新南苑私房菜火鍋鷄煲 (華僑商業中心) (Moved) New Location

同friend嚟咗食午市兩個鐘任食雞煲+海鮮餐交通方便 近T.O.P商場$169免加一 好抵食仲有$99雞煲餐 同埋$179牛王餐選擇每人+$20有間房有窗有電視一開頭以為會食唔曬 點知唔夠喉雞肉嫩滑 但略嫌小辣唔夠辣下次可以試下中辣 再加多一煲食完雞打邊爐要咗個四式湯底（沙嗲 番茄薯仔 皮蛋芫荽 麻辣）海鮮同牛肉唔錯 非常新鮮我哋掛住傾計食咗唔係好多超鐘意呢度嘅蝦 勁大隻 啖啖肉火鍋配料同埋嘢飲選擇足夠最後仲有牛奶布甸 滿足

近排好似好HIT既呢間新南苑私房菜火鍋鷄煲, 我就專情去左試佢既$99雞煲,上到去睇落環境雖然爭DD, 仲以為社交平台介紹伏, 點知出奇地唔錯喎!!雖然唔多選擇, 不過每樣都幾好食!雞煲想食幾多就食幾多, 不過轉左打邊爐就無得番轉頭, 仲好!!唔洗好似平時咁用番雞煲個底黎打邊爐, 無咁油無咁肥!魚皮好脆, 唔會太咸, 幾好食! 一碟仲好夠份量, 4個人都夠食!野飲選擇好多, 有韓國既soft drinks, 都唔平架, 飲幾罐都回本啦其實!菜係自己出去夾, 位置就比較逼, 不過其實都夾唔到幾多次, 無咩所謂~呢個價錢所以都無expect有咩擺盤, 不過d食材都真係幾新鮮, 魷魚海蝦果d都好爽口!仲有韓國芝士麵, 好落本!! 好好食!!最後仲有1人1杯牛奶布甸, $99真係無得挑剔!

新南苑嘅雞煲出左名好食，今次lunch特登落嚟試下。入到去先發現原來佢依家有唔同嘅套餐，最平嘅雞煲套餐都只係需要98蚊。嚟得試當然係唔會試最普通嘅雞煲套餐啦，我決定要食佢嘅海鮮套餐，佢抵食在有海鮮都只係需要169蚊，個餐除咗包雞煲仲有打邊爐加材料而且仲包一個海鮮拼盤同一份靚牛，海鮮拼盤有鮑魚，聖子，大蝦同蠔， 真心抵食，出去咁樣一個海鮮拼盤都唔知收169蚊，佢嘅火鍋配料亦都有好多選擇最特別不得不讚佢有一個小籠包，淥完裡面真係有啖啖嘅湯汁，好好食。火鍋放題當然有醬料bar啦, 認真講佢嘅醬料吧配料都好齊全，一d都唔馬虎。 食完仲有牛奶布甸作甜品送上。至於佢嘅飲品櫃亦都有好多選擇，足足放滿三個雪櫃。整體黎講絕對物超所值。

今次一行二人去食任食火鍋 叫左$288既海鮮餐 真心唔錯 要同大家分享下由於我地前幾日先食左雞煲 所以就skip左雞煲 直接打邊爐火鍋湯底選擇都幾多 比較特別既有蟹窩花甲湯底、澳門豬骨濃湯窩底同埋滋補野生水魚湯底 我地就揀左「蟹鍋花甲湯」 湯底都幾足料 裡面有成個蟹蓋 配上新鮮既花甲 加埋粟米、蕃茄同秀珍菇等等黎熬製 味道好鮮甜 忍唔住飲左幾啖!首先黎既係海鮮拼盤 店員話d海鮮係每日新鮮運到的 裡面有鮑魚、蝦、鯇魚片、蠔、青口同聖子等等 非常豐富！ 海鮮真心新鮮 鮑魚夠彈牙 蠔非常肥美 蝦就大大隻咁 同時滿足晒我地視覺同味覺上既需要套餐包左一份手切牛頸脊 佢地既牛頸脊唔錯 牛味好濃郁 油花分佈亦平均 雖則未到入口即化 但口感算係好好 肉質好鮮嫩另外佢地有個好特別既火鍋料：灌湯小籠包仔（最衰唔得意影相）裡面好多湯汁 一口咬落去 口裡邊充滿滿滿既湯汁 好滿足！其他火鍋配料亦唔差 選擇多 比起同類型既火鍋店 佢地真心抵食同明顯高質素好多 另外每位會送一份自家製奶凍做甜品 牛奶味香濃 唔錯唔錯！

