新華苑酒家

Open Now

Now Closed

旺角發現到新大陸，靜中帶旺，同埋中菜岩晒一家大細，門面似主打蒸氣火煱，不過今次叫小菜。發現樓下姐姐派既傳單都真係好抵食。生劏龍躉兩味，有龍躉炒球同果皮蒸頭腩。條魚好新鮮，無雪味，經典茜芹配炒球魚，中和油味，送飯食真係一流。果皮蒸腩都落足蔥，辟走晒魚腥味。叫左父親大人最鐘意既炸子雞半隻，最正係啲皮燒到翠bok bok. 北菇豆腐，大大碟，個獻汁唔會太傑身。黃金蝦，隻隻都上晒蛋黃漿，唔理膽固醇，食左先講，蝦頭都食晒。

放工後約埋朋友一起到這間酒樓吃蒸氣火鍋，今天放早5:30已經可以到達，我又是第一個客人然後經理走埋嚟問我們幾多位，態度非常親切，我們今晚吃的是蒸氣火鍋，依家特別潮流的健康火鍋，那就試一試，首先我們馬上落單紙，先要揀一個粥底，然後選擇四樣海鮮，其他的配菜是無限任點，非常超值。有員工為我們蒸的，每次響鬧就上一批海鮮，飲品還有好多選擇有啤酒任飲有罐裝汽水及竹庶水等......食完海鮮，你不夠飽的時候可以再點其他配菜，當配菜食完後底下會有一個粥底，包你飽晒

同朋友放工約出黎食飯，去到旺角呢間酒家，試下食佢地嘅蒸氣海鮮餐，我地黎得早，唔駛點等位。坐低第一時間選粥底，朋友選左淮山雞粥。自選海鮮可以選4種，我地選海蝦、鮑魚、龍躉件、大元貝。有2種定食：脆皮燒乳鴿、貝殼拼盤。自助型式自己去攞醬料。啤酒汽水任飲。其他食品都係任點任食，不過食左海鮮先點。先黎貝殼拼盤，貝殼幾新鮮，味道鮮甜。大元貝、大海蝦、鮑魚、龍躉件，擺放得好靚，一睇就知好新鮮。大元貝真係好大隻，好好食，好鮮甜！大蝦都好大隻，肉質鮮美！鮑魚沾點醬油食，好美味。龍躉魚肉好嫩，鮮味十足！叫左手切牛肉，好有牛肉味，肉質嫩唔會韌。馬拉糕、蜂巢糕，唔太甜，幾好食。

約咗朋友喺豪華戲院附近, 夠鐘食晚飯我哋經過轉彎位這間 , 畀佢嘅蒸海鮮套餐吸引了!燒乳鴿, 很夠味, 外皮夠脆, 肉質細嫩, 好夠水準！侍應先在鍋底加上白米、瑤柱、鮮淮山等材料, 然後好細心逐款海鮮 並根據時間幫我哋原味蒸熟 ！自選海鮮有四款, 我哋揀咗龍躉件、蟶子皇、鮑魚同埋大桶蠔 .鮑魚大大隻, 十分肥美, 好有口感.龍躉件啖啖肉 而且魚味香濃, 入口軟滑！蟶子皇鮮美極高, 肉質新鮮爽口彈牙.大桶蠔真係十分巨型.海鮮用嚟清蒸, 原汁原味嘅精華落曬去鍋底下嘅粥，之後最後享用！呢度嘅侍應蒸海鮮嘅時間真係剛剛好, 之後我哋點咗好多火鍋配料.和牛片, 用料上乘, 有少少牛肉嘅脂肪, 入口牛味香濃 , 其餘火鍋配菜整體都好理想.最後一大鍋淮山瑤柱粥夾雜住海鮮,牛肉片嘅精華 , 味道真係特別甜美！

