Say Hi Bar & Dining (士丹利街) (Closed)

11月天氣咁好又唔會好熱，想搵一間有outdoor嘅餐廳食午餐，見到依間係Stanley 11咁方便就試下我哋3個女仔叫左3個Set Lunch (湯/沙律+主菜+飲品 ) 全日早餐 $148同一般嘅all day breakfast，依個係用mini burger 代替左toast，幾特別，個漢堡扒好juicy，沙律菜都好新鮮，仲有2塊Parma Ham，配沙律剛剛好。唯一美中不足係隻糖心蛋，蛋黃部份好”水”，而且無咩味，唔似一般嘅日式糖心蛋，如果用返炒蛋或日式糖心蛋，效果會更好柚子蜜烤無骨鴨 $168上菜時一大舊鴨肉仲要皮有d燶燶哋，心諗今次中伏，點知係最有驚喜，以為咁大舊肉一定會好鞋口，點知肉質非常嫩滑，而且有香烤味道，我哋三個都讚不絕口無花果釀烤雞卷 $188每一口雞都有淡淡嘅無花果果香味，相信係用咗雞髀肉，唔會鞋口，而且沒有油膩嘅感覺，食完都唔會有罪惡感Latte $40 (Set -$25)唔係好識咖啡，但依杯好香，絕對唔係連鎖店嘅貨色Honey Ginger Latte $55 (Set -$25)(Espresso + 薑 + 燕麥奶)薑味香濃，但有少少蓋過咗咖啡味，

配合返餐廳名Say 個 Hi 先疫情前中環嘅lunch hour 唔book位都唔洗旨意walk in 有位，唔知係咪因為呢間餐廳新開嘅關係，中午時間都唔算好full。先講講環境，進到餐廳感覺幾舒服，先量體溫是指定動作吧。Lunch Menu 來說選擇算多，有額外6款加錢小食供選擇。Drink menu — Say No! (走塑！唔要膠飲管）環保是個好東西Daily soup 是南瓜湯，味道中規中矩。值得一讚是牛油法包，非常脆又可口！龍蝦汁.帶子.蝦.扁意粉果然是對的選擇！龍蝦汁很香濃，扁意粉硬度適中，每一條都能掛上龍蝦汁帶子和蝦口感也很爽口相信是用了烤的烹調方式～可以改進的地方 —— 個人認為洋蔥切條比較中式，洋蔥應切粒或者直接省卻（不喜勿插）慢煮厚切豚肉配肉桂蘋果上枱一刻很香呢～先切一切厚度，嗯～ 的確是厚切 而且是剛好的熟度 配上肉桂蘋果的配汁，立即增強了味蕾的觸覺！豚肉的邊位也是帶點肥肉，令口感再次提升這兩道主菜總括來說是很不錯的，色、香、味都有齊！ 可以改進的地方是擺盤可以再花點心思，做得更好！配菜調味可以加強一點就更完美。最後這杯Latte 無論是賣相、味道都很有水準！

我最鍾意發掘新餐廳食好嘢！這間開業才一星期的SAY HI Bar & Dining位於中環士丹利街11號，這棟飲食為主的大廈一向以日本菜居多，難得新進駐一家多國菜，還有這層獨有的露台酒吧，啱晒喜歡戶外或抽煙的朋友！Menu方面有沙津、湯及多款主菜可供選擇，這天我和友人點了Parma Ham 無花果乾田園沙律、鮮蝦濃湯、慢煮厚切日本四元豚肉配薯蓉及玉桂蘋果，及烤大蝦火箭菜龍蝦汁扁意粉。其實鮮蝦濃湯比一般龍蝦湯更好喝，無咁鹹而且鮮蝦味香濃，很不錯！巴馬火腿無花果乾田園沙律配黑醋汁，清新又開胃，二人Share 剛好。慢煮厚切日本四元豚肉配薯蓉及玉桂蘋果，豚慢煮至半熟，然後再煎封至七成熟，肉質鮮嫩，配玉桂蘋果醬汁酸酸甜甜，薯菜除了薯蓉，還有小蕃茄、甘筍及蘆筍等。烤大蝦火箭菜龍蝦汁扁意粉有兩隻煎香爽口大蝦，意粉煮得很好亦夠入味。整體來說，是令人滿意的一餐，如果遲啲供應埋甜品就更好！下次可以試吓來Happy Hour～