新華苑酒家

Open Now

Now Closed

happy friday朋友收工話想打邊爐, 我就醒起上次係新華苑食小菜個陣好多人都食海鮮蒸鍋, 就提議唔好去打邊爐去新華苑食蒸鍋啦依個蒸汽海鮮餐包左粥底, 每人4款海鮮, 乳鴿, 貝殼拼盤, 另外廿幾款食物同埋汽水啤酒任飲任食。我地揀左瑤柱鮮准山粥, 店員好快手放好鍋底, 海鮮盤後就會開始蒸, 全程由店員操刀, 客人既角色只係負責等食。當計時器響起, 就會有店員好快咁衝過黎幫你上碟然後再蒸下一輪, 見到佢地咁忙曾經試過想自己夾, 但即刻有店員話唔好, 驚我地辣親, 服務真周到海鮮方面我地揀左海蝦, 蟶子皇, 龍躉片同埋桶蠔, 海蝦真係平時街市買到貴d個種海蝦而唔係養蝦, 蟶子皇同支竹簽一樣長, 我最中意佢因為肉厚彈牙好好味樣樣都好新鮮清哂海鮮後就叫左其他配料, 估唔到除左海鮮之前, 連任食配料都係店員幫手蒸, 所以d店員都真係幾忙!極度推介手切和牛肉, 絕對唔係平時任食個種一般貨色, 有厚度而且肥瘦均勻有牛香, 我都唔記得食左幾多轉另外有一系列手打丸, 我都係中意牛肉丸再特別d有糕點甜品, 馬拉糕紅棗糕同埋蜂巢糕, 即蒸既糕點永遠係最好味既, 馬拉糕鬆化, 蜂巢糕甜甜地好得意而且係出

呢間新華苑酒家好近MTR，係旺角站A2出口一直行，見到油站就到ga la。今晚同sis黎個快閃dinner鍋，呢間新華苑咪睇佢好似一般茶樓仔，呢度既阿哥阿姐service勁好，真心佩服佢地服務精神，每一度海鮮都係服務店親手幫我地蒸架，超正，完全唔使自己郁手整！呢個個任點任食海鮮鍋，有三款粥底可以揀，我地就揀左南瓜排骨粥，貪佢夠晒鮮甜，同埋食南瓜🎃罪惡感會少dd lor🤣🤣海鮮都好多款可以揀，我地揀左鮑魚、扇具、蠔、...真係鮮甜度食唔停口，除左海鮮，每位仲會有份乳鴨架！真係海陸空都食齊晒，重點一提呢度既任點任食係包埋任飲架，連三款啤酒都係任飲架！

蒸氣鍋普遍收費都唔平，一般幾百蚊都走唔甩，今次300有靚海鮮食之餘仲有任食食材食到飽，真係抵到爛。我同朋友兩個聽人介紹話呢間蒸氣鍋好抵食就搵日夜晚特登黎試下。先講下非任食海鮮。全部海鮮都好新鮮，食得出鮮甜，亦唔洗好多調味。花甲大大隻好好味。蟶子份量唔多但一樣好好食。扇貝個人最中意食，大大粒又甜。仲有鮑魚，勁彈牙，好新鮮。之後到任食類，牛我食左好多和牛片，雖然唔係高級嘢但都食到油香味，相比平時放題類既肥牛已經差好遠。

紅燒乳鴿，揀呢個紅燒乳鴿嚟做前菜真係最好不過，乳鴿燒到皮脆肉滑，一人得一舊真係有啲唔多夠喉，下次要嗌多隻先得。漁村小炒王，我不嬲都好憎小炒王呢一類嘅菜式，因為我覺得係一咋下欄嘢炒埋一碟，不過今日表姐嗌嘅呢碟小炒王令我對呢類菜式刮目相看，廚師將味道拿捏得好準確，平時喺其它餐廳趙到起哂渣嘅韭菜花喺呢度出奇咁鮮嫩，啲蝦乾仲好似鮮蝦咁大隻，腰果夠脆，難得嘅係連魷魚都係新鮮嘅，用料一啲都唔下欄，讚。金蒜蒸北海道元貝皇，元貝隻隻都好大隻，粉絲索盡元貝嘅鮮甜味，加上蔥蒜豉熟油，好味到不之得了。上湯加拿大龍蝦，兩舊水有成兩隻大龍蝦，上湯個味道都夠濃，令我懷疑係咪嗌咗芝士焗，龍蝦肉爽口彈牙，無得輸。

