新南苑私房菜火鍋鷄煲 (華僑商業中心) (Moved) New Location

打邊爐要平靚正就一定要揀旺角呢間新南苑，午市任食雞煲及火鍋都係$99不用加一，食個好少少既午餐都唔只。雞煲是任食，揀了小辣，本身雞件煮至8-9成熟，所以上枱後都是翻炒一陣先食得，初時辣度就唔算勁，但越食就越辣，麻味亦都湧出，十分滋味。等既時候出去攞左小食，有雞腳、麻辣魚蛋等。飲品就例牌無糖茶，汽水及一眾既韓式飲料。幸好打邊爐會換煲，否則真係由頭辣到尾，而且食到最底都幾多油，唔換煲真係唔得。火鍋配料都係任食，肉有幾款，豬、牛、雞，味道就正正常常，豬肉就鞋左少少。丸類最正就係芝心丸，入口爆芝士；另外還有個台式腸，黑椒味重。最後每人都有一杯3.6牛乳奶凍，滑嘟嘟有濃奶香。$99絕對性價比高，一定有下次。

好耐冇食火鍋啦，新南苑呢度地方寬敞，乾淨整潔，而且今晚人唔多，環境安靜舒適，很適合用餐。自助冷盤、前菜～⋯ 我地都攞左少少，雞腳味道唔錯！我地叫左個海鮮餐任食，除左有安格斯肩胛肥牛任食，鮑魚、馬刀貝、帆立貝、台山蠔呢D海鮮都係任食，唔係講笑，真心抵食呀！三位或以上可免費享用雞煲同埋湯底，大辣/小辣/唔辣都得，仲可以叫ＢＢ辣～雞煲配埋油炸鬼很有穫氣香，雞件份量也不少，Ｄ醬汁完完全全滲入嫩滑嘅收雞肉，極之入味。食完雞煲之後就係椰青蟲草花湯底。非常濃郁的椰青味，好好飲，蟲草花同埋花膠都食得！ 安格斯肩胛肥牛、安格斯牛小排、本地手切牛頸脊任食！！最中意本地手切牛頸脊，油脂分布好平均，而且仲有陣陣香濃牛味，食落有油香～安格斯牛小排口感爽滑，牛味非常突出，仲好juicy添！呢度嘅牛肉勁高質，我哋食唔停口。活海鮮拼盆（6-7款每位）有鮑魚、鮮蝦、台山蠔、蟶子，鯇魚片～海鮮拼盤賣相出色而且有氣勢，蝦夠哂大隻，勁爽甜，食落好有蝦味!鮑魚同埋蟶子彈牙爽口，台山蠔就勁肥美，個湯底夠清，樣樣海鮮都保留海鮮原汁原味，食過就知有幾正～再encore鮑魚厚肉！！黃油雞件（三黄雞）、特選豚肉、台灣黑椒豬肉腸、灌湯小龍

一向都好鍾意食雞煲，秋冬最少每星期一次～今日約埋幾個朋友一齊去新南苑私房菜火鍋鷄煲，齊齊歎返個雞煲+火鍋任食套餐。揀左至尊餐HK$249/位，任食美國SRF黑毛和牛肉眼、安格斯牛小排、安格斯肩胛肥牛等，仲送贈活海鮮拼盆，性價比好高!自助醬料區企理乾淨。自助飲品區選擇頗多，有各式汽水、茶飲、紙包飲品等。小食有麻辣豬皮魚蛋鴨血，仲有幾款涼拌小食，如鳳爪、海蜇等。旁邊為自助蔬菜吧，款款新鮮翠綠。雞煲辣度揀左BB辣，對唔太食得辣既我黎講剛好適中。放埋外脆內軟油炸鬼同炒數次就食得，大大件三黃雞啖啖肉，夠哂嫩滑多汁，調味剛好，香濃惹味，勁滿足!之後加湯就可以打邊爐，湯底揀左四式火鍋湯底，可以試齊沙嗲、蕃茄薯仔、皮蛋芫茜、麻辣四款口味。牛肉拼盆有齊安格斯牛小排、安格斯肩胛肥牛、本地手切牛頸脊同美國肥牛。首推豐富大理石花紋，鮮嫩多汁，口感軟嫩；本地手切牛頸脊肉質細嫩，雪花均勻且牛味濃郁。活海鮮拼盆一上枱勁吸晴，有齊蟶子皇、特大海蝦、鮑魚、青口、生蠔、鯇魚片等等。款款新鮮生猛，推薦厚身鮑魚，爽口又鮮甜!特大海蝦大大隻夠哂彈牙，好鮮味!最後仲送牛奶布甸，香濃幼滑，超滿足。

