世華餐廳 (Closed)

位於尖沙咀赫德道的世華，位置超方便，沿樓梯上二樓，偌大的大廳，卡坐寬敞舒適。印象中的世華應該是茶餐廳，其實茶餐廳只係佢的外表，實際應該係間酒樓。別以為世華只有家常便飯供應，細看餐牌，鮑參翅肚、貴價海鮮亦有提供；絕對可以滿足不同需要的客人。今晚點了幾道簡簡單單家常小菜，一菜兩肉連白飯，結賬$400大元。南乳粗齋煲 $78典型家常小菜，蔬菜種類繁多，份量充足，火喉亦不錯，不會太腍或太硬，只是南乳味略淡，適合淡口味朋友。梅菜扣肉煲 $88炆得香腍的五花腩，久炆後肥油都出得七七八八，肥膏位變得滑滑的，但又不會太油膩；梅菜吸滿肉汁，伴飯一流。炸子雞 $168 （半隻）炸子雞炸得火紅脆皮，入口有淡淡的炸雞香味；奈何冰鮮雞始終都是冰鮮雞，肉質始終略遜。只能靠廚師廚藝搭夠，整體味道尚都不錯。

星期日和老公到尖沙咀逛街，中場休息那時是大約晚上七時，於是便找吃的。吃得特別多西餐，今晚反而想吃中菜。路過赫德道被這間餐廳的$28乳鴿吸引了，望望門面光猛整潔而且上層有窗口位，於是便拉著老公上去。茶芥每位 $10原來世華是家中菜館，餐牌上的選擇很多，有燉湯、有小菜、有煲仔飯、有小炒等等。湯控的我先點了一盎《佛跳牆 $78位》湯很夠熱，原盎上枱，湯料很足，有瘦肉、雞腳、花膠、鮑魚仔、雞肉和螺肉。味道香濃。《乳鴿 $28/只》乳鴿賣相油潤，不算肉多但皮脆肉嫩很入味，不用蘸醬或鹽都已經夠味。《紅酒牛尾煲(跟煎米粉) $168》牛尾煲不是家家都能做到牛尾入味軟腍，但世華做的卻令人十分滿意。牛尾入味，筋肉軟腍多膠質，紅酒醬汁更是惹味。隨附的有懷舊的煎米粉。尚記得對上一腐吃到煎米粉已是十多年前，竟然可以在這裡再吃到。米粉煎得外層香脆，蘸上紅酒牛尾汁更惹味。《南乳粗齋煲 $78》大煲足料，有茄子、西蘭花、 冬菇、豆卜、支竹、粉絲，全部都很入味，但略欠南乳味，如果重些南乳味會更好。服務：職員都有禮親切而且上菜快。

前幾日同爸爸媽媽食返媽媽節同爸爸節飯，決定去呢間世華餐廳開餐，一泥食過真係好不錯，二泥口味岩我地，地方又坐得舒服！好彩不用等位，上到去服務生即刻安排我地入坐，我地一行5人，俾張大大張既枱我地坐，夠哂寬闊。好快我地點左椒鹽鮮魷魚，熱辣辣，脆口又唔un，好鬆化，我爸爸無牙力都話食到仲話正😂霸王辣子雞上次泥既時候食過一次返尋味，再點泥食，味道依舊出色有水準，乾身又不會肉老。海味雜菜粉絲煲，清清地岩哂老人家食，有鮑魚絲蝦米冬菇有咸香味，粉絲浸哂湯好入味！生炸bb鴿上次泥已經想嗌，今次食到，肉汁鮮嫩，夠入味又脆口，仲要勁抵食28蚊炸！平時酒樓都58，68啦！北菇羅漢上素係點俾老人家食既，豆腐滑嘟嘟，有菜又菇健康啲，無咁油，屋企人好鐘意！我地仲點左金牌飽魚雞煲，成家人食飯緊係嗌個重頭戲先得既，我地點左半隻雞，有4隻飽魚架，雞肉鮮嫩，又夠味，配料足。送飯一流！整體來說第三次第四次都會再泥食，有好多款都想試！

