泰屋 (Moved) New Location

尋日因為有個朋友仔想食泰國野~ 所以打o左俾老死問下佢旺角附近邊到有好味 d ge 泰國菜. 佢就介紹o左呢間7點幾上到去, 唔係好多人, 不過有好多人 book o左台, 所以要求我o地 8:30pm 前交台. 當然冇問題啦. 先講環境真係幾好, 好舒服個 view 亦唔差望住九龍公園講返食, 我o地一行三人都叫o左幾多野食下 : 炭燒豬頸肉 d 肉燒幾好,唔會硬班班, 不過我o地就略嫌個汁唔夠辣唔夠濃 (唔夠"西沙"好食 d), 馬拉盞炒通菜, 份量幾多味道濃郁, d 菜幾靚好有口感, 係油多了點. 印度咖哩雞: 一上台好似肉醬意粉咁, 紅卜卜又有番茄, 一d 都唔似咖哩雞, 我o地用o黎點洋蔥薄餅, 番茄汁確係好多我o地食極都仲有一大碟, 不過下次會叫返黃色o個d咖哩, 印度香草咩咩咩炒飯(唔記得個名) : 好多香草不過又幾好味唔係老死講到咁辣, 同埋 d 馬拉盞炒通菜食---好夾. 我o地又叫o左兩個椰青同一杯龍眼冰. 椰青不過不失啦(當然唔夠"西沙"到好飲,始終人o地貴$10-), , 不過友人話杯龍眼冰唔好飲好似飲緊紅棗水.因為我o地又眼闊肚窄 ge 原故, 所以又食剩野,

一行5人o係黑雨中歎美食並開懷大笑！1. 鮮蝦刺身: 非常新鮮！加埋蒜片同辣椒食的確唔錯，都唔係太辣。相信就咁食都唔錯！2. XX粉卷: 粉皮做得幾好，但係味道略淡，點醬食都要點好多，RICE PAPER個好食D3. 蒜香椒鹽中蝦: 讚！十分避風塘口味加上炸得鬆脆o既中蝦，大大隻，口感同味道都相當好！4. 馬拉盞通菜: 一般水準，唔太突出5. 忌廉咖哩羊: 咖哩味道唔錯，略嫌唔夠香。羊肉幾焾6. 芒果糯米飯: 芒果唔係浸糖水咁，雖然唔係好甜但係係好真實o既芒果味，個人認為已經好夠。較喜歡白糯米個口感7. 當然仲有點咖哩o既NAAN同脆薄餅，一般水準飲品方面珍多冰可以，朋友o既椰青都好似OK，但其他幾位朋友o既三色冰，青檸沙冰同龍眼冰好似麻麻。不過都算大杯唔會到喉唔到肺。環境十分好，唔太嘈，服務亦都唔錯，經理好勤力盡責！

約了朋友仔去泰屋食晚飯，我都搭錯電梯。是晚叫冬蔭功湯，非常好飲及多料。芋頭焗飯好大，都好味。馬拉盞通菜，好大碟，但唔夠辣。餅唔夠新鮮，似乾皮柑。朋友仔食完都讚好味。

慘，今天肥咗兩磅，重要係到咗警戒線，只好吃沙律做午餐．叫咗個鮮蝦西柚沙律set lunch,有湯，甜品和餐飲．鮮蝦西柚沙律只有３隻蝦，但西柚沙律都叫大碟．咖喱set lunch跟飯或包，點解沙律沒有？甜品係椰汁糕，中間夾着芒果，好食呀．臨走時，乘坐玻璃lift離開，見倒一個老婆婆一拐一拐地行去行人扶手電梯，對於普通人，呢幾步唔算乜嘢, 但對於老人家，BB車，或者行動唔方便的人，呢幾步就趕客啦．叫人唔好去莊士倫敦廣場食嘢．其實隔籬有３部通往辦工室的lift，而佢哋可以直接到行人扶手電梯，管理處的人係咪可以安排好Ｄ呢？　俾個無障礙的環境俾有需要的人呢？

