森美餐廳 (Moved) New Location

友人好突然咁話黎到荃灣，話想買喼佢神神秘秘咁話下星期去北海道不過又借唔到喼，就自己買一個夜晚去左呢間到食，係佢介紹的佢話之前佢同朋友係度食過仲好推介木糠布甸！！佢仲打包左２個返屋企食呢去到時係夜晚８點幾，當時冇位，個侍應叫我地留電話話有位就打比我地。。所以我地係周圍兜左一陣大約等左２０分鐘左右就打黎了。我食左下午茶所以唔係幾餓。。２人都唔係好識揀乜食好，個侍應好好心咁問我地想食ｄ乜再提議下邊ｄ好食叫我地試下。。我點左個焗吞拿魚長通粉。。有湯，蒜容包同飲品友人就覺得西冷羊扒個名幾得意，所以揀左呢個！！湯我揀左白湯，都幾杰下，不過入面只有少量既菇個蒜容包就好油下，同埋已經林左。。個長通粉都等左好耐下，可能焗係比較長時間上枱時個碟長通粉係滾到有泡泡的！友人個個仲要再等多陣，橫掂見熱就等埋佢一齊先食ｌａ佢個個係西冷羊扒配薯菜，我冇食到聽佢講係有ｄ＂ｕｎ＂同埋唔係好夠熱我個個就好多芝士，撈個陣仲可以拉出黎食落都幾香，吞拿魚都有幾多架食到咁上下我地點野飲，見其他枱飲檸７，又想試下問左侍應係唔洗加錢的，又幾好喎２人都點了檸７，仲飽到飲唔晒呢！！食完後我覺得呢度野食都ｏｋ，不過價值就幾貴啦個餐廳比人既

看到這家餐廳在這網站評語不錯.. 還要預定才有位子..所以便預定了今晚試試吧!這裡地方不大.. 但每一張檯也坐滿了.. 有些擠迫感覺..相信廚房內抽氣系統不大好.. 我能夠呼吸到一些油煙味道..食物的味道真的是普通.. 像高檔茶餐廳般..但食物的擺放還是欣賞.. 看得到是有用心思..但價格和食物質數真是不成正比.. 實在是貴了一點!

見好多食評對這餐廳評語都不錯，所以琴日下午試試。 order咗鵝肝汁牛柳+意粉，個牛柳好淋，好好味，意粉都唔錯。另外試咗個心太軟，用d朱古力材料唔太好，所以唔係好好味，但外面有少少脆，都加少少分數。

食過一頓午餐, 有湯、主菜和餐飲(冷熱同價)。一般白湯, 沒有味, 不好。主食: 鵝肝汁薄牛柳, 味道過得去

見呢間多人讚得咁緊要，早兩晚放工就去試左。坦白講，環境就真係麻麻，細都唔緊要，幅牆的木條令我諗起農場餐廳﹖其實係果下應該起身走‧餐牌亦都真係五花百門，意式雲吞、法國鵝肝、港式炒公仔麵都有﹖真係好有茶餐廳Feel。繼續鼓起勇氣，話晒咁多人食過都讚好嘛﹗重見到咁多人訂檯，一定唔差既﹗叫左焗長通粉同牛扒，跟手叫左心太軟。坦白講，長通粉最值得讚的地方係，用真的蟹肉，蝦都煮得好，牛扒就正常一般，心太軟就唔錯，朱古力味濃番少少會更好。但是，點解要咁既價錢呢﹖唔值囉﹗最多最多都只係荃灣入面一間唔錯既西餐廳，但係又未到每人成百幾銀既地步嘛﹖更加唔係其他人講到非此不可既味道卦。除了因為同區實在太少西餐外，實在無辦法解釋到呢間點解會咁紅。

執手機時發現之前映低o既相未有食評...雖然遲o左兩個月...不過都仲記得...要寫得喇...想去森美好耐...好多次行過都搵唔到...原來響轉角暗位...唔怪得行過睇唔到...去到差唔多九點...舖面冇位...侍應帶o左我地去後舖o既員工休息室...果度有四五張檯...應該係偷雞開o黎做生意o既...因為太肚餓...所以照坐...環境就光猛d(比起舖面)...不過唔知係咪唔係成日開...有陣霉霉舊舊o既味...坐o既又係摺椅...所以唔係幾舒服...野食叫o左兩個set dinner愛人要o左T骨...我就要o左布袋牛柳...餐湯先上...係忌廉湯...夠熱...不過粉味太重...唔算突出跟湯o既蒜蓉包...每人兩件...冇咩蒜蓉味...唔脆...唔熱...唔知佢想點......唔值得浪費胃納...愛人o既T 骨...落order 果陣已經覺得怪...冇人問幾多成熟...點知上碟o既時候...真係well done...愛人解釋話可能用料唔新鮮...帶骨o既扒如果唔新鮮...well done 會安全D...當年瘋牛症都係唔俾帶骨o既扒進口...雖然係well done...但係都幾

