聖安娜餅屋

Open Now

Now Closed

媽媽生日正日！話甘快65歲啦！祝母親大人健康長壽吖！做女既我訂左個近排好興既扑扑扑蛋糕，等婆婆同孫仔都一齊玩得開心又食得開心🥳做緊會員優惠，原價218，折左185.3加10蚊生日牌！都抵玩架！我見出面訂要過4 、5百。因為出街食飯，所以唔買甘大個！呢個size 就岩岩好啦！大家食到一啖就算。主腳始終係我吖媽。餐廳好好幫手用檸檬放好個生日牌同支蠟燭！係有收一百元切餅費㗎😌去相！有片架，但openrice 唔支援到片。支援到gif圖都好吖😎天藍色，好夢幻❣️白朱古力外殼比較硬，可能餐廳員工剛剛喺雪櫃拎出嚟。婆孫2人都起勢打左佢20下！終於爆開左！有朱古力、棉花糖、1粒馬卡龍！底層係朱古力蛋糕！除左朱古力外殼食唔晒之外。其餘都食得晒！整體來說👍

呢間聖安娜除左有西式包都有中式包，前幾日發現仲有粢飯賣。粢飯入面包左榨菜、肉鬆、同埋少少油炸鬼。肉鬆偏鹹同埋都幾多，所以要邊食邊飲水。油炸鬼好淋。今時今日要搵好食嘅粢飯真係好難。

買這蛋糕純粹係被那漂亮嘅紫色吸引, 但漂亮的紫色之下係無咩味道的蕃薯茸, 可能本身個紫藉只係有質感但無甘甜味, 而現代追求健康飲食的前題下而又減少糖的份量, 黑糖更加係用咗都唔覺, 唔好話黑糖,基本上白糖都唔覺

sᴡᴇᴇᴛ ᴘᴏᴛᴀᴛᴏ🍠.紫薯軟歐包💜 $12.5好鐘意食紫薯芋泥地瓜....仲好鐘意包包🍞見到紫薯包真係忍唔到😍仲要係軟歐包✨不過呢個包啲紫薯餡唔算太多 集中晒喺中間🤏🏻同埋個包唔係我expect咁濕潤同鬆軟☹️都幾乾身又唔夠軟熟~最奇怪係個包唔知點解係鹹嘅🤣同紫薯嘅甜味唔太夾🙈但係個紫薯味都天然嘅 唔會係好假嘅死甜味💓佢個包仲加左啲芝麻 所以食落仲有陣芝麻香😛不過勝在佢份量都幾大 都算抵食嘅~

地理位置方便，荔枝角地鐵站對面.對於趕返工嘅人好就腳！除左出售麵包、中式唐包、西餅外！仲有即沖熱咖啡！！！最啱朝早提一提醒飲！！！因為店鋪位於工業區，所以朝早買野食會有人潮！大家要預計多1-2分鐘！！下載聖安娜Apps成為會員仲可享有95折優惠.買左糯米雞（$19）糯米唔會好硬！入面餡料好多！餡料：冬菇碎、肉碎、火腿磚、臘腸！味道：鹹香之餘仲有少少甜味！糯米好濃郁荷葉味！ 臘腸一啲都唔會油膩、臘腸好好味！

自從上次吃過它的流心朱古力蛋糕中伏後，我相隔了一段長時間沒光顧，今次經過見有吸引的蛋糕款式，它有個裝和件裝選擇，但因為怕中伏，所以只買了一小件嚐嚐。蛋糕層次分明: oreo慕絲 - 朱古力蛋糕 - oreo慕絲 - 花生醬 - 朱古力蛋糕 - 牛油忌廉 - oreo餅底。朱古力蛋糕鬆軟，吃蛋糕中央位置時，花生醬的鹹香味道很突出，配上帶甜的幼滑慕絲，令蛋糕味道更豐富。但由於花生醬都集中在蛋糕中央位置，所以當吃到蛋糕外圍時，味道就比較單調，就是一件普通的慕絲蛋糕般，沒大驚喜。整體來說，蛋糕是帶點小驚喜的，如果花生醬分佈更平均，能每口都吃到有花生醬就更好了! 畢竟花生醬也是賣點之一嘛！價格方面，蛋糕不過$20多/件，不是太貴，所以也一試無妨哦！

最近聖安娜竟然出流心朱古力蛋糕, 熱愛朱古力的我當然二話不說買個半磅蛋糕獨享。切開蛋糕, 嘩, 好多朱古力漿流出來, 不過就覺得朱古力流心太稀了, 像水一樣。首先試了流心, 味道方面麻麻, 55%比利時朱古力, 味道甜得很假, 其實已有點失望。蛋糕主體整體味道不行, 那個55%朱古力慕絲佔了蛋糕的大部分, 質感很幼滑, 不過朱古力味很淡, 又不夠甜...其實朱古力慕絲很難做得難食, 這個可謂難食的代表作! 唯一比較好味的是意大利芝士忌廉和朱古力餅底, 可惜芝士忌廉份量太少, 整體未能在改善蛋糕味道上起大作用。餅底是oreo朱古力餅的味道, 最後我把所有淡味難食的慕絲撇走, 只食餅底, 是沒選擇中的選擇。至於廣告提到的美國碧根果的存在感近乎零。唉, 只能說一句:中伏!