泰屋位於樓上，平時經過樓下又係好少會考慮上樓亂試。今天晚上刻意造訪，竟然搭錯升降機，不停8樓，只可以在9樓出，該餐廳負責人知悉後有禮地讓我們穿過其餐廳在另一邊升降機下回8樓，值得多謝。反而下到8樓，女知客一句冷冷的sawadeeka，然後目無表情帶我們去空桌，有點一個天一個地的感覺。餐廳比想像中黑暗，似乎是很西式的裝潢，不過又擺放了一些雕像擺設，嘗試把西餐廳加回些泰式感覺。打開餐牌，價錢偏貴，不過選擇多樣化。我們點了原盅椰青海鮮焗飯和黃咖哩牛。原盅椰青海鮮焗飯的椰香很開胃，飯亦充滿椰味，因為混入了椰肉。海鮮都是魷魚﹑青口和蝦之類，整個飯的份量不多。黃咖哩牛是錯誤的選擇，牛肉很「鞋」，好像煮過頭，黃咖哩味道亦不見突出，於是整道菜都不太好食。不過可能是因為為坏了遷就伙伴的關係而沒有點辣的菜式，所以吃不到他們的可取之處。(服務員加水很頻密值得一讚)

世事如棋當天一別十年她忽爾因事回歸香港想好好的傾一下偈又為了遷就小弟的收工時間和這位現已人生路不熟的海歸派最終挑了地點方便的這處上次來時可能是再晚一點(2006-12-09食評)今次就比預期中吵一點服務也只是一般二人檯又有點窄食物則是可以接受的起碼我的選擇得到認可了燒牛肉沙律辣辣的達到醒胃的效果但是牛肉厚和老了一點不太容易咀嚼另外兩個好一點香芒羊仔柳賣相像宮保雞丁有很多腰果和西芹芒果和羊柳混雜其中口味清新也算不錯青咖喱雞雖然還是雪雞柳製成但出奇的煮得很嫩滑配印度naan咖喱不辣而香口閒談間才發現我們原來同是味精敏感果真臭味相投難怪這樣好傾了是夜二人都沒有病發證明這裡情況還不太差haha世上壞人和怪人都很多需要的就是有好人來調節一下所以地球還是有希望的

話說原本想約二個FD係上星期五去呢間到食, 點知佢話只可以BOOK七點, 其他時間不設BOOK位, 我心唸無咁FULL呀, 係到扮多人, 點知無去食到.又咁岩得咁好彩SAT我同另一個FD又話想去食呢間, 我地就七點半到WALKIN去啦, 點知, 車仲有大把位啦, 洗唔洗懶係野咁七點打後唔洗BOOK位呀, 今日仲要SAT都仲有甘多位. 我地食到十點其實KEEP住都仲有吉位既, 因為佢地方都唔細有好多台, 坐得好舒服, 又唔會有迫既感覺, 而且佢地既服務態度都唔錯家.我覺得最值得推介係個椰青飯呀, 真係好正好好味, 因為本人其實唔鐘意椰汁, 但係佢個飲整出來好香子甜好好味.另外就係個甜品啦, 香芒米需米飯, 又係好正好好味呀...

上次我同朋友total 4個人去食,以為冇乜特別,都係食泰國野姐但係食完之後簡直覺得值得一去..因為d人既服務態度又幾好,環境又幾好,野食又唔錯。我地點左:-冬蔭功湯-蠔仔蛋-芒果腰果羊仔柳-牛肉沙律-炭燒豬頸肉-欖菜炒豆-泰式鳳爪-炸蝦餅-龍眼冰除左牛肉沙律之外,其他都好好食!又唔會好貴..真係會再去