這間位於旺角的新南苑，主要以雞煲及火鍋為主，午市更有幾款火鍋套餐供應，細食既朋友可以只選單款，否則亦都可以揀多款任食。雞煲可以任食，所有火鍋料都一樣，這個價錢來說平靚正。雞煲揀了BB辣，即炒即食，麻辣味慢慢滲出來，雞肉入味又嫩滑。椰子雞湯味道清甜，食完濃郁雞煲配返個清清地既湯底。肥牛方面肉味濃郁且嫩腍。海蝦新鮮彈牙。多款丸類，有爆醬芝心丸、魚皮餃、雲吞等等。冰豆腐就吸收了湯汁，最有雞湯味。飲品就有多款無糖茶及韓式飲料。最後還有3.6牛乳奶凍，濃郁奶香又唔會太甜。

一行二人於旺角覓食之間，被華僑商業中心門前'新南苑私房火鍋"的圖文所吸引，尤其是Lunch任食兩小時的鷄煲牛王餐，海鮮餐，'鷄煲餐……每款由99元至百多元，非常抵食！ 之前食過晚間，午市未試過於是登上三樓…… 職員指示量體溫，搓手，登入安心出行等，做到足！ 安排好坐位，再給一盆滾水將碗筷再冼一遍， 務求令食客 更安心！五花八門不同的組合火鍋套餐……更有極 高級火鍋配料配搭選擇 , 豐儉由人！也有不同時段的優惠！自選湯底款款各有風味！我們食量不大，選了一份;牛王餐 $ 179/位含:美國SRF 黑毛和牛肉眼安格斯牛小排安格斯肩胛肥牛雞煲，美國肥牛 酒釀雞件40多種火鍋配料非常豐富！選了個 四式火鍋湯底 沙嗲、番茄薯仔、皮蛋芫茜、麻辣火鍋前先食鷄煲！鷄煲可自己决定辣度，煮了片刻的鷄肉十分嫩滑，味道鮮美很惹味！-很喜歡這個四式湯底！每款牛肉都肉味濃郁，鮮甜口感嫩！質素高！豚肉也很不錯！每款都嚐一嚐……很新鮮！不錯啊~無酒精飲品款式多選擇，有啤酒供應，不貴，也很抵飲！最後還有甜品送……又香又滑奶凍！在無拘束的環境下，暢飲暢食了一個下午，這個火鍋午餐非常滿足！滿意！很好的選擇！

抗疫期間好少出街食飯，今日一於放縱吓，Lunch去旺角任食雞煲＋牛王餐每位$179免加一。餐廳地方闊落，窗口位置更有不同size的包房（只需每位加$20），私人空間可以盡情享受美食。 首先品嚐是雞煲(中辣) ～賣相吸引，令人垂涎三尺！雞煲香氣撲鼻，濃郁香惹，雞肉嫩滑味美， 二人份也份量十足，啖啖香辣滋味 ! 附送的酥炸油炸鬼，吸收了雞煲濃汁後，軟硬兼備，口感豐富，份外香口！吃完雞煲，便來主角牛王及其他火鍋配料。牛王有4款牛肉，包括美國黑毛和牛肉眼、美國肥牛，安格斯牛小排及安格斯肩胛肥牛。4款各有特色，個人至愛安格斯小牛排，油脂均勻，入口即溶火鍋湯底有多款，我們選了椰子雞湯底，清甜椰香，雞肉幼滑！火鍋配料選擇豐富，由於已經很飽，只點了數款而已。必食灌湯小籠包，皮薄餡靚，放湯後夠晒juicy。還有一個自助小食區及蔬菜區，乾淨企理。最後，更有令人驚喜的免費甜品"鮮奶奶凍" , 每人一樽，精緻好味，至啱中和口中的辣味。雞煲＋肥牛火鍋＋甜品，超抵食，極滿足！