第二回合是三間鋪頭的紙包蛋糕比拼, A 跟B都是街坊麵包鋪產品, 而C則是在港已經相當有歷史的聖X娜西餅的主產品, A產品係我在青山道豐X飲食中心買的, 體積上占優因為蛋糕比其餘兩個高身, 而B則是在深水埗的皇X麵包買的, 質地方面A & B都係乳化劑系列, 但濕潤感方面A 比B乾而且沒什麼蛋味, B是明顯的軟綿綿口感, 所以太座特愛此口感, 價位方面A比B貴, 而C呢則是在下午茶時段優惠價以$9 /兩個, 所以體積來講呢個最細, 但食味來說,有蛋香蛋糕色也比其餘的更深, 雖說蛋黃的色澤紅色與否跟蛋的食味無必然關係咁講! 同時質地雖沒有B的濕潤, 但咬落去斷開時口感自然, 所以呢次明顯係C嬴咗!

今日早餐火腿芝士潛艇話明火腿芝士潛艇當然唔少得有火腿同芝士啦～以就鮮麵包黎講，呢個都比較抵食d包，長型，比較大個麵包都好鬆軟裡面包左芝士同火腿，仲睇到落足成片芝士芝士味都幾濃郁，做早餐係1個唔錯嘅選擇但價錢都算平$9.2 1個有vip都要起碼$8.2而家食個包都唔可以平食，唯有揀d比較抵食d嘅包黎食啦～

沿路經過聖安娜，便買個麵包當早餐，雖然向來都甚少在聖安娜買任何麵包蛋糕，不過始終要偶爾轉轉口味。事緣經過看到這款比利時朱古力菠蘿包，腦裡出現一個朱古力流心包的畫面，天啊突然就好想吃！所以就果斷的買下了朱古力菠蘿包整個都是朱古力色，外邊沒有太重朱古力味，帶有本來菠蘿包的味道。正在納悶為何沒有太多朱古力味的時候，吃到上面朱古力粒粒超濃味的，吃著吃著麵包中心有一層細細的類似朱古力Cream但比較還要杰身一點，但範圍實在太小，我一小口吃都兩口吃掉了。作為朱古力菠蘿包它也算是合格，但如果能有更多朱古力味道就更好了。

今日去咗聖安娜買咗個$9 火腿芝士潛艇。個火腿芝士潛艇好長身。一咬去食得出個麵包好鬆軟。麵包好香好甜，加上個芝士夾咗個火腿。比例啱啱好。食落口好正。火腿好新鮮。好重火腿味。$9好抵食。

同小朋友到荔枝角做啲事，原本以為自己有充足嘅時間可以先去嘆下個下午茶再去做嘢，點知望望個錶原來得返十五分鐘，唔好話慢慢嘆下午茶，恐怕連等個餐嘅時間都唔夠啵！於是就喺當時最近自己嘅麵包店買兩個包頂住先，一入間聖安娜，真係有啲嚇親，只係下午兩點三到，好多麵包架上已經係空空如也，唔知嘅以為佢哋就快要打烊；只係得返近門口嘅幾個架上有麵包可買，望左一輪後，小妹要左個香酥吞拿魚條，而小朋友自己揀左個沙律雞肉腸包。行出店舖，小妹要一邊趕路一邊咬埋個包，個香酥吞拿魚原來係空氣包，中間好多位係空心的，味道有啲似牛角包，下層有層薄薄的吞拿魚碎，乾身，魚的味道唔算濃，但帶啲辣辣地，令個包加添左幾分惹味不過食完個包都好似冇食嘢咁

日式蛋卷今年捲起熱潮，由正宗日本的Baby Mon Cher，至人氣名店「宏」，或街頭的小餅店，無一不賣蛋卷。其實坊間的大型連鎖餅店，一直都有做蛋卷（或稱卷蛋），只是水準不穩定，及做得不夠精緻，所以乏人問津。最近去聖安娜餅店，見到這個綠色的「宇治金時卷」，只賣$39，比Baby Mon Cher平許多，便毫不猶豫地買來一試。所謂「宇治金時」，宇治是綠茶，金時是解紅豆，現在一般用在甜品上，最常見是刨冰，以綠茶加砂糖及忌廉，再加上紅豆，成為一道多顏色多味道的冰凍甜品。將「宇治金時」放在蛋卷上，可以說是綠茶紅豆卷。說回聖安娜這宇治金時卷，外觀方面，做到整齊有層次，而不是像以往一些蛋卷般忌廉流到四週圍，或者 蛋卷皮脫落，所以這卷物的外型算合格有餘。說到味道，這蛋卷的綠茶味清甜，綠茶味雖略微淡了些少，但勝在沒有苦味，也很軟鬆。中間的忌廉和紅豆混和得相當不錯，好軟滑甜美又不會散開的。難得每件卷的忌廉和紅豆份量分佈得平均，吃時有種滿足感，如果不是馬上吃完，建議放在雪櫃，雪一小時後拿出來，像吃軟雪糕般，質感更好。聖安娜這蛋卷不能跟名店比較，但以這$39價錢，有如此中上的水準，我覺得抵吃！