出羽櫻鐵板料理

Open Now

Now Closed

來到出羽櫻鐵板燒料理午膳，叫了兩個午餐。第一個是竹餐。竹餐跟三款鐵板燒，分別是牛肉薄燒，鐵板三文魚和日本帶子。 牛肉薄燒會像金菇牛肉卷般將牛肉卷起，不過裡會就會放入大量香蔥，有牛肉味和香蔥味，肉質頗嫩，不過略嫌過鹹，如果送飯的飯仍可接受。三文魚煎得十分嫩滑，魚味濃，亦不腥。日本帶子質素正常，不過不失。第二道叫了比目魚，比目魚煎得外脆內軟，魚味濃並完全沒有腥味，份量亦足夠。以上午餐套餐都配上炒雜菜，雖然只是普通的椰菜，不過炒得十分爽甜，與套餐的肉類起了中和作用。套餐包白飯，麵豉湯及飲品，凍飲亦不需加錢。相信以後都會繼續光顧，物有所值。

今日黎試我期待已久既鐵板燒，出羽櫻係一位朋友介紹的。佢地安排左我地坐bar枱睇住師傅煮😍睇師傅手勢十分有經驗。我地叫左鵝肝美國牛套餐，同埋加拿大海膽。首先黎到既係三色刺身同海膽，食材好新鮮，件件都大大件好鮮甜特別係海膽。食緊刺身既同時師傅已經煮緊帶子，師傅叫我地湯都飲埋，個湯有帶子既鮮甜同濃濃既酒香。之後輪到比目魚，個皮煎到好脆，肉質嫩滑，配埋沙律醬好好味。推介大家試鵝肝😋鵝肝煎到外脆內嫩，底下既面包食前菜既時候已經開始烘，烘到金黃色，食落好似餅乾，推介推介👍🏻師傅仲教我地點煎鵝肝先好食牛肉我地叫左7成熟，牛味濃郁，咬落彈牙。最後仲有炒雜菜同炒飯，好滿足☺️

Leo師父放工，知我過來特登係深水埗返黎紅磡煮俾我地食！😍呢份敬業樂業既態度真係好好牙！😍仲為我地準備好多食材，🦐🐷🐮好特別，有d仲未食過添！😍🤤😋其中一樣白子真係第一次試！😋全程食物師父發版！👍🏼😋師父整細細份咁想我地食好多個款式既鐵板燒！😍❤️超細心！❤️❤️一定會變左做常客啦我！😋🤤#出羽桜 #Leo師父 #對鐵板燒的熱誠 #14歳學徒到現正大師級 #白子 #很特別的食物 #隻蝦同我隻手差不多長度 #第一次食咁長又咁大隻既蝦 #價錢公道 #勁有日本平民feel

最初吸引我的套餐的價錢，選了 $598 兩位的老虎大蝦牛扒套餐。大蝦相當新鮮而且主廚會把蝦膏釀在汁內，食起來份外鮮甜。另外黑松露龍脷柳也相當有驚喜。黑松露配制的檸檬汁，配上龍脷柳，是完美的配合，好食鵝肝內脆內軟，相當金香。總括來說，份量足夠，相當抵食，難怪當天的客人一枱接一枱。

今晚同朋友來呢間出羽櫻鐵板燒食晚飯。呢間野唔太大間，係家庭式經營嘅餐廳。呢度最平嘅鐵板燒套餐$50，包埋一碗面豉湯同飯。我地分別叫左金菇肥牛卷、牛肉薄燒同豬頸肉。每份鐵板燒都會連埋芽菜同椰菜炒，豬頸肉仲會配埋洋蔥。因為全部都係落單之後即炒，所以拎上碟係熱辣辣兼且好香。全部三碟都真係炒得好好食，個燒汁都都調得好好。果兩個牛肉稍為炒得耐左d所以食落覺得d肉有少少粗糙，不過都無咩點影響個味道！而豬頸肉炒就得剛剛好，食落幾爽口而且好嫩滑！$50左右嘅鐵板燒有咁嘅質素真係好抵！

