Season Oyster & Wine Bar (Closed)

-🔸烤焗海鮮拼盤 $298🔸美國中碼生蠔 $50/6隻🔸易飲果甜南非白酒 $198🔸美國特級安格斯肉眼 $248-琴晚食咗間超抵食嘅西餐，只要叫一支紅酒或白酒，就可以用換購價$50食到半打美國嘅中碼生蠔，每隻都半隻手掌咁大隻好肥美，配埋白酒一齊品嘗更鮮甜呢！然後飲白酒當然要配海鮮，依個海鮮拼盤價錢親民，有齊芝士焗龍蝦、牛油蒜蓉焗虎蝦、芝士焗扇貝、蒜蓉翡翠螺、同芝士黑松露焗大啡菇，絕不欺場呢！食到我lam lam脷😋最後食埋安格斯肉眼扒，非常大塊，而且叫五成熟真係恰到好處，切開半熟嘅顏色令人賞心悅目。牛扒油脂平衡，食落肉質嫩滑，而且成功鎖住濃郁嘅肉汁，功架十足！伴菜仲有沙律菜同香脆薯角，非常滿足！

今日嚟咗銅鑼灣一間食海鮮幾出名嘅餐廳。前菜我叫咗個煙三文魚沙律🥗食完覺得都幾開胃。佢啲沙律菜有勁多啊！之後我哋叫咗個海鮮拼盤，呢個拼盤非常豐富，有好多唔同嘅海鮮，有芝士焗龍蝦🦞、芝士焗扇貝、翡翠螺、牛油蒜蓉焗虎蝦、大茄菇，豐富到不得了！你哋睇吓隻龍蝦有幾多膏！啲海鮮都唔錯呀！種類多👍海鮮盛宴點少得叫呢一個白酒煮馬尼拉蜆，蜆肉肥美，廚師用白酒🍶去煮，可以帶出蜆肉嘅鮮味☺️☺️本身想飲酒，但因為聽日要返工，所以最後淨係叫咗杯可樂飲。如果叫白酒或者紅酒嘅話，可以用優惠價去叫其他小食，例如蠔可以$50有6隻等。

今日同朋友嚟到一間有靚生蠔食嘅餐廳，我見每一枱客都有叫生蠔，於是我同朋友就揀左美國中碼生蠔 🦪 $18/1隻估唔到呢個價錢嘅生蠔都咁好食，海水味好出，味道鮮甜，非常唔錯！南非生蠔number 1 $39/1隻 啲南非生蠔就勁大隻，好厚肉，肥美，食落肉質都鮮嫩😝呢度仲有精選生蠔，$50一打，或者中碼生蠔，$50六隻，勁抵，我覺得下次嚟要試美國安格斯肉眼$248 一上餐就叫左聲😂估唔到咁大塊，我去叫左七成熟，牛扒兩面都煎得好香，味道濃厚而且美味多汁，食落唔會韌。佢仲有好多薯角，脆卜卜好香口。加上凱撒沙律，酸酸地，解膩！骨付腸$68一共有五件，即叫即整，賣相吸引，啖啖肉，好味道❤️❤️🥰推薦蜂蜜柚子茶 凍$28 佢唔會好多冰，柚子蜜都好多，甜入心呢度啲嘢食大件夾抵食，我覺得好啱一大班人嚟食，當然都好適合兩個人情侶檔食一餐浪漫豐盛嘅生蠔大餐😘

與朋友去了銅鑼灣的信德街Season Oyster & Wine Bar，這是一間氣氛很好的海鮮西餐廳。枱凳都坐得好舒服，而且店員亦非常殷勤有禮。我們點了，精選生蠔，芝士焗波士頓龍蝦配粗薯條，烤焗海鮮拼盤，牛油香蒜蜆肉意粉，美國安格斯西冷。精選生蠔是混合了幾款品種的生蠔，味道非常鮮甜。香焗海鮮拼盤份量好足，大大碟，好適合和朋友一同分享。芝士焗波士頓龍蝦配粗薯條，薯條炸得非常香脆而且龍蝦啖啖肉，好味。美國安格斯西冷，牛扒肉味濃郁，肉汁亦多。牛油香蒜蜆肉意粉，蒜味好香，能夠帶出蜆肉的味道，意粉亦不會煮得太硬或太軟。總結：Season Oyster & Wine Bar 是間很有情調的海鮮西餐廳，是很適合情侶拍拖食晚飯，而且食物有一定質素，店員亦很親切有禮。

