西貢越南真味

Open Now

Now Closed

在西貢已有兩間的人氣越南湯河店「Saigon Pho西貢越南真味」，一直深受食客歡迎，上年中殺出西貢，於九龍城開設第三間加盟店。今天相約朋友來試試加拿大的牛河味道。先來當然是火車頭牛肉鍋粉 $88，再以半價加配熱越南滴漏咖啡。材料有新鮮的生牛肉、牛腩、牛丸、牛柏葉及牛筋，份量十分大，每日用鮮牛骨熬製湯底，牛味清甜而不油膩，河粉細滑，配上九層塔、青檸和紅辣椒，十分美味。另點一個午市優惠套餐越式牛坑腩飯 $58，牛腩炆得腍滑入味，另半價點個特飲椰汁紅豆涼粉冰，非常划算。見牆上海報內的越南牛油雞翼 $68 好吸引，點一客來試試，上菜時香氣撲鼻，外皮非常脆身，雞翼大隻飽滿，若果可以少點油份更好，嘆住越式練奶咖啡，多食兩隻雞翼，跟友人享受舒適的午餐。

今晚同樣係屋企附近開飯，其實住係九龍城都未必一定要食泰國菜的，轉一轉食越南菜都唔錯ga! 位於獅子石道呢間越南餐廳小店價錢都幾經濟，一於試一試先...我同妹妹一人叫左一碗粉同一杯特飲！都係二百蚊有找！抵呀火車頭牛肉鍋粉 HK$88呢個招牌火車頭牛肉鍋粉嘅配料絕對不少，分別有生牛肉片、牛肉、牛丸、牛百葉、牛筋同蘿蔔等，再配以河粉，大大碗一定食得飽飽！鮮蝦蟹膏扎肉湯檬 HK$78另一碗鮮蝦蟹膏扎肉湯檬嘅配料同樣分量十足，有鮮蝦、扎肉、牛丸同蕃茄等，再配上檬粉及蕃茄湯底，食落酸酸甜甜，特別醒胃呀！椰汁涼粉冰 HK$28 (跟餐半價）奶茶涼粉冰 HK$28 (跟餐半價）特飲跟餐都享有半價優惠，夠晒冰涼解渴！抵飲

九龍城📍一間性價比高嘅越南菜，雖然格局似茶餐廳，但食物質素不錯喔！上菜時間亦都好快⏰~*~*~*~*~*~*~*~*~*~*~*⭐️鮮蝦蟹膏扎肉湯檬🉐 必點的！ 湯底好有鮮味，配合番茄加上濃郁嘅蟹膏味道，份量亦都唔少，呢個價錢絕對係性價比高 $78 ~*~*~*~*~*~*~*~*~*~*~*⭐️越式蝦餅🦐 口感彈牙，但略嫌🦐味沒有很突出。~*~*~*~*~*~*~*~*~*~*~*🌟overall scores: 7/10

九龍城最多泰國同越南野食，今日就嚟試下依間啦我地好彩早到唔算好多人，隔左一陣已經滿座咁滯一見到幅相已經好想試，上枱即時俾啲香味吸引，首先試下佢個飯先，噢，黃薑粉味都幾重喎，亦都唔會偏鹹，又帶油香，而雞方面，雞皮爽口雞肉都保持到軟淋，佢嘅雞皮係會令你忍唔住送埋飯食，附上嘅醬汁酸酸辣辣，配雞肉都唔錯今日最有驚喜係依個湯，一飲落去即刻，好好味呀，勁濃蟹味，感覺佢用咗好多蟹膏熬製而成，每一啖都鮮味十足，當中佢嘅肉丸都要讚下，佢用肉碎再加埋其他配料搓成肉丸，但唔會散哂，味道方面亦醃得啱啱好，總括我十分愛依個湯檬，最後連湯底都俾我ko左～最後加埋兩杯食越南野必點嘅椰汁冰同青檸梳打，味道穩穩陣陣，不錯👍🏼

