海鮮島海鮮酒家

Open Now

Now Closed

細個就興去三聖村，愈大愈貴又俾人抽水咁，就轉番去食西貢小店。可惜食開嘅都執埋喇。幸好搵到海鮮島，一條龍反而高透明度，係曬你面前揀又有曬價錢。真係介紹新鮮時令之選，套餐夠選擇又抵食，萬一真係無貨都絕對會換番相應價錢嘅美食。疫情間大減出街食好野機會，難得黎到，叫番個屈機象拔蚌先！超大條，刀工好好，分開三個唔同部位，我自己就鐘意食爽身位，軟身位就會滑身d。更驚喜係兩味嘅另一款用咗嚟煲粥，非常足料又清甜，可能爐火夠加，粥做到超綿身。下次可唔可以只叫粥食呀？哈哈！很想要呀！再黎大大隻聖子，真係好新鮮所以真心唔需要太多調味，滿滿蒜蓉大量粉絲，聖子又白淨又彈牙。豪開就叫埋龍躉兩味，清濃兩味。配西芹就大大啖無骨肉；芡汁白菜底，有骨位置勁入味，魚雲魚旗一樣有肉，絕對食得飽。招牌瑤柱帝皇雞係海鮮以外我大推嘅，用藥材、瑤柱同蝦米等等材料猛火浸熟。平時唔食雞皮嘅我都忍唔住，連雞皮都浸到入曬味，軟身又保留到應有口感。雞肉就滑身，仲可以一絲絲撕出嚟食。選雞都揀d做開運動嘅，係咪配合奧運？下次繼續食…好彩海鮮係低脂高蛋白，唔怕食得多d！

前排天氣好好果陣去左行釣魚翁加布袋澳食海鮮！呢到海鮮真係唔錯，又無西貢果啲海鮮餐廳咁商業化。呢到得2間海鮮餐廳，我就鍾意呢間海鮮島啦。$208 花雕蛋白蒸蜆，蛋十分滑，蜆大大粒，入口有花雕味👍🏻$168 魚翁蜆皇湯，呢個係胡椒味既湯，有十零粒大蜆，豆腐同粉絲，但食落一般，無乜特別。$38隻，粉絲蒸扇貝，心叫！大大隻扇貝食落啖啖肉！👍🏻$38隻，豉椒炒蟶子，都係必叫！大大條蟶子！👍🏻$88 咸魚雞粒炒飯，個飯炒得粒粒分明，唔錯！呢餐埋單$700,我地2個人食到超飽，1人$350都係合理價錢。但其實份量係可以3個人食既。

2021年5月26日 晴今日收工約左同事一齊食晚飯, 一直唔知去邊食, 我地幾個坐住同事A部車俾人賣豬仔咁, 完全唔知帶我地去邊。入到去布袋澳原來有兩間餐廳, 我地今次去海鮮島。 佢有兩層, 地下冇冷氣但可以坐係海邊, 上層有冷氣但佢關曬簾咩都睇唔到。一去到我地就揀左上層, 因為天氣太熱la。叫左個4人餐 $1580, 再加左幾樣小菜炒飯咁, 埋單好像都要2千6咁上下, 都幾貴下。不過食得出d 海鮮幾新鮮ge, 但就冇話特別好好食會wow 一聲咁。白灼蝦, 我最中意。簡單但食得出佢係好新鮮ge 蝦, 好食☺️芝士龍蝦伊面, 正常, 個汁都幾好食。豉椒炒蜆, d 肉都飽滿, 但有少少辣, 怕辣人士可能覺得會辣。椒鹽鮮魷, 粉漿唔厚, 魷魚肉質幾彈牙, 佢切到細細舊咁方便放入口都唔錯， 但佢就唔算厚肉， 唔係大魷魚☺️蒸魚, 我都唔記得係咩魚, 正常la, 都幾好。蒸飽魚, 呢個鮑魚夠大隻, 同淋得黎又夠咬口, 好食啊☺️ 佢有果皮開頭心諗會唔會好重味 (因為我唔食果皮） 但食落又冇, 呢個推介😚郊外油菜, 正常一碟菜。紫菜蟹籽炒飯, 呢個有驚喜幾特別。本身想叫海膽炒飯但冇曬, 叫左呢個試下,

3月去釣魚翁行山，就順道去布袋澳食海鮮，見這家食評話唔錯所以揀咗呢間。點了一隻瀬尿蝦8兩$240，4隻大蝦15兩$330，兩隻扇貝，炒飯和生菜。好快瀬尿蝦來了，雖然仲熱但感覺不像剛剛煮好，而是像預先煮定的。跟住蒜蓉開邊蒸大蝦來了，數一數得3隻，已經覺得好奇怪，同年輕伙記講，佢叫了另一個年長的男人來，估計是老闆，我哋同佢講少了一隻蝦，佢冇乜反應，我又唔想等佢蒸番一隻俾我，於是提議扣翻一隻錢，佢同意左。處理完呢壇嘢開始食蝦，D肉梅嘅，又冇鮮味，我在超市買的急凍海蝦好味過佢，又向剛才那位年長男士投訴，佢話扎扎跳新鮮蝦點會唔鮮味，我心諗我都好想知點解囉！跟住來的扇貝、生菜都正常，個楊州炒飯D蝦反而有D鮮味。其實食之前已經知道這裏不算抵食，但既然黎開附近就試吓，想唔到就中伏了！

