秘 (鴻運樓)

Open Now

Now Closed

咁耐無得去日本，突然好掛住新宿嗰吉列牛定食，以前去親日本都一定會去食，因為香脆嘅外衣包住滿滿肉汁既牛柳，出奇地夾。真係好想揾返呢個味道。今日約朋友喺元朗dinner ，見到呢間石燒吉列牛，即刻二話不說就要去試下。成間鋪感覺都唔錯既，座位坐得幾舒服，可能氣氛問題，有少少日本既感覺，不過可能係我自己幻想得多當真啫好，講返食物先，其實係有少少失望既，可能自己期望太大，叫左二個set ，送到黎既時候，不停相機食先，因為好靚，但到真係煎完，食既時候，就覺得唔係想像中咁。先講呢個 扑葉味噌牛套餐 $136D肉味唔太突出，可能俾D味噌掩蓋咗，但用味㬝醃肉好鬼咸，呢個真係唔啱我食。再試埋呢個 吉列牛套餐 $146真係好期待呢個吉列牛，不過唔知係唔係我燒唔到應有既水準，覺得D肉唔好食，好韌，同埋D醬汁有D咸。當然明白好難同日本比較，但真係有D普通。

終於食到呢間嘅吉列牛，因為今次終於唔使排隊食！板燒吉列牛 $108 百幾蚊食到吉列牛真係好抵 吉列牛賣相勁靚 而且厚薄適中，燒起嚟亦都好方便，幾成熟自已話事，一啖飯一啖肉配合得好好 ！唯一入面環境比較細，所以有時排隊真係要排好耐

一直想試，終於開到入嚟元朗。🐮板燒吉列牛個人偏好吉列牛，牛味突出啲，牛肉嫩滑多汁。🐮板燒安格斯牛份量比起吉列牛較多，味道不過不失，兩款牛點嘅醬汁一樣，配吉列牛幾夾，但配安格斯牛就有啲太濃味，搶咗牛肉風頭。⚠️定食配嘅湯上菜時係凍，需改善。另外，睇餐牌以為一定要加錢配定食，但之後聽到隔離食客講，就算唔加配定食，每款牛都會跟一碗白飯。

大概一點半到，唔洗等位，叫咗個吉列板燒牛，配埋定食，128蚊，價錢合理。個餐都幾快送到，係不錯嘅。出面層吉列都脆口，唔會淋嘅。啲牛肉油脂分佈平均，放上塊板上面燒，啲油脂香氣都唔錯，入口都淋同香嘅。即使燒到塊肉全熟，都唔會好柴好乾，嚿肉係算高質。飯上面撈埋啲飯素，加埋牛嚟食，夾埋幾好食。係隻溏心蛋略嫌少少唔夠味，可以再鹹啲啲！！服務上都唔錯，侍應見到個爐冇乜火，會主動幫手加個酒精燃料，等客人可以煎落去。總括嚟講，抵食！

#kopo元朗#kopo💸💸#kopo有驚喜🤩 高CP值板燒吉列牛🥰秘原先食開荃灣 點知元朗都開左新店🥰正⁡板燒吉列牛 $108 🔖4.3/5分秘燒黑松露吉列牛 $148 🔖4/5分- 兩款份量都好多 - 牛排外層脆口😋 肉汁算多💦- 黑松露吉列牛的黑松露味不算突出 味道較淡- 😁原味反而更好味 價錢較黑松露牛抵食⁡加配定食（秘之飯素、櫻花昆布湯、溏心蛋） $38 🔖3.5/5分- 飯素出色🍚 惹味得來唔覺得太咸 加上碎紫菜 口感更佳🍱- 昆布湯完全冇味😵‍💫 似水 可以skip 唔好浪費18蚊⁡🐨 小店小本經營 座位略嫌狹窄 但勝在整潔乾淨 ⁡📍 秘 (元朗)元朗教育路105號鴻運樓地下3號舖#kopo日式#kopo元朗#kopo西鐵線

路過發現呢間神秘又帶日式嘅門面，一望原來係食吉列牛嘅當然要試下佢，話晒係元朗咁多美食入面嚟講都算幾特別，而且喺香港食吉列牛嘅地方唔算太多，更加吸引我地😂😂😂吉列牛定食有兩款分別係原味同黑松露味，同朋友兩個人叫左各一，諗住share嚟食，午市加20蚊仲可以有個秘之飯素同流心蛋，梗係要加埋嚟食🤣佢呢度仲有其他唔同嘅定食，唔食牛嘅朋友都可以有其他選擇嚟到兩款吉列牛都好好味！肉質好嫩滑，佢個吉列外皮同牛肉係唔會分開或者散晒，呢樣真係好加分👍🏻加埋個醬汁👍🏻👍🏻👍🏻但係黑松露嗰個款啲黑松露味唔算好出，正常發揮啦。不過呢度份量都好多，最後我哋都食唔晒碗飯🤣