來到九龍城，這美食天堂，形形式式美食盡入眼廉，與爸一起，親子間便選了這間以越南菜聞名天下的西貢越南真味！1.咖哩牛腩飯: 黃咖哩的香飛撲鼻中，不刺鼻，令人食指大動，牛腩又諗身，有咬口，天呀！咖哩與牛腩已成絶配，永不分離了！老爸不禁大叫:"好好味呀！為何人天生衹得一個胃！"2.香芧豬扒檬粉: 經過持別處理的豬扒有脆香，脆香到令肉身柔軟，豬味濃，啖啖肉，異常興奮！檬粉又幼嫩，配上酸汁，好味到飛起了，也飽到上天靈蓋！3.龍眼冰: 清甜，清新，龍眼肉功不可沒，龍眼冰萬歲！4.椰汁綠豆涼粉冰: 本身我一直超like 椰汁,配上軟綿綿的綠豆，夾上涼粉，一併吞入食道，冰冷，爽口及超快樂感油然而生！親子間，在乎西貢越南真味也！

今日同朋友行開九龍城傾生意， 見到呢間西貢越南真味都幾多人，同埋都想食啲河粉檬粉濕濕地。咁我叫咗個火車頭牛肉鍋粉，朋友就叫咗鮮蝦蟹膏扎肉湯檬。 飲品方面我就叫咗個凍越南滴漏咖啡與朋友就叫咗椰汁冰。碗火車頭牛肉粉真係大到不得了，仲抵食過日本拉麵，碗嘢有牛柏葉、牛肉、牛丸 、牛腩 、牛筋同 蘿蔔， 其實真係有啲似我喺加拿大食過嘅越南河粉。 D牛新鮮到不得了， 嫩口而且真係有牛嘅鮮味。 記住店舖有提供一啲辣椒我個人建議加兩粒辣椒就啱啱好。至於我朋友嗌嘅鮮蝦蟹膏扎肉湯檬， 嗰個蕃茄湯真係新鮮嘅，蕃茄我都食到佢啲核加埋蝦膏，非常之鮮甜惹味。 唔可以唔提佢個檬粉，粉非常之幼細，其他店舖都是冇呢啲咁幼細嘅粉，夾埋湯底十分抵讚!最後凍越南滴漏咖啡， 都係必試嘅飲品，咖啡非常之香濃而且奶味和甜味又啱啱好。 夏天飲番杯冰凍咖啡，真係十分之享受。 雖然椰汁冰我試唔到但聽朋友講椰汁冰都好好飲。如果有朋友行開九龍城嘅話一定要試下呢一間店舖，因為我覺得佢個水準真係非常好之餘，同你會體驗到加拿大越南粉特色!

九龍城出名多美食， 泰國菜大家當然就試得多， 但今次我光顧的是一間越南餐廳。這間越南餐廳頗特別， 因為他的原產地是來自加拿大， 所以你可能可以在這裏吃到加拿大的越南味。在這裏吃了個lunch set， 我點了一碗安格斯牛河， 加配一杯凍奶茶， 價錢也只是港幣68元， 可說是性價比甚高。牛肉質素方面， 由於選材是安格斯牛肉， 所以肉味 和肉質當然有保證。 湯底方面 吃得出是用 濃縮牛骨湯淆製， 配搭著柔軟的河粉， 十分惹味。今日我終於知道， 東南亞和西方味道的混合體是如此完美。

今晚同閨蜜去咗九龍城食飯😁 我哋見到呢間越南菜好特別，寫住嚟自加拿大，我就問我呢個喺加拿大讀過書既閨蜜點解😂 佢話原來加拿大嘅越南菜好正宗，做得好出色😮 我哋叫咗一個火車頭牛肉鍋粉，一個越式咖哩雞扒飯，一飯一麵share非常好👏 仲有一杯熱菜蜜同埋熱鴛鴦～火車頭真係好大份😂 有牛柏葉，牛肉，牛丸，牛筋，白蘿蔔，洋蔥，芽菜等等，非常豐盛👏👏 平時我係唔太食牛丸，但係朋友話唔錯叫我試下， 估唔到又真係好彈牙😮 都唔會好重牛嘅"so"味👍牛肉就啱啱好唔會韌， 牛筋就炆得好淋😋 越式咖哩雞扒飯唔會太辣，岩我😁 有咖哩嘅香味，雞扒又滑，個薯仔係煮到好淋，我同朋友都好中意🤣鴛鴦就幾香濃順滑👍菜蜜好足料係偏甜嘅朋友話呢間可以媲美加拿大嘅越南餐廳，得閒會再嚟幫襯懷緬一下😂

