新華苑酒家

Open Now

Now Closed

今日同朋友去開旺角，見到依間叫新華宛酒家，以主打蒸氣火煱為主，店內場地夠大，冷氣充足，坐位又夠寬，坐得舒服，給人舒適的感覺，最適合三五知己一邊聊下天，一邊飲下酒，而且啤酒是任飲的。店員很有禮貌。看完餐牌，叫咗燒鵝食，做得非常出色，好有水準，即炸出來，燒鵝又新鮮，入味道，脆脆地，鵝肉非常好味。個人認為是必點的食物。至於用蒸氣火焗蒸鮑魚，扇貝和自製鮮牛丸，好特別，鮑魚好鮮味，有水準，扇貝也非常入味，食材料非常新鮮。而且汽水也是任飲的。另叫咗鮮東姑，甜栗米，食材也很新鮮，蒸氣出來的粟米，好甜好食，牛丸好味道，又新鮮，口感很好，肉質鮮美。店員又很親切，幫你按好蒸氣時間，夠細心服務。綜合各方面，是物超所值的一餐。個人必會再來光顧。

好友 每月1 聚，在大家熟識的 油尖旺區 ， 但想遠離 少少遊客區 ，好友提議到 旺角與大角咀中間的 新華苑，說是不錯。到來的時間 大概6時多 ，不用等候經已可入座。裝修 不算富貴堂皇 ， 勝在價格親民，不用付錢吃裝修 ，而且空間寬闊， 不會背脊貼背脊 ，很舒適的感覺。酒樓晚飯分蒸氣海鮮鍋魚小菜， 我和朋友則叫了小菜。店員介紹的 生劏龍躉兩味 ， 分別是 碧綠炒球和果皮蒸頭腩， 龍躉肉 看上去非常名貴的樣子。 果皮蒸頭腩 ，魚肉雪白，而且有光澤，帶有厚厚的龍躉皮，對愛吃魚皮的朋友來說，是一個不錯的選擇，配著木耳果皮 一同蒸 ，口感滿足。--碧綠炒龍躉球，啖啖肉，魚骨又少，充滿骨膠原嘅龍躉， 配埋新鮮爽脆的西芹， 入口好香 ，好食。--這點非常有誠意。另外，酒家最近做緊特價, 按不同人數有不同款式可以選, 有斑仔又有雞, 我同朋友揀左1蚊半隻脆皮燒雞。脆皮燒雞，送上之時，離遠已經聞到脆皮燒雞的香味，入口雞皮香脆，雞肉仍帶有肉汁，做得不錯。----漁村小炒王漁村小炒王 ， 有韭菜花蝦乾腰果 魷魚乾 菜脯 等等， 炒得夠鑊氣 ，而且份量也不少。--海味雜菜煲海味雜菜煲，以海味上湯作湯底， 有

新華苑位於旺角道1號， 就在豪華戲院的對面， 餐廳不算近地鐵站， 但是由朗豪坊或 旺角港鐵站 行過嚟其實也不算太遠， 最重要是 一入去就即刻有位， 最啱繁忙的香港人。餐廳環境大坐得舒適， 不會坐得太逼夾， 也不會太嘈吵。這日和兩位長輩過來，就叫了幾款中菜：脆皮燒雞2至4位一蚊半隻當然要叫，燒雞色澤金黃，外脆內嫩，保留雞汁在裡頭. 燒得香口加上椒鹽變得非常滋味，幹香鮮鹹。--生劏龍躉兩味268碧綠炒球西芹夾埋 龍躉 一齊黎快炒都幾好食， 龍躉啖啖肉不在話下，膠質很重，走油後外脆內滑，肉質亦很彈牙， 西芹鮮甜清爽，好食。--果皮蒸頭腩龍躉頭腩啖啖肉，讓不太懂吐骨的我也覺得很易食。這個啖啖肉的龍躉 ，簡單用果皮清蒸已很美味，而且果皮也很香呢- 奇妙沙拉骨 75排骨酥炸至金黃色，奇妙沙拉骨特別之處在於排骨會在炸後拌入以蛋黃醬及煉奶調配成的沙拉醬，增加一份酸眯眯的香氣，讓人吮得更滋味。-海味雜菜煲 80雜菜煲聽落 淡而無味 ，但加了海味 例如魷魚同蝦乾 同煮， 粉絲煲 即時變得豐富惹味， 而且雜菜的款式也很多， 西蘭花菜心椰菜花生菜等等， 也很新鮮呢。-