某個假日，我哋一行六人去遊西貢，但聽講西貢市區入面嘅海鮮店都會俾人湯😂所以我哋選擇咗去布袋澳食海鮮。首先去到泊車嘅地方都係在山中，要由staff安排你泊車。然後再搵再為揀海鮮。一入過餐廳就有一個非常大嘅魚排，大家可以喺個魚排度隨便揀自己想食嘅海鮮，再加埋手工費。食物方面，非常鮮甜，就算唔係海鮮，炒菜都好有鑊氣，而且有位婆婆會兜售甜品，甜品都非常好食，極之推介。食完後我哋仲可以出碼頭行兩圈，布袋澳真係一個唔錯嘅地方😃

疫情發生後一直沒有機會食海鮮，趁著疫情回落，假期往布袋澳一遊。海鮮島曾經來過，一直念念不忘。今次四人聚餐，每樣海鮮少少，依然享受。布袋澳望出海景開揚，釣魚人和幾條遊艇勾畫出一片悠閒時光。鳳爪及海中蝦作為開胃菜，鳳爪是依然的美味，必不能少，上台清碟，來不及影相😄送的峴湯，味道相當好。扇貝不大不小，蒜蓉蒸是絕配。瀨尿蝦夠鍋氣，肉質鮮美，惹味。蒸魚，跟著叫了炒飯。幾碗飯落肚非常飽足。除了海鮮鮮甜美味，極力推薦雞腳及炒飯。👍

星期六相約去釣魚翁行山，雖然行山是一個重點，但是終點的布袋澳海鮮餐也是我們的亮點。好不容易終於完成整個行程，行至布袋澳，我們選了海鮮島這間在布袋澳比較出名的餐廳。餐廳出面有很多不同種類的海鮮，龍蝦、大蜆、蟶子等，還有一隻隻肥美巨型的墨魚。因為是假日，很多行完山的人都來這裏吃晚飯，餐廳提供套餐，但是我們喜歡散點！一行八人，我們也點了頗多的食物。首先是炒菜，豆豉鯪魚炒油麥菜、炒菜心，都是比較普通的菜色。招牌的漁翁蜆湯大大兜，入面的大蜆都夠肥美，湯清甜帶奶白色的，有淡淡胡椒味，飲完都幾暖身。砂礓雞腳比較失望，因為一點也不爽口！咕嚕肉也是不過不失。帝王雞我們點了一隻，雖然不鞋口，但也沒有很嫩滑。椒鹽鮮魷份量不多，而且魷魚切到一絲絲，食落一點口感也沒有！海鮮方面點了蒜蓉粉絲蒸扇貝和椒鹽賴尿蝦。扇貝上的蒜蓉很多，味道也不錯，扇貝也新鮮。成餐飯最貴的椒鹽賴尿蝦，有五隻，想點多啲都冇，因為已經賣晒。賴尿蝦好新鮮，不過展開一忽忽，進食有點唔爽快，但係椒鹽做得幾好，好惹味！全餐飯最驚喜的是紫菜蟹黃飯，因為飯炒得粒粒分明，乾身！加入了粒粒孩子，食落卜卜脆有口感。整體質素也不俗，可能行完咁耐山，食落去味道特別

自從食過之後，每次想食海鮮都會諗起呢度。雖然地點上無市區咁方便，但同時換到個好環境食飯。鐘意係海邊浪浪地，但係內灣又唔會吹到頭都痛埋，亦唔會有太重嘅海水味影響味覺。食極唔厭除左好味，仲因為有唔同配搭，刺身都可以每次換一款食。墨魚係好抵食，仲要有得兩食。刺身鮮味，椒鹽香口，完全係兩種感覺。今次我地就豐富喇，大蜆湯不嬲必叫，真係好鮮蜆又大粒，有時唔想食咁重味，唔炒煮都一樣咁正，仲更食到本身鮮甜味！龍蝦肉勁豐厚啖啖肉，醬汁上唔會過濃出番海鮮原味﹐伊麵底亦唔會太heavy。 蝦黎講size都係平均咁大，身質爽口。鮑魚用左陳皮蒸好入味，再襯番清神生蔥粒平衡味道，火喉都岩岩好，剛離殼仍然Juicy。瀨尿蝦黎講平時係街都唔太捨得叫，一黎唔平，二黎質素成日都好參次。但根據上兩次美味經驗，有足夠信心去試，最後都無令我地失望！好味！一般黎講，海鮮島調味都唔重，主食番原味鮮味。但黎到薑蔥炒蟹，香氣鑊氣一向係呢味餸嘅重點。大廚做到呢點而食完亦唔會令人好口乾，拎到個平衡。魚肉蒸完魚身好飽滿，時間掌握得岩岩好，好滑身，無泥味都係重點之一！最後，必須食我最愛嘅小食－係沙薑雞腳，真係好鐘意食個隻味，用汁煮嘅時間好夠，