我同朋友經過呢間酒樓嘅時間，見到佢外面嘅海報做緊一蚊脆皮燒雞，所以我就同朋友入咗去入面食啦。雖然係1蚊既雞，但係色香味性價比高，真係好野味，食到舔舔脷皮脆肉嫩，絕對係超值，估唔到一蚊都有咁嘅水準。另外，我哋叫咗隻紅燒乳鴿，乳鴿同樣都燒得好香，相信廚師燒野都好有經驗，熱辣辣又厚肉，$48都好抵食。我中意食豆腐，又叫左個海蔘豆腐煲$95，海蔘蚊到好林好好食，豆腐又入味。我哋仲帶咗四隻蒸扇貝，普通size，但勝在新鮮，唔會蒸過火，唔會有臭味，有蒜蓉，粉絲，粉絲隻質地好好味。係一個算叫做交通唔方便既地點，都保持到有客緣，相信佢地一直水準都好好，希望佢地keep住又抵食又好味啦🥳

今晚係戲院出來想穩下野食，對面就見到佢，大大個門面，上一層全層都係佢，朋友喜歡中式嘅口味，當然我就沒有特定，有小菜同蒸氣火鍋任飲任食，我們嘅選擇當然係蒸氣火鍋任飲任食嘅選擇啦！價錢同出面食開嘅，這裡相對較抵食，但這裡嘅任飲任食。乳鴿，每人半隻，上枱即刻香氣四溢。拿上手係辣手的，放都放唔切，一啖咬落去，果然皮脆肉嫩。鐘意佢肉唔厚，真是乳鴿。脆皮燒雞，呢個燒雞得俾個五星佢。外皮燒至金黃色。老人家最怕燒雞內在唔熟，而新華苑呢隻燒雞就完美喇。

旺角道好近我公司，收左工去食好野慰勞自己，同事推薦話呢間選料好出色個名好有霸氣，叫任揀任食任飲蒸氣海鮮餐，海鮮可以自選海鮮四款，我地揀左鮮鮑魚、貴妃蚌、象拔蚌仔同蟶子皇一開場黎個乳鴿做前菜先，肉質嫩滑，很不錯之後會有侍應過黎幫手係鍋底落米同粥料，呢個係南瓜排骨粥貝殼拼盤，有青口同蜆，估唔到咁新鮮，而且無沙，處理都幾好每樣材料會逐樣計時，仲有專人服務鮑魚超爽滑，加上蟲草花吊味，好彈牙好好食貝殼類都好出色，全部有粉絲墊底，吸哂所有海鮮精華，除左新鮮都諗唔到其他形容詞之後仲嗌左其他配料，估唔到全部質素都好高芋頭超鬆化，必點手切和牛肉，呢個牛味濃郁，好食過和牛粒蟲草花蒸雞 - 好夠味，但比較多骨牛丸、蝦丸、鯪魚球都係新鮮手打！太有誠意了原來個馬拉糕都係即場蒸，好鬆軟最後就係精華所在啦，個粥都煲左成兩個鐘，夠哂綿，無味精，只有鮮味呢個價好食過好多放題，仲有免費啤酒汽水飲，性價比好高呀

停咗一排既海鮮癮又蠢蠢欲動，重口味始終都唔太健康，長久以來造成負擔，要揀原汁原味既一定係蒸海鮮！前身係潮福既新華苑講真唔抱太大期望，不過朋友介紹唔好意思拒絕，酒樓格局加少少蒸籠貼牆點綴感覺冇咁老土，坐卡位望住電視嘆海鮮感覺都唔錯!有乳鴿加自選四款海鮮，其餘都可以任食，$268一位加一，雖然要加$20醬油費，見到調味配料選擇都對得住呢個價錢，時間仲早調味區都仲好亁淨。先嚟花甲加四款自選海鮮，鮑魚、聖子同桶蠔同肥厚肉嫩，清潔做得好一啲沙都冇，唯獨龍躉比較多魚頭位置，對於唔愛食頭既我就有少少失望，勝在膠質豐富補下骨膠原，樓面阿姐較時間啱啱好，鬧鐘未叫人就已經企咗係度，服務周到!乳鴿皮脆肉嫩由於食咗下午茶，食完以上既主菜都出現飽肚感，由朋友發板叫咗幾款，推介和牛片，食得生既和牛粒都唔錯，蒸完唔會靭又香牛肉味；芋頭夠粉；梅菜豬肉丸唔會只有梅菜味；蜂巢糕係阿姐推薦，煙靭香糯帶焦糖味；本人都係鍾意馬拉糕多啲，夠晒鬆軟又少甜。