今日同朋友2個人約左食飯朋友係太子附近工作提議去一間旺中帶靜既酒樓食主推蒸氣火鍋。套餐分開2部分先自選食品後到任點。自選海鮮用冰盤上海鮮唔暗啞肉質望落十分豐厚，蒸好食落質感彈牙唔會霉，基本上海鮮新鮮已經夠味配料都唔需要。龍躉層啫喱厚煙靭充滿膠質魚肉嫩滑。貝殼類拼蒜蓉粉絲底一定無得輸，元貝同蟶子大大隻爽脆得黎又易咬。整體配料感覺不錯，最滿意係和牛片，牛粒同馬拉糕。牛肉香又唔會過份油，瘦肉較多蒸出黎唔會過老同乾。馬拉糕鬆軟甜度啱啱好，帶少少黑糖香味做飯後甜品好適合。最後由一大鍋山藥瑤柱粥底清一清完結。

之前試過同成班同學黎依間酒家食海鮮蒸鍋, 覺得唔錯所以今晚人少少就黎試下佢既小菜上到去見到多數人都係食海鮮蒸鍋, 望下小菜既menu, 哇咁驚喜既有1蚊燒雞, 48蚊龍躉仔, 龍蝦伊麵都係198兩隻唔洗諗啦3選1都咁抵呀避風塘茄子口痕想食下熱氣野, 香口到不得了再配埋可樂gur哂! 雞蛋焗魚腸依道菜係朋友點既, 我自己就未食過, 佢話出面已經好少地方有依味餸咁話wo~雞蛋面焗到脆卜卜好似脆邊蛋咁, 入面雞蛋好厚又軟熟, 唔錯! 朋友教路嬸d胡椒粉落去食美味提昇清蒸沙巴龍躉仔必叫之選, 因為已經叫左1樣熱氣野所以無叫燒雞, 叫左條魚清清地。魚蒸得岩岩好無overcook所以魚肉好滑, 雖然叫龍躉仔但兩個人食黎講都已經好大條同場雖然大多數都食蒸氣鍋, 但原來佢小菜又好食又抵! 食左3個餸仲有飯同汽水都係二百幾蚊咋, 不錯

香港人鐘意打邊爐就係人都知，近年興起一種新式打邊爐，就係海鮮粥底邊爐，有兩種打法1）將海鮮放入粥度打2）將海鮮隔粥底去蒸個人就比較鐘意第二種，因為可以更加保留到海鮮既鮮味。今次黎到新華苑就試到喇環境方面一般酒樓格局，岩一大班人聚舊，而且酒水價錢都好貼近超市，有個地方吹下水，一流。亦有唔少細枱，所以3幾個人黎都無問題。不過酒樓形式所以嘈左d都人之常情。食物方面佢有小菜食，本人就未試過，大家可以試下，今次就食佢個粥底火鍋。1）海鮮選擇有4款，本人就最鐘意佢個聖子，好厚肉，又無乜沙，鮮味十足2）另外個粉絲扇貝亦好夠鮮，調味岩岩好3）最抵讚係佢隻牛，安格斯牛，厚薄岩岩好，帶出濃厚既牛味，比起好多連鎖打邊爐既牛都更好食（e. g. 牛X，X牛，牛X) 等等，好抵讚，仲要係任食4）任食配料，除左牛外，仲有雞擇，選擇雖然唔多，但質素都唔錯5）最後食埋個粥，食落好鮮甜，吸收曬海鮮既精華，正

探完家姐個BB一行4人黎到旺角呢間酒樓食晚飯，4個人叫4樣野夠哂。分別叫左椒鹽鮮魷，咕嚕蝦球、兩隻龍蝦配伊麵底同埋我最愛既胡椒豬肚雞煲。首先講下胡椒豬肚雞煲，比我平時食既冇咁辣但胡椒味都好突出，豬肚爽口仲索左D胡椒豬肚湯好入味，雞亦冇雪味，而家做緊晚餐優惠$198有兩隻龍蝦配埋伊麵，所以我地諗住食伊麵就冇特別叫飯，如果唔係胡椒豬肚湯撈飯食真係一流。椒鹽鮮魷同咕嚕蝦球又係好好送飯既餸，首先咕嚕蝦球甜甜地個汁較杰身，不過蝦球就冇咕嚕肉果種脆口既感覺，椒鹽鮮魷都唔錯，魷魚唔韌仲好好咬，炸得唔油膩，食下食下好快成碟食哂。最後兩隻龍蝦配伊麵底就真係非常抵食，龍蝦比我想像中大隻而且新鮮，龍蝦肉實淨唔潺，伊麵底都俾得幾多，4個人食都夠分。

