Video
3-min walk from Exit A2, Sham Shui Po MTR Station
continue reading
Telephone
66805326
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
餐廳位於汝州街地舖, 由正宗泰國廚師夫婦主理, 環境色彩繽紛帶點小清新, 牆上有特式熱帶風情繪畫, 主打泰國地道美食、套餐、串燒及小食✨我們點了豐盛二人套餐ʙ 套餐包括：五款小菜/特式甜品/主食及飲品泰式炸蝦餅拼酸辣無骨鳳爪蝦餅炸至金黃色, 外皮香脆、口感紥實有咬口, 沾上酸辣汁味道層次更加提升, 酸辣無骨鳳爪集酸、甜、爽、辣、脆於一身, 作開胃前菜一流👍🏻泰式豬頸肉沙律🥗香氣四溢的正宗泰式燒豬頸肉、肥瘦適中, 配上自家製酸辣汁更醒胃泰皇燒雞半隻🐔份量十足, 雞肉非常入味、嫩滑啖啖肉, 又香又不肥膩, 味道不錯泰式辣椒膏炒蜆我超愛這道泰式小菜, 滿滿的炒蜆, 味道鮮甜濃郁飛天通菜爽脆通菜炒得很有鑊氣, 鹹香中帶少少辣, 十分惹味椰汁西米糕經典的泰式甜品, 清新香味, 口感清甜可口飲品菠蘿椰汁冰🍍 斑蘭椰汁冰 兩者帶有椰奶的甜味, 特別喜歡斑蘭口味, 非常清涼解渴另外加了泰式原個南瓜燉蛋🎃 賣相非常可愛, 果肉口感棉密扎實, 甜度適中, 配上燉蛋健康又好味😍餐廳食物款式種類多, 設有卡座, 服務員夠主動上菜效率快, 服務非常滿意, ᴄᴘ值高, 晚市時段坐無虛席
continue reading
想平平地食泰菜，又想食到多啲款式，呢間嘅「豐盛二人套餐」有兩個小食、兩個主食、一個小菜、一份甜品、白飯兩碗及泰國龍眼水兩杯。二人套餐有A、 B兩個選擇，如果多人食嘅話可以選擇四人套餐添。豐盛二人套餐 B餐 $248🧆泰式炸蝦餅配酸辣無骨鳳爪兩樣分開上令蝦餅唔會變腍，蝦餅係切開一半，彈牙嘅口感配酸甜汁食。無骨鳳爪食起上嚟非常方便，酸辣汁令人越食越開胃。🥗泰式豬頸肉沙律豬頸肉烤得外脆內軟，都係配咗酸甜汁，同個汁好夾。🍗泰皇燒雞半隻燒到啱啱好，外皮金黃色帶微微焦香，雞肉唔乾身，配上酸甜醬汁食，入口開胃又惹味！🥘泰式辣椒膏炒蜆呢度嘅泰式辣椒膏辣到非常低，反而係甜甜地嘅味道多，蜆肉洗得乾淨冇沙。🥬飛天通菜通菜炒得有鑊氣，加埋蒜蓉、辣椒同豆豉去炒，嗅覺同味覺都覺得非常之香口！🍴椰汁西米糕椰汁西米糕充滿驚喜，同出面嘅做法有少少唔一樣，佢加入咗斑斕汁喺西米入面，所以見到有啲綠色西米，入口食到濃郁香甜嘅椰汁味同斑斕嘅香味！🍚白飯兩碗及🍹泰國龍眼水🥭芒果糯米飯 $48糯米飯上枱時仲熱辣辣，淋咗濃郁嘅椰漿喺上面，配搭香甜熟透嘅芒果肉，真係好好味阿！🧀斑斕半熟芝士蛋糕 $28芝士蛋糕質地較實淨，帶有淡淡清香嘅斑斕味，同椰漿嘅味道非常配夾，椰漿香甜同較杰身，整個感覺好有泰式風情。📍 沙巴泰越館 (深水埗)深水埗汝州街190號地舖
continue reading