聽講呢度有任食蒸氣鍋，搵日星期五放工同大食友人happy hour。星期五晚$288一位再加一同醬油費，可以接受嘅如果啲海鮮夠靚同新鮮。海鮮同乳鴿每位計之外，其他都任食。乳鴿燒得幾香，一人有兩舊，算多肉。蜆同青口好大隻，好鮮甜，啖啖肉。呢個海鮮拼盤不得了，可以任選四款，揀咗蟶子、貴妃蚌、鮑魚同象拔蚌仔。粉絲同蒜蓉、蔥花令海鮮更鮮甜惹味。跟住就點啲任食料，首推手切和牛肉，超級香牛味。肉質好煙韌但唔會難咬，好食！另外和牛粒都要叫，值回票價。食完正餐就食吓甜野，懷舊馬拉糕唔係間間酒樓都有，而家任食梗係要食返夠本！最後最後就係要食個粥喇，個粥吸收哂啲海鮮同牛肉精華，應該好鮮甜。不過太多水，有點清淡，如果濃返啲好食好多。呢個價錢同食物成正比，係抵食嘅。

好耐冇食過蒸氣鍋，今日放工特登約朋友出黎食晚飯，去左呢間酒樓食海鮮蒸氣鍋。粥底有三選一，我地揀左淮山雞粥。乳鴿同貝殼拼盤係定食黎。自選海鮮揀左鮑魚、元貝、龍躉、海蝦。呢度有自助醬料區同埋自助飲品區，自己攞醬料同飲品好方便。先上乳鴿食住先，脆皮燒乳鴿都幾大隻，皮脆肉嫩，正！全部海鮮都好新鮮呀！開始蒸海鮮，侍應姐姐幫我地蒸貝殼，好鮮甜，姐姐教路唔駛點醬汁，直接食最鮮味。海蝦好大隻新鮮，蝦肉鮮甜。鮑魚好新鮮，肉質彈牙。元貝大大粒，仲有香蒜同粉絲，點d醬油食好正！龍躉件肉質超嫩滑，味道鮮甜！仲有好多其他任點配料，有蟲草花蒸雞、手切和牛肉、手製肉丸、蔬菜、糕點等，都幾豐富。最後食嘅淮山雞粥，煮到好軟好綿，好易入口，味道鮮甜。幾唔錯嘅海鮮蒸氣鍋，海鮮非常新鮮，值得推薦！

今日同屋企人自費去食講左好耐嘅海鮮蒸氣鍋，流行左咁耐都未食過就一於試下。見新華苑酒樓比較新之餘又標榜海鮮新鮮，就揀左佢啦！我地一行四人叫左准山雞粥做粥底，海鮮就分別叫左象拔蚌、貴妃蚌、鮑魚同蟶子。個餐已經包左一個乳鴿同貝殻類拼盤，所以唔怕得四款海鮮唔夠喉👍🏻👍🏻👍🏻海鮮食落就知新唔新鮮，呢到啲職員好有耐性幫你去蒸埋計埋時，務求令你食到最佳時間嘅海鮮🦞。一定要推薦貴妃蚌，好鮮味而且好突出蒸完唔加任何調味料都好好食🤤。每款海鮮都會有啲配料係上面，多數都係配粉絲最簡單嘅整法，愈簡單愈能夠食到佢嘅原始味道👍🏻👍🏻👍🏻

