沙嗲王 (眾安街) (Closed)

原來沙嗲王出左「精選2人套餐」好似吾錯，無論主菜，小食，什至飲品都好多選擇! 盛惠$228加一 ，一於試試佢😆🔽是日餐湯沙律或餐湯我就簡左餐湯-周打海鮮薯仔湯，好多薯仔粒，濃郁既忌廉味🔽椒鹽脆豆腐(四件)外皮炸到酥脆內軟，豆腐仍然保持其豆味同嫰滑度，真係誠意推介🔽日式蟹粉豆腐鍋配印度薄餅蟹粉，豆腐，咸蛋幾樣看似簡單的食材用上石鍋盛著，令上枱時仍能保持熱度，有陣咸香好滑好好食 ! 令人欲罷不能吾該，要多碗白飯呀跟餐配的印度薄餅👳熱烘烘的薄餅散發著好香的酥皮味，沾埋蟹粉鍋一流🔽白咖喱香茅豬扒飯 依個絕對係沙嗲王既「皇牌」, 白咖喱加入香茅洋蔥等醃料，比一般咖哩多一份奶油香更濃郁，豬扒外脆裏面肉汁鮮嫩，有4塊豬扒，真係好好食個汁好送飯，份量對於女生絕對足夠🔽鮮芒椰汁沙冰配西米做法將芒果蓉打成沙冰，倒上椰汁，大大杯好重芒果味，配上有咬口既西米，夏日炎炎飲番杯真係透心涼沙嗲王原來已經有25年歷史，座位闊落，好鍾意佢既「禁鐘仔」設計，清晰得黎吾怕侍應睇吾到，而且不斷進步創新，做出迎合港人口味既fushion食物

我都有成差不多2、3年無食沙爹王，今日行開荃灣諗住回味一下！7點約咗朋友食晚，所以唔食咁飽，同老公點了2個下午茶，咖哩汁粉絲併即燒黑椒雞扒，另一款係明太子釀無骨雞翼配薯條！先講咖哩汁，熱、香濃咖哩汁、唔辣，食晒成碗粉絲都唔覺膩！不過我個人覺得咖哩汁配飯應該夾啲！雞扒唔覺即燒，熱，不過頗多油，無黑椒味！另一款明太子釀無骨雞翼，一般，唔油膩！掛住食唔記得影相！但配的薯條就走晒樣，成陣油益味！餐飲2杯熱檸水，飲落苦苦地，而且仲成陣爛檸檬味！飲咗2啖無飲了！總結今次嚟有少少失望！

沙嗲王係香港都一段歷史, 最有印象深刻應該都係白咖哩飯啦, 所以今次一於回味下點了白咖喱+即燒黑椒雞扒飯, 估唔到塊雞扒超鮮嫩, 一咬入去雞油會流晒出泥, 同埋塊雞皮真係好脆另外, 黑椒味係塊雞扒都入味既, 所以都無撈白咖哩食, 因為已經太正啦另點了咖哩豚肉飯, 呢個相對上有少少遜色, 咖哩汁無乜特別, 不過豚肉都好淋整體泥講, 係正既

由荃灣嘅沙嗲王需要上樓，所以樓下已經有人企定定喺度派飛，可能我去果陣已經接近2點，唔洗等位，上去直接入得，今次叫咗一個麫，一個pizza同小食，由於前兩樣過咗$30可以以半價加杯嘢飲！首先，沙嗲湯底拉麵，湯底唔辣，好濃，但就油咗啲，而拉麫並非日本果種，係我鐘意嘅有啲煙煙韌靭口感的白色拉麵，唔會太冧，整體覺得幾好味之後上咗個煙肉菠蘿蕃茄醬pizza,果size比想像中細，佢用咗平時叫嘅咖喱薄餅做pizza底，非pizza hut果種，而且蕃茄醬比較重，應較受小朋友歡迎最後小食酥炸蝦仔，好脆，用黎送酒應該唔錯！整頓食咗百幾蚊，唔算捧腹而走，但總算不過不失

次次去沙嗲王一定會叫既白咖喱豬扒飯 咖哩味好重好香，用來伴飯就最岩 咖哩pizza醬汁很濃，皮薄包脆 雞翼煎得岩岩好，不會太燶，而且肉質又夠滑 炸雞軟骨就比較普通，皮有d會厚左d

一個人不知食什麼意，沒吃午飯的我，到下午茶時段都開始肚餓了，經過沙嗲王，想到食辣都是一個不錯的主意。沙嗲王的咖喱確實做得幾香，可惜他們一般都沒有餐，什麼都是散點，沒想到下午茶時段會出了下午茶餐，一個湯粉配一杯飲品又合我一個人不需吃太飽的要求。沙嗲王餐廳都幾多坐位，環境也坐的舒適，坐多久也不會有人要你離坐，吃飽了下午茶，還可以坐下來慢慢看書都是一個樂趣。*************************任何人來沙嗲王吃飯，每樣食物和飲品也是散點，難得出了下午茶餐，咖哩豬排湯粉，配一杯凍檸茶都只是幾十蚊消費，又可以任坐也是一個不錯的選擇。 咖哩湯香濃而不辣，配上粉吃吸上了咖哩湯很好味。豬扒都有一塊，配上咖哩的味道也一流，確實是不錯的咖哩湯粉。 凍檸茶茶味較為濃了一點，甜度也是甜了一點，不過這樣吃完如此香濃的咖哩，飲了濃茶又多了一份解膩感，唯一覺得是杯點凍檸檬茶份量少了一點。

