秘 (鴻運樓)

Open Now

Now Closed

平日夜晚，三人行食黃店，每人揀唔同既牛。個環境好舒服，門口探熱填資料再內進。頭頂有盞掛燈好美，牆身有掛畫。空間唔係好大，得10張枱左右，6點零，已經幾枱客人陸續入座。一坐低，好迅速擺低左三杯清水。叫左三個燒牛餐，兩個跟定食加$38。另一個無加，就跟白飯。都無嗌野飲。個黑松露牛最貴，味道係唔錯。食到外皮似薯片咁香口，肉質鮮嫩，有肉汁。點唔點醬都好食。安格斯牛就最原味，同樣係好食既。個吉列牛，就外邊脆脆的，同其他肉質一樣，都係軟嫩。自己控制幾成熟，燒到岩自己口味的口感。食既途中，火熄滅左，店員在幫我地加燃料。服務貼心。一路食，都有油濺彈起，漂浮著些油煙，令到鏡頭有點濛。食完就覺得，個飯素好好食！用黎配牛送飯，真係好正！！反而.....個湯同流心蛋係可有可無。湯甚至可以話係難飲，似係冬瓜湯加入過量胡椒粉。蛋無特別溏心，有些小失望。$38得飯素好食。所以個人認為：單單加飯素就夠~湯同蛋唔洗加，浪費錢。整體，三人埋單$450，無加一，價錢係可以接受。

✨黑松露吉列燒牛扒+$58升級做晚市套餐，有一隻糖心蛋、一碗飯同用墨魚滑整成的金魚餃湯～ 金魚仔好得意，不過食落就冇咩特別，湯都飲得出純粹係加胡椒嘅湯牛的份量👌🏻不過我鐘意厚切小小，比較有口感，黑松露味都好重，不過牛味就一般般(´▽｀)✨味增野菜牛肉鍋同樣地加$轉左做set，不過呢個同menu張相有啲出入，個賣相同食落都似普通牛腩煲，而且牛質唔夠林身，有啲後悔叫左😣😣不過整體份量、出餐速度、服務都算幾好，會主動幫你加fuel等你燒極都仲有haha

味道ok，但張單執漏左。結果自己去seven 買返罐🤡這個體驗比較差。最搞笑係無電話可以打返去查詢🥲芝士醬同豬排分開，所以都keep到係脆脆地。，下次應該會再食，希望唔好再執漏單。

香港嘅吉列牛出名都有幾間，聽聞銅鑼灣嗰間排得好勁，梗係搵返就近既止一止癮先。元朗呢一間「秘」算新店，喺呢一個地段有相當多食肆選擇嘅時候，要做到突圍而出唔容易，由荃灣開到入黎，當然要會一會佢啦。🤭今日揀食lunch嘅時候去，睇唔少食評都話排隊排得好犀利，而且間餐廳位置都唔多，所以就喺餐廳開之前10分鐘門外等，希望食到第一輪。喺我哋前面已經排咗幾個人，大家都係為咗同一個目的餐廳準時12點開舖，冇我想像中咁細，唔使睇menu都知道落咩order，一份吉利牛定食等10分鐘左右就上到枱，份量非常之多，定食有吉列牛，有飯素既飯同埋糖心蛋，牛可以自己控制生熟程度，味道亦相當唔錯，最鍾意係佢個汁，同肉同埋個飯配合得好好進餐過程好好，一定會有第二次，唯一要挑剔嘅係個火爐好快就要叫店員refill個火😅

通常食吉列牛多數先要出到尖沙咀、旺角地方食🥺但元朗終於有得食啦，我同朋友係食晏晝，我地都要排陣隊😆不過唔緊要啦，如果好食等幾耐都抵返晒啦～ 入到鋪頭，個環境黑黑暗暗，同間鋪名一樣，神秘個秘呀🤣我本人好鍾意食黑松露既，咁秘有黑松露吉列牛，咁一定要試試佢啦！因為佢要啲時間整外皮，所以要等一陣先有得燒黎食🥴我想講佢啲牛再配飯素既飯真係好夾好好食！啲牛勁重黑松露味，啲牛外面又脆入面就好林，同埋厚度適中，岩岩一口再配一口飯🤩🤩🤩諗起都想再encore!

Geo條👅評分：⭐️⭐️⭐️⭐️💫 (5⭐️最高）板燒吉列牛 $108秘.扑菜味噌牛肉 $98晚市加配定食 +$38晚市加配金魚湯定食 +$58芥末八爪魚 $38去到元朗國見秘唔算等太耐就衝入去食😂因為荃灣果間次次都排長龍😂板燒吉列牛真係好正，牛肉都算多，燒熱咗之後吉列牛外層脆卜卜，牛面入面軟淋淋，牛味豐富，再配埋有飯素嘅白飯，二合為一咁食真係超正🤤味噌牛肉都very good，首先將味噌cover晒啲牛肉，慢慢等佢燒，味道充滿濃濃嘅味噌又不失牛肉味，正！每個定食都有糖心蛋，又係我至愛🤤佢個湯好好飲，好鮮味，有一set仲追加咗條金魚仔，都幾cute cute，係用魚肉整嘅😛 芥末八爪魚🐙係我favourite之一配埋豆腐，滑嘟嘟又辣辣哋，好過癮👍🏻💛