呢個蒸氣海鮮餐除左有海鮮之外，仲有一般打邊爐常見嘅食物，無諗過火鍋配料都有得蒸喎。個餐包埋乳鴿，好驚喜，超好味呀，新鮮燒好，皮好脆，又多汁，必食。店員會幫我地逐樣計時蒸，有人服侍真係好。整體啲海鮮都幾新鮮，黎到仲郁緊。貝殼拼盤，蜆肉夠肥同鮮味，但有少少沙。鮑魚軟硬適中，仲有蟲草點綴。貴妃蚌同蟶子竟然有蒜蓉粉絲底，好惹味！第一次蒸肥牛，本身嘅油分停留左喺塊肉度，入口唔dry, 呢個新食法幾正！蟲草花蒸雞好嫩滑！連水餃同丸類都有得蒸，食完健康哂！最後就食埋底下個粥，有啲失望，比較淡味。食完粥再蒸多舊馬拉糕就走人。

餐廳位於旺角近大角咀的一帶這一帶的食肆都比較傳統但要說到最傳統的中式餐廳我要推介的還是新華苑清蒸沙巴龍躉仔做緊特價!! 勁抵食!!幾時都話如果係靚嘅龍躉仔唔使用咩花巧嘅方法去處理只需要清蒸已經可以帶出當中嘅鮮味呢條龍躉仔份量都唔少夠兩至三個人食肉質嫩滑畫龍點睛嘅就係啲醬汁化皮燒腩仔名如其實 燒腩仔肥瘦分明脆博博嘅皮配上醬汁真係不得了每一舊都係好高質腰果西芹蝦仁呢個係我食過最好味既炒蝦仁蝦仁炒到超爽滑完全係考到廚師手藝西芹亦都好爽口我高度推薦呢道菜

三人週五晚上去吃蒸氣粥底海鮮鍋，氣氛熱鬧，而且一直也有食客進場，幸好預先電話留位，於靠牆舒適卡位就坐。海鮮類中，我們選了鮮海蝦、象拔蚌、龍躉件和鮮鮑魚。另外，每檯均附送花甲一碟。其中鮑魚的新鮮程度、彈牙口感最令人贊嘆，店員控制蒸的時間掌握得剛剛好！花甲亦多肉無沙清甜。由於海鮮都非常新鮮，故自助醬料有錦上添花的效果呢！其餘食物新鮮，自制牛肉和蝦滑配合蒸煮方法感覺健康！每人附送半隻BB乳鴿。啤酒愛好者有著數呢，這裡無限任飲！

之前已經聽過朋友介紹呢間酒樓嘅蒸氣海鮮質素很高，於是今日就同老公嚟試一試首先呢度嘅蒸氣海鮮套餐任食任飲，星期六都只係$288 （ 加一服務費)貴價海鮮八款入邊揀四款，而我同老公就揀咗大元貝、象拔蚌仔、蟶子王和鮮鮑魚首先值得一讚嘅係呢度服務很好，侍應會幫我們逐一把海鮮放入蒸鍋裏，而且加上計時器，計時器一響，侍應就會過來把海鮮夾給我們，所以不用怕海鮮煮得不夠熟或者過熟每樣海鮮都十分新鮮，鮮甜， 尤其是蟶子王，份量十足！大元貝上鋪了蒜蓉，但也不會搶咗大元貝的鮮味另外我哋叫咗兩款定食-有貝殼拼盤和燒乳鴿，估唔到呢度海鮮一流之餘，燒乳鴿都做得咁出色另外， 任食的配料有很多，有蟲草花蒸雞、雜菜、蓮藕片、甜粟米、勝瓜等等， 非常健康! 老公稱讚蒸雞的雞肉嫩滑，好好味最後，我哋就食瑤柱鮮淮山粥，粥底吸收了所有海鮮的精華，正順帶一提，呢度嘅飲品款式亦很多，仲有鮮蔗汁添