西貢越南真味

Open Now

Now Closed

難得有空，同太太逛逛九龍城。順便食埋晚飯。途經獅子石道，見一越南食店有人排隊，相信食物不俗，立刻試試。等了約10分鐘，已經攞到位。二人叫了鮮蝦蟹膏扎肉湯檬，越式三寶飯，凍越南滴漏咖啡及椰汁冰。扎肉湯檬湯底非常得，充滿蟹及蝦的鮮味，呷一啖湯，滿口鮮甜。湯檬材料亦豐富，有蟹柳及蝦仁等。三寶飯包括有豬扒、雞翼及扎肉。另附上薑蔥及自製豉油，飯size大，豬扒及雞翼醃得非常入味，豬扒食落亦鬆化。越式咖啡非常特別，因用滴漏方式冲咖啡，味道非常濃郁。如咖啡份量多些，相信會更好。椰汁冰尚算不俗，椰濃郁及非常解渴。埋單約$200 ，價錢ok。

🇻🇳西貢越南真味Saigon Pho九龍城獅子石道27號地舖.呢日去咗同事推薦嘅越南餐館食lunch，質素果然唔錯😋。.西貢什會河粉（$68）配料豐富，以豬頸肉最出色。表面燒得香口，亦保持到肉質鮮嫩。比起一般炭燒豬頸肉重香料味，而且味道更有層次。.越式牛坑腩湯河（$58）牛坑腩夠入味，而且肉質腍身有彈性。.牛油雞翼（$68）雞翼一上枱已經香氣撲鼻，食落表面香脆，裡面嘅肉汁爆出嚟。雞肉嫩滑，而且充滿蒜蓉同牛油嘅香味。質素對得住價錢。.椰汁綠豆冰（跟餐價$14）紅豆冰飲得多，綠豆冰就好少見。飲落清甜，而且好消暑。食完濃味嘢飲落會覺得格外清新。

嚟九龍城除左要去食泰國嘢之外，其實仲可以試吓呢間越南野。唔知係咪老闆同老闆娘，佢哋熱情嘅招待，係今時今日嘅香港已經值回票價講真佢啲嘢真係抵食叫咗一凍一熱越南咖啡，自從喺越南飲完之後一試難忘， 每次食越南野都要飲呢碗西貢雜錦河粉，大大碗好多料，有蝦有豬頸肉有扎肉有蟹柳，唔食牛嘅朋友就可以叫呢個！味道正宗加埋辣椒好惹味海南雞飯係越南style，啲雞都好嫩滑，加堆個秘製醬汁好好味必點牛油雞翼，炸得超級香脆同埋啲肉勁嫩滑

✨#中女獨食難肥日誌 ✨#西貢越南真味 #九龍城 #中女食九龍城九龍城除了泰國菜及好多火鍋餐館外，也有越南餐廳😋平時lunch 想吃牛河、撈檬就會來，愛吃飯的也有飯餐送冷熱飲幾食！..#鮮蝦蟹膏扎肉湯檬 $78試過牛河撈檬，今次被餐牌橙紅色湯底吸引了☺️上菜發現好大碗！先飲個湯，少少酸微微有蕃茄🍅亦有蟹膏香濃的味道！不過還是喜歡加幾粒紅辣椒調調味😋兩隻蝦都幾彈牙🍤🍤還有幾片扎肉及兩大粒肉丸超足料！..#青檸梳打 特飲半價+$12天氣最近又好熱，飲杯冰涼青檸梳打好fresh🍸食飽碗粉飲啖梳打，爽呀👍🏼..📮地址: 西貢越南真味 (九龍城)九龍城獅子石道27號地舖☎電話: +852-27458888

朋友係SPK下班,於是去九龍城食下晚飯,搵左間越南餐廳簡簡單單食下個晚飯。叫左個廚師推介的鮮蝦蟹膏扎肉湯檬($78),個湯底係鮮蕃茄做,仲有幾塊蕃茄係度,酸酸地幾開胃,而且不咸,不辣,可以當湯咁飲埋。材料有兩隻已經幫你除左殼的大蝦,蝦是彈牙,新鮮的。仲有3塊厚切的扎肉同埋2粒用豬肉整成的肉丸。牛肉撈檬,牛肉分量都算多而好香,配上酸汁,好味。兩個檬粉的分量多,飲完杯野,都不用叫小食,已經好飽。我地叫左杯紅豆冰同三色冰,三色冰有紅豆同綠豆蓉仲有綠色一條條的東西,兩杯不太SWEET,而且豆的軟硬岩岩好。

