School Food (Closed)

好難食的一間店，差到令我第一次黎openrice寫comment.熱鍋飯係冰冷的。。。炸雞係淋的。。。壽司完全冇味！！最攞命係成間店冇辣椒醬，冇鹽，乜L都冇！！差D想講粗口！ 我寧願食M記好過

午餐突然想吃辣呀！火焰卡邦尼年糕係我的選擇年糕入口滑而煙刄，本身沒什麼味道，卡邦尼酱加了辣味，勁入味，舌頭辣住會埋佢年糕份量不多，自覺已夠吃，都幾溜食完好飽，到晚餐都滯住

平時少食 太多人排 果日早收上到去竟然未排 walk-in 即入於是就試下新野啦 包括:1. 红葉花卷 - 有啖啖蟹肉 正呀我至愛2. 八爪魚拌飯 - 稍嫌唔夠多八爪魚肉 但味道幾清爽 仲有nachos片可以一飯兩食3. 流心芝士牛肉waffle - 我还可以 可能我唔太好芝士 但同桌朋友基本上掃唒 一道几特色既菜

次次去timesquare睇戲諗唔到食咩就會食呢間（只是習慣。。）。今晚亦唔例外，但好似多左d新款式：。👄紅菜花卷 $78+10%👉🏻入面有d 蟹肉絲同d青瓜絲。味道好淡，只係得個賣相比人影下相。。。👄八瓜魚飯 $88+10%👉🏻嚟到以為係沙律。一半係蔬果，中間係薯片（熱氣），其餘係炒過同有調味既珍珠飯。d飯辣辣地，有魷魚粒同黑芝麻。其實我覺得個組合好9唔搭8，小妹唔識欣賞。。👄Cheese Waffle w/Egg $72+10%👉🏻🙄由頂部開始係蛋，芝士，炒香左既洋蔥同豬肉，底部係窩夫。又係一個小妹覺得9唔搭8既配搭。食落又咸又甜甘。。。人地既fusion係妹食，佢既fusion係古怪又唔妹食。我諗我下次睇戲前都係去第二度覓食了。。

叫炸雞變成炸雞絲沙律，勉強要了，味道差，像炸煲過湯的湯料，又冇味又硬，食到一肚氣。個仕應仲一直眼啤啤。店員落錯単，屈客人要，態度差，仲要難吃，不會再來。有小孩，已清楚再三提醒走辣，結果叫了媽咪沙律、上面舖滿辣粉，照樣冇走辣，又乾又難吃。怪不得由最初人潮，現在已冇人排。食物差，服務真的嚇人

之前見佢熱潮過了一點, 就跟朋友一行6人去了吃晚飯, 等了差不多20mins.但原來入座起計得90mins用餐時間.問題來了, 由下單到上菜都用了差不多半小時!之後食物都未上齊侍應就來跟我們說差不多要交檯......但當時也不是有很多人在等候喔......成晚就在非常趕急的情況下吃完, 是有點無奈的......anyway, 食物味道其實尚可, 但未有驚喜!點了數款熱門菜式 (有些未有列出):烏卒卒 - 墨魚汁味都幾出, 招牌菜式必試!卡邦尼年糕 - 好CREAMY, 有芝味, 年糕偏硬左少少泡菜炒飯 - 非常普遍, 不夠乾身炸蝦卷 - OK, 炸蝦味道不錯, 熱度尚夠, 不會放涼令其軟身炸物拼盤 - 好熱氣!! (正常的吧XD) 炸物的材料很普通棉花糖草莓艾菲 - 甜到漏, 連我這個愛甜之人都受不了喔........陪隊刨冰 - 人多點有著數, 可以每人都嚐人點, 這個我反而是最欣賞的!! 多生果+冰凍涼粉+雪糕, 在夏天吃非常滿足!! 但價錢是有一點貴喔~總結: 食物一般, 只有一兩道比較好, 服務態度也說不上好, 店舖環境快餐FEEL...呢個價位可以選更好, 我好想知人氣是怎來

