School Food (Closed)

烏卒卒 紅菜頭 咖哩飯卷, 推介烏卒卒飯卷, 少少辣, 較為惹味青檸梳打 有一點兒青檸的酸味, 有助開胃.湯底較辣, 普通公仔麵好味到要再encore韓味炸雞 普通一點兒, 皮略厚及硬, 分量約4-5件辣湯年糕真是夠spicy!食得辣的朋友值得一試. 5星辣我會俾4星(本人唔係好食得辣)

之前見到school food出左賣相非常討好既芝士炸雞，特登走去試芝士fans+炸雞fans點可以錯過。點知中左伏..麥樂雞黎既....食過好多好多間韓國炸雞，就算難食極，都係雞肉黎(不論新鮮雞/冰鮮雞/急凍雞) 佢比類似麥樂雞既雞塊實在太冇誠意中間既面包內芝士好少，係淡味既水牛芝士，仲被灑面既七味粉蓋過晒所有芝士味。綠色既青椒係生既，同面包，芝士和炸雞味道係完全唔襯索價$138，太唔抵不建議

今日約左fd係times睇戲，早左好多到，又有d餓，於是就去隔離噶school food食d野。之前讀書時期好中意食school food，宜家韓食選擇多左，所以少離左。店內服務都幾好，好好笑容。我點左之前次次離必點噶廚師卡邦尼年糕，最中意食呢個。味道一如既往甘好味，真係keep到。但係略嫌年糕有d硬，可能煮得未夠熟，所以吾係太彈牙。但煙肉同粉絲依然好好味。總體都係好食噶，如果年糕再煮耐小小就perfect啦。

上網見到佢個三週年優惠，嗌主菜加18蚊就有上圖依個飯卷。你可以話貪著數就唔好要求咁多，但係佢啲材料本身都唔係咩貴野（蛋 飯 午餐肉）由廚房到waiter都冇人認為依碟野有問題依個事實令我非常震驚。講真，佢真係樣衰過我自己係屋企煎😨

雖然唔係正宗韓國嘢但係都好好食海苔沙律非常正紫菜溝紅辣椒細細碗夠惹味午餐選擇唔夠晚飯多韓式飯糰好好味有墨魚汁加油魚 好咬口燒汁夠惹味雖然午餐選擇唔夠多但係都叫咗其中一樣就係公仔麵年糕湯底好濃厚只可以叫做撈麵唔係湯麵雖然同我想像中有出入但係都唔錯但係呢個係充滿曬澱粉質食物得幾條菜同幾塊魚片類物體減肥大敵魷魚 飯糰其實我都唔知佢叫做乜嘢佢將一條魷魚塞埋啲飯喺入面夠好味尤其是佢個醬汁有少少沙嗲味 飯又焦焦地nice!但係如果想一試地道韓國嘢呢度絕對唔係首選

水冷麵雖然凍但好開胃！加左苹果醋嘅湯酸酸地，冷麵質感煙煙un un勁有咬口，仲有幾片水梨放喺上面。配菜有青瓜同半隻水煮熟蛋。廚師carbonara年糕嘅汁簡直就係邪惡！~如果有芝士粉一定喪加落去！少少辣嘅汁配又係煙煙un un彈牙但唔難咬嘅年糕，係我每次返去都會再叫嘅菜！

是日跟美女舊同事們吃飯, 只因席中美女快要second to日本, 恭喜恭喜! 艾美最愛韓國菜, 來到school food開餐. 平日七時多到達, 場內已full house, 真的不可輕看這股韓流. 等候一輪終於可以入座. 店內裝修頗有格調, 夠young夠chic, 暗暗的, 感覺時尚. 友人是這裡的常客, 幫忙點選了卡邦尼年糕(HK$68), 紳士先生(HK$65), 紅葉花卷(HK$78), 芒果艾菲(HK$98), 沙冷希肉(HK$82), 水冷麵(HK$72), 叢林芝泉炸雞. 筆者是卡邦尼控, 對卡邦尼年糕的確有點期待. 先說賣相, 白汁好像很creamy很rich似的, 很吸引啊! 試一口, 年糕夠彈牙, 吸收了白汁的精華, 味道夠香濃, 很美味! 紳士先生, 即是蛋卷包著午餐肉, 食材普通, 但效果又挺夾, 甜中帶丁點鹹, 有創意的配搭. 紅葉花卷, 賣相挺美的, 試一口, 蟹肉配上沙律醬, 味道不俗. 芒果艾菲, 即是芒果汁, 沒有過甜, 還可以吧. 沙冷希肉, 還以為是什麼, 原來是豬手肉, 哈哈, 味道跟中式的煮法沒有分別. 水冷麵, 這個挺特別的. 麵條

