Sedap Malaysian Delights (Closed)

My Nasi Lemak was overally good. Too bad the beef rendang was not how its supposed to be. More like beef in gravy sauce. Don't cut corners if you want to bring authenticity. The curry chicken was tender and tasty. I def recommend it. Just a little spicy. The shrimp they added was soso. You can tell its frozen. I rather not having the shrimp instead maybe more and decent beef rendang? I had the chicken soup. Was clear and flavourful.

Happy Friday要食 happy lunch！呢間馬來西亞餐廳嘅裝潢有別於一般嘅東南亞餐廳，精緻有品味，枱與枱之間有足夠距離，令人坐得好舒適，放假感覺到哂！從來唔會用精緻嚟形容馬來西亞菜，但呢個set,咖哩雞椰漿飯配參峇蝦巴東牛肉。擺盤好有心思，賣相滿分！咖哩雞同巴東牛肉味道濃郁，好開胃！特別一題個con超脆超香口，讚！但椰漿飯就無乜椰漿味。海南雞飯雞肉好滑，雞皮又夠爽，沒有太多脂肪。套餐仲有雞湯同油飯，即使海南雞份量唔比較少，但食哂會飽到上心口。咖哩海鮮喇沙有蝦蜆魷魚等比較豐富，唔食得辣就要考慮下，因為真係幾辣

TGIF!!!星期五就同同事食好D~黎到上環同中環之間既Sedap。之前經過大廈望入去見到芽菜雞。蝦湯麵都已經深深比佢吸引住…今日終於可以試下但原來入到去望望lunch menu 係無芽菜雞嘅! (當堂灰左一灰)唔緊要~都仲有其他選擇! 最後叫左一個怡保清湯河粉配海南雞+大蝦上餐速度出奇地快~大約5分鐘就已經有得食! 見到個湯真係好清...咁佢又無呃我嘅~人地真係寫"清湯"然後試個重點: 海南雞~ 海南雞係去哂骨既! 雞好滑~有驚喜!!!原本佢要加20蚊轉雞脾, 但我無加到~都已經非常滿意!!如果下次黎我會直接叫海南雞飯~~~

第一次試，以為都係普普通通菜式，想不到每個菜都十分出色，共叫左三個菜1.馬來西亞肉骨茶，有濃厚四物味，除了排骨外重有豬肚，幾特別2.沙嗲羊肉串，羊肉好冧好入味，細細串沾上甜甜地沙嗲醬，意猶未盡，下次必定要再來試多幾串3.蝦麵，個湯好香蝦味，感覺好似幾斤蝦濃縮成一碗湯，麵係參參，油麵配米粉，一粗一幼，兩種口感唯一缺點係價格稍高，份量偏少，如果男士可能不太夠相都無影，因為清晒但味道上我覺得值得寫篇食評來俾個讚佢

雞肉好滑有雞味雞湯有少少咸和唔夠熱雞油飯好好味 三個sauce都好正下次會再試埋其他野食環境乾淨企理食完行多兩步飲埋生果檔益力多沙冰為呢一餐畫上完美句號老公食叻沙米佢話湯底好味唯海鮮普通

今日同同事去試下呢間新開既餐廳,環境唔錯,有空間感,令人覺得舒服。我就點左個海南雞飯,包埋雞湯雞飯,碗雞湯係幾好飲,但事後要係咁飲水,就知道落左唔少味精.另一方面,雞飯係正既,入晒味,好想食多碗。到主角海南雞la,一上枱就見到份量係少既,男仔一定唔夠,質感滑溜。仲有杯薏米水, 清清地係幾好飲, 幾解口渴。下次會試埋其他lunch set,今次趕住食 ,只係影左menu

到中環，同扮工一族食午餐。友人話黎食東南亞嘢。normal 既lunch time 都係要排，不過二人組合會快小小。Lunch 選擇唔係太多，係大路嘢。我揀左海南雞飯，友人就食椰漿飯咖哩雞，蝦同巴東牛肉。餐廳好大，所以都啱多人黎。海南雞正路，不過雞肉份量唔多( 作為女仕可以食得晒) 。雞係嫩，飯都香。友人既飯，佢話咖哩係較辣。( 我問係咪辣過五小辣，佢話係唔同辣法，但呢都差唔多) 椰漿飯冇椰味同唔熱。好食既係巴東牛👍🏻蛋旁既醬係幾辣既，所以友人都冇食到。仲有個薄餅cone 唔脆所以都冇食。餐有跟飲品，我揀檸蜜就遍淡😶以上價錢仲要加一黎講，就係貴，份量一般。明白地段貴，大舖就自然係收費高啲🤦🏻‍♀️平民的我冇必要唔會番轉頭食😂

一個午餐人均消費80，確實唔係平，加上佢份量唔係特別飽，所以如果求溫飽就三思啦不過賣相&環境真係唔錯，而且中午時間等5分鐘就可以入座，算係可以接受BTW，如果唔食得啦，叫喇沙就記得少辣啦

原本想去L place 樓上食店晚餐 不過喺樓下已經俾呢間馬來西亞食肆吸引了 我同朋友即入去試試 叫了一個鮮魚湯龍躉頭手工寬麵 $98鮮魚湯很清 龍躉頭很有肉 用上寬麵也較特別朋友點了一個蝦麵 $88有兩隻大蝦，蝦湯龍郁不過掛住食忘記了影相呢值得一試的新食店

Roti canai was cold, rubbery and curry was salty (taste like it was made from instant paste).Waitress requested me (a person on crutches) to switch to a sharing table although i was already seated.When we ordered our bakkutteh and yaozakwai waitress told us it would take 10 minutes. We agreed. But half hour later was informed that the yaozakwai had finished. When we checked the receipt we found out that the order was entered half an hour later. It was much better when it was papparich.