之前係韓國已經試過school food，但係香港就未試過韓式牛肉巻，牛肉有d乾，不過牛肉味濃，配合埋蛋卷包住紫菜同牛肉，味道好夾甜心鳳梨艾菲: 1瓶$98， 可以倒出嚟有3杯。顏色好美，味道只有少少酸多多甜，鳯梨味唔重 咖喱炸雞拉麵，咖哩味好濃帶點辣，炸雞好脆。我比較喜歡韓國的公仔麵，煙煙韌韌，冇咁易淋

今日經過開銅鑼灣，lunch突然想食韓國菜，二話不說行去times square school food上兩個月泥食既時候都未有lunch set, 今次泥就有了。價錢大眾化好抵食！午餐包括小食，主菜，飲品和甜品，最平個set系$68。小食揀了韓式炸餃子，皮炸得香脆，肉味重。飲品規定系果茶，果茶有d橙味，淡淡地幾好飲散叫左個新既oppa卷，煙肉煎得乾身，加埋泡菜同奄蘿白，辣辣夠曬好開胃平時最喜歡吃年糕，但最近要介辣不能吃韓式年糕，唯有轉下口味食卡邦尼年糕。芝士白汁非常濃郁，年糕下面有小小麵，吃了幾口年糕已覺飽肚。最後是甜品荔枝啫哩。食到飽飽地有d甜野食下唔錯

想來School Food食嘢好耐架啦，每一次都排隊排到癡肺，今日趁早差唔多六點零鐘仲未洗排隊就嚟攞飛，終於都可以入到去啦，我哋三個人叫咗三碟餸，好期待究竟佢有幾好食，我哋叫咗個烏卒卒手卷、一 個炸雞同一個辣年糕拉麵，個烏卒卒手卷裏面係包住個魷魚細細粒都幾好味，個辣年糕拉麵個湯底真的有辣， 但係又可以食年糕又可以食拉麵係一舉兩得既不錯選擇，而個炸雞沙律一口一啖，味道都好清新，辣辣地都幾開胃，整體而言，感覺良好，唔怪得平時咁多人排隊，值得再試下其他野！

今天是歡送同事的大日子，我們早早就出發到 school food攞位。到達接待處才發現原來有 75 分鐘還檯的限制，由於不同部門的午飯時間不盡相同，我們只好等待第二批同事也抵達才進入餐廳。這裡是開放式的設計，在入口外便能看見正在進食的一檯檯客人。但當服務員帶領我們走到內進，便發現原來別有洞天。在 bar檯後面還有不小空間，兩邊擺放著一排排的桌椅，即使我們有十幾人，也只是佔了一邊的位置。我們叫了很多東西，比較有印象的是 - 八爪魚飯：八爪魚份量不算多，飯也只有小半碟，有幾塊脆片在其中很有趣，飯粒圓圓的，味道不錯。半溶芝士炒年糕：年糕很入味，嗜辣的應該會喜歡。芝士夠香夠濃，給辣味帶來一些點綴，可說是畫龍點精之舉。香濃湯拉麵：除了麵條有彈性及有少少辣味之外，沒甚麼印象。烏卒卒：黑黑的墨魚小卷，吃完立即牙齒變黑，墨魚味道不夠凸出，普普通通。紅葉花卷：香味濃郁，食落有陣陣清新的感覺。香料炸雞沙律：炸雞夠脆夠熱，內裡雞肉也不會太乾，味道可以。那些伴碟的沙律我卻很喜歡，清清爽爽的，可消除熱氣。明洞炸物拼盤：薯條細細條的，頗為香口。年糕則比較乾及硬，不是我杯茶。韓味炸雞塊：細細的一盤，雞塊不算大，脆口