一個突如其來的平安夜約會，在沒有準備下，到了這間鐵板燒。走到店子，被安排坐近門口的位置。由這位廚師煮給我們吃。廚子手勢眼看已經掂，先有前菜、湯....配上飲品，這時廚子有禮咨詢客人怎樣烹調，亦會建議客人食法，蝦這個煮法，建議配芝士，出來的效果真的很特別，這個醬有蝦膏加上沾麵包吃，真的與別不同。和牛會先根據客人口味煮出來，同時亦會建議客人最美味的烹調。炒飯真的要推介，不咸不甜.......這是我食過的炒飯當中最好食的。

呢間鐵板燒 喺紅磡開咗好耐 好多人鍾意黎食氣氛好好 野食評價高質 老闆娘好親切 仲有夜晚成日見兩個孖仔係度幫下手 店入邊唔大 有得揀坐近吧枱嘅位置 開放吧檯有兩位店員 有兩邊鐵板燒 見到吧檯另一邊個店員同d 客人一齊飲酒 不時大聲歡呼 場面熱鬧叫左個最平嘅 50$ 鐵板燒套餐 一半椰菜花 加埋蒜蓉炒超香 好鍾意食！ 另外肉叫咗羊肉唔騷 好薄切而且份量足料！ 我鍾意佢個燒汁 同肉味好夾 好惹味仲有一碗大碗嘅白飯 夠飽！雖然冇飲品但係有麵豉湯送！又平又有居酒屋氣氛！

每日上班最煩的事大概是中午食乜好。這天有同事突然想吃這間餐廳，我個人是沒來過，貪吃愛嚐新，即管一試。-餐廳有點暗，大約晚上是居酒屋的感覺。有點油煙味，鐵板燒都是開放式廚房，沒法避免。可能因為肚餓吧，在我聞來是食物的香味。午市有比較優惠的餐，聽同事說晚上幾貴的。幾十蚊主菜竟已有薄燒牛肉，三文魚，帶子，味道不錯的，夠熱度，夠鑊氣（何來鑊呢哈哈）。雖說分量不多，但有魚有肉有海鮮，重點是很多很多的炒雜菜，外面吃飯真的很難吃到這麼多菜，算健康？但不是健康食法，不過都幾滿足的。

今晚search openrice 找到這間鉄板燒「出羽櫻」，諗住試試。一入到去想坐bar 枱，個侍應話 bar 枱fully booked. 點知之後有兩堆人入來先坐普通位，好快轉左坐bar 枱。我們再問, 他們的回應不可以轉，要坐普通位。誰知道吃東西的時候, 完全沒有醬汁供應, 我們問侍應, 她說坐在這裏沒有醬汁供應的。食鐵板海鮮和鐡板牛肉竟然沒有醬汁。坐bar 枱的當然有。沒有醬汁的鐡板海鮮和牛肉大家認為好味嗎?埋單時再問個女侍應為何不公平，佢話食夠 $300 才可以坐bar 枱。😓 我想問，你點樣評估d 客人食唔食夠$300 （利申：我們食多過$300) ! 之後同老闆反映，他叫我鍾意咪寫comments 在openrice 😮

家庭式的日式鐵板燒店, 連兩個細路都落場幫手傳菜. 套餐價錢有平有貴, 豐儉由人. 晚上點了兩個大蝦自選一人餐($165), 前菜有麵豉湯、和風沙律和三文魚刺身.兩片厚切三文魚刺身, 尚算新鮮.大蝦大大隻賣相吸引, 燒得香口, 肉質亦爽口, 味道不錯. 比目魚就比較細塊, 不過不失. 牛肉薄燒肉汁豐腴, 牛肉味濃, 幾好食.另一個set就點了帶子和雞扒. 帶子一般; 雞扒份量十足, 皮亦煎得香脆.另外, 還有日式炒菜和日式炒飯, 而甜品為綠茶雪糕. 日式炒菜和炒飯味道偏淡, 炒飯還帶少少燶味, 飯粒亦有黐埋嘅情況, 唔太好食.