來到旺角道附近睇裝修材料，黃昏時段同朋友找找吃，平日喜歡吃火鍋的我給朋友推介吃蒸氣鍋，食物是蒸熟吃，沒有放湯火鍋那麼肥膩索滿湯汁，健康得多。新華園蒸氣火鍋用一個好像帽子的籐蓋，店員講解原因是蒸氣可以透過籐蓋冒出，且不會有水氣滴入食物上，令食物可以原汁原味。我們揀選了南瓜排骨粥底，店員會先落米、排骨及南瓜於石鍋中，鍋底會噴出蒸氣，然後蒸熟上面的食物，再利用食物的肉汁滴入鍋中加入粥底。每枱可以揀選四款海鮮：蟶子皇~ 大大隻非常爽口新鮮，生劏龍躉件~ 剛剛蒸熟熱辣辣，非常鮮甜味美，鮮鮑魚~ 新鮮彈牙，貴妃蚌~ 加了蒜蓉粉絲蒸，更加惹味，另外蒸了一輪大蜆，一樣鮮甜美味。每人仲有半隻乳鴿，炸得香口，越食越滋味。蟲草花蒸雞及順德污糟雞~ 同一時間order了各一份，店員放落蒸鍋時我們都分辨到，anyway 雞件好滑好好味。手切和牛粒~ 牛肉味香濃，要蒸耐一點，因為大粒較厚。手切和牛肉~ 好大塊，一點也不韌，一定要encore。鮮蝦丸牛丸鯪魚球~ 大大粒夠爽口。菜餃~ 這個放湯會好吃一點，因為蒸會比較硬，麻麻地。雜菜籃~ 蔬菜好新鮮，菜心、白菜仔、旺菜，原來蒸熟的菜非常之甜。菌藍~ 幾樣唔同的菇，

 旺角除左韓日放題,也有好多酒家中秋前同朋友聚餐走2步到新華苑開飯小菜大大碟,坐得又舒服簡單炒了一個馬拉盞鮮魷通菜黑椒薯仔粒炒牛肉一個白飯,一個可樂有收加一,茶錢,花生錢埋單$312 飽到第2朝返工馬拉盞炒通菜鮮魷  通菜係偏向大條粗身,留有一定爽脆度加上辣味既醬汁,食幾多次都唔會覺得油膩鮮魷一隻,肉質有彈性又鮮味  黑椒汁炒薯仔粒和牛粒 黑椒汁就係平時鐵板餐味道沒有特別辣,但夠香,好熟悉既味道薯仔切粒炸香再落獲上汁,每粒都有黑椒汁味如果加返少少糖或蜜糖汁,辣中帶甜會更好食 牛肉粒味濃帶肥,食唔出係和牛 晚餐有新優惠48蚊條魚上湯龍蝦$198 1蚊隻燒雞另外餐廳做緊蒸氣海鮮任食任飲$268 同場好多人就係食蒸氣餐下次先再黎食旺角旺角道1號旺角道壹號商業中心1樓

今日有朋友生日，佢話想食小炒喎，香港西式餐廳愈開愈多，反而大家都少咗食中式野，有少少掛住添。跟住朋友嘅腳步，佢帶咗我黎呢間叫做新華苑酒家食晚飯。同朋友一樣都好鍾意食海鮮，於是嗌咗一個金蒜蒸北海道元貝，總共有四隻，四隻大細好平均，都有手掌咁大，元貝肉厚，肉質好甜，粉絲有吸收到元貝嘅海鮮味，加埋蒜蓉嘅少少辛辣，每人得兩隻唔多夠喉。最近鹹蛋黃大熱，薯片呀，魚皮乜都有，我地就係餐廳點咗呢味黃金海生蝦試試。上菜時就聞到鹹蛋黃嘅鹹香，海生蝦隻隻大小均勻，鹹蛋黃同炸海蝦嘅味道幾夾，蝦仲可以連殼食添，啱曬我呢d懶鬼。

由細覺得酒樓食飯都價錢唔太相宜，所以一直以黎都好少入去食個晚飯，人大咗就更少，平日都選擇西餐食飯多，快靚正嘛。不過日子耐咗都有d掛住中式餐點嘅味道，朋友今日就帶咗我黎呢間《新華苑酒家》食飯，食返幾道小菜。第一碟出場嘅係椒鹽雞軟骨，金黃色，熱辣辣，脆卜卜，可惜朋友唔飲酒，呢個前菜用黎送酒一流。跟住係豉椒炒蟶子，鑊氣十足，豆豉香氣四溢，蟶子肉鮮甜，佢地好細心，已經幫客人剝咗肉出黎，唔洗自己郁手。馬拉盞通菜鮮魷，通菜炒得幾好食，不過同泰式餐廳比，味道唔及正宗嘅濃，魷魚亦有少少霉，唔夠新鮮。