母親節飯就去咗一間類似中菜嘅茶餐廳食飯，裏面有得飲茶但係座位就比較新穎摩登。茶界＄101045脆脆鹹豬髀$138估唔到依樣嘢食係中菜都做得咁好，平時德國鹹豬手就出名，估唔到中菜用鐵板上，鹹豬髀嘅鹹味適中，而且不會失去應有的水份，而且表皮十分香脆，需要好大嘅烤爐先可以做到。而且份量好多，肉質花紋分布均勻。1012黑椒一口牛柳粒$58黑椒一口牛口感非常鬆化，有很香濃的黑椒味，而且熱辣辣要來送飯一流。1024韭黃瑤柱羹＄60一位平時食中菜都係飲湯多，今次就特登試吓叫一個瑤柱羹，裏面有好多韭黃，瑤柱分量十足，令到成個湯更加有香氣。

自從上一次食完改革左之後嘅世華餐廳之後，一直念念不忘，終於有時間屋企人再次光臨了。望望餐牌，我哋一共叫咗六味菜。霸王辣子雞： ＄98辣得過癮，雞肉嫩滑，好味鹽酥鮮魷魚＄58由於炸得剛剛好，咬落脆卜卜，煙煙銀銀的，當飯前小食不錯海味雜菜粉絲煲＄78海味嘅鮮味同鹹味，令到雜菜同埋粉絲入哂味，送飯一流。生炸BB鴿2隻$56＄28，1隻乳鴿真係去邊度搵，即叫即炸，勁正，勁好味。北菇羅漢上素＄88清清地嘅一味菜，老人家最愛，好快佢就食晒成碗飯。金牌鮑魚雞煲（半隻）＄368全晚最愛，雞肉鮮嫩，鮑魚大隻。加上雞煲嘅醬汁配合得好好，非常嘢味，大家都食完一舊又一舊，不出10分鐘就食曬了。總結：呢度嘅小菜出色，什有鑊氣，非常適合我地呢d一家大細這家庭組合去食晚飯。

朋友只喜歡食中菜，是日出左黎尖沙咀，上開飯搵下附近有咩好中餐館先，找到世華餐廳，睇相好似唔錯咁，就試下佢先。地點在K11的後面街，好易搵。上到去，坐了窗邊的卡座，幾濶落好坐。餐具簡潔，感覺還不錯。茗茶($10)開了壺普洱茶，茶夠濃又夠滾，好飲。睇睇餐牌，小菜好多款式，鐵板，煲仔咩都有，最後由朋友拍板點了幾款小炒。黑椒一口牛柳粒($58)先來小食的牛柳粒，豉椒炒，味道好濃列屬重口味的，牛柳粒嫩滑，正。鹽酥鮮魷魚($58)同樣是小食類的炸魷魚鬚，是不沾粉的炸法，很乾身一點都不油膩，略微淡了點，朋友跟我都是重口味人仕，加多一點點鹽就好了。豉汁涼瓜排骨煲($88)嘩，上枱時好大煙，個煲都燒熱左㗎，好香呀！排骨入味，涼瓜爽脆不苦澀，好好下飯～干鍋肥腸($88)仲有呢碟鐵板上的肥腸，塊板超熱要小心呀！肥腸夠肥彈牙有咬口，微辣好惹味，正！白飯($10)咁多好餸點少得白飯呀，撈汁一流。地方大好好坐立，食物好食，價錢也合理，想食中菜的好選擇呢。