是香港高端人口的集中地， 新舊交融的地段。位於皇后大道中 The L.Place 地下又有新店進駐，相信此地段開店， 可以吸盡中、上環的上班族垂清。   Sedap Malaysian Delights 店名解作  好唔好味則要試過先知。餐廳面積相當大，裝修走新氣派、型格路線，地方夠寬敞。高樓底配上光猛燈光，令人感覺坊如上左電一樣。 為了試真啲，所以等飯市過後前來。 看看餐牌，中環價位午市平均消費 $100 - $150 我點了一客 套餐 連一杯飲品 用上三黃雞，雞皮與雞肉中間的一小層啫喱絕對是可遇不可求。 雞皮彈牙，去骨雞肉香嫩好味，配上三色醬油絕對無得彈!看上去十分對板的雞油飯，飯粒都有口感，每口充斥著香矛香氣，小許油潤感，令人吃過不停的一碗雞油飯。它正正是海南雞飯的靈魂所在。  好味到一粒飯都無得淨。 飲慣港式奶茶的我, 唔太習慣較淡口的 奶滑度亦一般，我還是不懂得欣賞。   真心推介 我一定會為它再來。朋友點了海鮮叻沙，佢話除左辣左小小之外，味道夠惹味，配料也新鮮好吃。  

位於中環黃金地段，全新開張既呢間正宗馬來西亞菜，非常有驚喜，今日有幸食到佢，我同友人都非常開心我地叫左幾款唔既菜式，入面包括馬拉肉骨茶，龍躉，甚至大大隻既胡椒肉蟹添馬上就同大家share下  參峇四大天王  $82當中既四大天王當然唔係劉徳華，郭富城佢地啦而分別係四季豆、羊角豆、茄子和臭豆 ! 佢地都係馬來菜中非常著名既食材之一，而呢一道菜更加係馬來西亞的國民美食黎架添 !! 上面既食材再加入馬拉盞爆炒，炒出黎既果陣鹹香風味，真係唔係度度都食到 ~ 其中，臭豆既味道最特別，其實佢唔係真係臭味既果種臭，而係果種獨特既氣味非常強烈，食完仍之後，果陣餘香........ 唔信你就真係要試試啦 鮮魚湯龍躉頭手工寬麵  $98佢既賣相可能平平無奇，不過只要你飲一啖湯，你會發現好有驚喜 ! 因為只要你飲一啖湯，就會感受到呢個湯麵既鮮味 !! 首先，先再講講佢個湯底，非常鮮甜既魚湯利用龍躉淆製出，並不加任何味精，所以食完都唔需要狂飲水~ 另外，爽口彈牙又香滑既龍躉頭非常好味，完全能夠食出鮮味 !!而呢個麵既另一個重點就係佢既麵，因為佢每一條麵都係人手製作，因而叫手工寬麵，佢既口感同賣相其實都好似普通

今日到中環附近工作，相約同事到中環晚飯，見到有間新開的餐廳，裝修很靚，即管一試！*鮮魚湯龍躉頭手工寬麵 ($98)鮮魚湯很鮮甜，很濃魚味；手工闊麵比起河粉滑身一點；配菜的豆芽肥嘟嘟，比起平常食的飽滿一點，聽說是用飛機貨的。*馬來西亞肉骨茶配油炸鬼 ($88)這個馬來西亞的肉骨茶，用了當歸、豬肚、金菇、豬排骨來煮；藥材的味道不濃不淡，帶點甘甘；馬來西亞的肉骨茶是比較淡色一點，而且藥材味不會太濃；旁邊有紅椒、甜豉油和薑蓉，可以用來沾豬排骨吃。油炸鬼配粥就食得多了，配肉骨茶還是第一次，頗特別的！細細粒的油炸鬼很精緻，而且口感很脆。*燉飯 ($20)是用砵仔蒸的飯，飯粒會滑身一點。*砂拉越黑椒炒肉蟹 (時價)這個是砂拉越黑椒肉蟹，來自斯里蘭卡的；這肉蟹的殼很厚，真的要一點力氣才吃到；肉很彈牙，很濃蟹味的。這舊是黑椒，爆了油炒的，很香脆，帶少少辣。*紙巾飛餅 ($73)是一個薄過紙巾的飛餅，一點都不怕飽肚；薄餅上已經有糖，帶點甜味；不夠的話，可以沾一下碟上的煉奶。*三色拉茶 ($34)三色是椰糖、奶和茶三層的色；很喜歡這個茶底，很有東南亞的風味。*斑蘭薏米水 ($32)不會太甜，但很香斑蘭的味道

前排去完澳籍食PappaRich真係超好食，今次特意黎食蝦麵。但原來剛改左名，除左馬來西亞菜外，仲有好多東南亞菜食，見到餐牌都諗左好多，因為太多野想食。🦐蝦麵 $88湯底充滿蝦頭味，可惜太水，同澳洲食過既差天共地。入面有米炒同都既混合，好奇怪。蝦黎講算新鮮，但整體好一般。 🍴馬來西亞肉骨茶 $68藥材味好濃郁，濃郁到有苦味，豬肉都好鞋口，只能飲湯不宜食肉。🍴砂拉越黑椒炒美洲龍蝦 $128黑椒炒蟹就食唔少，炒龍蝦真係第一次試。味道偏咸，無乜辣味，宜配白飯食。但勝在龍蝦有鮮味。🍰美祿恐龍蛋糕 $48下午茶食左個好滑既芝士蛋糕，口感相比呢個就差得遠。但美祿粉灑滿蛋糕，整體好食，推介。