自疫情以來，飲食習慣改變不少。平時食火鍋只會在晚上時段，而家覺得食午餐都好有好處。午餐時段平啲啦⋯⋯消化時間又長啲啦！至尊餐$248/1人先食雞煲。辣度可選。我選了微辣。香噴噴的雞煲，調味恰到好處，不會太鹹太辣，惹味十足。雞肉嫩滑。醉雞火鍋湯底，雞件份量不少。有微微的藥膳香氣。牛肉三款任食，牛小排，本地手切和肩胛。最喜歡小排嫰滑，手切味濃。海鮮有鮑魚，蟶子，蠔，蝦，馬刀貝...鮮美，食到舔舔脷。菜蔬自助區任你攞，還有點餐紙，四十多款配料。既然晚市又開番，下次約埋姊妹們又聚一聚。

香港人創意無限，食肆為了滿足客人需求，菜式的配搭，層出不窮。外國的餐廳，餐牌十年如一日，只有懷舊而沒有創新。今午和太太來到旺角一間主打火鍋的私房菜館，此店地方寬敞，坐在卡位，更感覺舒適寧靜。我們揀選了$249一位的至尊餐，兩小時任食雞煲和火煱，午市不收加一，食材十分豐富。雞煲 - 雞煲的烹飪方法與「啫啫雞煲」相當類似，都是乾炒，由於雞肉預先用醬料醃製，當我們將雞煲加熱時，香氣四溢，加入切碎油條，乾炒了數分鐘，熱騰騰，香噴噴的雞肉相當嫩滑入味，一瞬間便將鷄煲吃清光。火鍋 - 材料有紐西蘭蟶子、鮑魚、生蠔、帆立貝、手切牛小排、脆肉鯇魚片、龍躉片、小籠包、豆腐、生菜等新鮮食材。湯底揀選了南瓜花甲粟米，此店的海鮮質素高，蟶子鮮甜嫩滑，在湯鍋內稍為灼一灼，即可食用。手切牛小排，肉味濃，入口軟滑。龍躉片新鮮彈牙，是我的至愛。食材除了蟶子，其他都可以隨意加添。小吃還有魚旦、豬皮和豬紅。蔬菜和飲品是自助形式。侍應服務週到，享用兩小時的美食，相當滿足。

雞煲同火鍋都係我鍾意食嘅食品，今日喺旺角呢間樓上私房菜館就可以同一時間食齊兩樣，感覺非常滿足。套餐有不同款式選擇，主力想食牛嘅有牛王餐（$179/位），主力想食海鮮嘅有海鮮餐（$169/位），如果想食齊牛和海鮮嘅也有個至尊餐（$249）可以選擇，以上三個餐都跟有雞煲先嚐。如果想食平啲亦可以叫經濟實惠嘅雞煲餐（$99/位），而呢個雞煲餐一樣有肥牛、鮮蝦和豚肉供應，適合胃口比較少的人士，真係各適其適。每個餐無論雞煲、牛肉、海鮮或火鍋配料都係任叫任食，認真超值。我哋樣樣都想食, 所以叫咗個至尊餐品嚐，務求食得盡興啲。飲品任飲，可在雪櫃隨意選擇。餐廳奉行環保走塑，所以沒有飲管供應。支持！餐前小食有咖喱魚蛋、豬皮和鴨血，也有酸辣鳳爪、魷魚等供應。每個套餐都先上雞煲，雞件已經係石鍋先煮熟八成，再喺客人面前再煮至全熟，之後放埋脆卜卜嘅油炸鬼略炒一陣間就可以食。由於雞件伴以洋蔥、乾蔥、蒜頭等係石鍋到爆炒，好有鑊氣，雞肉惹味得來又好嫩滑。食完雞煲就開始食火鍋，我哋揀咗椰子雞湯做鍋底，裏邊仲有醉雞件。湯底非常清甜，而且聞到陣陣椰香。牛肉拼盆有安格斯牛小排、安格斯肩胛肥牛、本地手切牛頸脊和美國肥牛。顏色鮮艷

朋友同我都鍾意食雞煲🐓，又鍾意打邊爐🥘，咁去依間任食雞煲火鍋就啱喇!我地order左海鮮套餐，當然係食左雞煲先啦，叫左小辣，實在太惹味了，我同朋友食左兩煲，之後先至開始打邊爐。湯底都好多選擇，我地揀左花膠蟲草花椰青湯底，上枱時賣相都相當驚喜。海鮮拼盤有鮑魚、蟶子、蠔、蝦、青口、魚片等等，非常豐富👍, 牛肉係本地手切牛頸脊，牛味濃，另外仲有幾十款任食火鍋配料，埋單時仲送每人一杯自家製北海道牛乳布甸，好好味架❤

