Seasons Restaurant & Bar

Open Now

Now Closed

原來油麻地唔止食煲仔飯，食西餐都唔錯。呢間餐廳主要係食印度菜，亦都有少少意大利菜，選擇都幾多，於是我地就入去睇睇。前菜首先我地叫左忌廉煙肉寬條麵Carbonara意大利粉就食得多，寬條麵呢個組合就第一次。本人比較鐘意寬條麵，比較有咬口，煙肉份量好多，整體不錯然後我地叫左特色奶油雞印度烤雞配蕃茄奶油汁，雖然不是咖哩，但香料味道仍然食得出印度既味道，呢種味道幾新鮮芝士烤餅本身就咁食都已經好好食，芝士可以拉絲，點埋奶油雞既蕃茄汁食都好食之後店員推介我地食牛油烤餅，亦都唔錯!牛油味好香，而且熱辣辣的，脆卜卜，而芝士烤餅質感就軟身d,各有不同下次gathering可以再黎，多人d叫多d野食share,好抵食

呢間餐廳係朋友介紹嘅，話想食一啲高檔少少嘅印度菜可以嚟呢度。入到餐廳都幾有氣氛。餐廳唔算好大，入到餐廳就會見到bar枱，見在場大部份嘅客人亦都會點酒。坐低左一陣未點菜，老闆已經拎咗一盤印度常見嘅前菜 - 香料胡椒餅嚟，非常好客。除咗一般會有嘅印度咖喱之外，呢度仲可以叫pizza，意粉等西餐。於是我哋叫咗瑪格麗塔薄餅(優質水牛芝士配鮮番茄醬) ($118)，Dal Fry (拌茴香，洋蔥，大蒜，蕃茄，黃小扁豆)($98)配Garlic Naan($32)。話明係高級啲嘅印度菜，貴得嚟份量係少啲嘅😂$32都係一人得半塊naan。雖然係咁，個naan出色嘅，薄餅表面香脆內裏軟身。薄餅如果做得唔好，就會有麵粉嘅寡味。至於呢度嘅naan，既有麵包香同啖啖蒜蓉香味，最重要係食完都唔覺得自己口臭。值得一讚嘅係，賣相真係好靚，又唔油又唔膿。Dal Fry 非常真材實料，味道濃郁，食得出有扁豆蓉嘅口感。茴香味道突出，咖喱有薑味嘅點綴錦上添花。辣度對於香港人尚可接受。期間老闆見我哋唔飲酒，就主動斟左杯mint and lemon water俾我地，後來仲親自炮製左杯菠蘿味cocktail，逐枱請我哋飲酒，

而家想食啲西餐或者印度菜嘅選擇都已經唔太多而且款式都只係集中喺牛扒或者印度咖哩身上選擇真係極之有限不過呢間位於佐敦都熱門嘅地方嘅餐廳就傳譯咗另一種風味首先佢張間餐廳定位做西式溝印度菜嘅餐廳咁一入到去兩種風格嘅design都已經體驗到出嚟🐈🐈老闆服務態度可以話係一流完全同其他嘅餐廳係兩回事 餐廳嘅老闆有時仲會好好人請大家飲1 short唔夠嘅話就可以再飲多杯呢個服務認真唔係每一間餐廳都會有真係十分難得咁講番食物價錢方面都算極之公道意粉都係大約七八十蚊呢個價錢同spaghetti house都差唔多但係論味到呢一間絕對係非常優秀咁今次就食咗碟芝士汁意粉雖然個名平平無奇但係一食落去香味撲殺鼻味道都極之濃郁真真正正係真係芝士汁，，立唔係港式餐廳所謂嘅芝士汁佢呢度係用mozarella用咗之後再溝車打芝士落去所以未到一濃二嚟食落去好有口感意粉都唔會煮到好遠 依然保持彈性，一個字正

今日泥到佐敦，俾e間既外觀同氣氛吸引住，店員們既服務好友善o(*////▽////*)q，所以就選擇係e到食晚餐了。入面既氣氛好舒服，令人好放鬆，嘢食都好高質而且好特別。今次推薦e個辣肉腸pizza，d芝士實在令人瘋狂(=ﾟωﾟ)ﾉ，可以無限拉絲而且完全唔膩口，pizza焗得啱啱好，個邊都脆，而且唔難切，好易入口，辣肉腸唔太辣亦都適合唔食得辣既朋友ε-(´∀｀; )，辣肉腸同水牛芝士意外地夾同好味！(˶‾᷄ ⁻̫ ‾᷅˵)