在鬧市的旺角中找到一點點寧靜，位置於塘尾道，旺中帶靜。正值晚市，服務員親切熱情的招待我們，相對街道上的抗爭作出強大對比。是日蒸氣鍋任點任食，有海鮮類生猛海蝦、超大蟶子、生猛象拔蚌、生猛大元貝、美國桶蠔、鮑魚，肉類有蟲草蒸雞、爽脆豬頸肉、手切和牛粒、手切和牛肉等，菜類，丸類應有盡有，還有啤酒汽水任飲呢。大大個凍飲櫃有可樂、芬達、七喜、冬瓜茶、碧螺春、檸檬茶、嘉士伯、Sonderberg啤酒任君選擇。開鍋前首先就要加米、淮山同瑤柱做粥底蒸氣鍋，見到都已經十分期待精華既粥底。三個人先來一隻半乳鴿做餐前小食，入口表皮脆脆，內裡肉汁豐富，唔錯呢。每一款海鮮都會有計時器計時，確保每一款海鮮都洽到好處，保持鮮嫩多汁。貝殼拼盆，每人4隻剛剛好。美國桶蠔大大隻，足足有手指長度，又厚又大隻，咬落爆汁，滋味無窮，對蠔客來說滋味盡在不言中。生猛鮑魚配上蟲草花，彈牙而不韌，廚師還細心的去除內臟部份，增添窩心感。生猛海蝦，放上鍋時足部還在動，真的十分新鮮生猛，肉質爽口彈牙。蟶子皇也是清洗得乾乾淨淨，蟶子爽口彈牙，再配上適量蒜蓉及蔥花，增添美味感。食完海鮮後到肉類出場，手切牛、豬頸肉、餃子、肉丸、每樣蒸出來都沒有油

今日接朋友收工，他說附近有間酒樓不錯就話不如去食消夜，去到都十點多，都仲有不少人食緊，酒樓當然有我最愛的小食花生，好香口。待應都快問我地要什麼茶茗，今次我地就叫了三個小食，份量比心目中大，都差點吃不完。這裡坐得都不錯而且仲有電視又幾乾淨，朋友都沒有介紹錯，結帳每人付一百五十元都幾抵食。小炒皇來到己經十分香，有了乾蝦炒的確惹味不少，腰果都十分香脆，九菜花好新鮮沒有渣，都有不少魷魚，十分大碟而且不油不錯。另一個朋友推介的紅燒花菇豆腐，豆腐都幾滑身有不少花菇，醬汁較得不錯不太咸，味道剛好。最後是我們都喜歡的薑蔥魚頭煲，薑蔥好香都吃了不少，魚頭都十分大個，幾香夠惹味。這些餸送白飯就好，我地就一人一碗，食了大半都十分夠飽。

第一次食蒸氣火鍋, 老公推介話呢間好食 同埋屋企人嚟試一試, 火鍋店地方闊落， 當晚去都坐滿八九成人。 蒸爐外型好特別 食蒸氣火鍋服務員會為我們蒸煮， 無需自己喐手 啤酒汽水任飲， 仲有我最喜愛的竹蔗茅根水， 味道適中又唔會太甜。 先嚟服務員會為我們蒸煮海鮮， 所有海鮮都很新鮮， 桶蠔肥美多汁 鮑魚鮮甜有口感。 雜錦貝殼類， 煽田最值得讚嘅係吐沙做得幾好， 當晚食咗成碟都冇咬到有沙 其餘各款肉類牛肉粒， 豬頸肉片 都好好食好有肉味。 蔬菜雜菌類正常。 其餘還有牛肉片雞件和自家製肉丸整體質素都唔錯 第一次食這個蜂巢糕， 好緊煙韌香甜幾好食。 最後個粥試咗少少因為真係好飽食唔落， 第一次食蒸氣鍋都算唔錯食材又新鮮又健康。

其實不嬲都想試下海鮮蒸氣鍋， 不過好多人氣蒸氣鍋都要排好耐同價錢偏貴， 咁啱有朋友試過呢間推介話抵食又好食， 就趁放假和家人去試下。 大角咀比較陌生少去， 但搭地鐵喺旺角行過去又唔係想像咁遠。 晚飯時間上去唔使等位， 服務員安排入座後 即時推介粥底和海鮮類。 我選了淮山雞粥底， 海鮮原本想揀象拔蚌仔但係冇貨， 最後選了鮑魚 ，蟶子皇，龍躉片和筒蠔。海鮮全部都好新鮮 良心食材， 值得推介 蒸氣鍋係有專人服侍， 服務唔錯 桶蠔超多汁厚肉， 成半個拳頭咁大 鮑魚仔和聖子皇 肉質好鮮甜好冧。 龍躉片皮好彈牙肉質亦都嫩滑 貝殼類都唔錯， 喺我角度食海鮮最緊要新鮮。 每位包半隻燒乳鴿， 水準都唔錯肉嫩香口 其餘所有任食 配料整體我都係滿意， 手切牛肉片， 滑雞必食真係好滑好有肉味， 其餘所有自家丸類都好食 糕品因為得 三款所以每樣是少少。 最後我只係食咗一碗雞粥， 因為已經好飽食唔落。 埋單加埋都係三百鬆啲蚊一位抵食

