金蘭花泰國菜 (Closed)

原本比較少去灣仔, 疫情後就更加添, 但突然醒起呢間泰菜食過好幾次印象都唔錯就忍唔住返黎試吓佢保唔保持到水準。一早BOOK 左枱, 而且食6點夠早, 安排到我地兩個人都可以有間房仔, 有得襟鐘叫佢地落單, 食飯中途都不斷有人黎收碟, 唔會係入左房就無人理咁, 抵讚。生蝦都係咁彈牙,  不過以前D 汁印象係好鬼死辣, 兒家親民左XD冬蔭功比一船既傑少少, 料好足仲好多蝦, 正~~蝦餅彈牙, 雞翼好食。主菜咖喱肉蟹, 整之前仲要拎過黎比我睇吓隻蟹幾大幾生猛 XD  蟹肉夠實幾好食D 咖喱幾滑幾香, 忍唔住叫左兩轉薄餅黎食。咁耐無黎都仲係好食, 而且個場大左, 多左個單位黎做無以為咁迫。

老公話灣仔佢係地膽，介紹我食泰國菜🤭我地專登留左只大肉蟹👍🏻職員拎住只蟹出嚟既時候仲識郁好生猛🤭個咖喱好香好惹味，我地叫左兩份薄餅🤣不過我哋覺得蟹味唔算好濃！可能俾咖喱蓋過哂🤷🏻‍♀️其他都幾好食，仲有個生菜包唔記得影，佢用打拋葉煮，個味道比一般生菜包更清新👍🏻冬陰功湯都唔錯，啲蝦唔係「梅」哂，仲爽口既👍🏻小食我反而鐘意糯米雞翼，炸到超脆✌🏻呢度服務都唔錯，不停有人黎執碗碟👍🏻我地坐房，㩒鐘即刻有人serve 唔使等😊😊

為咗慶祝男朋友生日，一早準備預訂呢間泰國餐廳，聽朋友講會有特別驚喜。所以一早為佢預備一個芒果糯米飯生日蛋糕。嚟到，每一道菜我哋都食得好滿意，尤其是咖喱，真係清咗個咖喱咁滯，我兩個人食咗好多嘢，每道菜都可以清碟底，可想而知好食程度同埋都想大讚一下餐廳服務員的質素，同埋為我哋唱生日歌嘅姨姨，感謝感謝！

今次去咗灣仔一間樓上泰式私房菜位置都幾隱蔽我哋係中午過嚟食晏晝餐廳逢星期一至四有set lunch如果自取外賣仲有八五折侍應帶我哋入咗去一間細房見到上面有好多獎牌包括有最佳食肆金獎、廚王典範等等我哋點咗泰式海南雞飯、以及泰式豬肉船河套餐跟細細份嘅青瓜沙律及甜品芒果糯米飯海南雞餐雞嘅份量認真多蕉媽分咗一半俾MM爸海南雞肉質鮮嫩、雞味濃郁泰式船河豬肉丸非常彈牙、辣辣地非常惹味，喺其他餐廳食過嘅船河冇乜辣味，呢度嘅船河味道應該比較正宗必須題一題甜品芒果糯米飯非常好食😋呢個地方可以encore再嚟😋金蘭花泰國菜 (灣仔)灣仔軒尼詩道18-20號永昌大廈2樓

終於有得夜晚堂食，Happy Friday 同朋友揀咗Sawali Club 食泰菜。一坐低非常肚餓所以叫咗幾款小食。泰式黃金炸魚皮除咗邪惡嘅鹹蛋黃之外，仲加咗泰式香料。一上台好快已經被K.O.左另外叫咗個細嘅小食拼盤同埋豬仔肉串燒。小食拼盤最欣賞嘅係有釀雞翼。豬仔肉唔係度度有，比起普通豬肉肉質比較淋，唔會擔心有燒到柴皮嘅情況。朋友話要留肚食甜品，於是主菜只係叫咗Pad Thai 同埋馬拉盞通菜. Pad Thai 料足。馬拉盞通菜唔會炒到水汪汪。食泰菜當然甜品要叫芒果糯米飯啦。今日啲芒果新鮮夠甜。另外叫咗椰汁糕，一咬落去發現甜味全部來自椰青水的味道，非常清新！同其他地方食這椰汁糕完全唔同。有啲驚喜

