泰屋 (Moved) New Location

一行五人來呢度聚舊, 環境幾好, 裝修幾靚, 但係就好嘈, 幾個朋友傾計傾得好辛苦, 待應態度都麻麻地, 叫個待應幫我地影張相都黑面(個陣仲要係9點幾10點, 佢地開始得閒)...要好大聲先聽到對方講咩, 野食方面比我想像中好, 不過始終都係kln city既金蘭花好食+抵食好多!!!馬拉盞炒通菜 - 最好食呢個金柚沙律 - 個汁好開胃, 又係必叫小食拼盤 - 普通豬頸肉 - 個汁好好味, 豬頸肉好香, 但係切得太薄菠蘿炒反 - 無食....雖然好細個但係幾個人都食唔哂, 應詃好食有限印度薄餅 - garlic味普通, 無乜味; 荵味個個幾好, 脆脆地, 好快清哂黄咖喱(雞) - 啱唔鍾意食spicy既野人食, 但係好普通..可以唔叫埋單都覺得算抵食, 但係如果要好好食既話去九龍城好過, 係因為覺得交通無咁方便先揀佐敦

一班老朋友聚會當然想食好D坐耐D泰屋坐得舒服,又寧靜,燈光柔和...環境:好,又近港鐡,巴士多...好方便.食物:原盅椰青海鮮焗飯:好香,味道夠特別 雜錦拼盤：有水準，蝦餅最正 咖哩香.配薄餅一流 食物樣靚有水準服務K,都好NICE

今日同D舊同學聚舊，因為有人之前去過泰屋食，覺得好好味，所以就推介我地去試吓喇！入番正題，我地一行五人，嗌咗個冬蔭功湯、辣椒膏炒蟹、原盅椰青海鮮焗飯、雜錦拼盤、鮮忌廉咖喱雞、馬拉盞炒通菜同埋五杯芒果砂冰！冬蔭功湯：多料, 但唔夠辣辣椒膏炒蟹：好夠鑊氣，D蟹又夠新鮮原盅椰青海鮮焗飯:味道幾特別雜錦拼盤：有好多款小食，有水準，尤其是蝦餅鮮忌廉咖喱雞：唔太辣，但好惹味馬拉盞炒通菜：夠晒火喉，好入味芒果砂冰：一個字，正食完今餐真係好滿足，之後都會再來！

日期：2008年8月18日人物：Sylvia, Vivian, A, M and BF泰式珍寶拚盤：春卷，蝦餅，魚餅，沙嗲串燒，炸番薯條．醃雞肉碎生菜包：ｄ肉好鬼硬．干炒泰式金邊粉：炒得唔錯哩．冬陰公湯（例）：辣酸既程度，可接受，正！炭燒豬頸肉：好多肥膏哩．青咖哩（豬肉）簿餅：咖哩就好好味，ｄ肉好老，咬到牙都甩．

地方好大，係全層。照樣有人在peak hour等位，所以要book位。不過好似唔係等好奈。如果坐在大堂位會迫d，我地坐在有隔板間開旁邊d位幾舒服。四個人叫了四個菜- 咖哩羊︰羊肉唔蘇，但亦無咩羊味。喜歡個汁，少少辣，少奶，少椰汁。- 柚子沙律︰柚子好甜，汁少酸，好開胃。- 馬拉盞通菜︰味道剛好。- 蒜蓉薄餅︰無蒜蓉味，少油。碟碟都幾大/ 多料，找數二百幾，可以接受。

送菜非常美味, 但環境超嘈, 因它的長枱可容納超10人, 完全適合大伙兒來聊天.我和6位朋友吃得津津樂道, 只是, 我們都不能聽到對方說什麼, 它的裝修獨特, 有水晶石做的洗手盆和男尿盆.冬蔭公湯....................好飲泰式金柚沙律............開胃咖哩長脚蟹................超抵, 大大大盆才$198, 因當日特別送上長脚蟹. 我不愛吃咖哩的都愛吃它的咖哩. 7人都吃不完, 送上薄餅. 正!炭燒豬頸肉...............好食泰式拼盆...................好食辣椒膏炒蟹..............野味泰式酸辣鳯爪..........夠辣野味馬拉盞炒通菜..........一般甜品拼盆..................賣相特別如南瓜布丁, 有口感, 但太甜, 少食為妙