星期六晚和寶寶來尖沙咀吃晩飯，想吃得普通簡單點，來到這間還以為是茶餐廳的「世華餐廳」才知絕不普通。店員極力推介燉湯，確是不便宜，燉湯也是人位前的。我的椰皇花膠燉雞 ($78) 雖然沒有椰皇做碗，但也有很確足料，有滑啫啫的花膠和雞腳外，竟有有鮑魚仔在內呢！寶寶的竹笙冬菇燉花膠 ($78) 有爽口的竹笙和冬菇，味道也很清甜，應該和我的是同一個湯底。冬菇滑雞煲飯 ($108) 是二人份量，大概每人也可分到2至3碗。雞肉鮮嫩入味，冬菇份量也不少，整體惹味十足，可惜飯焦不夠多。刻意點個清淡點的餸，就是梅菜茄子蒸豆腐 ($68) 了。茄子開了刀，所以格外入味，口感有嚼感，與魚香茄子的腍茄子完全不一樣。豆腐也很滑漏，拌飯吃一流。價錢也合理。

今日出左尖沙咀陪朋友去周圍睇下結婚戒指，睇到咁上下攰攰地，就過左黎赫得道呢頭開飯醫肚呢到環境寛闊，坐得十分舒適，坐近窗邊，仲可以一路食飯一路望下街景！！唔錯睇睇menu十分多小菜菜式選擇，目不暇給。我們點了四個菜+1⃣️個甜品！！點餐無耐就已經陸續送到。除左散叫小菜呢到亦有2⃣️人及4人套餐供選擇黒椒一口牛柳粒$58牛柳粒肉質鮮嫩多汁，咬落去唔會韌，黑椒味甚濃泰式炸蝦餅$68炸到外皮金黃色，食落口好鬼彈牙京都焗肉排$88呢個拎黎送飯一流，酸酸甜甜特別開胃椒鹽魷魚$98食落口煙煙韌韌，十分過引，細細條1⃣️啖1⃣️件，好快俾我地清曬最後一道就係甜品啦，花膠燉鮮奶$48真❤️覺得好抵食，好超值花膠大大塊，食落囗十分淋甜 正飲完呢一大碗，直情飽到上❤️口了🤭🤭

<尖沙咀經濟實惠中菜>👍🏻 呢間世華餐廳 樓底係counter樓上先係坐位 感覺好似茶餐廳同酒樓之間甘 有長枱有卡位 坐位算舒服 睇番menu的而且確除左有一般茶記食物 仲有中菜小炒等等 應有盡有😆🔥 既然食晚餐 就點下佢d小菜la 😃🍴京都焗肉排 88 蚊🐷雖然話肉排 但感覺似咕嚕肉多d . 豬肉切得比較細粒 口感煙靭 因為近骨位 所以有d彈牙口感 炸得香脆 , 而醬汁甜酸開胃濃度夠 加埋d菠蘿都唔錯🍍 如果肉切大舊d同醬汁入味d會更好😆🍴黃耳芙蓉扒豆腐 68 蚊🌻 豆腐係出面有層類似脆口煎過既皮 紅燒豆腐嗰款 入面都幾夠香滑 而出面既黃耳呢種菇菌類 好爽口juicy有佢獨特既甜味 🍄 同豆腐配埋唔錯 話有黃花 其實就係蛋白打成花甘樣🥚 蛋白好滑 呢個係要黎撈飯正🍚🍴秘製水煮魚 108 蚊🌶🐟用鐵鍋放住既水煮魚 香味幾出 幾有四川菜既味道 入面有麻香既胡子芽菜 葱花 🌿辣椒🌶 辣度適中 魚肉煮得熟左d 比較煙靭 . 但惹味辣汁搭救 😆 底下仲有爽口薯粉 唔錯 👍🏻🍴豉椒牛肉炒麵 78 蚊 🐂通常茶記都會有 最鍾意食佢好脆口嗰d炸麵🔥 記得趁佢d香濃豉汁未浸哂