餐廳環境裝修好似綠洲🌴室內坐得好舒服最鍾意就喺度食生蠔 貪佢又抵又高質！先嗌左精選生蠔 $50/12隻生蠔幾大隻 厚肉肥美！絕對對得起呢個價錢有餘生蠔浸過檸檬水唔腥 同埋絕對係冇沙！飲兩杯酒嘆番隻生蠔就最正喇🥰.一定要嗌呢個烤焗海鮮拼盤 啱晒兩個人食海鮮拼盤有原隻龍蝦、燒香草大蝦、芝士焗帆立貝、香草蒜蓉花螺、芝士黑松露焗大啡菇原隻龍蝦🦞 蝦肉好厚 鋪咗滿滿嘅芝士好香！大蝦好香蒜蓉味 蝦肉好入味 一定要食！帆立貝中型size 加入芝士烤焗 淡淡都係芝士味 但唔算太流大啡菇一切開啲汁流晒出嚟 好juicy 上面鋪滿黑松露 係我嘅至愛啊！另外叫咗小食 日本一口和牛粒 和牛粒口感唔算太淋 但肉味好突出 相信係真正嘅日本和牛！而且火候一流 加咗少少炸蒜好香口！叫埋明太子雞翼 🥰明太子塞晒入雞翼肉入面淡淡都係明太子嘅味好高質😚🙌🏻

最近發現原來都有一段時間冇食過蠔，於是就訂左呢間網上評價都唔錯嘅Season Oyster and Wine Bar試下。呢度嘅蠔相當抵食，叫一枝白酒就可以用優惠價$50食到一打蠔（原價$108），物超所值😋由於價錢相對平，佢嘅蠔都係比較細隻嘅，但好在都幾新鮮，海水味較重，個人覺得都唔錯。除左蠔之外，我地仲叫左個炸雞軟骨（$68）,美國安格斯肉眼（$248）,法式焗田螺同埋火腿拼盤。餐廳食物質素整體而言都唔錯，我特別鍾意佢個炸雞軟骨，外表炸至金黃色，食落酥脆香口；牛扒亦都幾高質，我地叫左medium rare, 牛扒肉質都幾有咬口，非常juicy.

成家人都好鍾意食蠔，難得放假緊係食餐好，有朋友介紹銅鑼灣呢間蠔餐廳，有幾款不同蠔size同埋產地，叫返一兩打黎食🤤美國中碼生蠔 $108/半打呢隻美國生蠔肉質比較清甜而且飽滿，非常creamy，不過唯一有少少失色係蠔殼有少少痴住左蠔肉🙈白酒煮馬尼拉蜆 $78非常之香既一道菜，用左傳統既煮法，用白酒、洋蔥、蒜頭等，煮到蜆肉入晒味，蜆肉非常鮮甜🥰而且厚肉，冇沙同埋開哂口，好食熊本霜降西冷 $198叫左5成熟，份量都好多，配菜仲有沙律同埋炸薯角，牛肉味重但略嫌較多筋，未有入口即溶既口感，但不過薯角幾出色黑松露雜菌意大利飯 $128飯相當creamy，口感和忌廉汁的味道都唔錯，好快就清哂一碟

銅鑼灣信德街有間平民價生蠔店，有上下兩層，以木系同草皮做裝修，而上層更有多張梳化椅，同屋企人食下飯靜靜地聊天幾舒服🥰呢到主打食生蠔，只要叫一款紅白酒，就可以任選一項優惠，包括$50換1打精選生蠔或者$50換半打中碼生蠔，真係幾抵食🤣－－－－－－1. Tini Bianco $148來自意大利既白酒，好易入口，濃度唔算高，味道比較淡，有微甜味，配蠔食唔錯👍🏻2. 精選生蠔 原價$9/隻因為叫左白酒，所以可以用$50換取1打精選生蠔，原價就$9一隻，最少叫6隻，雖然價錢便宜，但蠔質素唔差，味道溫和🤤易入口，唔腥，不過咸鮮味就欠奉3. 美國特級安格斯西冷 $198叫左7成熟，但感覺偏生，外層微焦，食落多肉汁，不過筋比較多，所以幾有嚼勁，配菜薯角好好味，炸得脆口😋