老公突然唔駛開會二口子就出街搵食啦，聽聞佐敦有好多餐廳味道唔錯咪落去揀，落到去實在花多眼亂，去到season門口有人排隊再睇埋個餐牌就決定入去食，門口安排坐位嘅待應仲以為係印度人開嘅，等咗20分鐘到就可以入坐，入到去餐廳裝修似一般酒吧，落咗一份炸雞翼，烤魚，印度芝士簿餅，再叫咗杯每枱都有嘅芒果飲品跟一杯啤酒。食物未到之前有個餐前小食送應該係印度簿脆，杯芒果飲品到就即試，飲落去除有淡淡芒果香味滲出外就係超級 creamy唔怪得每枱都有人叫，雞翼炸到外脆內軟面仲有芝麻，芝士印度餅仲估唔到咁好，個餅底有少少咸再配個有拉絲嘅芝士個魚味就偏濃D但配落個薄餅剛剛好，未食完老公已經話下次再嚟試其他款埋單後仲送咗個甜品係 橙味 tequila

星期五晚黎到 半間餐廳都係外國食客 感覺幾chill 3個朋友先到點左野食Nachos好大碟 上面既醬料唔夠 食左大半就冇晒喇 牛油果pizza 岩岩焗好上枱好香 牛油果食落完全冇味 應該係用左未熟既牛油果 ribs份量幾多 個汁好味 但肉質似煲完湯個d鞋好肉 雖然野食麻麻又都幾嘈 不過走左幾枱之後係幾好坐幾chill既 店員都冇催我地走 朋友點左第二round酒飲到一半佢地仲主動free refill俾佢地☺️

今日去咗佐敦，約了兩個朋友試新美食，友人與我都愛吃印度咖喱，今次試呢間啦！先點了咖喱羊肉，送左個免費薄餅，配埋薄荷他他醬，講下羊肉，好嫩好入味，D香料同咖喱入晒肉到，好好食，D汁好濃好稠，咖喱汁配薄餅好正，好食過他他醬。因薄餅唔夠食，再點了芝士薄餅，重好味，芝士味好濃，配咖喱重正！原來西式烤豬肋排配薯條都有，D豬肋好香，烤到好Juicy，香料味好重，好食，薯條也好味。還有烤倉魚，印式烤法，香料去晒D腥味，好聰明做法，魚肉好鮮，但不滑，雪魚都算是好食了！炸式香料炸雞，好食好好食，因為好多香料味，好香口，D皮脆到不得了，肉又滑，原來比埋雞醬配，好食過薄荷他他醬啦！還有尼泊爾蒸雞肉餃子，也好好食，味道好清新，入面菜和雞肉加香料，不錯。

We had a really good dining experience here tonight. The boss was very friendly in introducing the food to us and offered some recommendations.We had the Masala lamp, with the cheese nan. Cheese nan was not the most typical Indian type of nan but it was surprisingly good! We also ordered a risotto and pork ribs.The ribs were very soft and tender, very nicely cooked! We would definitely be back for more food and drinks!!

見佢多國菜，一於試下，當晚星期五7點去到好彩不用等位，服務員都好Nice，笑容滿面。叫左啤酒同Banana Lassi招牌牛油果沙律，所有蔬菜都好新鮮，好味。牛油果Pizza, 餅底夠薄，好脆，所以食左都唔會好濟口。叫左咖哩雞，辣辣地，濃味，好開胃。另叫芝士烤餅，熱烘烘，好香芝士，正。蝦餅，有四件，好彈牙，但我覺得乾身左d。尼泊爾雞肉餃子，配果隻醬好好味，餃子口感ok, 肉質新鮮。海鮮闊條麵，呢個就一般了，不過不失，冇乜特別。當晚都坐左好耐，都冇趕你走，環境ok，但枱與枱之間就近左d，四個人食左九百幾蚊，抵食。

今日咖喱癮發作，揀左間位於佐敦嘅印度餐廳食特色食品，呢間地方面積雖小 , 播著細細聲的柔和印度音樂 , 坐下來倒很舒服。環境與服務俱佳 , 桌上整齊的擺好紙巾、湯勺和叉。首先上了個免費薄餅真係薄如白紙，鬆脆不膩，沾上自家製的薄荷他他醬，是個頗開胃的前菜第一道菜：豬仔肋骨半份，豬仔肋骨入口柔軟、咬落彈牙，而醃料和燒烤醬混起來，更加給豬肋骨帶着很多味覺上的層次，非常好食第二道菜印度燒烤倉魚，鮮味好正唔腥，肉質雖然不是最細但也絕不會乾柴並軟嫩帶汁，皮很香脆，魚肚更是肥美！第三道菜印式咖喱雞嘅咖喱混入其它不同的印度香料。咖哩較溫和，略帶辛辣不油膩。印度烤餅五花八門，今晚揀咗芝士烤餅，呢個烤餅很軟熟，煙煙韌韌，外層很香脆，熱度剛剛好，芝士味唔算好濃味，不過多食會濟，但整體口感很好食物尚算正宗,食物質素最重要，好味既話，絕對係物超所值👍🏼😋但是印度食物的調味相當重,整晩感到非常口渴。

