三代目 (愉景新城)

Open Now

Now Closed

叉燒嘅外表顏色質感好似放咗好耐咁，見到都唔太想食…… 個撈麵本身味道OK，有魚介味，將蛋黃撈落去整體質感好正，味道係可以嘅，上菜速度算好快。餐附送嘅加州卷有啲多餘，個面已經夠飽。燒牛舌串好食，幾香。

小女去愉景新城就會記得要嚟依度，因為一小碟一小碟咁分開嘅兒童餐，俾小朋友有個挑戰咁，一件一件完成🤩的確三代目係愉景新城裡面絕對有信心保證嘅餐廳，大人小朋友都有選擇今次點咗鍋燒豚肩叉燒豬骨稻庭烏冬，熱住咗上，完美解決咗愉景新城超凍嘅冷氣🫣講返味道，湯濃得嚟剛剛好，烏冬唔會太軟～ 當然，唔少得點杯茶 - 荔枝洋甘菊果茶荔枝嘅香甜蓋過咗洋甘菊味，對我我唔多喜歡洋甘菊味嘅人嚟講係可以接受嘅兒童餐有兩款，依次點咗人氣王，包括：芝士條、燒豚角、薯仔沙律、和風炸雞、吉列蝦、叉燒拉麵、蘋果汁大部分都係小朋友會食嘅嘢，喺家長角度就係蔬菜類少咗啲

這家食品提供的環境清雅，服務周到，讓人感到舒適愉悅。他們的招牌辛燒豚梅肉拉麵(中辣）湯底香味十足，讓人垂涎欲滴。尤其是蛋，不僅好味，更是加分。另外，他們家的三盛燒肉丼 (煙燻雞, 五花肉, 牛舌) 的燒汁也非常好味，能讓人一嚐難忘。再來是他們的燒喜之次，魚肉鮮嫩，入口即化，讓人與食物完美融合。另外一道推薦菜是松露紋甲墨魚，它的味道剛好，墨魚彈牙，非常美味。最後要提到的是他們的吉列牡蠣，蠔味十足，沒有太熟，口感非常棒。總體來說，這家食品的品質和口感都值得一試，絕對不會令人失望。

噚日我哋倆公婆加埋兩個女，係七夕節特登陪寶貝外孫女去愉景新城。行到攰玩到攰，當然要食個下午茶啦。但係我哋向商場借咗架bb車，所以架車必須放喺我哋身邊。之前問咗幾間餐廳都唔得。去到三代目嗰兩個侍應姐姐知道之後，立即幫我哋安排。呢種服務態度👍🏼係兒童餐，除咗六小格之外仲有一碗細拉麵。雖然係兒童餐，但味道一啲都唔馬虎。豚肩叉燒拉麵，我老公話好食。炙牛拉麵，啲牛係香嫩第一次食三代目拉麵，麵質幾好，味道唔錯。

到咗呢間三代目嘅時候內心有啲嚇親，眼望埋去覺得好細，心諗點樣放輪椅；誰不知再次望清楚D，原來佢係向長方形發展，相信應該係連續3個舖位，連埋吧枱應該都有過百座位。可能暑假關係，即使差唔多2點，餐廳入面都仲有好多人，喺門口攞籌後都要等15分鐘先至安排入座。等枱冇嘢做嘅時候就發現佢哋只得兩人負責執枱擺位，第3個樓面負責送餐嘅係機械人，係3間舖來回穿梭，都幾得意。入座之後雖然見到套餐吸引，但係難得嚟到又想試唔同嘅嘢，於是只係叫咗一碗拉麵share，之後就叫唔同嘅小食，每樣都試下。紫蘇燒豚梅肉拉麵 $98湯底香濃，拉麵軟硬適中，燒豚梅肉肥瘦層次分明，肉味濃濃散發在口腔，紫蘇燒得香脆，仲有已經切開咗嘅流心蛋，濃郁嘅蛋黃令人回味無窮。自家製餃子 $62煎得香脆，皮薄餡靚，肉味濃郁，餃子內非常充實均勻，每啖都有充足餡料。芝士焗蠔 $48厚厚嘅芝士康安在蠔殼面之上，而且香氣散發，金黃則嘅表面很吸睛，一啖咬落去新鮮蠔味散發，兩者配合得恰到好處，真係想一試再試。導航，士多啤梨奶昔 $35原粒士多啤梨在杯頂與cream成為皇冠形態裝飾，簡單樸實得嚟有幾靚；奶昔淡淡的粉紅，飲落去有濃濃嘅士多啤梨味，而且唔係好甜

