舢舨泰菜館 (Closed)

今日與同事撐枱腳，好耐冇食泰國菜，去舢舨泰菜館重溫一下！上次一大堆人，沒有試過午歺，於是今日要試吓。我哋2個都叫咗海南雞飯，飯來了，竟然有一隻荷包蛋放左黃飯上面，有些少驚喜雞肉非常嫩滑，冇乜骨，完全唔『鞋』，跟歺2個醬料，一個酸辣，一個好似沙茶，平時好少會點汁食雞既我，也忍不住一直點！個酸辣醬好香口，令你會不斷食，如果有生蝦刺身就更perfect! 歺飲凍檸茶，個檸檬味道有D怪，唔知點形容全個set $49 only，於呢區來講，非常超值！

中午太古附近搵下有冇什麼小店試下發現呢間泰式 餐廳，comment唔錯就嚟試一試午餐有很多選擇，價錢超值，簡單叫左個海南雞加豬手飯， 來到外外表一般食落普通唔算太太出色，可能無調味跟關係。咸檸七都算中上，幾大杯規， 希望下次有機會試食其他嘢。

最近同事好鍾意去舢板開飯，但店內坐位不多，員工亦有限，不會是轉枱很快既食店，所以午市不能太遲去，否則就要等好耐，呢度既午餐有十多款，定期有新野加，好多款款都有隻煎蛋，炒野好有鑊氣，廚房與坐位只一牆之隔，所以一路等一路會好肚餓至於價錢方面，做得午餐熱選，當然係好抵食，平均堂食都係四十幾蚊，這個價錢在大街既大型連鎖茶記只可食些唔好食，汁多過餸既飯，所以小店真係要多多支持，行多兩步係值得，下次要試下晚飯先

很多人都會來鰂魚涌怪獸大廈拍照及打卡；沿著樓梯到地下再往內走，看到一間名為舢舨的泰菜館，店內沒有太多裝修，就是簡簡單單住家式的小店。我點了蝦醬炒通菜牛肉飯，但我不太想吃牛肉；店員願意改為雞肉，實在是太好哩！雖然是外賣，但通菜沒有因存放問題而變黃；且白飯是超級的多，只需$48還附送餐茶及泰式甜品，太超值啦～

在鰂魚涌體育館打完波，想起呢邊有間超有地道特色的泰菜，這樣我帶住同事過來食飯！店鋪小小的，只有十幾個座位，座位之間好鬼窄架，明明我已經12點頭到餐廳，座位卻只餘下2個座，是幸運嗎？一如既往，餐牌上有A-H的選擇？同事唔想食飯，叫左南薑椰汁湯雞河粉，河粉多，雞肉依然滑嫩，湯底清香，淡淡薑味飄逸，椰子香香的，不會過咸，如果有不足的，就是都幾多雞油浮面的。咖哩雞比肉飯本來叫左海南雞，但見到隔離呢碟野太香，即刻改餐！咖哩是我吃過的最好食，香料多而重味，夠惹味又易撈飯，薯仔好腍，又唔係好辣，雞肉質素高，好想再食一次！

叫左food panda delivery, 話等35mins就到但佢地用左30mins預備食物，最後成個鈡先送到黎大古！打開食物，我叫釀鳮翼就黎左普通鳮翼,我俾$16跟歺要左二杯青檸梳打佢就俾左$4檸水，打去投訴佢不停問我點好！最後留低我電話話覆最後不了了之！blacklist 以後不會再叫

今日見有啲時間，我哋一於跟埋 #首領 行遠啲啲去試吓新口味🍚 Sampan Thai Cuisine 同寫字樓/港鐵站都有一大段佢哋，唔係鰂魚涌嘅街坊睇怕都好難會搵得到。餐廳面積比我想像中細，而且一早已經比班大叔佔領咗，坐密密麻麻咁👀 好彩等咗一陣老闆就安排到座位比我哋😄雖然餐廳細細，但係午餐居然有14款選擇咁多👀真係估佢唔到！嚟到泰菜館，理應要叫啲泰式食物，但係望落去又好似悶咗啲... 唔知點解🧐 #小秘書 居然叫咗個 #蜜汁焗排骨飯 🐷🐽 碟飯上枱果時賣相都唔錯嘅，之不過... 咬咗排骨一啖🐽陣臭豬味令我無辦法食落去😩 諗住食咗隻煎蛋、爬兩啖飯就算🐣 點知比老闆睇穿我個心... 佢好nice咁走埋嚟話幫我換過另一款😝 盛情難卻... 我就要求換過一碗海南雞河湯粉，仲溫馨提示老闆要少少河粉就夠... 點知又係一大碗🍜 #舢舨 啲 #海南雞 又真係幾滑幾新鮮嘅，難怪咁好生意👍🏻 #小秘書 要記住下次叫嘢食，千其唔好再叫啲唔係人哋拿手嘅煮法，無謂浪費啦😝