雖然店名叫泰屋...這裡除了泰國菜, 還有印度菜..之前幫襯來過, 覺得味道幾好. 星期五 朋友聚餐.. 坐近窗口位, 坐得舒服.冬蔭功湯 - 又酸又辣, 好味.咖哩羊肉 - 咖哩小辣, 羊肉唔蘇 . 洋蔥薄餅, 蒜蓉薄餅 - 熱騰騰, 好味炒雜菜肉碎四季豆泰式炒金邊粉明爐魚 青木瓜沙律 ... 共 $607

去泰屋叫左以下野食青咖哩雞 - 青咖哩很青甜, 不過辣味不足, 椰汁味都足, 但雞肉比較煮得老, 肉質不嫩, 如果不愛或不太能吃辣, 這個汁都不錯馬拉盞通菜 – 料子很足, 炒得有火喉, 好食.越式牛油雞翼 – 牛油味不足, 不是心目中的雞翼.餐廳環境很不錯, 雖然有點嘈雜, 但客人大多是女姓, 可以知道這間店是吃環境先, 味道後. 本人試過後覺得今餐整體味道都能迎合香港人, 但就是咖哩不夠辣, 風味不足, 但本人還會再來試吃其他的.

裝潢不錯，如果閒日預訂，可以坐一張6人sofa，位於死角，講野大聲d都唔怕嘈倒人。推介1) 辣椒膏炒蟹好夠味;(2) 西柚蝦沙律好惹味兼足料，都幾辣但我鍾意;(3) 蜜糖排骨味道配搭很好，肉食者可考慮;另外, 蒜蓉炒蝦本來都炒得幾乾身，但可惜蝦肉唔得囉。

之前見綱友推介此食店,圖片友靚,終於係前日去嘗試下啦!服務態度都ok,門口就好有氣派,但入面個格局我就覺得好似係屯門吉之島既美食廣場咁,所有枱都係平排同相隔好近,所以會好嘈!是日點了5款食品:1.牛油雞翼 - 約$38 但係極差既食品,只得雪味,最基本既牛油味一D都無.2.泰式炒金邊粉 - 約$68 普普通通3.原盅椰青海鮮焗飯 - 約$98 比較有水準,都算好!4.泰式薄餅 - 約$25 普普通通5.甜品 - 約$10 奇怪糕點只得熱食,難食兼過甜!!全部總額係$260,所以總括佢地D食物質數平均只有3星,但價錢就收到5星囉!!

星期六都唔係好多人, 由8點半坐到10點幾11點, 環境同氣氛都好好, 野食好味, service都唔錯, 原本book既時候講左要坐中間位, 點知佢俾左個近出口既位我地, 好在最後個經理都肯換, 而且仲好有禮貌tim...冬蔭功湯 - 好味..多料, 而且又夠酸又夠辣生菜包 - d菜好新鮮, 索索聲, 不過d肉如果再酸多少少就好d爐魚 - 呢個都好味, d魚好滑, 湯都好夠味..鐘意食魚既我就覺得好正 馬拉盞炒通菜–都ok, 係甜左少少青咖哩 - 原本想食黃咖哩既, 點知冇哂, 轉左個青咖哩, 都ok丫, 唔錯, 點烤餅食真係絶佳組合烤餅–叫左個原味既...正!!椰汁西米糕 - 又係一個好味既甜品, 雖然飽, 不過都要食仲有叫左杯青檸梳打...不過好酸.....哈哈!!總括黎講d野都好食, 一定會再去!!