火車頭牛肉鍋粉 💰88 7⃣呢個jumbo size嘅越南pho，入面嘅配料絕對唔嘢少，有晒生牛肉片、牛肉、牛丸、牛百葉、牛筋同蘿蔔等。值得一提係佢哋嘅生牛肉片真係好新鮮，牛筋都燜得十分入味。佢哋嘅河粉都正常啦，但配料多到值得7⃣分，小編真心唔講經地覺得夠兩個女仔食，-越式三寶飯 💰65 7⃣三寶分別係豬扒，雞翼同埋扎肉。豬扒醃得好好味而且雞翼好都juice，佢哋嘅扎肉都算ok厚切，配埋蔥蓉撈埋一齊食真係無得頂。-椰汁綠豆冰 💰28/龍眼冰 💰24 7⃣綠豆冰真係好好味，綠豆蓉配埋椰汁一齊飲解暑又清爽。小編都推薦龍眼冰，龍眼特別嘅甜味超級解膩。

西貢越南真味下午既九龍城超級多人，而且食飯時間學生超多，要排隊火車頭火車頭湯河，上菜時有陣很香的氣味，可是很快就散了湯夠熱湯底通常偏淡，亦有一陣牛腩汁的味，但不會覺得鹹生牛肉覺得幾用心製做，真材實料，牛肉肉質好嫩，有啲粉粉地色，剛剛熟。湯底先係主角，湯底濃郁，好甜，而且一啲味精都冇，飲完唔會口渴。河粉既份量都幾多，食晒一定夠飽。習慣加幾滴魚露？不如跟從餐廳建議，加甜醬或是拉差辣醬，又是另一番風味。跟餐叫了凍檸茶走甜。就這樣吧食一餐好味既午餐——

係人都知九龍城最多野食架啦,而且呢排天氣轉涼, 一支公又想食番碗暖粒粒既越式粉麵就岩曬啦!來到門口大大個招牌寫住 西貢越南真味, 直接入去試下啦! 通常我中意啲餐牌上有食物相,再決定要叫邊樣野食,見到menu提供多種類既選擇, 又有大大張野食相片,見到都覺得吸引,除左湯粉之外,仲有好多小食揀,可以話滿足曬我所有願望. 不過今日一個人,就只叫左碗鮮蝦蟹膏扎肉檬粉 ($78)同埋 椰汁紅豆冰($28). 侍應來緊果陣我已經聞到陣蟹味,一眼望落覺得好足料,有met左蝦殼既蝦,肉碎,番茄,同埋手搓肉丸 湯好多,開餐啦!!! 習慣食湯麵之前,飲一啖湯先,酸酸甜甜既番茄同淡淡洋蔥甜味,仲有用蟹熬出來既鮮甜.一啖湯一啖麵,好滿足,唔好以為呢碗麵食吾飽,其實勁飽 er~~~~ 紅豆冰係香港人既集體回憶,雖然好多舊式茶餐廳都有得飲,飲紅豆冰最驚就係啲紅豆太甜蓋過奶味,而紅豆既軟硬度適中,越飲越開滋味,配埋碗鮮蝦蟹膏扎肉檬粉真係一流.

今晚同朋友去九龍城食飯，我哋就去咗獅子石道的「西貢越南真味」九龍城分店，嘆個快，靚，正的正宗越南餐。餐廳環境很乾淨整潔，座位寬闊， 坐得非常自在。我揀咗特色粉麵「火車頭牛肉鍋粉」，$88仲免費有埋冷熱飲品，如特飲就要以半價優惠都可飲到。「火車頭牛肉鍋粉」可以稱得上越南菜必吃食品，食材豐富有肥牛、牛丸、 牛筋、 牛柏葉及一個甜美嘅白蘿蔔。碗粉非常大碗，河粉好滑溜，肥牛同牛筋夠入味，牛丸都爽彈，味道十足好。加埋一杯凍越南滴漏咖啡，咖啡同冰分開上， 當咖啡滴露完畢，再倒在冰上就可做成一杯凍飲， 咖啡味香濃，飲出真正越式咖啡味。