一大班人最好就係打邊爐啦～朋友介紹呢間雞煲邊爐，雞煲質素好高，一d都冇介紹錯！❤️經openrice訂座，店員好快就打黎confirm booking，同時問需唔需要坐房。我地只有4個人，傾計唔會嘈親其他人，就坐大廳算啦。可能仲係疫情期間，所以晚市唔係好多客人，坐得比較鬆動。男侍應服務週到，幫手炒雞煲😂雞煲每1.5分鐘炒一次，炒足四次先可以食呀。第一鍋雞煲份量較少，雞件唔夠4個人分。味道濃郁，仲有洋蔥同油炸鬼。BB辣對我黎講已經好辣😂我地總共食左2鍋。食完就到打邊爐啦😉一共有3個套餐，分別係海鮮，牛肉，海鮮加牛肉🐮我地揀左牛肉套餐。首輪有4款牛肉，冇名牌唔知邊樣打邊樣。最右邊牛肉較重，不過唔係任食。其餘都麻麻地，冇雞煲咁出色。仲有多達40款配料。芝士麵原包上，好好笑😂響鈴麻麻地，浸唔夠三秒已經全部冧曬。

同朋友聚會，去旺角任食雞煲打邊爐，一來先上雞煲，叫咗個中辣，都ok 有啲辣味，個味還好，但唔知係咪坐房，其實無乜人理，好快就干水，但D雞又未熟，都唔再叫啦，就轉打邊爐，包咗一碟海鮮，有啲聖子，鮑魚，扇貝，蝦，同一碟牛，分量人頭一，咁上下。包咗果一碟牛，質素都還好。之後有張紙係任叫，一睇張紙，食物選擇小，我睇完成張紙得一樣野係可以食得落嘅就係脆骨腩，本身平時都好鍾意食牛嘅我，見到碟任叫肥牛，一片都唔想食，係一啲好肥，完全無食欲既牛，飲品選擇亦唔多，呀，仲有我叫咗個，麻辣湯底，一啲麻同辣都無嫁。。。埋單每個人平均$450

三五成群約埋打邊爐， 旺角方便大家做中間點， 聚會很好食物方面首先嚟雞煲先， 不算特別出眾雞比較瘦， 火鍋方面海鮮盤， 海鮮食得出都係新鮮嘅唔錯， 任食配料方面可以點龍躉斑塊， 呢個值得加分， 其他食物中規中矩。環境： 坐得都幾逼， 不過 枱與枱之間都有嘢擋住， 上菜速度都幾快，服務員禮貌有善總體性價比高， 係環境逼咗少少， 食材方面都新鮮唔錯

我們大約夜晚11點半入席，加錢坐房，也知道2點前需要交枱，但當大約12點半開始，無故不斷開門起碼5次，之後不會關門，亦不是幫忙執拾碗碟，明顯想催人走，令人討厭，雖然食物還可以，但不會再食

今年入秋第一次食，俾我搵到間抵食得來又有質素嘅任食雞煲火鍋 🍲＂新南苑＂😋👍🏻趁Lunch食個雞煲真心超滿足🤩人頭費計仲要免+1俾你任食兩個鐘！有幾個餐都非常推薦👍🏻「牛王餐」可以任食M5肩胛和牛🐂、美國肥牛、安格斯牛小排如果唔食牛嘅話，仲可以食佢個「海鮮餐」佢會有個海鮮拼盤，大概有六至七款嘅海鮮擺喺你面前，仲可以任食深海龍躉、鮮蝦同埋美國肥牛🤤呢兩個餐每四位仲會送一碟本地手切牛頸脊，講緊先至係$159一位🤩跟住就係「雞煲餐」🐔有美國肥牛，特選豚肉，仲有鮮蝦，講緊都只係$99一位抵食到爆！😍我就大貪D，點左個「至尊餐」🤤咁就乜都有，除咗海鮮拼盤同埋肩胛和牛🐂頭先提過嘅安格斯牛小排同埋首設牛頸脊、美國肥牛、鮑魚、馬刀貝、帆立貝、台山蠔🦪以及40多種火鍋配料都可以任食，每位只需$249👏🏻再試埋佢個椰子花膠蟲草花煲同日式刺身拼盤，飽到捧住個肚走😂👍🏻