台灣小倆口三文治 (Closed)

1年前在附近讀書，得知這間三文治小店!同學都大讚這間三文治又便宜又好吃，最緊要十分足料。比較喜歡地瓜或者鮪魚的三文治!!!!完成課程，自始甚少吃這間特別的三文治店...因為地點不太方便，以及不再於附近上學。一直有留意這間食店的食評，知道該店的肉鬆蛋餅很受歡迎，很想很想嚐試........今天，重遊這舊地。一定要嚐試這個充滿魅力、無人不歡的「肉鬆蛋餅」XD幸好，店舖不算多人，只有數位客人正等待著新鮮製作的食物!!!!還記得學生是有優惠 ─ 即時減$2，只要出示學生證便可已經夠便宜的蛋餅，錦上添花變得更平，只需要$10~等待的期間，看著老闆用心的製作..愈來愈期待這份蛋餅~同行的友人，受到我的慫恿也買了一份來試，皆因太便宜了新鮮出爐的肉鬆蛋餅出場了!!!!!!!賣相甚吸引!忍不住了>_<正~~~~!齒頰留香，很想叫多一份不過地方頗狹窄，多人時候堂食會比較困難，因為想吃新鮮熱騰騰，才留在這裡吃

其實去過小倆口食過好幾次, 但我每次必食既就係肉鬆蛋餅, 真係超好食, 我真係好想知道佢啲肉鬆究竟係咩肉鬆黎架, 同平時食開既肉鬆唔同, 好好食我都試過佢啲三文治, 我覺得麻麻地咋...我覺得小倆口唯一要改善既地方就係個位置, 因為每次想食都要行好遠先去到, 如果可以就腳啲既話生意一定更好.

由於媽咪從小就在台灣長大而且又是素食者，所以在開飯發現這間台灣三文治店後，第二天早上我便馬上專程從沙田坐的士去買那兒出名的王子素菜三文治。到了小倆囗，我又忍不住買了總匯三文治，豬柳蛋堡，麥香魚吉士堡，總裁牛肉蛋堡及火腿吉士蛋餅。結果家人總結每一樣都非常好吃！麵包鬆軟，醬汁特別，用料新鮮（生菜沒變色，蕃茄也新鮮），素三文治配搭有心思（香港很少能買到好吃的素三文治）。蛋餅非常美味，很有台灣小食情懷。雖然遠，但我會再去。下次會試葱抓餅。

之前睇左報道都想一試, 點知星期日關門, 所以今次就星期六去試.一份三文洽around $15, 唔太平, 但比起茶餐廳一份餐蛋治都要$12, 佢地多咁多特式材料又覺得抵囉.....另外佢地都有set, 或者加$3多杯drink. 咁我就order左台式山母起司堡set ($20), 個飽原價都要$20, 即杯drink係送既. 經老闆娘介紹, 原來山母係台式香腸, 所以即管一試. 而drink就叫凍奶綠.個飽係即整, 熱烘烘, 山母都幾得意, 同埋原來係有隻煎蛋既, 所以呢個飽都唔錯, 幾飽肚. 但係佢個drink就差d喇, 冇茶味, 仲要係冇甜味好似奶水咁, 如果用$10買就真係唔抵.不過佢既location就實在真係太唔就腳喇..........

當m記, kfc等大型連鎖店周圍林立時..小店的出品吃來味道更加獨特雖然本人住在荃灣多年..但因為這店子的位置實在太不起眼, 也不好找..所以我都是在openrice看到食評才知道有這店的存在本來上星期日想到這裡買早餐吃..但原來他們星期日是休息的只好今天再去看看~店子其實真的很細小基本上沒有坐位的~顧客主要都是外賣來吃今天試吃了鮪魚肉鬆漢堡, 麵包是即時弄熱的~加上有很多芝麻~香脆好味~鮪魚即是吞拿魚~吞拿魚和肉鬆下得極多2樣東西很match~肉鬆不知為何帶點脆脆的~好吃~下次希望可以試一下蛋餅