說起還在求學的時代，沙爹王簡直是學生聚會的飯堂。以前，價格不高，食物又好味道，就像譚仔一樣，每次光顧一定有自己的獨特配搭，明明選擇很多，但是每次去到都只會點固定的那一兩種食物，白咖喱豬扒或是沙爹肥牛粉絲。最印象深刻的是，消費滿$20送$2現金劵，多年來，就是因為這個原因保持著一路光顧。自從出社會工作後，金錢多了，外面的食肆選擇豐富了，就很久沒有再來了。不是經過眾安街這邊，大概也想不起這學生年代的回憶。再次踏足這地方，裝修風格依舊，變的只是食物，更多元化了。通脹的問題，價格當然不能與以前相比，但是我還是覺得可以接受。將普通的豬扒飯升級為厚切豬扒，只不過相差$4，實在大件又抵食。沾上厚厚的麵包糠，一口咬下，完全不覺油膩，外層金黃酥脆，內裡豬扒不會過乾，口感一流。本人愛吃白咖喱多於黃咖喱，愛它奶油一般的幼滑及香甜，味淡卻更能帶出食物的原味。新推介的明太子雞翼啖啖肉，入口咸香，內涵十足，帶少許微辣，作為小吃是不錯的選擇。另一款小食越式蝦餅就顯得遜色不少，油膩而且質感比較軟身，蝦餅也不彈牙。鰻魚炒飯剛上枱的時候嚇了一跳，圖片與實物的對比相差也太大了吧！份量不僅迷你，鰻魚粒也少得可憐。味道更是一般

與友人們一起提早團年飯，選擇了''沙嗲王''，我們等了大約15分鐘，便急不及待地翻過餐牌，發現菜式少得可憐，與對上一次的有很大分別了。最後我們每人點了一個特式飯，再加上幾道小食。服務態度方面，員工的態度良好，不過落單的速度略需改善，我們按了2、3次鐘，再等了數分鐘才有員工走過來落單。沙嗲配厚切吉列豬扖($59)，賣相方面厚厚的一塊豬扖，表面有一層脆脆的麵包糠，實在吸引，令人垂涎三尺。豬扖炸得剛剛好，仍有少少肉汁，並且厚切的豬扖有強勁的咬感。沙嗲汁也十分惹味，不會過度偏咸，這道菜式實在不錯。好味評分:7/10泡菜安格斯牛柳粒炒飯($71)，賣相方面平平無奇，與一般的炒飯大同小異，炒飯的中間只有數條泡菜作裝飾，上菜時，友人已經覺得有'中伏'的感覺。 味道方面，友人已經做好'辣到飛起'的準備，可惜這個炒飯味道過淡，沒有韓式的風味，牛柳粒少之又少，泡菜的味道尚可接受，這個炒飯除了飽肚之外，便沒有其他了。好味評分5/10日式蟹粉豆腐鍋配飯($67)，賣相方面，石鍋偏細了一些，但是鍋裡的配料十分豐富，看上十分足料，令人有種飽滿的感覺。豆腐十分嫩滑，'雪'一聲入口，配合著濃濃的湯底，值得一讚，此外有

今日約左細佬出黎行街買野，行得累累地就去食飯啦!之前做比卡超PROMOTION時我一直無時間去，估唔到今次會咁岩去食飯。我好少揀呢間餐廳食飯，之前老婆講話唔係好好味，所以一直都無試，今日叫左做白咖哩豬扒飯，估唔到又幾好味喎!白咖哩一D都唔辣，食落仲好香!有DD椰子香味，白咖哩D汁好濃，足料!但係佢又唔太糊狀，食完唔會覺得膩。另外，豬扒好「林身」又無骨，食落好方便，食食下仲食到D豬扒有陣香茅味，原來係香茅豬扒! 豬扒肉質亦細嫩，依完一塊想再食!而且食得出豬扒有稍為煎過，好香口，襯埋白咖哩汁好惹味!簡直係PERFECT MATCH!不過店內職員唔多，往往按左掣都要等幾分鐘，野食都上得比較慢!

