魚匠食堂 (Closed)

午餐好多選擇！係朗屏商場入面 一上電梯2樓就係Lunch好多選擇 有飯有壽司有烏冬套餐仲有前菜同飲品 唔使加一👍🏼雜錦魚生丼 ($68)有三文魚、赤貝、拖羅蓉、帆立貝同玉子每樣兩件 鐘意佢夠凍 食落幾新鮮三文魚仲幾厚切 啖啖肉😋另外個飯少少醋味 好味嘅壽司飯拖羅蓉撈飯好正🤤 食完好飽！前菜係海蜇嘅物體 幾爽口開胃飲品揀左日本乳酸 似寶礦力 幾好飲😎

當日落大雨，近近地便到屋企附近食個午飯，第一次，有驚喜，因為大碟，但人均消費都係60元，性價比高，而且有卡位坐，舒適，環境乾淨整潔當日人不多，所以上菜快，而且服務員都友善，同老公都會再次幫襯，因為今次體驗難得

星期六既下午一家三口出街搵食今次去到朗屏邨商場🫣雖然唔係元朗市中心又要特登走過去…不過最緊要好食又抵食🔥Menu超多選擇，乜都想試下🤤其中一個Menu係2點後入座減$10🔥🔥🔥本身都唔算貴，仲有得減，真心抵❤️L8醬燒海鮮丼(三文魚、帆立貝、赤蝦、玉子)$64個汁好好味🤤🤤撈飯一流👍🏻帶子大大粒厚切😍赤蝦有鮮味厚肉😍三文魚正常唔算好厚👍🏻玉子蛋好味整得幾好唔會一夾就散👍🏻飯量都多👍🏻👍🏻跟一個前菜（冇得揀，應該每次都唔一樣）好好食咼！好似海帶咁又有中華沙律既感覺👍🏻👍🏻跟餐揀左蜆肉麵豉湯🙂🙂幾好飲唔會太鹹L22 滑蛋吉列豚丼$65 手工奶茶+$12整體份量都大，賣相吸引👍🏻吉列豬好食🤤炸粉唔算厚，肉質唔老唔靭👍🏻滑蛋好食😋因為飯量多如果可以多d汁仲正😆手工奶茶🥤必飲推薦🔥🔥好滑，有茶香👍🏻👍🏻加州卷兩件+$12 👍🏻👍🏻過下壽司口引🙂正常，可以一試！啲飯唔係雪到好硬實果d👍🏻感覺新鮮總結：好抵食，舖面夠大坐得好舒服👍🏻係偏遠左d…不過好食就冇所謂😋👍🏻🔥

推住BB車要搵食真係好苦惱，因為唔多餐廳可以俾客人推埋成架車埋枱一齊食🙇🏻‍♀️🙇🏻‍♂️朗屏邨商場既呢間「魚匠」就可以啦❤️餐廳都幾大幾闊落，一啲都唔迫！👍🏻👍🏻簡約日式裝修🙂餐牌內既美食超多🤤🤤2點後仲可以減$10😝熔岩咖哩蛋包飯拼唐揚鷄 $58配蜆肉麵豉湯有前菜（醃蘿蔔）份量都算多🤭🤭蛋包飯整得好好👍🏻滑蛋好好食❤️咖哩汁少少辣👍🏻👍🏻唐揚雞有7件👍🏻👍🏻蜆肉麵豉湯好飲，有兩粒蜆肉👍🏻全部野都keep到個熱度👍🏻大蔥鷄肉串細烏冬$45配日本乳酸細烏冬好食，真係細😝大蔥鷄肉串👍🏻👍🏻平時食開雞肉串冇蔥係中間夾住，原來有真係差好遠好食左好多🔥🔥有兩件加州卷❤️壽司都幾新鮮，似係即叫即包咁，啲飯唔係凍晒硬實既👍🏻日本乳酸都幾好飲👍🏻👍🏻追加小食-芥末八爪魚$15🔥❤️🔥❤️$15有呢個份量冇得輸！超多！必食推薦！！2點後減$10真係好抵食👍🏻👍🏻👍🏻