今日同女友去荃灣行街街, 久聞森美餐廳大名, 長期爆滿. 如無訂位walkin, 90%冇位..... 打電話去訂位試下先~~訂左即晚8:00pm, 準時到達,發現除有人坐o既檯之外, 全部都係"留坐"!! 又不停有人想入黎, 不過比waiter哥哥以full booking理由拒絕左, 真係爆得咁勁?? 要試真下先!由於冇咩idea, 所以同女友各order左佢個超值晚餐, detail如下 :熱盤 : 芝士焗蠔各一份湯 : 本人:龍蝦濃湯 女友:+$15改左 酥皮海鮮湯主菜 : 鵝肝牛柳各一份 甜品 : 本人: chesses cake 女友: tiramisu好! 先講熱盤個焗蠔, 好味~芝士夠香, 蠔夠滑, 夠新鮮, 一啖搞掂~~ 我比呢味野80分!之後到個湯, 佢個湯係送埋蒜容包, 個包幾好味, 皮夠脆, 包內屬夠鬆軟, 蒜容亦ok! 先講我個龍蝦濃湯, 個湯飲個時只可以話係.......暖, 龍蝦味就夠, 都幾濃, 入面仲有d海鮮八爪魚, 蜆肉, 個人意見, 唔落好過落, 可能餐廳主人諗住咁會令人覺得抵食d, 但我覺得咁樣反而搞到個湯不輪不類咁..... 之後到女

女朋友在荃灣上班, 在等待大人下班的時候,經常走到大街小巷尋找特色食店.得知這間森美餐廳晚飯時間,walk-in 很難有位....特地訂位與女友試一試菜餐廳裝修很懷舊, 老闆娘熱情好客這晚我和女友都點了威靈頓牛柳及鵝肝牛柳餐.酥皮湯: 酥皮很香, 湯味道不錯. 不是坊間茶餐廳的威靈頓牛柳: 牛柳juicy, medium rare 恰到火喉. 鵝肝如果能再煎到更香口口感更佳鵝肝牛柳: 選用牛柳的質素比威靈頓牛柳更高一檔次, 牛味更濃, 鵝肝size更大. 伴菜再熱點會更高分木槺布甸: 沒有馬交那一派的"堅硬", 值得一試很開心搵到這一間有heart的小店, 地方不太, 座位不多. 每次去也要請先訂檯.百餘元一個餐也相宜, 是會經常去的小店

今日老婆大人同囡囡公主返左去大嶼山探外公外婆. 一支公就去左很多人讚既森美餐廳試試.去到點了保靈酥燒焗羊鞍餐, 另加一件Tiramisu, 本來想試試出了名的"心太軟" 可惜賣晒.湯選了雜菜湯, 不錯, 菜很多. 而蒜香多士更是美味. 很鬆化.主菜焗羊鞍更是一點羶味也沒有, 加上很入味, 值得一讚.Tiramisu更是一絕, 可比美Italian Tomato的水準.唯一一件不滿意的是我己喝乾了清水很久, 到埋單還沒有人來幫我添水, 祗幫另一邊的女生們加水. 噢, 男的不是顧客嗎? 不須要叫才加嘛. 那些女生也沒有叫他便添了水. =.="不過還是會帶老婆大人及囡囡小公主來, 看看那時的服務如何?還有這裹是沒有收加一的. ^^

自從姊姊看過我在此寫的心太軟,一直都叫我帶佢來。來到已九點幾,怕已開始打烊,興幸十點才close。姊姊揀了羊…我一聽到連叫咩名都提唔起與趣。跟餐的雜菜湯、蒜蓉包,她吃得津津有味。羊….我都試了半口,仍有羶味。見佢食得晒,我諗愛羊既人,會覺得此點好食卦。拌的薯角,外脆內薯仔起沙,好好食!因為太夜,我只order了香茅豬扒炒公仔麵。初時諗,公仔麵賣$48,實在叫唔落,但卻沒其他野想食,便算罷。估唔到賣相和份量都好有驚喜!賣相可以攞去比賽!切成條狀的豬扒,份量有成兩塊之多,既薄又唔dry。香茅與炒公仔麵太match喇!公仔麵雖然用了平價貨,但用左香草炒,把它升價了呢~心太軟。如之前所吃一樣,朱古力dark又純,雪糕比較差勁,溶得快,好易令人聯想到可能是某某牌。優質心太軟配「廉價」雪糕,是美中不足之作。

一向喜歡去細餐廳找驚喜, 今次沒有失望 兩人叫煙三文魚炒意粉 ($28), 扒餐 ($28) 和迷你芝士凍餅 ($13). 炒意粉幾乾身 扒餐有雞扒, 腸仔, 炒蛋, 薯蓉. 賣相唔吸引, 但雞扒好香口. 迷你芝士凍餅太凍, 味道非常好, 唔太甜! 兩杯茶走好好味! 下次要試吓心太軟.