School Food, 在我入大學freshman之年,就有人流我食, 但我以為school food就是canteen,沒有必要專登去校外食。原來不是這樣的. 在韓國很平的快餐店,來了香港就不會是學生飯堂價, 甚是高級.點了客紳士先生, 名字很有風度,缺乏內涵, 因為不過是蛋包著餐肉和飯,換句話說, 餐蛋飯.芝士餃子拉麵, 其實是公仔麵,比傷心酸辣粉還要傷心...menu很華麗, 令人ff很多,但是都是普通的食材,我覺得不值得付上那麼高的價錢.學懂了, 要包裝成紳士先生,名字的重要性.

不知不覺寫了第三篇韓國菜的食評！寫了兩間小店，這次輪到人氣School Food！特地選了下午茶時段來，避開人潮，等了十五分鐘便能入座，限時75分鐘，對我們對說完全不是問題，哈哈。韓國菜中我最最最喜歡的是紫菜飯卷！第一時間點了主打的校園花卷$75。即是牛肉＋芝士＋蛋＋紫菜飯卷，全部都是我喜歡的！跟其他餐廳不同，這客飯卷最外層不是紫菜而是一層薄薄的蛋，賣相甚佳；中心是很香的牛肉，配上芝士口感十足，非常好吃！ 如果不是有朋友在，真想全部飯卷都試一遍！第二道菜水冷麵 $72，是朋友點的，本身是飯桶的我對這興趣不大，但出乎意料地好吃！這個麵不止是冷，而且是冰的！湯底真的有冰，配青瓜絲和蛋，夏天吃剛剛好。麵條異常彈牙，不自覺地吃完一條又一條。餐牌說是辣的，但嗜辣的我覺得還好。接著吃廚師卡邦尼年糕 $68。它跟卡邦尼年糕的分別，就是辣與不辣。醬汁很香濃，芝士和奶香十足，但問題是完全不辣，廚師在哪呢！？有點懷疑是侍應下錯單了。最後一道是炸物拼盤 $88，有薯條、炸年糕、炸雞肉丸。不是粗薯條，有點失望；雞肉丸吃起來有點像粟米餅？炸年糕有點乾和硬，沾卡邦尼年糕的醬汁來吃剛剛好。我最喜歡還是它的飯卷，下次

今次嚟到School food搵食！睇戲前諗唔到食咩～School food喺戲院隔離～完全係有利位置～醬菜牛油鐵鍋飯 （$82）蛋夠滑～因為用鐡鍋嘅關係～上枱時都幾香可惜成個飯冇咩味道～亦冇咩餸想問店員要一點韓式醬撈飯…店員竟然話冇…呢度唔係韓國餐廳來的嗎⋯⋯石鍋梳乎蛋 （$58）以前喺日本都食過～應該一上枱好高然後慢慢變返扁～好似梳乎厘咁嘅～但呢度一上枱已經係扁扁的～有點失望⋯⋯至於個蛋～尚算滑溜～不過蛋味不足內𥚃亦太水⋯應該係梳乎唔起嘅主因配料只有少少菇類～烏卒卒（$75）墨魚跟墨汁組成嘅韓式壽司～口質煙韌！食落去有少少甜味～但墨汁又唔會太腥～墨魚亦爽口彈牙～算係成晚最吸引的School food感覺只有韓式壽司較為出色～烏卒卒以外暫時冇其他值得推薦嘅食物呢⋯⋯