🔹秘燒黑松露吉列牛 $148（定食+$38）晚市定食會有昆布湯、溏心蛋、一碗飯～碗飯加咗飯素同醬汁之後真係好食好多！昆布湯個人就覺得偏甜咗啲，我就麻麻哋啦～溏心蛋熟度同調味都剛剛好，幾好食( ´▽` )ﾉ到咗今日嘅主角 — 黑松露吉列牛🐮🥩將肉嘅兩面放上石板各燒二十至三十秒左右一啖咬落去～ 咔嚓！吉列牛精彩之處就係外脆內軟～口腔內充斥住滿滿嘅黑松露味～雖然黑松露味唔算好濃，但就剛剛好唔會搶走牛肉嘅味道！不過食耐咗略嫌有啲膩，對女仔嚟講份量會偏多～同埋大家記得記得要趁熱食！如果唔係外皮變淋，就冇咁好食了ಠ_ಠ

好正既板燒牛呀！ 平時要等好耐，今日難得平日放假加上下午茶時間，竟然唔洗等位！Menu選擇唔多，我同朋友好快就點左一份板燒吉列牛同一份板燒安格斯牛。 兩份都好好食！呢個質素以咁既價錢黎講真係超值！牛肉放在石板輕輕一燒， 熟度全由自己掌握。逐塊肉逐塊肉慢慢燒，再熱辣辣擺入口，係咁凍既冬天黎講真係食得好滋味😆牛肉味濃，無筋， 唔韌, 好食，再配埋一碗味素紫菜飯加隻溏心蛋， 食完好滿足😋加上店員亦都好好，幫手換酒精蠟，誠意推介👍🏻

他們家的吉列牛高質又抵食，平日在荃灣大排長龍，好幾次想食都因為人太多而卻步(  ᵒ̴̶̷̥́ _ᵒ̴̶̷̣̥̀  )而家係元朗開左，Lunch hour 未到要排隊但都幾full。🍄黑松露吉列牛外層夠脆又香、安格斯牛雖然唔係吉列系列但牛肉質量很好，油脂分布又好好，入口好香好食✨溏心蛋十分好食，熟既程度岩岩好，醬油味又夠、唔會太淡太濃，好想食蛋粒！每個人百幾蚊食到呢個質素同份量，滿足！服務仲要好好，主動幫我地換火。

開返晚市後過嚟食嘅一間日式餐廳—「秘」，係一個同路人嘅餐廳，有吉列牛、牛肉鍋、炸豬扒、燒鰻魚等幾款主要定食，另外仲有幾款小菜小食揀。今日我哋分別叫咗兩個定食加嘢食：第一set係板燒吉列牛定食 配 流心蛋、金魚櫻花湯、秘之飯素。$166揀配金魚櫻花湯係會貴少少，不過我哋都好好奇個金魚係咩食材造，幻想係年糕之類🤔所以就揀咗，結果！！竟然係 餃子皮 包住 墨魚滑！！！😂完全意想不到，不過味道就平平，勝在夠可愛。到咗重頭戲，吉列牛登場！我哋冇叫最貴價嘅安格斯吉列牛，只係叫咗中間價位嘅板燒吉列牛，但都已經好好味！我哋都覺得好有牛味，肉質唔太淋有少許咬口，油脂分布唔算好多，但正好適合配吉列牛食法，唔會太膩。圖片可見份量都唔少架，一set有成15塊，再配上個飯素飯，同流心蛋，好滿足啊！只係燒到最後幾片牛，個爐都唔係好夠熱😅第二set 係 秘製牛肉鍋 配 昆布湯、流心蛋、秘之飯素。$136以為又係好普通嘅日式醬油湯，壽喜燒？絕對冇咁簡單，呢款牛肉鍋煮法有啲似中式炆牛腩，湯汁好濃好杰身，味道偏甜有少少似咖喱又有少少醬油味，食得出用咗洋蔥等蔬果打成溶嘅味道，好特別！牛腩炆煮到好淋，連筯都入哂味，唔鐘意炸物

路過見到吾洗排隊，就決定去試下神就食過好多次，秘都系頭一次食餐牌上有幾款牛比你簡主要分為吉列同普通牛另外仲有鰻魚定食同埋少量小食因為有選擇困難症，落單嘅時候有問過男店員有咩介紹，男店員都好有耐心同禮貌講解👍🏼最後我簡咗板燒安格斯牛🤤午巿仲有罐裝汽水送牛肉嫩口濃味，就算吾點醬汁食我都覺得好夠味！份量十足😎配埋飯素一流！另外店舖嘅通風系統都好好，就算一邊燒肉，都吾會覺得大煙或者焗，衫褲上都吾會佔上燒肉氣味，值得一讚👍🏼👍🏼👍🏼

元朗新開分店，今日第一次去食lunch。肉好嫩又juicy，午餐送汽水，真係好好食 👍因為疫情坐得較開，人少左，但服務好好，侍應見個爐細火左，主動加燃料，好細心。

話說元朗在《神》隔離開了一間叫《秘》的餐廳，令到我好有衝動去食呢兩間野自從生左小朋友，係好難帶佢哋食呢種形式既餐廳，今日忽然一個快閃me time, 我就即刻衝落元朗試下呢間《秘》。聞說晚市係需要排隊，我就趁五點半去吃我的晚餐，餐牌有幾個選擇，第一次食就食最基本個款板燒吉列牛由於五點半還是當午市時段，就只有加$20升級為定食，有一碗舖滿飯素既白飯，一隻溏心蛋。溏心蛋味道適中，唔會太咸或太甜。石板上有一小團牛脂肪，用來掃下個石板，吉列牛外脆內軟如果燒耐d個邊就再脆d整個餐其實份量都好夠，我會搵機會再去試下佢個金魚湯