住在朗屏邨附近最就腳的日本菜，午餐晚餐我也吃過，今天吃這個午餐，唔大食嘅朋友或女生就剛剛好，一碗迷你烏冬，2件加洲反卷，雞串偏甜，包埋飲品，還有即磨咖啡。下次試下魚生飯先😌

屋邨商場既日本嘢嚟講，算可以，食過幾次，不過今次食，同之前比較。。。老實講，係差咗少少，同埋串燒雞軟骨。。。我真心失望😞唔係話燒得唔好食，而係細粒到一開二，細到好似燒雞皮咁，落到檯真係有少少O嘴咯…唔抵食，希望可以改善下

醬燒海鮮丼飯+前菜+嘢飲 $62～》飯好夠，菜都好足：有三文魚、蝦、蟹柳，同埋好多醬汁～～》服務態度都好好，環境都做得舒服，同埋佢有供應紙巾、牙籤。～》侍應同我介紹左唔同飲品，免費飲品有蜂蜜柚子、麵豉湯、日本乳酸餐前不過我唔記得影相

因為班機delay，夜咗返香港，返到嚟想搵餐廳食野都已經九點嘅事。而家好多餐廳都收十點，魚匠都唔例外。朋友之前食過話覺得唔錯，所以帶咗我去食個快餐醫醫肚先。去到已經九點二，店內小貓三隻食緊飯，門口女店員似乎趕收工唔係太想招呼我地...咁我同朋友嗱嗱聲落單啦，呢個時間就由男經理開始招呼我地喇。我同朋友都揀咗火灸盛丼，配三文魚同赤貝刺身，跟百香果綠茶。都知佢地趕住埋數，一落完單即刻叫我地埋單先。揀呢款係因為佢唔洗開爐煮，切魚生燒兩下，一嚟快d有得食😂二嚟無咁得罪廚房大佬。落單後幾分鐘已經有得食，個火灸盛丼同餐牌個樣差唔多，無因為趕時間而無擺盆。火灸盛丼唔算好大碗，有三文魚，帶子，左口魚之類，d魚生灸過都好食；刺身方面刀功幾好，切得靚仔，唔係碎濕濕咁。衞生理由，芥末就係獨立包裝果隻。飯係有加醋嘅壽司飯，整體加埋都好食同滿意嘅。因為店員收哂工，經理見我地好尷尬勁急咁食，仲安慰返我地轉頭，話唔緊要，佢地餐廳本身都係收十點😂我地食完好似九點九就閃咗，唔想阻人清場收工😂食物質素同性價比係中上，不過我應該會因為經理嘅好態度，而再去幫襯。

一向都係日本菜既Fans!特別最喜歡食魚丼！叫左火炎盛丼同雜錦魚生丼！魚生生鮮好味，值得推介！火炙更有魚油香味！可惜飯較為硬亦太醋！可以配特飲，但味道比較甜，不過都算大杯！

午市時間 無乜客得4,5枱客都可以整咁耐唔識煮呢就唔好開餐廳啦炒碟野都要炒5個字先比到個客催極都話整緊真係抵你間野無人食 午市坐唔爆祝你早d結業 結業我第一時間係門口燒炮仗勒十鋪頭

之前已經喺度食過晚飯，當時見到午餐價錢好抵食，所以點都要再過嚟試吓。午餐牌款式多選擇，主要係丼同定食，如果外賣自取仲有優惠。#黑松露帶子拖羅蓉丼 $78拖羅蓉綿滑，份量都多，帶子鮮甜，加上黑松露強勁香氣喺口中散發，簡直去咗另一個層次，醋果凍隨客人喜好拌入珍珠米，酸酸食晒成碗飯都唔覺滯。#雜錦魚生丼 $62有三文魚、北寄貝、甜蝦、蟹肉棒，全部新鮮，個人認為份量可以再多啲，不過呢個價錢性價比已經好高，午餐已包括前菜及蜆肉麵豉湯，另可以追加小食，我哋揀咗一口芝士。#魚匠食堂地址：元朗朗屏路1號朗屏商場2樓202號舖