紅瓜子$400 ，成條魚都係油😔🥺🥲食得好唔開心，個豆腐湯怪怪地蘑菇味好重，最好食就係墨魚刺身，冰鎮清涼爽口，海蝦都好食，蒜蓉粉絲蒸扇貝都整得好味，不過淡咗啲

作為遊客其實預左俾人劏😂不過睇睇佢地餐牌其實價錢算合理 我地叫左鮮魷兩味兩隻扇貝一條魚兩碗白飯兩個人 $650 還好 魷魚刺身一入口就知新鮮 可以一個人食哂一碟就好😂😂😂🙄椒鹽鮮魷非常爽彈 新鮮就是無敵 我們自選了這條魚十分鐘前她還在游水😅最後仲有兩隻比碗更大的扇貝😂😂😂還有無敵大海景唯廁所實在太污糟大家要有心理準備😂

早幾日咁耐冇見的朋友請食飯，約咗布袋澳，布袋澳我都好耐冇黎，雖然有點遠，但朋友相聚都要去一次，以前泊車超多人， 找個Parking都難，可能疫情關係，冇乜人今次泊車超方便。 入到去朋友已經叫了海鮮，今日海鮮有.....墨魚刺身，椒鹽賴尿蝦，蒸海斑，豉油王大蝦，海鮮湯,白灼蝦，象拔蚌刺身，奄仔蟹及蝴蝶蚌。.....象拔蚌刺身超甜，賴尿蝦有高羔，白灼蝦彈牙，唔知係咪人少了，比我以前來食有進步，唯一係嗰個海斑一般。少少呃，價錢亦都唔係好優惠。所以真的要小心選擇叫什麼海鮮

上星期同屋企人去完離島玩左一日，順便去西貢食下海鮮😍😍渣車入去布代澳海鮮嚟嚟去去都係食果d野，係人都知最緊要新鮮，抵食，呢排仲要加埋唔好咁多人😂😂呢到就滿足到三個願望，我地叫左8個餸，有瀨尿蝦，薑蔥蟹，墨魚刺生，大大隻勝子皇等等。。魚係西貢船家到買既，酒家收左我地$40（老闆話是但收啦😁）分兩枱6人食份量都係埋單18xx，味道仲炒得好好，海鮮又新鮮，放假會再嚟食野😍😍❤️❤️

今晚同一大班同事出黎食海鮮。 同事專登揸車入去布袋澳食海鮮。 今晚有口福啦！由於現時是休魚期 餐廳內的魚缸都不是很多種類 而且數量也不多。我們有一些失望但我們仍然叫了一個12人的套餐另加小食，希望好食啦我們的套餐有白灼蝦、蒜蓉蒸扇貝、清蒸鮑魚、三味魚腩、龍躉、龍蝦伊面、花雕酒蒸蟹、椒鹽賴尿蝦、清蒸聖子及辣酒煮螺， 最後仲有一個蛋白炒飯。白灼蝦： 不過不失清蒸鮑魚： 好大隻 味道都幾好蒜蓉蒸扇貝： 帶子幾甜 龍蝦伊面： 龍蝦都大隻 幾好肉 配埋伊面椒鹽賴尿蝦： 炸得好脆 好正清蒸聖子： 十分好食 超甜 而且聖子好大隻三味魚腩： 魚腩肥美 吃落係有魚膠的感覺花雕酒蒸蟹： 是今晚最好食的一碟❤️ 個個都搶花雕酒蒸蛋黎袋 整體來說, 海鮮質素唔錯， 我地食得開心。下次等秋天再入黎食黃油蟹

趁假日揸車入布袋澳食海鮮十一點去到冇乜人，直接揀咗個海景位嚟坐因為得兩個人唔係食得好多嘢，所以淨係嗌咗兩隻象拔蚌, 兩隻貴妃蚌, 一碟炒飯, 一大碗海鮮湯碗湯都好多蜆， 而且都幾好味，但係感覺到味精比較重 啲海鮮大大隻， 就咁蒜蓉粉絲蒸都已經好夠，係新鮮既而碟炒飯一般般勝在夠大碟， 原來蟹皇炒飯即係蟹子炒飯， 感覺冇咩特別我覺得如果純粹因為想食海鮮嘅話， 唔使專登入布袋澳食因為交通都比較唔方便，入面又冇咩嘢行海鮮又唔係特別好食或者平

服務態度非常差，由揀海鮮的阿哥到待應態度，都非常差劣。全間酒樓只有我們兩張枱，全餐飯，一隻碟都冇換過，一壺茶都冇換過。因疫情關係。我們七人要分開兩張枱，請酒樓將菜分開買碟，待應只是一句廚房唔記得咗分兩碟，照一碟攞比我吔自己分，未到九點，全餐廳伙記，盯住我吔。意思叫我吔快d走，唔好阻住佢吔收工的態度，對待客人。我吔一心老遠去到布袋澳食海鮮，竟換來一套火，真是十分失望。今日時今日咁樣服務態度，我相信唔會有人再想去幫襯