5月尾幫朋友慶祝生日，一早想好要食泰國菜，於是上來openrice search下，就選了這裡。五個女仔，正常食量。1)雜錦拼盤---有蝦餅、炸南瓜、串燒、春卷等…味道一流，熱騰騰，份量適中2)黃咖哩雞柳---咖哩不辣的，甜甜地，幾多雞肉3)海南雞 (例)---最差是這樣，雞甩頭甩骨，似白切雞多過海南雞，不好吃4)菠蘿海鮮飯---材料豐富，幾多蝦，味道亦佳，想連菠蘿肉都刮出來吃5)泰式炒雜菜---一般味道，不過不失6)原味薄餅---點咖哩汁絕配7)2杯青檸soda 2杯柚子蜜我們帶了蛋糕去，有沒有切餅費就不太清楚，沒有問…4個人請壽星女，每人約$140…超值啦…整體味道好好，環境又唔錯，服務一般la…特別個女侍應，面口有點難看

23.5.2008 星期五今晚我大學最好的兩位朋友肥佬同娘子晌泰屋為我賀壽~(d生日飯仲未食完hahaha)上到去~都幾多人喎!!! 不過唔怕,因為娘子已經訂左位嘛~地方都幾大,桌同桌之間都唔會太迫,張椅子坐得人幾舒服。我地個位仲可以望到中環廣場呀~不過唔知點解又係勁嘈~~是晚餐單:1.唔知咩柚沙律--清清地,幾開胃~有d醬汁淋晌面,quite good~2.鮮忌廉咖喱雞--正正正!!! 我地三條友係完全唔食得辣的,哩個咖喱就岩晒我地!!! 雖然唔辣,但係有另一種的味道~好香好惹味,very good!!3.蒜蓉烤餅--烤餅的蒜蓉味不太濃,用黎點咖喱簡直係完美...好味好味...4.蒜蓉椰菜苗--哩個係肥佬自把自為叫o既...不過又幾好味喎! 好爽口!5.馬拉盞炒通菜-哩個係免費的,因為娘子有coupon!!! 咪以為唔洗錢o既就會將貨就價,細細碟,哩個通菜係落足料,大大碟架~~有少少辣,惹味! 連唔食菜的我都有食呢~6.椰青--哩個當然係唔少得啦~清甜解渴!侍應的服務無問題丫,幾nice~最開心o既係...竟然仲有生日蛋糕食!!! 仲有名貴禮物收呀~~多謝娘子同肥佬昇呀~哩餐真係好好

食物都幾好食,但當中有一個男侍應的服務態度一定有待改善.我們當晚(27/4)book 好位,之前聽電話的姐姐都好好,我們想坐窗口位她都安排得到,去到坐低時,我們想要一張BB椅,有一個男侍應說暫時未有,如果有人走便可以給我們,ok啦,都冇辦法,我們便讓BB坐在BB車上,有個疑似經理的人還幫我們拉好檯椅,令我們可以不阻礙其他人.點知食食下,有個男侍應來叫我們收起那BB車,因有人要坐隔離張檯,我叫他給我一張BB椅先,他說未有,我便說那我不能收起那BB車,然後他說有BB椅便會給我,但我要先收車,不然其他客人不能進來,架車阻住其他客! 其實是有足夠的空間,不知他為何那麼強硬,好像倒轉在投訴我們似的!大家為了息事寧人,冇同佢嘈,收車算了.點解我唔找之前那人呢?有去過的都會知佢地個個都穿自己衫,其實係唔知邊個高級d架!最後,到我地走的一刻都冇比張BB椅我地囉!!咁既態度直情是趕客,難怪咁易book位,除了做旅行團生意外,其他客都不多!

今晚同屋企人一家五口去泰屋食飯，我地總共叫左八個菜，其實食物味道幾好，只係服務態度勁差，果位疑似經理既肥仔明明漏左單仲要寸客人，完全無歉意。而且我地叫左一個金沙鮮魷無貸，但最後就出現係帳單度，以及將我地叫既其中一道菜多收一份 (共兩份)。幸好我有c heck單，否則咁就俾佢多收二百大元。總括唻講食物質數唔錯，但服務態度真係好差好差，勁無禮貌，而且帳單混亂，如大家有興趣去食飯的話請留意小心check單。