶左一半 入口好好味 燒肉其實係豬排黎 吾會好難咬我多手加多左d汁 我會覺得就咁食已經好好味!!!下次我會試下其他蛋餅 但會早d去

光顧完"古法雞蛋仔", 直行轉左再過2個街口便來到這裡..專程來買"芝士燒肉蛋餅" $18店東一男一女, 相信是夫婦...很有禮貌..笑容可掬..低讚..即叫即煎..看見店東先放油, 下一隻新鮮蛋, 再放一塊急凍的蛋餅在蛋上面..略煎片刻, 再加芝士, 和另一邊已煎好的燒肉..捲起切件..即成..看見女店東從冰櫃拿出盛載燒肉的膠盒子, 拿1件出來然後把膠盒子放回冰櫃..這個看似簡單的工序..其實代表店東注意食物衛生...低讚!眼見坊間實在太多店舖為了貪方便, 在室溫下擺放肉類, 丸子等, 擺足1天, 吃了不肚瀉真係好運...尤其是車仔麵店...蛋餅放在印有小倆口logo 的小紙盒裡, 蛋皮煙齦, 似我們煎開的薄罉..雖然蛋皮上可見到綠色的蔥粒, 但吃落一點蔥的味道也沒有..芝士半溶+煎香的豬肉(燒肉其實像一片薄切瘦豬排)+熟蛋液...很美味...隨件附上的酸汁就跟咸的餡料唔夾..,可以不沾..幾有特式的台灣小吃..臨走詢問店東怎樣走回荃灣mtr 站, 很詳細地指點, 很親切...原來荃灣城市中心的2樓, 可以經天橋即到mtr站,不用在塵多悶熱的街上走

係openrice見到好多人都對間小食店讚不絕口見係星期六又有時間專登去幫襯一下我去到ge時候客不太多,有一對情侶同一位食環處職員連食環處ge人都lei,係咪證明間鋪環境衛生,食材質素有保證?XDD我記得好多人都推介lei到ge蛋餅所以我一早就決定要個鮪魚(即吞拿魚)蛋餅la不過難得lei到,淨係買一份小食好蝕所以order多個千層蔥肉拉餅所有小食都整叫整做,間鋪都唔係開大冷氣要俾少許耐性同忍下熱la個蛋餅其實都唔係整jor好耐,係個拉餅煎jor 10幾分鐘......個盒好靚ka~而且我返到屋企,d食物都仲熱,亦都冇俾倒汗水整淋到~個拉餅有少少辣,可能係我怕辣先食得出,阿媽話唔係好覺不過好香,而且好煙"um",正!!!鮪魚蛋餅好難食ar,吞拿魚太腥了而且仲要加jor醬汁,係熱辣辣ge時候食咁講好似好衰,不過我真係覺得自己好似食緊貓糧......不過個皮都幾好食ge個笑面睇下下次幫襯時俾唔俾la今次俾個鮪魚蛋餅拉低個分,唔俾笑面