呢度前身係潮X，成日同屋企人過黎食晚飯，易左手之後就冇黎過了。今日爸爸突然話想過黎試下，於是就趁早早冇咁多人既時候食個Early dinner~上湯加拿大龍蝦伊麵晚餐特價三選一，$198有兩隻龍蝦仲有伊麵底~白飯都唔駛叫!抵呀~~雖然寫明有兩隻龍蝦，但一上檯都俾佢既大碟頭驚訝到~伊麵份量都唔少，最重要唔會水汪汪林哂咁~龍蝦兩大隻爽口彈牙，呢個價食到真係好抵!椒鹽焗鮮魷熱辣辣炸起上檯，鮮魷唔韌可以一咬就斷~欣賞!椒鹽調味夠香口，外層香脆，點埋喼汁食一流!胡椒豬肚雞煲又係一大煲上檯，發覺呢度既食物份量都真係幾大~胡椒豬肚雞煲香氣十足，胡椒令湯底帶有少許辣味，豬肚份量比雞多，豬肚冇腥臭味，但雞既味道反而較淡咕嚕大蝦球咕嚕醬酸酸甜甜~蝦球大粒而且份量俾得慷慨，蝦肉爽口唔霉。小貼士:大概7點幾開始好多人，環境比較嘈，建議早d入座~

這間位於旺角的新華苑酒家，以小食及任食海鮮蒸氣鍋為主，今晚同阿妹兩個人食飯，所以就揀了食蒸氣鍋，每位全包三百頭。先點了個瑤柱鮮淮山粥底，海鮮有八款，可自行選擇四款，還送乳鴿及貝殼拼盤。飲品就有支裝啤酒及汽水任飲。海鮮我們揀了大元貝、象拔蚌仔、蟶子及鮑魚，全程店員都會幫忙蒸及起菜，時間以鬧鐘計算，所以十分準確，除了鮑魚以薑去調味外，其餘都是以蒜蓉粉絲，海鮮新鮮，蒸到剛熟，味道鮮甜。而且貝殼類全部都無沙。乳鴿外皮都香脆，而且juicy，每人都可以食到半隻。任食配料都有廿款以上，其中蝦丸、牛肉丸都是鮮打，十分彈牙，還試了和牛肉，肉味都濃郁，不過有點過火。最後粥底加了些葱及芫茜，充滿了海鮮的精華，鮮甜又綿滑。

平時成日打邊爐，蒸氣鍋就好少食～ 今日登黎到新南苑試下蒸氣鍋！ 撞正父親節前夕都真係非常多人～book 左枱都要等一等先入得～ 每逢節日大家都係興去酒樓食飯～haha～其實都係等左5分鐘就入得食蒸氣鍋可以免費飲野～選擇除左係一般既汽水之外，竟然仲有大枝裝既asahi 同嘉士伯！！！在場食蒸氣鍋同小菜既人約一半一半，見到d小菜推出黎覺得好吸引！下次屋企食飯做節都可以選擇黎呢度食小菜！左面黃色紙係任叫！右面就係揀海鮮lol 我地揀左元貝，蟶子，象拔蚌同龍躉餐前花生好正！係我最中意既淮鹽花生！店員係開火前先放左d米落去煲粥，咁d海鮮汁就會留哂落去等個粥鮮甜d!我地揀左淮山瑤柱粥～最後食落個粥又綿又鮮甜，瑤桂d味出哂黎！隻牛真係好正！ 安格斯牛仲要任食好抵呀！我地仲叫左好多菜類，估唔到菜類咁蒸都好ok!D蜆唔會話有沙，又夠鮮甜，店員會過黎做哂所有野heart包括放落去蒸，計時，開蓋，放到落你隻碟，你淨係需要負責食～！ 有樣野要彈既係店員斷服務真係太好，搞到我都有d唔好意思hahaha~店員仲話覺得佢蒸得太快可以叫佢慢d,但我地覺得非常好，因為我地好肚餓tongue元貝蟶子同龍躉都好正lol夠哂

去左新華苑食蒸氣海鮮火鍋，一睇覺得十分特別。佢用粥底蒸氣去煮熟食物，我地就南瓜排骨粥。海鮮方面我地選左龍躉，蟶子王，大元貝同海蝦。所有海鮮應都是是新鮮，唔會感到有雪味。所有海鮮食落口十分鮮味。 每台也有有燒乳鴿同貝殼拼盆，喜歡食乳鴿的朋友會喜歡。除左海鮮仲有其他食物例如，和牛，順德污糟雞，蟲草花雞，各種丸類，瓜菜，任點任食。最值得一讚係員工會幫客人煮海鮮，控制好時間，夾埋比客人，適合唔熟識各類海鮮熟幾耐既朋友