諗左好耐就決定今晚就系雞煲啦，咁就來到呢間聞說好評已久既旺角新南苑開始我的雞煲之夜，到左門口就好有美食氣氛，門口有多樣獎狀都令我增加左唔少信心，趁雞煲未上菜時先去自助小時區淺嚐下都算唔錯，雞煲一上場仲係出僅煙頓時成個美食氣氛即刻變得精采，即時將雞肉和醬料攪拌，香氣撲鼻，伴隨著「滋滋聲」，食慾直線上升！一口咬落舊雞皮香肉嫩, 連塊波羅混合左雞味都可以變得好食難忘啊, 跟住仲有打邊爐跟住上，新鮮海鮮用藥材湯混合埋雞肉一齊煮真係獨特經典好味，煮塊牛肉試下，牛脂分佈平均，厚薄剛好，肉味香濃，有嚼勁，同時又唔會韌，必點之選！到了精彩的海鮮拼盤，有大蝦，鮮蠔，大大隻的帶子，鮑魚，青口，飽到上頸了。總之就係食過翻尋味啊！最後埋單都係人均200蚊內，非常超值！

Weekend瞓醒就已係lunch hour打個邊爐先99蚊一位免加一仲要任食雖然話個套餐得半隻雞但其實有得食完嗌的呀姐教我地分半鐘攪一攪佢撈幾次就食得呢隻雞出乎我地預料地好食我地有人唔食辣嗌BB辣我覺得可以再辣啲因為佢個香辣真係幾開胃出煙嘅樣之後就落啲任嗌嘅火鍋料款式其實都好夠食起碼最熱門嘅嘢都齊而且旺角咁就腳嘅地方坐足兩三個鐘食汽水又任拎回本冇難度我地埋單之後居然仲有個3.6牛乳布甸送雖然已經好飽但真係幾好食同埋呀姐serve得幾好99蚊都有service 值得試

之前去食啲任食雞煲一直都冇搵到邊間好好食就算二百幾蚊位的確係好多嘢揀但一唻個雞未必夠味二唻最唔鍾意就係雞煲食完原煲加湯搞到唔湯唔水油淋淋今次99蚊位但係居然幾好食鍾意佢雞唔大舊先易入味而且有得任加之後打邊爐又俾過個新煲你揀咗藥膳湯底如果兩隻味要撈埋都唔知點算😂循例汽水任拎循例都叫兩三碟肥牛有啲車仔麵類小食可以任裝豬皮魚蛋豬紅魚皮基本上我可以自己食一碟其餘食物都係正常任食火鍋質素啦但最後呢個牛奶布甸甜品就幾好食而且佢真係我見過嘅任食雞煲中最平4個人埋單400都唔洗

今日去咗食雞煲，而家除左食雞煲之外仲可以打埋邊爐，唔係一次過滿足晒兩個願望呀。所以我哋今次叫咗至尊餐，除雞煲之外仲有個活海鮮拼盤同埋本地同埋美國手切牛肉👍另外仲有好多款唔同嘅海鮮同埋肉類都係任叫任食。講返個雞煲先，今次我哋叫咗中辣。但係我同朋友都覺得個辣唔係好夠。鍾意食辣嘅朋友可以叫埋大立都得。但係呢間餐廳好特別嘅就係佢加埋油炸鬼，估唔到原來油炸鬼同埋雞煲係咁夾嘅。加埋落去10分香脆。 至於雞件方面，雞件沾滿晒雞煲嘅獨特醬汁變得10分惹味。食完雞煲就做咗打邊爐嘅時間啦，個湯底今日叫咗個花甲蟹海鮮湯底。特別要推介呢度嘅海鮮拼盤，分別係有鮑魚，馬刀貝，帆立貝，蟶子等等多裏唔同海鮮。全部都好新鮮👍另外呢度嘅本地手切牛頸脊同埋美國肥牛都10分唔錯，牛肉味甚濃，而且雪花分布平均。除此之外呢度仲有蔬菜可以任拎，飲品可以任飲。全部自助式夠晒方便。下次如果一班朋友都可以約喺呢度打邊爐慢慢坐都幾好