上星期旁晚經過紅磡，見到一間鐵板燒料理，便入去醫肚。我們先安排坐bar 枱，可以看見廚師煮食。廚師先介紹今天的新鮮食材，及安排我們吃什麼好菜式，我們就確定今晚吃好西。吃完肥美的三文魚腩，刺身盆。廚師便開始煮第一道菜，（白金雕）魚，很用心地用滖油把魚鱗炸脆，魚肉慢煎。從來沒有吃過這樣的魚塊（白金雕）很正！之後吃了，黑鮑魚，口感非常彈牙，伴碟的蘿白也很入味。薄燒牛肉，入口肉質嫩，牛肉味鮮，很好味！還有，蔥花帶子，味道也不錯，其他的炒雜菜和炒飯也令人興奮，果然，用心廚師令我們有下次再去吃，大滿足的一晚～最後，廚師給我們咭片，原來他叫Leo

近幾年好少在香港食鐵板燒（因爲未食過好食)，由於公司同事年尾聚餐，朋友介紹這間，就試下啦。結果超乎預期的新鮮好食，仲加好笑，因為個廚師除咗手藝好之外，仲加送幽默，成個聚餐時間笑餐飽加食到飽。以後有咩飯局必首選。

慶祝同事生日，揀左呢間好味+抵食既隱世鐵板燒，簡直無得輸香港好難得有呢d良心小店，每樣食物都食得出精彩味美，絕對有驚喜，食物新鮮有水準由頭到尾成班同事都食得好開心+滿足，真心推介炒飯，必定要試絕對有下次

今日lunch去左紅磡搵食，雖則話係lunchtime 但朋友話想食鐵板燒咁岩我又醒起附近有間，見唔駛等位就直接入去睇menu其實除左上面個menu 仲有一個仲平既lunch set menu都係$48起不過我同友人見到雪餐同竹餐今日$68/set諗都無多諗就即刻嗌... 黎試下佢先~點知嗌完先知鯖魚同比目魚賣晒...兩款都轉左做三文魚Lunch set 有沙律+麵豉湯，兩樣都ok!左：雪餐，雞扒同洋蔥絲都好夠味，三文魚煎香左有魚油香好好味！右：竹餐(友人叫的)我試左個薄切牛肉，好入味，入面有d蔥絲，吸晒d牛味，認真唔錯！另外仲有兩份炒菜，味道唔錯，但略嫌多油，有待改善。

後悔點解係紅磡讀左兩年半書 宜家先黎試呢間鐵板燒當日大約1240去到，好好彩bar枱仲有位～雖然呢間出名做鐵板燒，但個日真洗好餓，所以就點左個炒飯填飽個胃啦廚師有兩位，會即叫即炒比你所以多人既話都要等一陣先有得食啊 （當日就等左大約10-15分鐘吧）見住佢炒飯/整鐵板燒 真系好療癒（題外話）終於明白點解日本可以開拍一套完完全全關於燒肉既電影xdd叫左個海膽三文魚炒飯（$53）跟餐會有熱飲一杯份量有d誇張，感覺上有1碗半白飯得量吧，比較啱男仔食三文魚粒用左牛油同清酒爆，真心好香，上既時候仲係一粒粒好完整（讚）但就唔係好食得出有海膽味（亦都唔係好留意到佢有落到去炒）係相入面都見到佢係用珍珠米炒出黎，所以真係會好飽肚啊d飯炒得好乾身整體評價：4.5／5 會再黎幫襯既，下次會想黎試下鐵板燒！*有得坐bar 枱就記住揀啦～ 廚師手勢好好，好似睇緊show甘緊