尋晚約咗朋友們去銅鑼灣食晚飯，因為唔知食咩好，所以就去咗時代廣場上面嘅食通天搵嘢食。11樓間韓國菜好多人，於是我地上咗13樓，友人提議不如食school food。其實都幾多人，我地等位大約都等咗半個鐘入到餐廳入面環境ok，座位唔算闊落但係都未至於會比人行過撞到。我地叫咗沙冷希肉、烏卒卒壽司卷、水冷麵、卡邦尼年糕、梳乎厘焗蛋同一榨菠蘿特飲。沙冷希肉有d似上海嘢嘅肴肉，（大塊切片版本）都ok但係最好食係下面嘅沙律！菜夠甜，沙律醬汁較得好好！烏卒卒係魷魚壽司卷，壽司飯用墨魚汁處理過，都幾特別！梳乎里焗蛋熱辣辣，口感比甜品果隻梳乎厘好，有d似實心水蛋幾得意味道都ok！水冷麵同平時食開嘅有少少唔同，呢間係撈埋辣醬落兜麵到，雖然都好食但係我比較鍾意有得自己較味嘅水冷麵。卡邦尼年糕個汁非常濃味，亦偏向芝味重，年糕煮到剛剛好，好食不過好滯同埋唔似韓國嘢！菠蘿特飲味道都ok，個樣好靚但係飲唔出係菠蘿......食飽傾唔到一陣就要交枱，呢到限時75分鐘，如果食飯+吹水嘅朋友就要留意返喇。

     乌卒卒（HKD$68）：墨鱼饭卷，用墨鱼汁染成黑色的饭，再裹上墨鱼，用紫菜扎得很严实，一口一个。    厨师卡邦尼年糕（HKD$68）：以前吃的年糕，无非都是什么泡菜炒年糕，韩式辣酱年糕.把年糕做成意粉的方式，我还是第一次接触，觉得蛮新鲜的。年糕与烟肉、蘑菇、粉丝一起被厚厚的酱汁包围着。年糕本身的韧度刚好，卡邦尼酱汁很浓香，可又不会腻，烟肉蘑菇起了锦上添花的作用，再加上底下的粉丝又吸入了酱汁的精华，吃起来非常入味。   脆鸡伴大葱沙律（HKD$78):比较大件，外皮较为厚，咬开来里面的肉也挺大块，吃起来带点肉汁。   韩式冷面（HKD$70）：旁边还放着一堆冰keep住温度，吃起来冰凉冰凉的。其实这冷面挺简单的，就面条、芽菜、鸡蛋与韩式辣酱，但吃上第一口，我就爱上了.面条挺弹牙，整体的味道就是酸中带辣，辣味占主导，越吃越辣，越吃越畅快，根本停不下来。

西式韓國菜我都係食呢間餐廳先接觸到，開左好耐先去試，點知一試便愛上:3carbonara年糕真係好好好好食，又重罪惡感.....d sauce每次食都要lam晒先可以罷休

今次係我第二次食SCHOOL FOOD今次想試D新野,所以嗌左香濃湯拉麵,紳士先生,半溶芝士炒年糕先講香濃湯拉麵,一黎到冇乜材料可言,望落同自己屋企自己煮既辛辣麵係一樣味份量唔算多 只係個碗大D!!!所以話係完全唔抵食!!紳士先生係好味既,外面係蛋包住壽司個口感不錯,食落亦都飽肚一份2個人SHARE岩岩好到呢個半溶芝士炒年糕落單既時個店員已經講話呢個係超級辣黎到果然係超級辣我地都算食得辣既都頂唔順加上食年糕其實好飽肚 所以我地都食唔哂!!!總結:唔好嗌拉麵食!!

School Food 已經幫襯過無數次喇😄佢算係我其中一間中諗食既韓式fushion菜之一。價錢唔貴而且又好食！韓味炸雞伴大蔥沙律 $88 🐓雞件份量適中，而且唔會過份大舊可以一啖一舊。炸雞好熱辣辣外層有點脆身內裡肉質仲keep到嫩身既口感，+埋蔥絲一齊食更加香。好味😊烏卒卒 $75 🍣每次必叫既烏卒卒😈雖然佢黑蚊蚊好樣衰但用既係墨魚汁，而且中間既涵料係魷魚，食落淡淡墨魚香，完全唔似平時食開既壽司，好食！廚師卡邦尼年糕 $68 🍲以韓式既年糕用卡邦尼汁煮製，內裡仲有煙肉同粉絲。年糕好煙un有咬口，卡邦尼汁好香濃creamy，忌廉比較好重而且比較傑身，Lo 埋落d粉絲一齊食真係好夾！😍👍🏻香料炸雞沙律 $65 🐓☘食完個炸雞有d唔夠喉所以encore 叫左呢款，原來呢款非炸雞粒而係炸雞條，香料落得好似比較濃冇左原有整身既雞味，不過相對冇前食咁熱氣。