麻甩佬之選。今天在九龍城工作，看到這間店人流多，應該有保證。進店後不知道食甚麼好，唯有叫店員推介。最後叫了香茅豬扒飯和凍奶茶。豬扒皮脆肉嫩，香茅味適中。奶茶的茶味偏濃，下一次要叫多奶比較好。

九龍城一向多美食，今日口淡淡想食麵，同行有人又想食飯。於是決定去越南餐廳一次滿足晒兩個願望。同行有人帶咗香茅豬扒飯。豬扒都算厚肉，好重香茅味。炸得岩岩好，咬落去面頭係脆，但啲肉唔會乾身。我嗌左西貢什會河粉。河粉好大碗呀，仲好多餸。有蟹柳，豬頸肉，蝦，扎肉，蘿白。蘿蔔清甜無渣。豬頸肉厚切，肉質有彈性，好有驚喜。蝦肉食得出係新鮮蝦，唔係雪藏。除咗煮食我哋仲帶多咗個小食炸春卷。春卷好足料，炸到脆卜卜。用生菜包住，點汁食好Flash。超推介。最後飲番杯紅豆冰。好多豆豆，椰汁味幾香。值得留意嘅係飯市好旺呀，可能附近好多學生放lunch。大家想食嘅記住留意避開繁忙時段啦。

我經常逛九龍城，獅子石道27號，見店外有幾個人排隊，心想必定不錯，餐裝修懷舊風格，有和諧舒服的感覺。點左越左三寶飯$65，有豬扒、雞翼和扎肉，扎肉不錯、雞翼有二隻炸豬扒大大塊，真抵食。太好味要叫多三隻$25香芧雞翼，炸得香噴噴香芧味重，極美味。鮮蝦蟹膏扎肉湯濛$78，十分足料有鮮蝦、扎肉、肉丸、芽菜、蕃茄、九層塔，湯底蕃茄味香濃，蝦🦐很新鮮，肉丸有肉香，有粒粒肉碎，超正。👍配餐飲檸檬🍋茶和西洋菜蜜。這餐真美味又抵食，下次有空再食其他食品。

屋企人去哂旅行，無飯開，同細妹落樓下簡簡單單食個飯。【火車頭牛肉鍋粉】$88勁大個碗，份量都好多。湯頭好醇厚既牛骨香，我最愛既毛翁香葉味就吾明顯，加左青檸，湯頭清新左好多。材料好豐富，有牛腩、牛肉片、牛丸、牛柏葉、牛筋...牛腩【越式牛坑腩飯】$58未試過越式既就試下，加左大量洋蔥一齊炆，好多汁又甜又有肉香，同時太多油脂。【椰汁紅豆冰】半價$14椰汁濃厚，紅豆軟綿，紅豆冰一般都偏甜，而呢個就正常。

工作有壓力，心情悶悶不樂甘，要食返d 野為自己加加油，打打氣先得😬黎左美食天堂既九龍城，二話不說，我就鎖定目標去食撈檬，話曬食酸酸味味既野，令人開懷不少.... 入左黎呢間西貢越南真味，細細間又企企理理甘... 人都幾多... 我就急不及待去落order ... 豬扒撈檬（$54）。果然無令人失望⋯⋯ 豬扒炸得香口又能夠鎖住肉汁，有咬口，唔係得個「淋」字。仲有，碗撈檬仲有唔少配菜，切得好幼身青瓜，蘿白絲，生菜，溝埋魚露，又清新開胃，心情都不其然好起來😊。本身無咩胃口既我，全碗都被我KO 曬了⋯⋯

係人都知九龍城係美食天堂啦，一場黎到... 唔係唔搵食牙maaaa .. 但太多食肆又令我有點花多眼亂... 我一路行一路去睇下邊間餐廳比較多人啦⋯⋯ 再睇埋最緊要既... 價錢。好啦⋯⋯ 今餐就一於去試.... 今次叫左個火車頭牛肉鍋粉（$88），越南河粉份量都挺多的，每條口感都超幼滑，再配以大量香料配菜，真係明白點解菜式名用「鍋」，無花無假... 真係2人份量... 另外，香味俱全的和牛河必食推介！肥牛既坑紋幼細，每咬一口都真係食到有牛味，唔會un... 雖然一碗麵要$88，但絕對係超級超值，岩曬我呢d 吃貨妹👧🏻