這晚跟朋友到這裡dinner,一早book好台,去到便立刻有位.我們點了威靈頓牛柳跟餐(+15蚊)和羊架跟餐.先上湯和蒜茸包,ok啦,普普通通.然後上主菜威靈頓牛柳同羊架,侍應在點菜時無問牛柳要幾成熟,切開牛柳時好明顯是過熟,顏色就像煲湯豬肉一樣,些少紅肉的感覺都無,好彩食落都ok,不過7成熟的話會好好多.羊架則不過不失.後來另點了兩道甜品,分別是木糠布甸(18蚊)同心太軟(40蚊),味道很好,尤其是心太軟配雪糕,真的很出色,值得一試再試.店內兩位男職員服務態度很殷勤,而且有笑容,相反,另一位長髮女侍應則成日面黑口黑,完全無笑容,請她order時完全目無表情,唔知佢係咪日日都係咁,如果係就弊,唔係因為佢,服務分我會比足滿分.可惜而家要扣返d分...希望有人可以提點下佢,比返d笑容同殷勤既態度,下次應該會再黎食心太軟同木糠布甸.

上次食過lunch幾好食,今日介紹好朋友試試dinner。上次打左好多次電話,亦響左好耐,以為唔接受訂位,點知今晚兩枱人入黎,都話訂左位。為左試威靈頓牛柳,+$15食埋餐。和另一個本身是餐的雞肉燴南瓜。先來餐湯,雜菜湯&蒜蓉包。雜菜湯好多蔬菜,可能無肉餚製,豐盈感爭D。主菜：威靈頓牛柳配意粉。用酥皮包住牛柳,幾特別。而且牛柳好腍,食完不用挑牙,夾埋汁,都幾juicy。意粉一定要撈埋汁,因為香草份量很輕描淡寫。雞肉燴南瓜配薯菜。如果唔係各樣一人一半,唔知一個人食唔食得晒這南瓜仔~一切開,汁液四散,雞肉寥寥可數,紅蘿蔔粒就大把!南瓜完全無味白烚後,填汁入去,呢種南瓜唔係屬粉粉起沙型,所以好淡霧霧。因為好朋友喜歡談心,當兩邊都有客之際,好有壓迫感。感覺上好似lunch time/tea time來,才是好時刻。(p.s.如果個set無甜品,係唔可以以一個平D價錢加錢,要當散叫。甜品有心太軟、藍梅cheese cake、tiramisu、木槺布甸)

昨早去荃灣掃墓, 中午自然在同區揾食. 之前在OR看到這裡的食評不錯, 於是專程去一試.掃墓完其實已經接近下午二時, 找了好一會才找到這間"不就腳"的小店. 由於小店已經爆滿, 我們一行四人被領到隔壁另一間房間, 那裡裝置很簡單也很簡陋, 只有幾張椅子和枱子, 與正店相差甚遠! 看過餐牌後, 才發覺沒有相傳好吃的牛柳, 於是點了焗海鮮飯午餐, 洋蔥豬扒意粉午餐, 焗豬扒飯和芥末子鴨胸焗飯. 先來餐湯--獨估一味, 只有白湯, 即忌廉湯. 但這個忌廉湯沒有忌廉, 反而像白汁湯多一點! 湯完全沒有味道, 只是一碗白色的糊, 有幾隻蜆肉而已, 蜆肉也是丁點味道也沒有, 不喝也罷! 之後等了很久很久才送上主菜, 大約是半個小時的時間, 餓到肚子也扁了, 正想投訴時, 才發覺附近其他枱號的食客也有相同問題, 証明不是漏單而是上菜速度慢得驚人!!!!! 侍應的態度也有點愛理不理的, 實在令人氣結! 再說回食物吧! 焗海鮮飯實在令人失望, 除了蟹柳, 洋蔥, 魷魚外, 就沒有甚麼材料可言, 老爸說很差. 洋蔥豬扒意粉的賣相很精美, 一點也不像平時的洋蔥豬扒意粉, 也有很多蔬菜, 意粉的味道也不算差.

一早已留意到這間小店，是日出發到馬灣前，先來食頓午餐。男友選了是日午餐煎牛舌，我就從main menu選了焗芝士白汁蘑菇長通粉。男友的午餐有餐湯一份，是忌廉湯，不過賣相和食味都一般啦。煎牛舌︰有三塊大大片的牛舌，牛舌跟我們平時食串燒時的不同，這裡是厚厚的一大塊，小試了一口，也真夠爽口的。不過最吸引我的還是那些薯角，又香又脆。我的焗長通粉因為是即焗的緣故，等的時間比較長了一點，但也是值得的，因為真的夠熱騰騰。可是味道就一般，不知是汁太稀了，還是少了調味，總之味道就是淡淡的，無甚吃頭。最後來杯餐飲，一頓午餐就圓滿了。一讚是服務不錯，老闆娘笑口迎人很親切。