見咁多朋友介紹同話好食....今日完成交易任務後回荃灣,,,就決定去搵呢個店xDDDD我都用左幾個字時間先搵到=VVV=這店真是滿細的=V=和位置不易找呵=VVV=去到就即刻睇睇門面個大餐牌,,,大部分價錢也可以接受呢^^(途中每位店員都好好笑容好好態度....沒有嫌我選得耐呢TVT..感動)最後決定點了:-火腿+玉鬆蛋餅($18) : 見住師傅一路整一路微笑哈XDDD 好有誠意~盒拿上手是真的熱騰騰的...GOOD!!即刻跑番屋企食....嗯,,,其實個醬汁個人只系點左少少=VV=可能本身食野吾太中意落醬....但系個醬系好味的個餅本身偏淡,,,不過有塊煎蛋痴住口感好贊同埋個人認為真系要配玉鬆食>//////<...好好味好好味>V<食完第一塊就停吾到口哈XDDD下次再來要再試試其他口味先得>V<

之前行過好幾次都未有機會次,又見雜誌介紹過唔錯,終於可以試下啦!鋪位細細既外賣小食店,但又帶點台灣style.食物款式都幾多,不過都係由幾種主要既飽類加入不同既材料.基本上價錢以可飽肚黎計都唔太貴.叫一份"肉鬆蛋餅"係台灣標準小食黎試下,個店即刻整而且手法都好純熟. 整好左一個細細盒,好熱蛋味好濃,又有少少煙un,配上肉鬆同香蔥芝麻,不錯不錯! 食著睇著都好有台灣街頭既感覺,可惜後來一聽佢地之間既對話發現個個都操流利廣東話,都幾好笑.

又係六點半來執平三文治。$8/份,淨番5份咋!「老闆」熱情招待,我從深紫色的紫薯,和鮮橙色的地瓜中揀選,當然揀了地瓜~因為地瓜夾在中間,分開兩份食又食唔到mixture,所以要大啖大啖四片麵包吃,真係斯文D都食唔掂!地瓜很juicy!如果魚鬆再多D,整體印象會深D。值得一提是,為何她的生菜,夾了一整天,仍沒氧化,仍頗爽口咕噃!

今次o係第2次食laaa~不過都係冇take photo添始終只愛蛋餅~之前食o左 tuna吉土蛋餅+黑糖奶茶(共$21~)今次食o左 鴨胸吉土蛋餅+黑糖奶茶(共$24~)嘻嘻~今次我反而覺得蛋味少o左, 不過依然足料, 啖啖都係鴨胸, 而且鴨胸唔太肥~朋友叫我食, 話好香~即刻問我o係邊到買~黑糖奶茶都好正~幾濃黑糖味~反而奶茶味唔夠濃~下次我會試下個burger~因為好似幾好味咁*同埋我會記得take photo gala!!!!ps. 因為係即叫即整, 所以要等around 5mins, 不過有heart的人做好味的食物~等下都okay!!

小倆口開左都有一段時間而我住正響對面都係上個月先第一次幫襯第一次食過蛋餅(芝士煙肉)之後…對果陣味念念不忘特別是醬油膏，好岩我口味第二次食係打電話落Order...我原本想叫番蛋餅但叫錯左蔥抓餅，到拎果陣先知~仲擔心唔好味~點知都好好味…口感好好~煙煙韌韌~連我cool緊牙都唔會*牙雖然十幾廿蚊買"塊餅"好似有d貴~但真係好味，加上我可以分到兩餐食…所以都覺得合理不過，講真果句：D野飲真係麻麻第一次寫食評~都係應承左佢地所以先寫~但真心覺得好食先上黎寫

很近我的公司，因此都食過好幾次。我食過好幾款包，裡面的蔬菜都係新鮮很爽，而且麵包不會因為醬汁而淋咗，可能就係因為新鮮製。魚柳飽好食，魚不會乾身。總匯，好豐富，每種材料都新鮮美麗。最特別是蕃薯三文治，未食過，原本覺得有點"濟"，但試過食之後又出其地夾喎。價錢不算太貴，但有時收工去，買剩餘的下午茶包，就最抵！