而家啲香港呀咁好食, 又勤力 嘅飯, 喺香港已經好少有㗎啦 。你知唔知有一間呢個係超級好食㗎仲有個煎蛋 仲要係流心㗎佢嗰啲蛋黃 。 嗰間就係舢舨泰菜館。 令我真係真係好開心即係 。個味道真係好食到唔知點形容啦。 昨午，我非常之得閒, 見到見到嗰個泰菜館呢開咗， 都唔係幾多人就即刻衝入去睇下有冇開咗， 之後呢 我睇下佢嗰啲餐單， 每一日嘅lunch set係唔一樣㗎 ， 咁我就冇乜意見啦，就 揀咗個G餐。 都唔係幾貴啫但係40幾蚊到啦。 加汽水呢就要加四蚊， 如果要凍飲就加兩蚊 ， 熱飲品唔洗加錢。 我個飯呢就45蚊 加杯凍檸茶呢加兩蚊就係47蚊呀。佢個飯裏面呢分別有扎肉喇沙爹牛肉啦流心蛋啦同埋雞中翼真係 好開心喎 ,你有望到就覺得好優秀囉！沙爹牛肉 配飯真係好正呀流心蛋 攞嚟餸飯就啱嘞扎肉 又好似第一句同埋第二句咁囉記住每日嘅午餐餐單係唔一樣嘅各位留意要

位於鰂漁涌太就樓地下，店內細，座位極少，約十多個位，一到午飯時間就要排隊，似乎附近打工仔都識搵到黎，要黎趁早！無可避免要搭檯，但老闆娘好好，好熱心，幾有笑容的。第一次過黎，樣樣都想食，喇沙、椰子湯河粉、炒麵、海南雞飯等等，選擇都幾好多！自筲箕灣食開那間泰菜轉手後，就冇見過雙拼飯，雖然好邪惡，但點都要試下！E 海南雞豬手飯 $48一個價錢，雙拼份量足夠，完完全全飽土。味道正宗，海南雞脂肪較少，雞皮光澤，肉質較爽滑；雞油飯煮出來不太油膩 ，飯質乾而不黏身，飄來淡淡的香氣；豬手好食，豬皮煙韌，肉較軟腍入味不嚡口；仲有兩款醬汁比你「點」，酸酸辣辣幾開胃。唔好厭棄擠擠迫迫，小店用心經營，食物質素好，多多支持吧！

同事係泰國迷 所以lunch 帶我快跑去食呢間泰菜 餐廳得10幾個位 都好多人排隊 等左20分鐘到 係一名泰國女生打理既 佢午餐菜單好似得閒會轉下 因為朋友想食番phad Thai 但無左 我叫個個係幾特別既fusion 燒雞扒冬蔭功公仔麵 燒雞扒用既醬汁好特別 真係好好食 而個麪大份到好似落左兩個公仔麵 撈埋冬蔭功汁一齊轉 好驚喜 又真係幾好食 佢連埋葱 波菜 蕃茄仔一齊炒^^總包埋杯野飲 唔記得個杯茶既名 但都係道地野 好少係其他泰國餐廳見到 有啲似酸梅湯 洛神花既味道極力推薦呢間野 都只係40幾蚊

Service with a smile. Lunch sets for $40. Iced tea ok. Minced meat and beans over rice with egg was delicious and filling.

朋友就個人放工中間點random揀左呢個鰂魚涌餐廳，原來圖書館一路行入去有咁隱秘既屋村，同埋小店。裝修有心思，好乾淨，廁所都好乾淨。最重要係d野食每碟都熱騰騰拎上來，係大大大大大大加分！生菜包好好食，唔知有無得加生菜、因為已經好食到我地最後就咁食d肉碎都lam晒痢喇。平時唔食柚子既我見朋友不停夾柚子沙律，先發現呢度既柚子唔酸，好好食。小食拼盤小，並唔小，四人食剛剛好！個春卷點解可以咁脆又唔油？！大讚呢個春卷啊！炸魚餅同蝦餅都好正。豬頸肉唔錯唔會好漏。炸雞翼好似炸壕咁大隻咁厚身既？！有肉汁啊！不過相比之下無其他咁有驚喜！南姜椰汁雞湯，唔太覺落味精，可能有，但應該唔多，椰汁位剛剛好唔太搶、好多番茄同菇，好飲又好食。泰式金邊粉好食wor！好Q！可以最後太飽食唔曬，但忍唔住打包拎番工食埋去。可惜無烤餅賣，其實好想試埋烤餅配咖哩！最後每人大概百幾蚊消費za好抵食！我地四個人食到好滿足！