銅鑼灣維多利亞公園對面有一家海鮮西餐廳，在尖沙咀有開設連鎖店，如果喜歡喝酒又喜歡生蠔的朋友Season Oyster & Wine Bar是理想而明智的選擇。叫一支紅酒或白酒+$50就可以有半打生蠔，生蠔即叫即開，大隻肥美，鮮甜爽口，回味無窮，性價比超高。日本一口和牛粒：肉質軟嫩，牛肉味濃郁。白酒煮馬尼拉蜆：蜆乾淨無沙，蜆肉飽滿，鮮甜無比。骨付腸： 肉嫩可口，夠水準。吉列大蝦酥炸鱈魚扒：蝦彈牙香口，鱈魚扒幾有魚香味，送酒一流。侍應生服務也熱情周到，給客人有賓之如歸的感覺！

銅鑼灣維園對面，信德街14號地鋪的Season Oyster & Wine Bar，交通便利，鬧中取靜，是親朋好友理想聚會場所。餐廳每月會推出不同的優惠。招牌生蠔是必點的，即叫即開生蠔，非常新鮮肥美，淡淡的咸香海水味，加上蕃茄醬和檸檬更加鮮甜美味。吉列大蝦和酥炸鱈魚扒：非常香脆，蝦彈牙，鱈魚扒夠水準，送紅酒一流。秘醬醬汁焗豬肋骨：買相十足，醬汁滲透到豬肋骨惹味有咬口，配有薯角炸的香脆可口。芝士黑松露大啡磨菇，即叫即焗，熱辣辣，菇上鋪滿芝士，菇味濃郁，口感豐富而滿足。

之前係銅鑼灣發現有間扺食西餐廳 Season Oyster and Wind Bar 主打平價高質既生蠔同海鮮作為生蠔控既我今次又再黎食過😍🦪美國中碼生蠔大隻爽口清新鮮美可口🦪精選生蠔細隻過美國中碼生蠔少少扺食之選Creamy 略帶金屬味兩款生蠔既海水味偏淡蠔味唔會太濃啱香港人口味勝在夠新鮮🥘烤焗海鮮拼盤✨芝士焗原隻龍蝦原隻龍蝦開邊鋪滿芝士龍蝦肉質結實勁多芝士又好香✨巴馬臣芝士焗扇貝扇貝非常鮮甜而且大大粒芝士多到可以拉絲✨蒜蓉翡翠螺螺肉大隻又鮮味彈牙原全唔硬調味都唔錯✨芝士黑松露焗大蘑菇爆多半溶芝士係菇面一切開蘑菇啲肉汁爆曬出黎黑松露味唔算太濃但都好食到令人興奮✨牛油蒜蓉焗虎蝦Size唔大但勝在蝦味重肉質結實又有膏記得之前係除夕夜晚食都冇加過價㗎真心扺～

今晚同朋友約咗喺銅鑼灣食晚飯，行遠咗少少去咗維園對面食西餐。係因為佢唔係喺市中心，所以個環境都幾舒服。但係佢又係銅鑼灣附近所以其實都幾方便。👍 我上網睇到餐廳做緊優惠，凡惠顧紅酒白酒都可以用$50 選購六隻生蠔。今日選購左六隻中size嘅生蠔再加兩隻南非同埋兩隻法國蠔！見到啲生蠔我就勁開心因為我真係好鍾意食生蠔！啲蠔大隻得來而且好有蠔味，本身想食多幾隻，但係隻龍蝦嚟咗都幾大隻所以就下次先食啦。今日同事用咗優惠價$99見佢咁平就試吓呢個芝士焗龍蝦加配薯條！龍蝦芝士味好重，唔會因為係$99而將貨就價。所以呢個龍蝦其實個CP值都幾高。食完個龍蝦，啱啱個意粉就上枱啦。今日叫咗個蒜蓉蜆白酒煮意大利粉。個意粉炒得好好味，而且分量十足，我兩個人食都差啲食唔晒。而且啲意粉煮到啱啱好，唔會過淋或者過硬👍最後仲叫咗個明太子釀雞翼，呢個雞翼食落辣辣地而且好香口。雞翼入面塞滿晒啲明太子，不過食落要小心啲真係超級熱。呢間西餐廳總括嚟講都唔錯，下次可以返兜。最鍾意就係佢呢度靜靜地可以同朋友吹水吹耐啲都唔會咁大壓力👍