因為趕時間睇戲，甘岩見到尼間冇咩人等位所以諗住入去試下啦！叫左一個墨魚汁的壽司卷，以為78蚊應該好大舊啦 點知一來到原來系袖珍版的飯糰，味道仲好一般。跟住又order左一份炸物拼盤，內容系咩呢？同大家介紹下：兩條菜、幾條薯條、幾塊炸年糕、幾個袖珍雞肉丸，盛惠80。間野總的評價：貴、味道一般、分量少，超級唔抵食！

今次係第一次食school food, 朋友推介話好食，所以我都有d期待menu選擇好多好吸引烏卒卒 墨魚 ＄75黑色既紫菜配上佈滿墨汁既壽司飯賣相幾特別側邊既沙津醬被點綴成花，幾有心思飯粒滲滿墨汁，但係一小舊食完嘴唇唔會黑墨魚醃得入味，鮮味突出，而且帶點甜味不過唔夠爽口韓式薄燒豬頸肉鐵鍋炒飯 $88有紫菜, 雞蛋, 芝士, 醬汁同炒飯撈勻之後就可以食飯醬汁豐富，飯粒完全吸收左醬汁的精華可惜豬頸肉比較少 略有點硬軟芝士泡菜鐵鍋飯 ＄88呢個飯係有少少辣，但唔會辣到入唔到口熱溶芝士配上辣泡菜汁、蛋汁同飯，非常惹味太陽蛋煎得幾靚，攪拌飯粒，蛋香濃郁煙肉碎同洋蔥添加口感雖然個飯有少少油，但唔太鹹廚師卡邦尼年糕 $68卡邦尼汁十分濃稠但略有點鹹忌廉芝士味道突出加上洋蔥絲、紅辣椒絲、煙肉、白蘑菇令菜式更香口年糕幾煙韌，吸收左卡邦尼汁既味道不過年糕凍左會變硬，所以要趁熱食香料炸雞沙律 ＄65炸雞一條條，有d蝦既感覺炸粉唔厚但係好香脆生菜幾新鮮，不過沙律醬味道太淡如果有辣醬加埋一齊食就會更惹味香芒艾菲 $98食完辣野飲呢個非常解渴一大杯岩哂幾個friend一齊share芒果香甜濃郁如果夏天飲重正

期待已久的school food同朋友睇完戲去食school food 做晚餐平日都需要等半個鐘左右兩個人叫左3樣野軟芝士泡菜鐵鍋飯 紅葉花卷同墨魚卷 最後係炸雞先講炸雞未上枱已經聞到陣香味食落都幾夠味加上旁邊的伴菜感覺唔會太油膩建議大家快啲食晒啲炸雞因為旁邊d伴菜時間耐左會出水影響炸雞味道而卷物賣相一流味道都幾特別，好少有地方有得食翻到紅菜頭的味道！最後嘅鐵鍋飯都幾香不過無咩驚喜同一般市面差唔多而且性價比一般，份量較少。配上K-pop一邊食一邊聽 岩哂中意韓星既你地！兩個人食 好多機會食唔曬，最後埋單250左右，價錢適中

Went here for lunch and saw this new sandwich which made it hard to decide what to eat because I was contemplating between maris and this new sandwich.In the end I got the sandwich.I just assumed it was going to be spam and poached egg as shown on the picture but there was coleslaw as well which paired quite nicely with the spam. It was decent coleslaw that was not cloyingly sweet and it was light with a nice crunch.

今日睇完戲出黎，都差唔多晚飯時候，見schoolfood 有位決定ｏ係入面食晚餐。我地叫左卡邦尼年糕，紅菜頭紫蘇蟹肉卷同芝士餃子拉麵。卡邦尼年糕幾creamy，d 年糕有D 韌得濟，咬到好累。芝士餃子拉麵，個味同辛辣麵一樣咁濟，幾辣下同幾多芝士，D 麵生熟度OK，餃子唔好味，個餡有D 酸味。紅菜頭紫蘇蟹肉卷就幾好味，好開胃，酸酸地，都幾多蟹肉。整體OK既，不過叫芝士拉麵好似唔係好抵，太似辛辣麵。