🐱三代目係一間日式居洒屋，食物種類都算多，有丼飯、拉麵、火鍋、串燒、天婦羅各類小食等🍱🍤價錢屬中位，晚餐兩個人食300零蚊都已經食到好飽☺️紫蘇燒豚梅肉拉麵：$98🌕🌕🌕🌕/5 湯底係好濃嘅豬骨湯底🐷濃得來唔會過咸🧂會想飲多幾啖😍拉麵係幼身，軟硬度適中🍜比較特別係面頭有粒梅，咸咸酸酸🤣豚肉有少量肥膏，有油脂香😚最後一定要讚個醬油溏心蛋，流心程度同調味剛好👍一口燒牛肉丼：$98🌕🌕🌕🌗/5 牛肉份量都算多🐮一口牛唔係全熟，係大約係7-8成熟，所以唔會過韌😌飯底方面係用燒汁配上大量青椒加洋蔥🧅都算開胃😝 牛之拼盤（新）：$118🌕🌕🌕🌕/5 牛舌、一口牛、牛肉蘆筍各一串🐮最推薦牛舌👅係厚切的，而且大大塊！燒得好香同岩岩好😜備注：有加一

《三代目 (愉景新城) (荃灣)》今日兩個咁啱都係荃灣做完野就去左愉景新城搵食，見到呢間有拉都嘅居酒屋睇睇menu啲野都啱口味就入左去坐😋🍣鮮海膽一日壽司海膽最怕唔新鮮同腥，我地見呢度嘅料理長推介有海膽，增加左叫海膽嘅信心🤪果然無令我地失望，海膽鮮味滑溜，入口即溶👍🏻🍜辛燒豚梅肉拉麵（中辣）辣同拉麵都係我嘅至愛🧡中辣嘅濃骨湯頭對我嚟講都係濕濕碎，炙燒過嘅叉燒焦香味濃，食落唔會太油膩得嚟肉夠厚啖啖肉🍖拉麵彈牙入味食完一啖接一啖🍚三盛燒肉丼呢個丼簡單啱哂我呢啲咩都想試啲嘅貪心鬼，煙燻雞肉肉嫩唔老、五花豬肉肥瘦均勻爽口得嚟有肉口感、牛舌夠厚醃得夠入味，配埋燒汁啲飯兩下手腳就成碗清哂🍛🐷和風芥末豚足口感同粵式熏蹄或者豬腳仔有啲類似，肉結實皮爽口彈牙，配埋日式芥末汁好清新。沙律菜雖然只係配角，但都好新鮮好脆口咬落嗦嗦聲。🦴炸雞軟骨金黃酥脆嘅外皮，軟骨連埋少少雞油細細粒咁一食就停唔到口，鍾意啤一啤嘅一定要叫呢個小食🫶🏻食物質素 ⭐️⭐️⭐️⭐️⭐️/5用餐體驗 ⭐️⭐️⭐️⭐️/5性價比 ⭐️⭐️⭐️⭐️/5如果你都想試下出色嘅日式居酒屋，記得bookmark定呢間餐廳，約埋三五知己一齊嚟試下👨‍👨‍👧‍👦 地址: 荃灣青

去開愉景新城，見到依間幾多人食就入去試下依間環境好有日本FU，款式都幾多 三盛燒肉丼  $108一碗有煙燻雞、五花肉、牛舌，一次滿足曬三個願望火喉掌握得好好，有炭燒味又可以保持到肉汁燒喜之次$108無過多的調味料，可以食得出魚的鮮甜原味油脂豐富、肉質尤其細嫩味噌甲羅燒$98最近好中意食甲羅燒，三文魚籽mix蟹膏加隻鵪鶉蛋，真心好好味，配埋個壽司飯一流如果你都中意食蟹，就不能錯過依個啦海之天婦羅$118有蝦、鯛魚、黑松露帶子、墨魚、紫蘇葉鮮水果茶$36幾大杯，好多水果，唔好叫少甜好飲D佢係用外賣杯，飲唔曬都可以拎番屋企慢慢飲

之前已經食過三代目，性價比極高，今次黎到愉景新城，見到竟然有呢間，即刻入左去，唔洗揀其他餐廳。今次叫左一款拉麵，一款丼飯，一款天婦羅，兩款小食同埋海膽壽司，一杯野飲。 全部都好好味。拉麵揀左辛燒豚梅肉拉麵，麵質適中。唔會過硬或偏腍，湯底辣辣地，正！ 配左溏心蛋同埋筍，好好味！汁燒五花豚丼，五花肉舖滿成個碗，亦配左溏心蛋，啲汁已經淋左落飯到，唔洗自己落。好方便！ 呢個飯分量好多，五花肉燒過，條邊燶燶地南瓜甜薯天婦羅，炸粉唔會過厚，啱啱炸起，南瓜同甜薯都好甜，好新鮮。小食揀左炸雞軟骨同埋大蜆味增煮，炸雞軟骨就正正常常，反而大蜆味增煮就好出色，一般居酒屋都係只係得清酒煮蜆，今次呢個味增唔會太過濃，亦放左檸檬，味道清新。海膽壽司啲海膽好新鮮，正！最後飲品方面叫左朱古力爆脆， 呢款唔會過甜，朱古力味重！值得一試。