一入去就見到好多卡位，而且座位寬敞，坐得幾舒服。#拖羅蓉海膽丼望到餐牌有呢款，唔使諗就呢個，個人最鍾意呢個配搭，拖羅蓉同海膽都鮮甜，比例上飯就多咗啲。加$18可以升級為定食，會有蜆肉麵豉湯及前菜。#魚匠盛丼刺身是角切的，包括了三文魚籽、蟹肉、熟帆立貝、飛魚籽、鰻魚、八爪魚、蜆肉、赤身魚和白身魚。比較特別係會另上一小碟醋果凍，客人可根據自己口味來調節份量，用來拌埋啲飯食，即是變成醋飯，有解油膩嘅作用，個人喜歡偏酸，所以成碟酸果凍落晒。

🔴黑松露帶子拖羅蓉丼 $78🍣帶子新鮮😋拖羅蓉撈埋珍珠米飯一齊食，粒粒飯都帶有拖羅既味，令每一啖飯都特別鮮甜美味。拖羅蓉幼細香滑，加上黑松露既香氣，兩者相輔相成。食食下又唔會太膩，因為配左青瓜同白蘿蔔絲，兩者可以帶黎清新既口味同時解膩。同時佢地都有個自家制既醋果凍，帶有少少柚子味，加埋入飯到會酸酸地，都幾夾。🔴哈密瓜乳酸 $12如果唔係跟套餐杯野單叫就$22。杯野唔算太甜，基本上同普通益力多差唔多味，多左陣哈密瓜既香甜味，味道尚算可以。

之前經過發現到呢間算係新開嘅日本餐廳，所以就襯平日返工食午餐時間同同事黎食😋都食左幾次。佢有午市套餐，價錢都合理。我地叫左兩個唔同嘅餐🍜呢個壽司配烏冬餐都幾抵食，刺身都算新鮮，有個前菜中華沙律，可以揀餐飲或者麵豉湯，餐飲免費嘅有藍莓橘子蜜或者乳酸，或者可以加錢要特飲。不過覺得呢個橘子蜜似鹹柑桔🍊另外叫左吉列豚肉配烏冬，前菜有個加州卷。豬排都大塊，不過鍾意沙律醬嘅朋友記得落單個陣要叫多醬先有圖中個個咁多餐廳上菜速度都ok。想食日本嘢嘅時候會再黎幫襯

🍱黑松露帶子拖羅蓉丼🍀🍀🍀🍀🍀🍀🍀🍀🍀 個餐會配埋碟前菜-獅子狗，超重麻油味，另外加錢有2隻甜蝦🦐同2片三文魚刺身🍣，甜蝦口感都不錯，都幾新鮮，而三文魚既厚度都切得岩岩好，油脂亦唔會過膩👍🏻碗丼既飯係加左醋既珍珠米，口感軟綿綿，唔洗點加豉油都夠味，同時有好重既黑松露味，散發口中，而帶子同拖羅蓉份量好多，帶子好新鮮同時拖羅蓉口感軟綿綿，如果加埋蔥花仲一流🤤，超級大碗，建議胃細既食貨可同朋友share~🍣匠心壽司盛配細讚歧烏東🍀🍀🍀🍀🍀🍀🍀🍀🍀 屋企人揀左依款，入面有6舊唔同款既壽司🍣，頭大試左黃色舊壽司（唔知咩名堂😂）味道不錯，好重脂油味👍🏻，而帶子壽司新鮮，十分大舊，烏東個湯底似麵豉湯，而飲品係巨峰提子🍇乳酸，十分重巨峰提子🍇味，如果少甜就岩岩好～🌼🌼🌼🌼🌼🌼🌼🌼🌼🌼☀️整體而言，依家晚市禁堂食，又想食壽司，可以外賣魚匠食堂🤪，真心覺得價錢同食物成正比，食物質素又比想像中好，最緊要新鮮，另外份量好大份，岩晒啲大胃口既食貨🤪