出開九龍城做野做到有d晏，夜晚就喺附近簡單食一餐。同朋友不約而同想食越南野，於是揀咗越式餐廳。餐廳裝潢簡簡單單，餐牌中英對照。我地點咗海南雞飯（＄68）同埋鮮蝦蟹膏扎肉湯檬（＄78），一杯食椰汁系列飲品，另一杯就係熱檸茶。朋友既扎肉湯檬比想像中大碗，而且非常足料，蝦都有好多隻，湯底酸酸甜甜好開胃~我既海南雞飯都唔錯，有成隻雞下脾，而雞肉就皮嫩肉滑。至於碗飯都好夠味，每啖飯加少少醬料食，冇餸都會食哂成碗飯呀。

越南我就未去過, 係香港就食過好多越南菜, 真唔真我就無資格去俾任何comment, 但我可以話你知呢間就真係好味道既!!星期5晚去度已經9成9 full, 得返對住廚房坐既bar台,同老公叫左1個飯, 1碗粉,各自叫一杯飲品就已經好滿足~咖喱豬扒飯~咖哩較為結身，薯仔淋身，入晒味，豬扒夠晒大大件，配白飯係1流!火車頭牛肉鍋粉~呢個好大碗呀！亦都有好多餸~有牛腩、牛筋、牛柏葉、牛肉、牛丸、蘿蔔!一黎試左個湯先，有牛味得黎亦好清甜，令人一口接一口，重點食完唔會口渴，大力堆薦，配料咁多，亦都岩晒3心兩意既為食朋友仔!凍奶茶+青檸梳打~飲品係正常水準，我飲凍奶茶，奶茶比較港式沖法，茶底較濃，好飲!我最鐘意就係支持小店，如果係九龍城區食嫌左泰菜，都可以考慮一下呢間西貢越南真味，價錢相宜味道不錯!

之前有食過位於西貢的總店，新開的分店選了十分多食肆的九龍城，地點方便多了，裝修簡單，環境比總店闊落舒適。厚厚的餐牌選擇十分多，餐廳的主打美食亦貼於牆上，價錢亦不算貴。我要了一碗鮮蝦蟹膏扎肉湯檬，份量大大碗，湯底用上蟹殼，蟹膏，蝦殼，蕃茄一齊煲，甜甜酸酸，鮮味十足，又開胃，蕃茄 大件，配上數件扎肉及蝦肉，再灑上炸乾蔥及香葉，增添香味。越式咖哩豬扒飯，越南的咖哩比起泰式咖哩來得溫和，辛辣味少，帶點洋蔥味的甜，薯仔煮得頗淋，豬扒炸得香口，很好送飯，配上大大碗白飯岩晒。到越南餐廳，青檸疏打是不可少的。

九龍城區嘅食店林立，當中越、泰菜為數不少，今日做完嘢經過呢間店，見門口嘅餐牌都幾吸引，望入去裡面都唔錯，就响呢度解決晚餐。店內裝潢頗有特色，有卡位、單邊梳發，乾淨企理幾舒服。同事話想食啲濕濕哋嘅嘢，我都叫咗個店長推介嘅湯檬。鮮蝦蟹膏扎肉湯檬$78湯檬用蕃茄湯做底，好香。材料豐富：鮮蝦、扎肉、肉丸、芽菜、洋蔥、蕃茄、九層塔、炸蔥頭......蝦仁彈牙鮮味，扎肉香軟微彈，肉丸充滿肉香，檬粉軟硬適中，蟹膏令個湯又鮮又香，平時咁大碗實食唔晒，今次幾乎連湯都飲晒，飽到有啫喱送都無要呀！蝦餅湯粉$68剛炸好嘅蝦餅好大份同事嘅湯粉都好大碗，偷食咗一件蝦餅，口感彈牙有蝦味，唔錯。青檸梳打$24食越南嘢最鍾意叫呢個飲品，清香醒神嘅青檸同充滿氣感嘅梳打水係最夾嘅，飲完咩氣都順曬。凍檸檬茶$19同事話河粉好食，檸茶夠曬檸味喎。