喺大概半年前同朋友慶祝生日嚟過食拉麵感覺都唔錯所以今次又同另一位朋友再黎食晚餐 聊聊天今次我哋都算早到 所以都唔使等位由於今次想同朋友慢慢傾偈聚舊所以都叫咗唔同嘅嘢食1）沖繩黑糖珍珠牛乳烏龍本身諗住黑糖會麻麻地夾牛奶但飲落口意外地夾 珍珠唔硬連朋友一向唔多飲牛奶都大讚！2）照燒魷魚筒Size唔細 燒得剛剛好同朋友一邊傾計 一邊食好輕鬆～3）鮮海膽，火灸帶子 （一口壽司）以往試過一啲一口壽司真係一啖食完但係呢到既一口壽司都比我想像中大至少可以分幾啖食慢慢品嘗食材好新鮮 食完滿足感level 🔝 4）三盛燒肉don (煙燻雞，五花肉，牛舌）肉同飯既分量分配得唔錯肉質亦唔會太乾朋友評價不錯5）甲羅燒好有蟹味而且分量比想像中多一個人食都幾飽啲飯亦都好有咬口好好味好欣賞呢度啲職員見到你食晒啲食物仍然會幫你添茶，唔會令你有一種趕你走既感覺所以今晚同朋友敘舊，都傾得好開心

今晚同呀媽去愉景新城行街，行行下入左去呢間日本餐廳食晚飯。好特別既一間日本餐廳，未見過係用紅色做紙巾，仲印埋自己既logo😂😂我地叫左個豚肉拉麵，佢可以轉讚岐烏冬，我個人偏好鐘意食烏冬，麻麻地拉麵，所以加左$15轉左，烏冬幾彈牙，但份量有啲少，一個人食一碗既話可能唔夠。之後叫左個鮑魚，好大隻，好重當歸味，如果怕當歸味既人建議唔好叫，我個人都叫做接受到。另外叫左個三式井飯，有牛舌、豬腩肉同雞，牛舌燒到岩岩好，有口感，豬腩肉夠香口。雞就一般。最後叫左個油甘魚鮫，燒到好好香口，好有魚味，油脂岩岩好。總括黎講，呢間日本餐廳性價比高，可再來👍🏻

雖然成日去荃灣，但好少去愉景新城食飯。見呢間餐廳都有幾多選擇，就入去試吓▪️三盛燒肉丼🍚分別有煙燻雞肉、五花肉、牛舌，可以一次過試晒三樣。雞肉嫩滑，五花肉充滿油脂，牛舌軟腍，五花肉同牛舌比雞肉更焦香。面頭仲有兩隻辣椒，兩塊醃蘿蔔，辣椒都幾辣，醃蘿蔔可以解膩。不過整體份量較細▪️照燒魷魚筒🦑魷魚筒大大隻，食落爽口彈牙▪️自家製餃子🥟餃子正常，但唔係好似自家製三代目📍荃灣青山公路荃灣段398號愉景新城1樓1064-1065號舖📍北角英皇道500號港運城地下11-13號舖📍將軍澳欣景路8號新都城中心二期1樓1011-13號舖

一間有別於普通拉麵店的餐廳，除了拉麵外還有居酒屋食物供應，如串燒、炸物、天婦羅及壽司等，而且人流不多，環境整潔寧靜，是可以久坐的餐廳由於種類甚多，我們比起光顧一般拉麵店點選的食物來等多。炙牛拉麵湯底平平有淡然豬骨香，正好突出牛肉炙燒後牛與脂香，放湯後肉質仍軟腍豐肉彈性，證明牛肉脂肪足夠比例平均，3片刺身size牛肉確實唔夠喉～三盛燒肉丼內有煙燻雞、五花肉及牛舌，大約每款3件，燒物被一層薄油份包住，口感又滑又鎖到肉汁，雞肉嫩滑不鞋口，五花肉加入花椒有麻香好惹味有驚喜，牛舌薄切不失爽口略嫌沒有醬拌飯較乾身和風炸雞即叫即炸又脆又熱，炸皮不算厚，咬下有肉汁浸出，不過只附有檸檬無沙律醬牛之拉盤有牛舌、一口牛及牛肉蘆筍，拉麵店有串燒當然要試一試，牛舌與丼相同，一口牛脆脆外皮包住軟肉身，尚算有肉汁，牛肉蘆筍的牛肉燒得脆口乾，與爽口蘆筍一齊食口感十分合襯芝士培根魚腐卷如卷埋毛巾般，拉絲效果好滾動，薯片脆外皮，滿滿芝士、煙肉及蔥等惹味餡料，無人不愛，食一個都覺得飽同一餐可以品嘗到不同款式的日本食物確實感到滿足！

叫咗碗辛辣豚肉拉麵($98)完全食到啲麵係分開用水煮，然後倒啲湯落去，就當係一碗「拉麵」🤮啲麵仲食到水味，真係有少少噁心🤢真心杯麵好食過佢！但網上勁多好評 如果大家唔相信 建議大家去試一次 一定會明我講咩

今日同小朋友在愉景新城玩完之後，由於太夜關係所以買外賣返屋企食，D間餐廳係愉景城地下個層，都有幾間鋪位。最後買左4個餐同幾樣小食，質素還可以，中規中矩，係個合核有點驚喜，非常好食，其他D餸份量稍為少一點，多返D會更加好,下次試下堂食效果會唔會好D先！