在某香港討論區看到有食友介紹, 話旺新南苑的晏晝雞煲邊爐任食好抵食, 99元全包2個鐘任飲任食,咁就唔好執輸立即訂位(可打電話或用whatsapp).位置非常就腳, 出旺角地鐵站唔使二分鐘即到,但係等電梯就等到傻, 仲要係專用電梯, 大家預啲時間才不會遲到.入座就叫定雞煲辣度同埋選定鍋底, 因為聽聞好爆場, 事先訂了座,所以今次有卡位坐(就在vip房旁邊), 聽職員講如果冇訂位, 就要同其他人share一張圓枱(不過最多都係兩組客人)有前菜3款, 包括味付螺肉, 帶子裙邊同埋酸辣無骨鳳爪.三大盤都有膠蓋蓋住, 不過當食客打開後但旁邊又冇位放蓋,啲人就咁放喺其他盤蓋上(但蓋邊已沾上食物的醬汁), 反而攪到所有蓋都好污糟.值得一吃再吃的是味付螺肉和帶子裙邊, 好好味.另外仲有一大個電飯煲的麻辣魚蛋豬皮和豬紅,但真係好難食, 我每樣試咗一舊都差啲吞唔落,特別係果粒魚蛋霉到一個點, 我咬咗半粒吐都吐唔切.....我們前後叫咗3煲BB辣雞煲來食, 好滿足呀, 不過奇怪的是全部沒有附上油炸鬼, 但係雞煲已經好油,再加油炸鬼盞索晒啲油, 所以我們都冇向侍應追加.食雞煲都食咗1個鐘, 後來上了個椰子雞

係social media見到有人推介呢間雞煲，話好抵食，一於bk枱試下！12點開門所以準時上到去，已經見到人頭湧湧，好彩有bk枱，所以唔係就有排等啦！黎到梗係試$99雞煲，仲要免加一！雞煲係免費任食，食完可以再加！如果食夠就可以換一個湯再打邊爐，有啲菜同小食就喺出邊自己拎，同埋飲品都係任飲。雖然$99雞煲餐唔係太多選擇，不過其實食得飽，同埋質素都好好！牛雖然有啲肥，不過呢個價錢真係冇要求🤣雲吞同水餃，魷魚海蝦，牛柏葉都幾好食！

🌟🌟🌟🌟🌟🌟🌟🌟🌟🌟🌟🌟🌟🌟🍽 新南苑私房菜火鍋鷄煲📍旺角彌敦道678號華僑商業中心3樓🌟🌟🌟🌟🌟🌟🌟🌟🌟🌟🌟🌟🌟🌟朋友帶我黎食呢間新南苑，話火鍋放題好正，見openrice都幾多好評，就揀咗最貴嘅至尊餐豪食！😋有前菜、豉油碟、飲品等都係自助👍🏻❤至尊餐 HKD468/位 公眾假期每位需+$20呢個餐最吸引我嘅就係任食鮑魚，真係超期待！坐低冇耐姐姐就會問你雞煲要咩辣，我哋當然揀大辣啦！過多幾分鐘就上雞煲啦，要焗下炒下，好好玩，一開蓋好香，雞肉份量好多，好嫩滑呢，略嫌辣味不夠喔🥺食完一陣就會上火鍋🍲我哋揀咗滋補椰子花膠雞湯底，另外新鮮蟹窩花甲湯底都好吸引。冇諗過椰子會係原個！😳勁揼本👍🏻👍🏻花膠放咗係椰子面，冇呃秤架😆之後會先上活海鮮拼盆同牛肉拼盤，比我哋咩都試下先😋😋至尊餐可以任食嘅高級食材包括有美國SRF黑毛和牛肉眼、安格斯牛小排、本地手切牛頸脊、美國肥牛、鮑魚、馬刀貝、紐西蘭青口、帆立貝、台山蠔😍特別要講下下列幾項🥳👉🏻美國SRF黑毛和牛肉眼超高質😍d花紋好靚！SRF出名肉味濃！👉🏻 本地手切牛頸脊我最愛呢款牛，厚切有咬口，肉味香濃❤️👉🏻鮑魚難以想像任食係可以咁！大！隻！😱手板咁大