位於灣仔及金鐘交界的一間樓上泰式私房菜，已經開業多年，每次帶朋友來，他們都讚不絕口，說有一些菜式，是第一次見，例如臭草煎蛋，其實臭草不是如芫荽那樣重味的，配上他們的特別醬汁，別有一番風味。生蝦刺身及咖喱蟹都需要提前預訂，因為試過臨時想吃，點知沒有海南雞及燒豬仔肉，也是餐廳的招牌菜，兩個菜式，均有特別的醬料去配搭，鹹蛋黃炸魚皮，用來送啤酒一流。必定要試他們的甜品，椰汁糕是用上新鮮椰青製成的，每日新鮮製作。

食物不錯，環境舒服，十分整潔，服務一流今天跟媽媽來慶祝生日，上「生日芒果糯米飯」時，會有泰國阿姨用泰文唱生日歌，十分好氣氛，十分欣賞他們的服務及創新！值得推介的餐廳！

It doesn’t pretend to be a luxurious or gastro restaurant but such a good surprise ! Everything is tasty and service is efficient. One of the best Thai in the neighbor. Portion are big so you get what you have paid for ! If you like Thai restaurant don’t go to fancy restaurant but go there !!

同同事嗌外賣自取，嗌咗泰式肉碎湯金邊粉、青咖喱炒飯、炒海鮮金邊粉、泰式豬頸肉、泰式通菜。全部一致好評！- 泰式肉碎湯金邊粉：湯底幾清談，飲落冇味精味，份量頗多，冇咩可以挑剔～- 青咖喱炒飯：同事好鍾意佢個辣度，話比起平時個啲青咖喱要辣少少，佢好滿意！- 泰式豬頸肉：好食！- 泰式通菜：唔會食落一堆油味，比起平時啲泰式通菜要辣少少，不過都好食！總結：可能係正宗嘅泰國餐廳所以味道偏辣，其他食物都好有質素，係難得全體同事都一致認同好食同埋會再食～

聽朋友推介話灣仔有間長期滿座的金蘭花泰國私房菜，今日係開心星期五，所以早早訂位試吓其午市套餐。果然當日座無虛席，全院滿座。座位間隔都算闊落，二人坐四人枱，仲提供埋酒精搓手液非常細心。望望餐牌睇吓有咩泰式風味午市套餐，價錢都偏貴90幾蚊起，仲要只可以配指定飲品或甜品🍮。冬陰功湯薯粉：有數舊大蝦🍤，秀珍菇配料，湯頭整體酸而不辣，感覺好單一，正常會落椰奶或者淡奶增加口感，但呢到沒有，酸得濟我嫌。重點佢大推珍珠粉薯粉，無味又吾掛汁，搞吾掂。香辣豬肉碎炒薯粉：完全冇辣味，得花生🥜碎粒，炒得又冇鑊氣，薯粉又吾入味，只係食到鹹鹹地煙韌的薯粉，叫有D味咁樣囉。酸辣鳳爪：呢個真係我食過最難食的無味鳳爪，望落正常，但食落無味，仲有陣雪氣味🥺酸又唔酸辣又唔辣，吾得，食咗一啖放低筷子🥢。總結：食左一次無回頭同佢不乏其他泰菜之選