最近同朋友係銅鑼灣發掘美食 意外發現呢間西餐廳生蠔性價比好高~~ 非常值得一試！餐廳雖然係巷仔入面 但平日夜晚黎都幾full 食生蠔緊係唔少得叫紅白酒啦 而家叫一枝紅白酒就可以用$50優惠價換購一次小食或生蠔 食生蠔好似配白酒比較match 所以我地揀左支rhanleigh chardonnay 味道有少少酸甜幾易入口我地叫左1打精選生蠔($108)同半打中碼生蠔($108) 整體黎講生蠔質素都幾好 精選生蠔較細隻海水味啖 而中碼生蠔口感較creamy 個人認為食得多有d漏 兩個人share半打就岩岩好小食黎講佢既雞軟骨炸得非常香脆 而且份量慷慨都幾抵食 反而個蒜蓉牛油焗翡翠螺味道無咩驚喜 螺肉係幾大舊 但唔夠入味 意大利巴馬火腿拼盤都幾大份 整體火腿味道偏鹹 食唔到太多至於main dish我地叫左五成熟既美國特級安格斯肉眼 肉汁四溢且嫩滑 略嫌太熟 下次可能會叫三成熟 🤭

經過銅鑼灣，見到間酒吧生蠔好抵食，又有手工啤😊🌟中碼生蠔（$18 一隻）生蠔即叫即開，好新鮮，咬落好Juicy，必點😋🌟 蜂蜜柚子手工啤（$58） 手工啤近排hit，加上又見到有唔同味道既手工啤，好吸引，所以叫左蜂蜜柚子，原來飲落同手工啤既味道都好夾👍🏻👍🏻🌟 黃金炸豆腐 （$58） 炸豆腐係小弟鍾意食既其中一個小食，炸完外脆內軟，豆腐好滑，送酒一流😋👍🏻🌟 炸爆汁廣島蠔 （$68）名符其實真係爆汁😂，廣島蠔🦪肉飽滿，鮮甜，粉漿唔厚，即叫即炸，好好食😋😋🌟 日本熊本霜降西冷（$198） 好耐無去日本，所以叫左個日本牛，煎完放耐左都無血水出，肉味香濃，彈口，無筋，大家黎到食晚餐可以試下😋😋

由於我真的很喜歡吃生蠔，所以今次相約了閨密一起去銅鑼灣比較隱蔽的一間西餐廳品嚐生蠔😍呢度有個Oyster Set，就係凡選購白/紅酒可享生蠔優惠，掙扎了一輪後都係決定叫一枝白酒再以$50換購價要了6隻中碼生蠔😌-🎈美國中碼生蠔 $50/半打以這個價錢來說真的太抵了！！每一隻生蠔都好肥美同厚肉，食落仲有淡淡的海水味😋個人喜歡加入少許檸檬汁去帶出生蠔的鮮甜味🤩而生蠔配搭上白酒完全是絕配，能令生蠔既鮮味昇華，食落更有層次感。-🎈芝士牛油焗日本元貝 $68超多芝士舖左係面啊😆散發出好濃烈既芝士香味😋而元貝食落都好新鮮彈牙！！-🎈日本熊本霜降西冷 $198霜降西冷牛扒煎得剛剛好👍🏻西冷雖然比肉眼冇咁多脂肪感，但食起來肉味濃郁🙆🏻‍♀️-🔸Season Oyster & Wine Bar📍銅鑼灣信德街14號地舖