  星期四晚相約了幾位好姊妹走去試下朋友推介之泰國餐廳，聽聞話係正宗泰國人煮。朋友話"位置唔係大街，有少少偏遠，要經過鰂魚涌街市再行多一段路，但唔難揾嘅，因餐廳門外有懸掛燈飾裝置，遠處已經望到"。果然真的唔難揾喎，我地由鰂魚涌地鐵到餐廳大約行左10分鐘。餐廳門前裝飾好靚，因當晚天氣轉涼，所以令人感覺好温暖。  餐廳環境唔係太大，但好舒服乾淨，我地幾個大胃王好快己經點選左大约九款食物，之後嘆住泰國啤等待食物製作。好快先遞上兩款小食，適合送酒跟住好快上生蝦，肉質超新鲜。有ｄ海鮮係可以訂位前order，餐廳老闆會係早上特登為我地親自挑選預留，所以十分新鲜鮮甜。烏頭都不錯，估唔到肉質咁鲜滑呢個招牌菜未出，ｄ香味已經由廚房傳出嚟，不負所望真的好好味，咖喱汁好味到我地order個烤餅同法包伴食添，最後餐廳還有甜品送上，味道好清甜。呢餐大家吃得好滿足，朋友真係無介紹錯，雖然餐廳细少，但食物質素好高，餐廳老闆好用心，仲有好多款式未試，所以好快我地會再次光觀。 

感謝一班老友為我安排一頓美味的生日飯!鰂魚诵區我一向感覺都人多車多，但我們駕車走入這條街道時，竞然感覺係十分之寧靜及舒服，而這所餐廳門前之燈飾佈置，就熱鬧了整條寧靜的街道，而最令大家方便當然是門前可泊車啦!原來當晚這所餐廳被老友們包場為我慶生，令我驚喜萬分!我們一行大約10人，走進餐廳已被熱情地招待，當晚之食物亦被他們一早安排。其中一位老友原來之前和家人光顧後對餐廳印象難忘，他描述每一道菜都新鲜好味，廚師更是正宗泰國人，所以味道必然一流，經他介紹一輪後，我們可以開餐了還有太多美食相片不能盡錄，真的非常感謝老友為我安排一頓正宗好味之泰國菜，大家真的不防一試，最重要提一提係價錢收費非常之合理，食物新鮮又好味。

今次介紹的是新開不久的店舖,店舖地點遠離大街, 位於鰂魚涌街太就樓地下. 店面不大, 大約有二十個座位, 坐落都算寬敞.由於第一次黎, 當然詢問下老板有咩推介啦, 老板好熱情咁介紹好多美食, 仲講埋佢地既廚師都係泰國人,所以烹調出黎既口味一定正宗咁話添.先黎兩款比較特別既野飲先係出面既泰菜館真係未見過 左邊個杯既味道甜甜地, 有D似冰糖咁既味, 飲落幾潤喉; 右邊個杯就有山楂既味道,酸酸地幾開胃.之後要左個湯, 平時多數都飲冬蔭公, 今次叫個特別D既: 農村雞湯, 加左香茅, 蕃茄, 辣椒同埋南薑去煲,飲落好似燉雞湯加左少少酸辣味咁, 雞肉滑溜而且冇雪味. 接著黎個大拼盤啦! 岩哂一大班人食, 一次過食到好多款既小食. 上台時真係比個份量嚇一嚇全部野都新鮮熱辣, 沙嗲豬肉本身已經醃左, 幾入味而且肉質鬆軟, 可配沙嗲醬; 燒豬頸肉夠香脆但又唔會乾; 魚餅香料味十足; 春卷味道普通啦, 但餡料足夠; 泰式鳳瓜好惹味, 辣味十足; 最值得推介是手打蝦餅, 外表炸到金黃脆口但入面仲好JUICY, 仲食到一粒粒蝦肉!呢個烏頭真係不得了, 出面鋪食我諗起碼貴40%, 即叫即整, 等20分鐘先有得