我和同事是不太經常光顧這間泰國菜，次數大約都就是一年區區十來次，平均每月一次！一直想介紹這間味道棒價錢又適中，ＣＰ值超高的泰菜餐廳給大家，但一直拖延症發作沒有來得及寫。在金蘭花里面我最喜歡吃的正是它最看似平平無奇的薄餅（圖一右一）！外脆內軟，不會太硬又不會太林，咬起來還有一股屬於薄餅香甜的味道。而且，最最重要的是如果配合上另一款泰式椰汁咖哩（圖二右一）的話，味道更是立即升華了一個層次！薄餅和咖哩汁配合得天依無縫！我每次都要喊上三籠薄餅和一份泰式椰汁咖哩，沾上汁美滋滋地品嘗！（經我親身多次試驗，薄餅和泰式椰汁咖哩的配合是最好的，如果用紅咖哩的話，味道會過辣，且最重要的是紅咖哩汁的味道會變得喧賓奪主）另外，這間泰菜一絕的菜式是它的泰式串燒 (雞肉/豬肉/豬仔肉)，我個人比較喜歡豬仔肉（圖左二），口感味道都是一流，每次都要跟同事搶著吃！超正的！當然，如果是跟朋友同事一大班人的話，建議點一客小食拼盤，多選擇之餘人人有份。總括而言，這間泰菜味道不錯，ＣＰ值較高，建議大家嘗試下，即使不太得吃辣的朋友都能跟老闆娘說說把味道改成微辣。對了！溫馨提示：如果現場堂食的朋友建議大家都穿一件外套，因為冷氣有點

金蘭花泰國菜, 灣仔🇹🇭.呢間絕對係我自已最喜愛既泰國餐廳，食過無數咁多次，水準都KEEP住咁好。通常我都會叫#生菜包 同佢個#泰式炒飯 。佢個#海南雞飯 都好好食，雞肉好嫩口，同佢自制既醬汁好夾，不過今次就無叫到，反而試咗佢個#冬陰公 湯，好出色，拍得住喺泰國地道口味😍👍🏽絕對唔係淨係得個咸味，係真係食到佢嘅#海鮮 味。而生菜包就煮得夠哂辣，又唔會炒得好乾🥬個炒飯都炒得好香，飯係炒到一粒粒，唔會一夠夠，炒得好惹味😍呢間基本上係如果我係港島區突然好想食泰國嘢嘅話就一定揀㗎喇，所以好推介大家去試吓。不過佢餐廳裝修比較沉實，如果大家介意既話就要留意下😊.🌟Rating: 8.5/10💰Price: $120-150 pp .

Highly recommend this place for authentic Thai food. Not much to say besides “everything tastes good”. They even made the effort to import the pork skewers (豬仔肉串燒) from Thailand, the must-have street food when you are there. A layer of fat and a of meat. Very evil.Tried the pan-fried eggs with cha om leaves 臭草煎蛋 for the first time. Not stinky at all (Google said the plant smells but not the leaves). The cha om texture was slightly coarse and overall tasteless. It was like an omelette with a lot

🇭🇰金蘭花泰國菜·我哋本身想食隔離嗰間rempah noodles架 但係實在太多人啦 所以我哋就嚟咗呢間度食🤭佢哋嘅lunch set係包一個甜品或者飲品 我覺得呢樣嘢真係好好 我超鍾意食芒果糯米飯😍🥭·泰式燒雞太陽蛋配白飯$93佢呢個雞嘅份量真係超多 係真係好似一座山仔咁🤣佢個燒雞調味同埋個皮都做得幾好 不過就有啲燒得太乾身 同埋佢隻蛋仲係流心嘅 用嚟撈飯好正 不過就有少少油🤭😂😂·豬肉炒金邊粉$88呢個相對就冇咁特別 但係都係一個好食嘅金邊粉食黎既 而且配菜都幾多 豬肉都唔錯 我自己幾鍾意😎😎·#rbyeat#rby東南亞菜#rby金鐘 #rby灣仔·📍灣仔軒尼詩道18-20號永昌大廈2樓

求其搵個唔識煮嘢食嘅阿伯都整得好食過佢，我寧願成世食麵包都好過再幫襯佢，連續三次食team lunch都落錯order，嘢食嘢飲偷工減料。裝修ok但坐低就見到好污糟。扮晒野唔出set lunch個甜品，望住張單見到我哋張枱無甜品碟都可以扮見唔到，跟住唔知咩事拎咗勁大碟甜品，原來想詐詐諦收多我哋兩百。最後佢哋係咁拖時間搞到乜甜品都無，因為成個鐘lunch hour已完。淨係識得呃外國人話自己「authentic Thai food」，我敢話全世界搵唔到100蚊港紙仲難食過佢嘅泰菜。如果唔係因為要焗住食team lunch我1毫子都唔會俾佢賺。