生記粥店

Open Now

Now Closed

今日返工 黎開衣頭. 唸住食d 暖野落肚. 咁岩見到間細細間望落係舊式既粥舖， 就滿心歡喜唸住入去試吓. 最後...先不談食物質數， 員工超級無冇禮貌.買個粥嘅時候見到另一個伯伯買糭， 伯伯講明唔要豉油， 員工落左伯伯同返佢講唔要鼓油架, 員工照pack 盒叫怕怕比錢。 再講價錢及味道， 叫咗碗皮蛋肉片粥. 普通肉片粥$35 加皮旦（睇住佢只係剪咗幾下） 咁就$8. 煮完嘅粥發覺唔夠擺落外賣碗 就咁盛多一大匙白粥就算. 成碗肉片同埋粥淡無味既. 可一不可再既粥品舖. 真係請都唔食

今次黎到生記，個環境簡單得黎就係溫馨，無花巧。我揀咗粥吖，食起上嚟，魚片瘦肉粥真係好過癮，魚肉滑且鮮美，瘦肉又炆得啱啱好，完全無渣。每啖粥，嗰種暖笠笠嘅感覺由胃滲到心坎，好有屋企嘅味道。再講吓嗰碗豬潤粥，豬潤夠滑，粥稠得黎又唔會過於黏口，味道略帶鹹鮮，就係少咗啲深度，可能因為我追求嗰種層次多啲嘅口感啫。配菜方面，炸兩啲皮香脆，煎堆外皮煎得啱啱好，裡面嘅糯米彈牙之餘又保有豐富嘅米香。點心好似雲吞噴水咁嘅汁多肉潤，真係一啖一個正！總結落黎，這家店保證你飽肚同收獲滿滿嘅人情味，諗起都想再去幾轉。啱哂搵個正宗港味，又唔想破費得過火嘅你，拜託，記住要食啲粥，溫養身子添！🍲🥢👍

有次係附近睇完中醫想食晚飯， 行過見到間唔起眼既粥店， 胃口又麻麻地諗住入去食碗粥就算， 但估唔到佢相當唔錯， 自始每次睇完中醫就會去呢度食飯。自選三餸湯飯肉丸係舖頭自家手打，都彈牙同埋應該有少少馬蹄放咗入去，所以口感都有啲爽脆，而魚腩都幾新鮮唔錯，個湯又清清地易入口。豉汁蒸倉魚飯價值68蚊嘅倉魚好大條，豉汁味香濃，係家庭式嘅味道。蝦米腸佢哋嘅蝦米腸幾好食，蝦米好香口。白糖糕白糖糕相對就好普通。凍豆漿應該係舖頭自己造既，唔錯。

瑟縮於舊唐樓下嘅一間粥店，抱住平平無奇嘅心情食碗粥，入內才發現有湯飯及蒸魚飯，兩樣毫不起眼嘅食物，雖然係間粥店入面整得比其他餐廳好食。價錢實惠可能街坊生意，$6x的蒸魚非常大條，是次品嚐三餸湯飯有豆卜/豬肉丸及鯇魚腩，豉汁蒸倉魚，普通腸粉尤其蝦米腸粉值得推介，腸粉滑另蝦米有咸香味，白糖糕$6件可以一試，蒸飯餸豆漿味道亦不算太甜，今次係第三次到場，基本上維持到質素，價錢相宜非常合理。奈何食店空間細只能放三張坐四人嘅枱。

剛剛響維園跑完步搵啲嘢醫下個肚，行過呢間生記見到佢有瑤柱蠔豉粥就即刻叫一碗試吓，入口味精唔算太重，一啖食到粒粒蠔豉嘅鹹香鮮味，另一啖又食到瑤柱肉絲嘅鮮甜，份量啱啱好，唔錯嘅只係略嫌個粥底杰左少少$38：：以前響大王東街新九記食過蠔豉排骨粥，好正

今篇快手打文算了。聽聞這家粥店的白糖糕有驚喜，所以今次經過附近就買來吃。白糖糕發酵得算不錯，氣孔分明。入口清甜帶少許微酸，味道算不錯。個人相對地喜歡黃糖糕的口感，比較煙韌有彈性。而這家的黃糖糕味道不過不失，跟一般粥鋪吃到的差不多。如果2者比較，白糖糕做得比較出色。整體表現未算特別出眾，但以4.5的價錢，如經開可支持一下。

2021.04.05 生記買左菜乾豬骨粥加油炸鬼加炒麵。碗粥好多菜乾，不過豬肉得兩細粒，顏色好深，味道正常。油炸鬼，今次唔夠熱，唔夠脆。炒麵正常，好大盒, 都抵食既。

早上六點多 想吃早餐,家裏附近開得最早就是這家粥店。這家粥店的營業時間非常長，平日早上六點開到淩晨一兩點，在天后區已經屹立了半世紀，成為很多老街坊或的士佬宵夜的好地方。內裏裝修非常簡單，服務屬於中規中矩，都是一對老夫妻一直苦心經營。點了 荔灣艇仔粥和油條。油條剛剛做好非常香脆。泡在艇仔粥來吃味道十分好。艇仔粥屬於中規中矩之作，粥身不太糊也不太稀，內裏配料尚算多。不過相比上環的生記味道始終有所不及。但想清淡一点清清肠胃 这个还是我首选的地方。