九龍城可以話係香港既小東南亞，基本上有好多唔同亞熱帶國家既菜式，可能啲人都會揀泰國菜，今次就揀左食越南菜，唔知咁多位朋友仔有無去過越南又或者對越南有咩感覺呢？👦🏻去過兩次越南都好鐘意佢地既風土人情同食物，唔知有無朋友仔都鐘意呢？今次👦🏻就叫越式蕃茄牛腩飯+椰汁涼粉冰，👦🏻特別鐘情呢兩樣食物，點解呢？因為係香港好似都好難搵到呢個組合，當然佢地都配合得好得宜，蕃茄既酸味中和番牛肉既騷味，而且可以令到牛腩更加軟淋；另外椰汁涼粉冰亦都係一樣幾fusion既菜，👦🏻係一個椰汁忠粉，所以食東南亞菜大部時間都會揀椰汁，今次見少有加埋涼粉都無令人失望而帶來一點驚喜。每次都會透過以下6大方面評分(滿分:30分)味道 : 3.5 / 5環境 : 3.5 / 5外觀 : 3.25 / 5價錢 : 3.25 / 5服務 : 3 / 5 回頭率 : 3.5 / 5總分 : 20 / 30性價比：越南食物好多時都會大件夾抵食黎形容，今次都唔例外，食物既味道同餐廳擺設都令👦🏻呢位食客好開心，唔知咁多位朋友仔又會唔會想去呢？

最近市道都唔係太好，今日同朋友行過九龍城，見到有間越南餐廳，唔算好多人， 就入咗去食，慢慢傾下食下，都坐左個幾兩個鐘。這間餐廳好像是來自加拿大的。我印象中加拿大是很出名越南菜館。今晚簡簡單單，每人叫咗一碗越南湯粉。再來兩杯野飲，鹹檸七。鮮蝦蟹膏雜肉湯檬蕃茄湯底，蕃茄味好濃。好好飲。香茅豬肉湯粉豬肉份量都算多，鹹淡未適中。真的很有越南風味。總括來說，依家越南餐廳嘅食物味道不錯。可能係新開，冇乜人知，人客偏少。

到了一個很久都沒來這地方九龍城～這間人流不算多，很易尋找座位的店子，吃個簡單的快食。這裏的招牌火車頭牛肉鍋河，分量大得很驚人，朋友一個也未必吃光，配料有齊生牛肉、牛丸、牛百葉、牛筋及牛肚，湯底超級鮮甜，秘訣相信以大量新鮮牛骨及牛肉碎 ，越南火車頭河粉很多地方也有，這店的湯底非常清澈，入口香羶清甜有牛味，除牛肉外還有有口感之牛丸～也要一吃呢*吃前可以加點青檸，伴著香菜～味道清清重要的是半價特飲，因為红豆凉粉飲品為朋友最愛，所以這個椰汁涼粉冰，冰镇的红豆凉粉，既清热利湿，解暑，又可以美容养颜、清凉解毒。夏天必备喔，一邊吃面，一邊品嚐這凉粉红豆，快樂達成即可。涼粉軟滑且帶少許煙韌，飄香撲鼻。這個美味透心涼凍飲——紅豆涼粉椰汁冰，是朋友表示最近精選項目之一。最新推出鮮蝦蟹膏扎肉湯檬，感覺很新鮮～且是店主介紹吃的，浮沉蟹湯厚厚的一層橙黃色膏狀物，是用蟹肉加蟹油和蟹膏打成，啖啖鮮味呢～雖份量不太多，卻有這碗蟹膏番茄湯檬作招牌。看到網上說，這店湯底以豬骨、番茄、鮮蟹膏熬成，鮮甜開胃，加上鮮拆蟹肉、蟹膏做成之湯水，感覺很棒，店主對食材充滿要求，必用新鮮貨才有這樣的味道；蝦、蟹等海鮮亦很新鮮，每天選購新