世華由原本提供馬來食品、海南雞飯及西餐改為晚市賣中式鑊氣小炒，今次經友人帶路到位於赫德道的分店。晚上時候地舖的酒吧十分熱鬧，與位於二樓的世華餐廳形成強烈對比。世華裝修簡潔光鮮，近窗有一列卡位，中間有圓枱，亦有四人六人長枱。餐牌有很多選擇，兩人食量不大，就肉類、海鮮、蔬菜每樣各一，均衡飲食。北菇羅漢上素羅漢上素好在樣樣菇菌類都有齊，菇菌爽滑香甜，芡汁不太杰，算是做得不錯。富貴炒帶子嫩滑鮮甜帶子襯上爽甜西蘭花及甜脆合桃，顏色配搭很吸引。咖喱牛腩煲世華以賣咖喱牛腩馳名，顏色味道很對板，咖喱汁稍為稀身一點，杰一點牛腩掛汁能力會較佳。牛腩略略比較瘦身，根位不多。留意餐廳有計茶位及加一。

就間世華餐廳，驟眼看以為只是普通上樓茶餐廳，但走近一點才發現是吃中菜的。有人被電子顯示屏的菜式吸引了，便說不如試試，也好，反正很久沒吃蒸魚，這晚便來一尾吧。雖然感覺是茶餐廳格局，但卻是有茶樓規格。金磚豆腐 $38這個價錢計份量真的不少，賣相很不錯，看上去也沒有太多油份。入口熱騰騰的，炸漿做得夠薄，外層口感鬆脆，內裡的豆腐鮮軟滑溜。加上了適量的椒鹽，讓本來淡口豆腐多了的刺激。清蒸黃花魚 $168太久沒吃蒸魚，因為怕那個清洗過程，所以我一定不會自己煮，在外又很少吃中菜，更少會想到要點蒸魚。今日心血來潮想吃，便來一尾清蒸黃花魚。兩個人吃的話，這也算大條，蒸得火候剛好，魚夠鮮味且肉質嫩滑。豉油的鹹淡剛好，香蔥份量亦恰到好處，完全滿足到我想吃好味蒸魚的欲望。竹笙扒雙蔬 $78這樣一道菜基本上不會難吃，而在這裡茨汁的份量、濃稠度和鹹淡度都掌握得不錯，小棠菜夠翠綠夠新鮮夠爽口，冬菇夠厚肉夠軟稔又夠香，本來無味的竹笙吸收了醬汁，整道菜讓人滿意。古法銀針粉 $80用小鑊上的銀針粉份量不少，甫上桌已經聞到很香，配料有肉絲、芽菜、冬菇絲、蔥等等，算是豐富。銀針粉炒得軟硬剛好，不會感覺太油膩，味道亦不會太淡太

係尖沙咀周不時經過世華都未食過，今日想食小菜就特登上去試下。裝修格局唔錯，用上啡色、卡其色和木色，感覺舒適。有很多卡位、大圓枱，也有小廂房，適合一家人黎食飯。茶芥$10/位小菜推介很吸引。陳年花雕醉雞($78)配上杞子和黑木耳，醉雞色澤鮮明，肉質嫩滑，花雕酒味只有香，不會苦，多肉少骨，都幾大份，唔會得d骨，有質素。鹽燒鹹鮮馬友 ($168)馬友好大條，燒得幾香，店員會先幫忙用刀叉開魚，鹽燒可以吃到魚的鮮味，魚肉嫩嫩的，要趁熱食喔！想味道豐富一D，可以點酸醬汁，酸味味好醒胃。蝦醬蝦干通菜煲 ($68)，蝦醬唔會好鹹，味道剛好，令到通菜有咸鮮味，很惹味又好下飯的一道菜。白飯$10/個