呢間蒸氣火鍋幾抵食，同屋企人已經食過三四次，水準都keep到。今次決定寫下食評記錄下。每台可以選擇四款海鮮，再另加送每人半隻乳鴿同埋每枱一碟蜆。 其他食物就任，連手切和牛肉都係乳鴿乳鴿皮好脆口，而且係熱熱的，應該係岩岩炸好， 肉汁好多，幾嫩！粥底火鍋就揀咗排骨南瓜，連水都唔使加落去食下，食下就會越來越多蒸氣水，好神奇海鮮好新鮮海鮮必試係扇貝！！真係大大隻，啖啖肉呀！而且呢度有個好處係侍應會幫你蒸每一樣食材，佢哋會計時，所以肉質係啱啱好，唔會過老！真係好貼心鮑魚爽口，有蟲草香氣蟶子皇好大條加埋粉絲一齊蒸，點少少豉油，滑而且爽口手切和牛勁高質！ 淨係食佢都回本花紋均勻，脂肪比例唔算高， 有一點厚度，食落好重牛味 蟲草花蒸雞都係佢地自家制，必食之選。雞肉嫩滑手，醃得入味，真係好似平時食蟲草蒸雞咁。丸類都係手打，幾健康，蝦丸有蝦味先，牛丸有牛味， 唔係supermarket質素竹蔗水都ok, 但甜左少少鍋粥好有海鮮同肉味加埋蔥花同菜脯，味道真係唔錯！我食左3碗呢度無時限，有電視睇，同家人朋友食飯傾計真係幾好

之前太太生日， 跟家人去了這一家《新華苑酒家》吃晚飯。 意想不到的，這家餐廳無論小炒或者海鮮的質素都相當之高。餐廳除了提供中菜之外，還有近期大熱的蒸氣海鮮鍋。由於太太最喜歡食紅燒乳鴿， 唯有下次才嘗試蒸氣海鮮鍋。紅燒乳鴿48元一隻， 燒得非常香口， 皮脆肉嫩， 入口juicy， 一點都不會炸得過火。金蒜蒸北海道元貝皇， 每一隻元貝都有手掌那麼大隻。 帶子肉厚， 而且味道鮮甜。 火候拿捏得好， 保持到海鮮的嫩滑。 至於金蒜用來撈飯則非常美味。漁村小炒王鑊氣十足， 有非常香口的韭菜花， 而且更加加入了蝦乾和鮮魷， 食起來更加鮮味。 這間酒家的小炒王特以加上炸銀魚仔， 吃起來脆卜卜， 用來配襯啤酒一流。黑椒薯仔和牛粒， 非常夠鑊氣，和牛粒牛味不俗，不會因為加入太多梳打粉而變得太軟梅。黑椒汁帶有微辣， 惹味十足。芝士焗龍蝦伊麵底， 令人絕對有驚喜。 龍蝦大隻兼且夠新鮮， 肉質爽口彈牙，伊麵亦吸收了芝士汁， 非常入味。整體而言， 這間新華苑酒家無論是食物價錢， 抑或是質素都令人相當滿意， 而且待應的招呼亦非常周到， 這一餐晚飯一家人都吃得相當滿意開心。

今日同一班朋友嚟呢間酒樓，試一試佢嘅蒸氣海鮮，質素幾高仲幾抵呢度嘅蒸氣海鮮套餐係任食任飲，星期六288元，有三款粥底選擇，我哋揀咗南瓜排骨粥，貪佢夠健康我哋可以係八款海鮮入面任揀四款，有大元貝、海蝦、龍躉件、貴妃妦、象拔蚌仔、蟶子王和鮑魚等，樣樣都幾吸引又鮮甜，最緊要新鮮，海鮮味很重，調味適中，不會蓋過海鮮本身的味道，證明是真材實料!另外仲有貝殼拼盤和燒乳鴿，貝殼肉嫩鮮甜除咗海鮮之外，其他配料都係任叫任食，而且選擇好多。我特別鍾意食呢度嘅蔬菜，放曬入蒸鍋等佢吸收埋海鮮的鮮甜味，無論係雜菜，蓮藕，勝瓜，甜粟米等，都幾唔錯值得一讚係呢到既手切和牛粒同埋手切和牛肉，好tender好juicy,而且仲係任食添記住要留翻少少胃口食埋個吸收海鮮精華既南瓜排骨粥呀，咁就可以好圓滿咁為呢次美食之旅作結