從英國返黎幾個月，再加上呢排天氣凍！中午放飯時間，有幾個同事話想去食粥，於是同事係公司附近搵到呢間粥舖！咁我就嗌咗碗「鮑魚雞粥」同碟混醬「齋腸」外賣，感覺價錢都算抵！係門口等拎外賣時間，老闆娘突然係廚房拎咗兩篩啱出爐嘅糉！香遠益清嘅糉就咁擺咗喺門口，吸引咗我同埋其他顧客嘅好奇！咁我就開玩笑咁同隔離個同事講「乜今日係端午節咩!?點點解呢間鋪頭仲會有咁多糉可以賣嘅」我係門口見到啲「裹蒸糭」同埋「鹼水糉」真係吸引⋯決定下次再嚟買返隻同屋企人一齊食！係英國咁耐，未見過會有咁大隻嘅裹蒸糉⋯⋯今次返黎香港都算係有口福

行過天后， 想搵間粥舖食早餐， 見到生記粥店， 就走入去試下。 店面大小方面呢有啲窄小， 好似傳統嘅粥麵舖咁樣 係用摺凳， 所以老實講唔會坐得好舒服。 我嗌咗兩碗粥， 一碗係魚片瘦肉粥， 另一碗係生滾豬潤粥， 如果鍾意食鮮甜味多少少嘅朋友可以食前者， 因為啲魚肉的而且確好新鮮， 配埋肉碎嘅鮮甜， 食落去我比較鍾意。 豬潤粥都好食， 但係個粥底嘅味道層次比較單一， 傾向於肉粥嘅咸， 比較缺少一種鮮甜味。 另外叫咗個炸兩 同埋煎堆， 都中上水平。 收費比較平民化， 服務都好有禮貌， 如果大家想懷舊下以前香港粥店嘅感覺可以過嚟食下。

經過生記看見門口放左一大盤糕，突然被吸引買左一舊嚐嚐，味道無咩特別，可以話其實無咩味道同有少少鐵銹味？ 最後食左兩啖無再食，真的食不落口到最後都係吃不出唔甚麼糕點。

生記粥店是美食家蔡瀾推薦的粥店，每天都看到很多人排隊在吃，今天難得想吃清淡一點，調養一下腸胃，就來吃吃了。店內面積不算小，門口是點心鋪，進門右邊是開放式廚房，左邊一排兩人小桌，裡面有四個大桌，後面應該是倉庫。店內主要是三位店員在忙碌，一個專業掌勺熬粥，加鹽調味和麻油；一個負責點單下單傳菜收銀打包的前臺工作；還有一個在倉庫裡忙忙碌碌，偶爾搬點東西出來。生滾粥確實不錯，米都煮得綿了，但一點沒有變糊狀，也不會吃兩口就水！海鮮很提味，讓白粥有了鮮香感，滾燙的暖胃很舒服。炸兩腸粉也是他家特色，炸兩就是油條+腸粉，相當大份啊，細細品味之後發現，純油條是硬硬脆脆的，而腸粉因為皮包裹的關係，油條變得軟糯一些，兩種油條還是不一樣的口感！以後再來會嘗試其他粥品

同事腸胃炎，屙了幾天，要食清淡啲，所以今日晏晝一齊去食粥，找了這家在天后的生記。店內有幾張圓枱，需要搭枱的，尤其係午飯時間，每一張枱都坐滿。落單姐姐介紹粟米生菜瘦肉粥，說是很多個人點的，於是我便一試，畢竟這個粥的組合挺新鮮，不是平常粥舖可以吃到的.粥一來到， 十分燙，需要小心，不然會被燙傷的。碗粥很大碗，配料很豐富，很多生菜，粟米和豬肉碎👍🏼👍🏼👍🏼粟米得粟，生菜很新鮮再加上豬肉碎，很有咬感😋😋

下午茶唔一定要食西多炸雞脾先叫美味有時食下粥 清清地都係唔錯既選擇生記成日黎食 粥底綿滑 價錢經濟 下午茶餐黎食仲抵今次叫左下午茶餐，2：30pm起a餐 可任選一款粥品豬紅粥／牛肉粥／艇仔粥再配唔同野食價錢就唔同今次我叫左艇仔粥加牛肉腸粉都係＄33牛肉腸粉配既豉油甜甜地 牛肉味雖然唔係好濃，但係有d馬蹄碎幾有咬口艇仔粥好足料，豬皮魷魚花生牛肉碎樣樣都齊佢地店仲有好多生滾靚粥～都一樣料多美味呢d就係香港地道美味仲有淆淆既人情味！

香港美食,除了燒味,另一深受歡迎就是綿滑粥品了店如其名,粥品專家有數十款粥品,小吃選擇白粥只要$11,其他粥品由$18起最貴也只是$30多~連本地人都大推的粥店招牌皮蛋瘦肉粥之外油條和炸兩也是非常好吃炸兩就是腸粉包油條切段,再加醬油,甜醬,芝麻!!2個人吃,一人一碗粥加油條炸兩也只要$70而已!!粥底沒有味精,加上滿滿的皮蛋和瘦肉百吃不厭的綿滑質感呢～粥上加了一些新鮮蔥花,更添香味 紅糖糕,白糖糕新鮮製作 價目表 由$11至30多起