同事話呢間餐廳晚市的中菜唔錯，今晚約我一齊去食。樓下放咗餐廳菜譜，吸引途人去樓上食飯。餐廳都好大好寬敞，晚飯時間剛開始，客人開始光臨。侍應阿姐招呼好，即來一壺靚香片。十八號檯，同事至愛，話好 lucky，同時發板點菜。1. 金磚豆腐 $382. 陳皮話梅骨 $983. 脆皮牛腩 $1084. 世華招牌炒飯金磚豆腐:豆腐看似平凡，但要將炸豆腐炸到外皮金黃，內裡雪白嫩滑，實在唔易造。同時，外皮上了椒鹽，惹味可口。脆皮牛腩:這個菜功夫都唔少，首先要將牛腩炆腍入味，然後切成方件，再上炸漿，炸脆。炸的時候，火喉要掌握得好，否則外皮會炸得唔夠香脆，又或炸過龍炸燶。更甚者會將內裡的牛腩炸乾變韌。這個就剛剛好，造到外脆內嫩。外皮炸到金黃香脆，內裡的牛腩仍保持腍嫩，而且牛味濃郁。醬汁方面有兩款，一是喼汁，二是甜酸汁，我比較鍾意個甜酸汁，因為少少的甜酸味更能提升牛的味道。陳皮話梅骨:這個菜外邊唔易食得到，個汁係真材實料用話梅來造，味道超正。排骨肉多，骨肉亦容易分離。我建議大家食這個話梅骨的步驟是，首先挾起一件骨，用鼻子聞一聞話梅的香味，然後，放入口內，做舌頭啜一下話梅汁，試真個味道，再慢慢咀嚼肉嫩的排骨，

今晚路過赫德道，抬頭一看，一排落地大玻璃，居高臨下咁，世華餐廳竟然仲响到？呢間餐廳，我讀書果時有食過佢，尚記得當年約埋一大班同學一齊歎個鐵板餐，仲有果杯凍檸樂。晃眼已經好多年...... 以前覺得佢都幾貴，而家再望望個餐牌，價錢ok 喎！平過連鎖茶記，就係咁，我就上去懷緬吓過去了。上到去見到，新裝修喎！揀番個臨窗卡位，舒舒服服地望著條街，感覺返曬來。餐牌都轉左，主打酒樓中式小菜。一場上到來，我點都要叫返個鐵板，要左個鐵板黑椒一口牛柳$98。話咁快就上枱，鐵板仲會有吱吱聲，香噴噴好吸引。牛柳粒份量不少，食得出好有牛味又唔韌，完全冇筋。黑椒味濃，辣辣地，配上青紅椒同埋洋蔥，額外惹味。老土D講句，真係色香味俱全，必食推介。另一個小食鹽酥鮮魷魚$58都想介紹吓，熱辣辣，炸粉好薄又夠酥脆。本身已經有調味，但我最鐘意魷魚鬚點喼汁食，夠鮮味。叫左個健康蔬菜，冬菇甜豆炒榆耳$78，貪佢唔係周圍有得食。味道控制得幾好，可能榆耳來貨貴，所以對比起其他餸就份量少了點，唔算抵食。除此之外仲有海南雞飯$98，海南雞夠瘦冇肥膏，又好有雞味，睇得出來貨係靚雞。可惜D雞飯煮得爛左D，有點失色。但佢個薑蓉同埋辣雞汁都好

母親節就食中菜，喺尖沙咀book咗一間餐廳，係新式嘅飲茶餐廳，有得飲茶而且又有茶餐廳嘅感覺。茶界＄10一位可以選擇幾款基本嘅茶，我哋就選擇鐵觀音，可以不停添加，而且店員服務態度好好有時見到我哋冇茶會主動幫我地加，我哋都唔好意思。1095枝竹火腩斑腩煲＄98裏面材料好豐富，除咗枝竹火腩斑腩之外，仲有啲冬菇，全部都好入味，火藍鹹香十足之外，斑腩都好正，好滑！1010鹽酥鮮魷魚＄58鍾意香口野就一定要試吓鹽酥魷魚，啲魷魚好有彈性但係唔硬，味道鹹香十足。外皮香脆幾有口感架！1133海南雞飯＄98叫多個海南雞飯，啲海南雞尚算香滑有雞味，而且啲飯嘅份量都有好多，可以選擇其中一款醬汁點，甜酸又有，豉油又有，任君選擇。