睇完戲, 近近哋去左呢間位於戲院對面嘅街坊酒樓開餐｡五香牛展牛展係薄切, 非常入味, 肉質酥軟而又有嚼勁, 係唔錯嘅餐前小食｡滑蛋蝦仁蛋味夠香, 唔會煮到過熟, 口感滑嫩柔軟, 仲保留到蛋汁, 而蝦仁夠晒彈牙｡薑蔥鮑魚雞煲用薑蔥蒜爆香後, 雞塊吸收晒所有汁料, 啖啖肉, 非常惹味｡ 鮑魚切片一齊煮, 肉質唔會好韌, 好有咬口｡麵醬茄子四季豆甜香味嘅麵醬將新鮮四季豆嘅豆腥味去除, 加埋炸過嘅茄子一齊炒熟, 味道甜中帶點鹹鮮, 用黎餸飯食一流｡

今晚老婆想食海鮮，就帶了佢去食蒸氣鍋，我們要了素粥底，讓海鮮的湯汁在蒸的過程中流入粥底，最後就可以食到原汁原味。這裏的海鮮即叫即劏，十分新鮮。醬汁及飲品在外面自取，啤酒都是任飲，酒鬼最啱。乳鴿炸至外皮焦香，外脆內嫩，雖然唔算大隻，但有肉汁。帶子及象拔蚌仔都剪至小件，舖上蒜蓉粉絲，所以很快蒸熟，味道鮮甜嫩腍，海鮮湯汁流竹入粥底。蟶子都是以蒜蓉粉絲作醬，蟶子爽口無沙。鮑魚則以薑片及蟲草花作調味，爽口彈牙。大蜆新鮮無沙，味道鮮甜肉爽。和牛肉肉味濃郁有咬口。手打蝦丸有蝦肉香但略腍，牛肉丸則結實，韮菜餃外皮較厚，但韮菜新鮮。我們出去醬汁枱拿了些葱、芫茜及菜頭等作調味，粥底煲至又綿又香，還帶有海鮮的鮮甜味。

食正宗既中式晚餐當然要去D老字號既餐廳呢間紮根係旺角都幾十年每次同屋企人食過節飯都會黎呢度酒樓入面仲有舊式先會見到既魚缸即刻諗返起細個既回憶薑蔥鮑魚雞煲勁香口既鮑魚雞煲石頭鍋將雞煲嘅溫度保持而且有薑蔥同鮑魚嘅味道令到呢個雞煲比平時食到既更加惹味雞件多而且雞既部位鮮嫩滑鮑魚先係精華所在又吸收左雞同薑蔥既味道加上又比鍋邊既熱力煎到香香脆脆的無得頂手打魚腐浸勝瓜魚腐既鮮味佔據左成個湯 手打出來魚腐既口感真是不一樣成個湯底令到勝瓜味道更吸引

食海鮮就夠係要夠鮮甜，而蒸海鮮就一定係不二之選！雖然海鮮都係鮮味為主，不過其他一般打邊爐醬料都好齊全，蒜蓉芫茜無得輸🤤瑤柱鮮淮山粥 - 之前食過2次蒸海鮮都係有粥底，不過就剩米無其他材料，都係主要靠海鮮精華去煮個粥，搞到有d 期待呢個有料粥底乳鴿 - 餐前可以揀乳鴿墊一墊底，燒得岩岩好，不過如果可以有淮鹽配就更加perfect桶蠔 - 都算幾大隻，加左薑蔥一齊蒸，好正帶子+象拔蚌 - 蒸海鮮一定唔可以無帶子！連殼蒸，重點係d 汁一定要飲埋，精華！！相比下，象拔蚌就失色少少，鮮甜味無帶子咁突出龍躉 - 食魚最緊要係啖啖肉😆仲有果層骨膠原（脂肪？），正呀！蜆 - 唔洗加醬料已經有海水既咸味係度順德污糟雞，手剁鮮蝦丸，自制鯪魚球，鮮冬菇，自家製韭菜餃 - 食完海鮮就到配角上場，其實都係一般打邊爐料，只不過蒸既形式相當上健康d, 無咁油手切和牛 - 手切牛都幾有牛味😂阿姐仲好好人慢慢幫我地控制時間鮮甜海鮮粥底瑤柱淮山粥 - 食到最後，集各家之大成既主角出場啦！！粥夠綿，加埋海鮮既精華，搞到我勁飽都食左2碗，再打包返屋企！值得一讚既係呢度d staff services 好好，好nice, 佢地