唔怕話你知我真係超超超超鍾意食牛肉❣️唔知有冇人同我一樣都係牛魔王呢🐮～ 但係我牛扒就食得多，吉列牛就真係第一次食!! 今次嚟到位於元朗呢間主打食吉列牛嘅餐廳「秘」試下佢😎-板燒吉列牛 $108 +晚市加配定食 $38呢度嘅定食同牛係分開嘅，本身個餐只有吉列牛，所以無飯不歡嘅朋友仔就記得額外跟餐加個晚市定食餐喇～ 定食係跟配秘之飯素，楓糖溏心蛋😍 同埋一碗櫻花昆布湯。個人覺得佢哋飯素送飯一流，幾好食😋 份量都幾大。吉列牛嘅賣相都相當吸引，牛脂分布均勻，望落十分新鮮，而厚薄亦都適中。但係嗰日唔知點解啲肉燒極都好紅🥲 最後食唔到外脆內嫩嘅感覺，同埋牛味唔太突出🥲 而且醬汁偏咸，建議唔好點太多～與安格斯牛對比下，稍為遜色～-板燒安格斯牛 $118 +晚市加配定食 $38安格斯牛望落已經非常吸引!! 油脂分布均勻之餘，食落牛味亦都比較濃郁😋 肉質都幾嫩滑，唔會韌～如果係吉列牛同安格斯牛中二揀其一，我會比較鍾意呢個❣️ 唯一有啲失望嘅係，略嫌有幾塊牛肉脂肪太多🤣 不過整體都OK!!!-浦燒原條鰻魚飯 $78呢個鰻魚飯都真係幾surprise到我!!! 本身諗住事但嗌多個飯，同朋友share食。點知真

黃色餐廳一定要支持💛但佐敦同荃灣每次都大排長龍。。從來冇成功食到🥺估唔到今次碌入元朗唔洗排隊都入到，唔通元朗國唔夠多黃色人？無論如何，難得食到都真係幾開心！板燒安格斯牛 $118+$38套餐牛質素都幾高，入口冇即融但好好食😋我反而鐘意佢夠香同多薄，食左一半已經好飽，有1/3既牛都比左朋友幫手食下。一開始好爭扎加唔加套餐，但最後覺得係值得既，湯同蛋都好食，再加個好有牛角feel既飯，真係好滿足。板燒吉列牛$108+38套餐朋友話有日本既感覺，味道不過不失，我自己試完覺得個吉列味都幾香，但邪惡嘅感覺升左幾倍😂😂始終又炸又煎，都係隔幾個月先食一次好d。

聽人說這家的吉列牛好好食, 特登走來幫襯.六點來到, 已經半滿 (六點半後全滿), 全店大約可以坐三/四十人吧, 沒有細數.防疫 : 可以填紙仔或掃安心, 但安心張紙貼到高過我, 要舉手才能掃到 收銀處也有好多豬, 墻上也有很多貼紙和揮春 (你明白的裝修)一個吉列牛 一個安格斯牛 原來都是單點, 要另加38元才變套餐.所謂的套餐, 原來只是一碗加了飯素的飯, 一只糖心蛋, 一碗昆布湯, 連飲品都沒有.我想沒有人會單點牛不加錢要餐吧.牛肉來到已經切片, 放在石上燒一下就可以 牛肉的質素是不錯的, 但也只有牛, 飯內除了飯素沒有其他, 吃得有點寡, 以差不多150元一位來說, 性價比不算高.

開頭諗住黃去試吓，但係個醬汁好鹹，啲飯又凍又硬，某位女職員態度勁差 黑口黑面 ，好耐冇試過咁趕客嘅餐廳。試過呢間野之後，無論佢嘅服務同食物質素 ， 都唔覺得有啲咩值得好評，

之前係佐敦排成個鐘先食到，而家竟然係元朗開左分店，仲唔使點排，冇理由唔試下😂（板燒吉列牛定食）先將牛脂肪放係石板上煎出油，再將一片片既吉列牛食得，牛肉亦都算淋身，點埋個醬汁味道幾好，配埋舖滿飯素既白飯真係一絕，不過我覺得最好食既應該係隻溏心蛋，蛋黃岩岩半凝固狀態，冇得彈😍，但d椰菜絲掂住d生牛肉我唔係幾敢食😂😂會再去試埋其他野😂

對佢嘅回憶仲係荃灣店第一次食係2017年原來元朗都有分店事隔4年了咁就🥺時光飛逝….但依然咁多人食💛💛💛但唔算等得好耐佢的確係抵食又值得支持嘅👍🏾當年食嘅係吉列牛今次就試安格斯牛好有牛味不過我覺得要落啲鹽 便會更好（我係冇落 覺得淨係得牛味有啲寡）而佢個醬個人認為反而唔需要點…濃得制有啲蓋過左個牛味（我依然好驚煮佢嘅時候啲油彈出來）另外食左佢嘅鰻魚飯 都係好抵食👍🏾係好正常嘅鰻魚飯 冇野想介紹😆軟殼蟹記得第一次都有食好食不過唔算驚喜😗