明太子無骨雞翼今次黎食沙嗲王，司令平時食飯諗唔到食咩都會黎呢度，貪佢野食種類多，而且水準唔差。今次小菜就叫左呢個新推出嘅明太子無骨雞翼，明太子、雞翼、仲要懶人最愛無骨！點可以唔試試？但出到個味道麻麻地🤔 司令都有啲失望。雞翼入面嘅明太子好足料，係包滿晒係雞翼入面，外皮係好食嘅，但重點在於明太子唔太新鮮，所以出到黎腥味都頗嚴重，呢個小菜冇下次呢！牛柳粒溫泉蛋焗意米最近司令愛上左食意米，貪佢口感好好，所以去沙嗲王都冇叫出名嘅白咖喱，反而叫左個意米試試。上到枱熱辣辣同見到牛柳粒圍邊係吸引嘅😍 但牛柳粒煮得有啲過熟，咬唔係好開🤔。個汁好creamy但味道偏淡，加左溫泉蛋同蛋汁一齊食就加返分，司令建議食個陣可以加返芝士粉個味會出啲！

是日到了最近與Pokémon合作推出期間限定的沙嗲王用膳。我點了鮮茄芝士焗厚切豬扒飯 $67。印象中這裡的焗豬扒飯水準不俗，等了約40分鐘，焗飯終於送上。熱辣辣的焗飯芝士滿載，芝味濃郁，豬扒煮得鬆軟好吃，只是略嫌飯量少了一點，吃完還未夠飽，哈哈。他則選了泡菜安格斯牛柳粒炒飯 $69。份量十足，然而炒飯油光閃閃，頗為油膩。見比卡超餐牌的正餐不太吸引，所以他提議這杯比卡超芒果沙冰 $38。黃色的芒果沙冰裡有黑色的涼粉，旁邊插有比卡超尾巴造型的餅乾，看起來確有幾分像比卡超身影。味道則麻麻，以人工的芒果味為主且過甜。整體食物味道其實不差，不過當天在詢問焗飯進度時遇到不太禮貌的對待，吃了一肚子氣，看來又要跟沙嗲王告別一段時間了。

個飯都食左好耐啦~ 依排先得閒打返個食評~ 係暑假期間最多卡通人物出現的時期，周圍都係得意的物體出現。我都答應同朋友仔潮聖一次, 食沙嗲王~ 因有比卡超係度坐鎮!!朋友當然係點比卡超啦~ 實質就咖喱飯~ 外表睇卡通人物整得幾傳神, 很精靈咧~個人試了, 味道上來說就還好, 不會太咸, 咖喱汁撈得挺均勻的, 粒粒飯香, 硬身的飯較啱我, 好吃~ 呢排就無咩留意, 唔知仲有無得食呢~ 

比卡超咖哩豬排飯 配藍柑咖哩汁$78嘩終於係10月25日限期前食到尼個飯，真的巧打耳啊！💙——————————————一早做好調查，別人都說三種汁中（蕃茄咖哩、菠菜咖哩和藍柑咖哩），藍咖哩是不會太伏甚至好吃，於是點了後真發現自己做了正確選擇✌️。比卡超出黎喇！搞笑的比卡超眼睛和嘴巴是吃得下肚的紙，豬排藏於飯內，配合咖哩汁也不錯，始終咖哩飯不會差得去哪吧。藍咖哩吃下去甚至有點甜，但整體還是特別新鮮能入口的☺️。話說這個餐還送小禮物便利條，我們抽中了車厘龜😍。我表示這個價錢吃潮流的味道竟不錯而且有禮物送都算挺好了。INSTAGRAM @hktpy 《K》

早前已經到旺角的沙嗲王一嘗比卡超，每次吃完沙嗲王都會有優惠券贈送，所以今次就跟朋友再度朝聖。因為公眾假期的關係，原本已經多人的沙嗲王更加大排長龍，等了約45分鐘才有位。上到去，我們將票交給店員，誰知他不知道發生甚麼事，隔了一會才順利安排我們入座。沙嗲王是沿用按掣式呼叫侍應，可是侍應們每次都等很久才過來，這種形式並沒有增加店員效率。點完食物，我們等了很久食物仍未到，於是又呼叫侍應，那個侍應卻說一般要等半小時才會到，我屈指一算，入座及等食物足足用了一個小時多，還要接受侍應那些討人生氣的態度，我真的寧願走人比卡超豬扒飯上次試過番茄汁，今次就試藍柑咖哩汁，顏色特別，但味道不錯，份量挺多，而且那個汁吃太多會有點「滯」。比薩份量不算多，味道普普通通，只有賣相可取。韓式泡菜炒年糕雖然比起正宗炒年糕並不可相提並論，但亦不算太差，不是太辣，份量算多，年糕都是幾塊癡住，吃的時候不方便。

比卡超咖哩豬扒飯司令最近終於試左熱潮已過既比卡超飯喇！雖然司令好想試下藍咖哩，但始終過唔到心入面個關，揀左個菠菜咖哩。講下個菠菜咖哩，食落冇菠菜味，個味就同沙嗲皇最出名既白咖哩一樣。而比卡超飯呢樣野，我相信好多人都知佢將塊豬排切到一嚿嚿收埋左喺比卡超個頭入面。所以對司令嚟講係同白咖哩豬扒飯一樣，只係變左綠色咁解。司令又覺得冇話好差，不過司令覺得比卡超耳仔黑色個嚿飯真係難食到，又硬又乾。P.S. 有消息指呢個飯尼幾日就完，轉左另一款係比卡超蛋包飯，相信司令可能又會等到佢就快冇先去試。