太太非常喜歡火鍋和海鮮，而我就喜歡雞煲，要找一間又可以吃雞煲，又可以吃海鮮打邊爐，這裏便是最佳選擇。選擇了雞煲、海鮮肥牛套餐，每位$288 ，星期六、日加$20一位。包括飲品任飲，30多款火鍋配料任吃。雞煲內有大量香料，醬汁不會過多，侍應提醒我們3至4分鐘，就把雞煲撈一撈，不過好多時侍應路過都會幫我們服務一下，這點值得一讚。雞煲經過幾次烹煮之後，再加入油炸鬼，吸收了煲內的油膩，便可以進食，這個安排很有特色。吃完雞煲，侍應便為我們加上南瓜海鮮湯，湯底味道鮮甜，非常配合吃海鮮。本地手切牛頸脊，牛肉味道香濃，肉質鮮嫩，雖然份量不是很多，已經心滿意足了。海鮮拼盤內有大蝦、鮑魚、蠔、帶子、青口、龍躉、鯇魚片。盤內的海鮮非常新鮮，其中以下的最為吸引：大蝦足足有九吋長，肉質鮮甜味美，爽口彈牙。鮑魚比街市可以買到的還要大，肉質爽口彈牙，味道香甜。龍躉片的魚肉味道香甜，這個可以追加，實在非常值得。吃完這個特盛海鮮盤，都差不多已經飽了，最後試了幾款火鍋配料，都覺得味道不錯，值得推介。飯後甜品，非常美味。

上星期天氣突然又凍，即刻想食個雞煲取暖先😛😛呢間雞煲可以任添和牛，仲有油炸鬼呢一種新食法，食場預約去試試雞煲方面用咗三黃雞，肉質Juicy，而且好滑溜，配埋秘製嘅醬汁，味辣得來好過癮。🙊同埋我忍唔住食多咗幾舊油炸鬼，一起吹卜卜，配埋啲雞煲，感覺冇咁dry牛肉有4款靚牛任添，😆包括黑毛和牛，肩胛牛，牛小排，美國肥牛。我最鍾意就係肩胛，牛味濃暴餘。黑毛和牛油脂分布都好平均👍🏻，雪花好靚🤩🤩，係第二最愛。整體黎講，牛肉高質過牛x連鎖店，性格比都唔錯小籠包同埋餃子類嘅丸都值得一試😍小籠包唔會乾爭爭，食落去淡淡湯，而且皮薄，餡料多😍要試特別一提嘅呢間嘅環境唔會好似其他雞煲店咁油笠笠，仲有有熱水自助洗碗，而且服務態度好，貼心整雞煲之外，仲溫馨提示我地可以任食🤩

呢間疫情之前同朋友試過晚餐， 嗰次係第一次去，已經覺得好正，個雞煲好好味， 同埋呢度啲房有細房，四個人都可以有間房啦。傾計好方便，又有電視， 今次老人家去食午餐， 佢個牛肉真係去親食都覺得好正， 今次試咗新嘅火鍋湯底，南瓜蜆肉都好甜， 佢個脆肉鯇、 龍躉片、同任點任食嗰張紙，真係任食 ，不停供應， 有啲餐廳係點極都唔黎嘅， 今日個老人家好都話呢度好好味， 佢個海鮮套餐嘅鮑魚同埋蝦都好有份量， 同埋佢多咗好多款式， 我諗我都會再encore

新南苑私房菜火鍋鷄煲喺旺角區屹立不倒，必然有佢嘅道理，今次我就同三位朋友訂座選擇至尊餐，除了有活海鮮拼盤（部份食物例如鮑魚任食外），更有多款高質素牛肉任飲任食。首先雞煲可以自選大辣/小辣/唔辣，裏面仲有啲油炸鬼等等，非常有口感，我們選擇的小辣味道香辣，雞肉嫩滑。食完雞煲就開始火鍋，最正係一嚟就有一個好豐富嘅活海鮮拼盆（6-7款每位），仲有一大盤高質素嘅牛肉！ 椰子花膠湯非常清甜！以下款式都係任食，包括安格斯肩胛肥牛、安格斯牛小排、本地手切牛頸脊、美國肥牛、鮑魚、馬刀貝、帆立貝、台山蠔⋯我最喜歡就係牛頸脊，適量油花加上肉質鮮嫩爽滑，肉味濃郁，是不停encore之選！另外海鮮都非常新鮮，包括大大隻扇貝、鮑魚等等，好豐富！鮑魚我哋叫完一隻又一隻，新鮮又有彈性，性價比高。 出面還有自取飲品及小吃、配料區域，醬料也是自由添加，食完仲有奶凍甜品，非常吸引呢！