特意平日來試, 唔駛等第一次黎, 叫左'麥香魚吉士'+咖啡麥香魚吉士真係好好好味咖啡就......第二次黎, 叫左貝果Bagel+奶茶, 個bagel唔熱, 都唔係好好食, 都好麥香魚吉士好食好多.呢熱奶茶, 只不過係熱珍珠奶茶, 呢間鋪冇設座位, 我自己走左去後面華X公園, 即係千XX後面個公園坐低食.係一間好特色的台灣健康美食, 可以一試

難得早上有時間過來買早餐。買了總裁牛肉蛋堡+特調咖啡$26。當吃時,已是35分鐘後的事。所以沒期望麵包脆與否。一向不喜歡佈滿芝麻的麵包,因為芝麻太生,有朕果仁腥味。但這裡的包,雖然被汁,或夾製時潤濕了,但那些微脆的芝麻香,令整個漢堡味道,錦上添花!牛肉餡看去很dry,其實很juicy!加上溏心蛋&特製酸酸甜甜的沙津醬,夾埋真的很好吃!「時新」的懷舊牛肉漢堡扒是出色,但「小倆口」的配料也是給人滿意!加兩蚊,試埋飲品─特調咖啡。非常極之失望!什麼是「特調」!?「特調」竟然是一杯黑咖啡??還要自行加奶精.....是粉末奶精!!連花奶也沒有!!飲了兩小啖,掉了。之後幾天,試埋麥香魚吉士漢堡$16(上次太早,炸鍋未ready)。麵包一樣是芝麻包。包中芝士味不太出。炸魚有魚汁!!!還有那些甜甜地的青瓜醬粒,很醒胃。如果真的要比較,總裁牛與魚柳比較,牛肉那個好味D!!平日來,有很多色彩三文治選擇。但6:50pm時間,原來三文治已售出九九十十,餘下兩份咋!沒選擇下,選了豬柳三文治(特價$10)。白麵包好食；豬柳很嚡,有煎蛋和蕃茄充下場,無咁乾。期待下次吃地瓜三文治、牛角包!

小妹經常幫襯,最愛素食三文治,近來新寵係即叫即煎手抓蔥油餅''手抓''喻意用手抓鬆麵團以增加口感層次!其實最重要係整麵團對摺嘅層數,同puff pastry原埋差唔多! 今次我揀左手抓餅+雞蛋&黑糖奶茶(另可加火腿/芝士)基本上熱辣辣嘅手抓餅應該同半溶芝士最夾...無奈要減肥 見到老細响度慢慢煎,食呢个唔可以心急架~如果求其煎一陣,表面好似冇問題,外圍睇亦夠鬆軟,但當你咬多兩啖,就會發現中間仲係死實實一團粉...真係諗起都冇胃口! 所以只要俾啲耐性,一份地道嘅台式蔥油餅就會出現喇~拎住燙手嘅蔥油餅,急不及待放入口,滿滿酥香鬆軟嘅感覺~~因為加左雞蛋,蔥味不算太特出,細嚼之下竟然甜甜地嘅?!原來老細响中間搽左台式醬油,正好中和油膩感!抵讚~呢度嘅黑糖奶茶係好飲,但如果可以配埋豆漿就perfect喇~

我係荃灣返工, 日日都會經過"小倆口", 一直都以為佢地只係有三文治賣, 前排再經過買三文治既時候, 同老闆閒談先知道"小倆口"原來仲有其他野賣, 台式蛋餅同漢堡都有添, 最抵死既就係連Party到會既服務都有, 尋日係我個仔仔三歲既生日, 我前幾日就去"小倆口"order左一d小食同甜品, 估唔到d朋友都話好食, 我自己最鍾意既就係三文治拼盤同鴨胸肉拼腸仔菠蘿, 老公就話鹵水牛展火雞腎同埋黑椒牛柳絲飯最好食, 仔仔當然最UM食就係芒果椰果布甸啦! 不過我都係第一次嚐到有椰果既布甸, 口感一流, 估唔到誤撞誤打咁訂Party, 都有咁多驚喜, 8樣野都幾大份, 價錢都唔算貴, 1500大元有找, 加埋我自己訂既蛋糕同其他食品, 都夠30幾人食飽添! 下次我打算再去"小倆口"試吓佢地既招牌貨"總裁牛肉堡"同埋台式蛋餅, 捻起都好想食添.....超讚!