Wheeee (｡･ω･｡)ﾉ٩(˃̶͈̀௰˂̶͈́)و【板燒吉列牛　惹味夠曬喉】我哋一直都好想期待食吉列牛🥩終於有一日可以去到元朗一嘗滋味。呢間「秘」開喺「神」隔嚟，未入去已經覺得呢間舖好有趣。亦好好彩當日無乜人排，等咗陣就可以入去食😋～我是Menu～板燒吉列牛 $108 (午市套餐 +$20)唔知有冇人覺得佢個擺盤好搞笑，兩隻蛋好似隻眼👀 蕃茄係個鼻👃🏻 啲牛就好似個嘴咁👄 同其他嘅吉列牛一樣，都係有個爐仔擺喺大家面前，自己可以決定燒幾熟。而值得一讚嘅係佢啲牛嘅厚薄同調味亦做得啱啱好🥩 喺個爐上面燙半分鐘就可以擺入口。佢嘅吉列皮加埋熨到半熟嘅牛肉放落口真係好好食，仲有個醬可以點吓，食食吓可以點嚟轉吓口味，唔錯唔錯🤓最後食埋粒用嚟出油嘅牛肥肉簡直係錦上添花。而午餐跟埋嘅秘之飯素（即係白飯加飯素）亦令到我哋極速就食曬啲飯🍚 至於流心蛋就正常發揮。總括嚟講，加錢食套餐係抵叫的😛秘風塘軟殼蟹 $78作為軟腳蟹愛好者嘅覺得呢度嘅軟殼蟹略嫌唔夠脆🥲 不過入面啲膏仲保留得到，啖啖肉得嚟仲有啲好有蒜味嘅調味喺上面添。呢個價錢得兩隻蟹就唔算太抵了，但當係Share嘅小食嚟講都值得一試🦀～評分～ (5分滿分）環境

嚟到元朗突然好想食燒肉，就入咗呢間黃店一試，點知就一試愛上，住九龍區的我至今已經食過三次，真係平！靚！正！😭元朗分店位於神石燒隔離光是「神」「秘」二字已經深深吸引住我，😍兩間燒肉黃店不謀而合地擺埋一齊，有種兄弟爬山嘅感覺！今次第一次嚟，嗌咗招牌菜——吉列牛，同埋麵豉松葉牛（加咗定食）。而第二次就嗌左安格斯牛。吉列牛$108 （+$20 定食）定食就係加咗一隻糖心蛋，同埋飯撈，雖然$20唔係好抵，但個飯撈真心好好食！吉列牛果然係招牌菜，口感係外脆內軟，吉列嘅脆皮為入口即溶嘅牛增添口感，非常得意！🤤調味方面可能有人會覺得太鹹，但同時亦都唔會蓋過牛肉嘅鮮味，對於食得鹹嘅我來講，我覺得啱啱好！重點係，份量大！細食嘅人可以兩個人share一個，叫多碗飯就啱啱好。麵豉松葉牛 $98 （+$20 定食）呢個對於我來講就有啲伏，本人其實幾鍾意飲麵豉湯，但呢個實在太濃味！麵豉味完全蓋過咗牛肉嘅味道，再加上厚厚嘅麵豉醬令牛肉失去左燒嘅味道（基本上係用啲醬焗熟啲牛...😅），簡單啲來講就好似食緊一pat pat 醬咁😢，完全冇松葉嘅味道，所以完全不推薦！安格斯牛 $118 （+$20 定食）成日諗點解明明吉

又一間一直bookmark左好耐 終於試到既餐廳🎗質素果然無令人失望 食物份量算多 服務亦好好店員見我哋唔夠火 主動過嚟換左三四粒酒精啫喱鍾意食日本嘢嘅朋友千祈唔好錯過😋▪️晚市定食 🍱 +$38(昆布湯，白飯，糖心蛋）糖心蛋嘅醬油味好出👍🏻▪️板燒吉列牛 $108睇賣相已經好靚 吉列牛排成哈哈笑(´▽｀)加埋可以自己燒 過程好自癒熱石上面會有舊肥豬油 輕輕掃係面 再落牛食落吉列牛嘅邊位炸得啱啱好 熱石上燒完之後勁juicy 份量真係算多 有大約15塊左右逐塊燒真係會燒到手軟😂📝😋好味：4/5💸性價比：3.7/5🤤回頭度：4/5🍴環境 ： 4/5👨🏻‍🍳服務：4/5