想食少少嘢，喺附近睇緊食乜好嘅時候朋友指一指個招牌話好搞笑係喎，叫時尚餐廳都幾 cute 喎就睇下係食咩 😂門口有個餐牌，望落都幾多嘢揀咁就入去坐低咗喇 😎原來呢度係食多國菜㗎喎就連食客都有好多類型除咗一大班人飲嘢食飯都有情侶坐角落位置 sweet sweet我同朋友都係諗住食少少嘢首先嚟個印度薄餅 papandum係非常薄脆嘅呢個青色嘅醬係酸辣口味【香炸全雞翼】雞翼係用咗印度香料醃過炸得好香口！咬咗啖覺得好好食唔好介意我影咗張食過嘅相 😂【尼泊爾餃子】叫做 momo個樣同平時嘅餃子都好相似但就配咗個辣醬對我嚟講係幾特別嘅食法，都唔錯【Virgin Colada】波蘿汁酸酸哋，好解渴 👍🏻一杯都幾大杯

今晚入到餐廳地方唔算大，寧靜環境坐得舒適。職員全是印度人只說英文，不識中文，負責點單的服務員好nice贈送薄餅配薄荷醬，胡椒餅很香囗爽脆，餅味頗濃烈，沾些薄荷醬味道更清新豬仔肋骨半份配薯角。薯角即炸非常炙囗香脆。半份份量十足多肉，肋骨蘸上香濃BBQ醬，醬汁 遇熱會變成焦糖般依附在肉上， 骨的邊位帶焦脆 ，咬一口肉已輕易離骨，肉味香濃而富肉汁。肉的脂肪少，只會在骨與骨間出現，而且不會嚡芝士烤餅上檯時新鮮熱辣，熱得沒法徒手去撕開。烤餅外面微脆，中間的部份充滿麥香又鬆軟，芝士牽絲又呈半溶狀態不太漏。再配咖哩非常惹味印式咖喱雞嘅咖哩味道都好濃郁，肉質都夠滑！少少辣幾惹味，見佢細細兜，心諗應該唔夠食，但原來份量配搭埋芝士烤餅岩岩好重好好味印度燒烤倉魚的魚肉鮮嫩，但醃了稍微掩蓋了魚肉鮮味，印度燒烤法令倉魚更加惹味雖然order不多，但吃完這個豐富晚餐都好飽了，他的平均消費跟一般印度餐館差不多，味道也絕不比重慶大廈的遜色，路過也值得一試。

同朋友 o黎食印度菜其實依度連西式泰式 o野都有 ga wor係好特別 ge 多國菜餐廳多謝朋友帶我 o黎見識呢依度 ge 前菜唔係面包或者多士而係印度薄餅, 好有異國風味 ar點 o左個湯, 係粟米湯 o黎朋友話好似畫 o左個心形 平時淨係知道有韓式烤雞原來係有印度烤雞 ga, 叫 tandoori chickend 雞肉用香料醃到變哂紅色, 不過唔會好辣仲係 "ja ja" o甘上菜 ga連飯都好有特色依個係 biryani 印度香料飯~個口感係粒粒分明 o甘, 充滿住香料味同一般 ge 炒飯好唔同 gao黎個印度餐大合照先

今次去seasons呢間餐廳，入面其實啲裝潢都好靚，有住平柔既啡色格調，令到成間餐廳個感覺都好舒服。喺呢度係食外國菜，所以呢，我就決定要食下個咖哩系列。我叫左咖哩羊，不過就唔係配飯，而係配薄餅。                        呢度既咖哩既味道好好，果種辣味同外國既地道咖哩味道相似，配上薄餅既口感就更加好，             而且呢度既羊肉同外面其他既唔同，呢度既肉質比外面既實啲，有口感啲，唔會話係太淋，戳兩下就散果啲。所以夾埋就變到好好食。                     至於餐飲我就叫左奶茶。整體黎講呢一度有氣氛之餘，野食野飲都好好味！

星期日想歎番餐，hea一下食個平平地，但又要舒適好味既午餐，仲1要係鬧市中，真係一點也不容易，竟然比我搵到呢一間，本身set lunch唔算貴，而且都有d特色，主要食印尼食物，但味道亦不會太過濃烈，店內都係主要用英語既，但態度服務相當好人，好nice,叫左肉眼扒配蔬菜，再加左小食蔥油餅，先介紹下個餐湯，黎到先到鮮綠色好特別，試一啖，係西蘭花菜湯，好重菜味，本人好like食菜，所以覺得非常之正，要用好多菜先打到咁既色香味，肉眼扒叫左5成熟，都做到要求，不會太韌，亦不會有血水滲出黎，剛剛好外熟內淋軟，蔥油餅好抵食，香口軟滑，不用點任何汁都夠味，可以一邊傾計，一邊慢慢食，咁就一個下午，好relax