深水埗真係卧虎藏龍，有好多等待大家發掘嘅隱世小店 。呢晚嚟咗呢間泰越菜，食物都幾正宗㗎🤤特色芒果鮮蝦米紙卷作為前菜嚟講呢個好Fresh，一份有四件米紙卷，入面嘅餡料有紅蘿蔔絲、白蘿蔔絲、生菜、彈牙蝦仁、香甜芒果🥭 如果可以食晒咁多材料，口感豐富。香茅豬頸肉越南法包個人好鍾意食越南法包，呢一份法包嘅用料新鮮，法包冇特別烘得好香脆，但係有煙韌嘅口感🥖 入面嘅配料有青瓜、番茄、生菜、紅蘿蔔絲、白蘿蔔絲等等。最重要梗係講佢入面嘅豬頸肉餡料啦，豬頸肉幾有咬口，配埋個包一齊食都幾滿足。泰式鹽燒魚一條大大碟嘅鹽燒魚真係好值得等待，餐廳將粗鹽塗滿魚嘅外層，再將魚燒香。入面嘅魚肉好嫩滑，又唔會好鹹，輕輕已經可以帶出佢嘅鮮味🐟 一份鹽燒魚好適合一家大細分享。原隻泰式滷水豬手滷水豬手都係泰國菜好常見嘅招牌菜，呢度做得幾唔錯，豬手炆得好入味，食落口仲唔會太硬🐷 滷水嘅豬皮入口即溶，雖然係有啲邪惡，但係都會忍唔住一啖接住一啖食晒😋泰式炒金邊粉呢個係必叫之選，大份又抵食，啱晒同朋友分享🍝 味道只有令人開胃嘅酸味，但都已經香氣撲鼻。加上有香蔥、炒蛋、芽菜、花生碎同埋大蝦一齊炒，真係好有泰式風情🦐甜品♦️椰汁芒果糯米飯 呢個芒果糯米飯形狀獨特，廚師製作成為一個魚嘅形狀😮 魚嘅上層係斑蘭口味嘅糯米，魚嘅底層就係傳統嘅白糯米🍚 側邊仲有一片片嘅新鮮芒果，芒果配埋椰汁糯米真係泰國菜嘅精粹。♦️斑蘭巴斯克蛋糕呢個係一個比較特別口味嘅巴斯克芝士蛋糕，斑蘭嘅味道好出眾，同埋芝士蛋糕綿密嘅口感，真係好滿足🍰飲品♦️泰國椰青可以用優惠價加配，價錢真係好超值🥥 椰青大大個，入面嘅椰子水好清甜，仲可以食啲椰子肉添呀😆♦️越南滴漏咖啡一上碟嘅時候真係可以見到咖啡慢慢滴出嚟，更加有風味☕️ 不過呢個越南嘅滴漏咖啡原來杯底有啲糖漿，攪勻咗之後再加落冰度會更加好味。♦️斑蘭椰汁冰淺綠色嘅椰汁冰有淡淡斑蘭味，夏天飲夠晒透心涼☀️呢餐真係食得好飽，人均都係百零蚊就食到捧住個肚走🤤 難怪晚市時段人頭湧湧啦😲
continue reading
呢間位於深水埗我哋自費嚟食，佢哋係主打越南泰國嘢環境細細，但係好有人情味佢哋嘅服務質素10分高，我哋冇嗌到佢哋嘅套餐但係佢哋嘅二人套餐都好抵食我哋嗌咗海南雞飯嗌咗河粉去碗河粉好入味佢啲肉質好鮮嫩同埋佢嘅肉丸牛腩都係好高質嘅仲有啊我哋嗌咗佢哋嘅小食特別係泰式炸蝦餅即叫即整脆卜卜熱辣辣配上佢哋特有嘅甜醬我覺得好入味仲有而家嘅天氣真係好適合飲返杯凍飲佢哋有各種類型嘅飲品我哋嗌咗紅豆冰超大杯，我覺得都係好正嘅餐廳
continue reading
話說係深水埗搵食經過間泰越菜，見咁多人食應該唔差所以我地又湊熱鬧入去食🤣༯ 椰汁雞湯 $𝟕𝟖我地都係湯控 椰系有椰子同椰汁湯料除雞 有菇 香茅 蕃茄等椰味香濃仲有陣清甜雞味甜甜酸酸且香葉味不過濃餐廳有兩款二人餐 同樣$𝟐𝟒𝟖有齊小食 主食 白飯 甜品同飲品༯ 泰式豬頸肉沙律 肉質柔軟唔肥帶微微炭燒香紅蘿蔔 西芹 青瓜切絲拌碟༯ 炸蝦餅拼鳳爪兩款小食係分碟上蝦餅一開二 香口彈牙鳳爪無骨酸香好～輕微辣༯ 泰式辣椒膏炒蜆 份量都唔少 隻隻都有肉無空殼蜆肉爽口無沙無泥又入味醬汁偏稀身 咸度可以可惜辣度一般 泰式風味差少少༯ 越泰海南雞除海南雞另有燒雞可揀半隻雞兩個人成個餐其實好夠食師傅斬到好大嚿😂肥膏不算多肉質滑而不柴但本身無乜味好淡所以點埋海南雞必有三色醬送飯剛剛好༯泰式飛天通菜 通菜幾嫩 味道正常發揮༯ 椰汁西米糕上層為椰汁下層係班蘭 整體不太甜班蘭位置唔太覺西米反而明顯有粒粒爽脆馬蹄餐飲配龍眼冰 亦可加錢揀其他༯ 泰式奶茶 +$𝟐叫少甜茶味香濃奶滑 正常發揮◡̈ 以上食評乃個人意見僅供參考◡̈ 價錢僅供參考一切以餐廳為準
continue reading