泰屋因為聽一次朋友帶我到來試食的，因為友人講到好正，一來到覺得地方真的唔錯好舒服，坐得好舒服因為香港好多餐廳都超級迫，但呢到絕對唔會，因為我話事，我就點左生蝦(*好新鮮)金柚子沙律呢個是經理介紹的，好好味！清淡得來好香口！無油的)鹽燒個青魚又是經理介紹的超級鐘意食！好香口；但因為唔經油炸，燒到保留住魚的油香！7個good！因為可以自已出去夾自已鐘意的菜來炒我選了不小雜菜炒都好好食！之後呢到就成為我個飯廳了！

約了朋友食飯, 但唔知食乜好. 去到佐敦既莊士倫敦廣場, 成揀大廈都係食店, 而且間間都咁平, 是旦選擇了食泰國菜.食店環境都唔錯, 座位都幾舒服闊落.冬蔭公: 只酸但不辣, 材料足, 味道可以.唔記得咩名既烤排骨, 有點似美式既ribs, 又有點似宮廷骨. 味道酸酸地, 骨質幾淋唔"鞋"口, 又平又好食.黃咖哩雞: 雞普通, 咖哩汁唔錯, 點蒜蓉包好好味. 但當然點都唔夠重慶大廈好味啦.

正宗的「冬蔭功湯」,我心嚮往之,尋不着,慾念燒得更癡,嘴裡快淡出鳥來(語出《水滸傳》魯智深幾天沒肉吃的抓狂之說辭)。翻尋一下【OPEN RICE】吧!但觀此店子好評如朝,便懷着期望的心情,去也。時為週六午間一時卅分,既是佐敦的旺區,心想搵位不易吧!非也,全場約有五十張桌子,連我在內,只五枱客人,該煨!1. 「冬蔭功湯」(小):$50有大、小兩款,點了小的一款,容量約為一個中型的湯碗。經理協助侍應生把湯放下,另外還莫名其妙地多擺放一套小碗和湯匙。搞乜呢?我心裡嘀咕。這時,經理二話不說,要把中湯碗內的湯料滔往小碗中,我連忙謝過和制止。喂!我都無要求,你忙甚麼着?我心想。經理踟躕了幾秒,滿腹狐疑的模樣,我再次強調不必了,我欲原碗進食,對方這才勉強放棄,我瞧瞧他,一臉很不安樂的神色。我還以為自己干犯了法律,一個人的食客,「原碗吃」有甚麼不妥,有甚麼大不了,滔來滔去,難道就會更為優美高尚?硬是要沾污許多非必要的食具,非要洗碗嬸嬸多粗勞一點不罷休乎?未吃之先,心中已生悶氣,也罷,為了捍衛個人風尚,我把小碗倒轉。這時,另一侍應生路過,看看我桌上的「中湯」和小碗,復看看我的臉,一臉是問號,我再三用英語

舒服的環境下，點菜如下：1)咖喱蝦<個汁點烤包真係好味2)烤包3)粉絲雞絲生菜包<冇乜特別，見圖4)棷青同珍多冰這裡舒服的環境遠勝食物,是和朋友食飯聚會的好地方。

昨晚我與家人叫了四道菜，先來一個雜菜豆腐湯，很咸，接着的腰果炒雞丁的雞丁也很咸，也許放得太多魚露了，餘的兩道菜吃不出味道，因為舌頭已麻痺了。晚飯後，整個晚上我很口渴！

i came here to celebrate a friend's birthday. i was pleasantly surprised when i first walked in. it has a hotel feel to it, definitely a comfortable place to chill with friends. there were 5 of us, and we sat at a very spacious booth. we ordered the small appetizer sampler plate, coconut chicken soup, green onion naan, belachan ong choy, red curry pork, and a side of steam rice. there were pork satays, egg rolls, fried fish and shrimp cakes, and fried pumpkin sticks. the fried appetizers were wa

1) nice interior decoration2) delicious food3) must order " curry crab"!! (~$150) with naan bread4) $700 for 5ppl for a big dinner with desert5) better book a table beforehand when its weekend and holiday