Video
4-min walk from Exit A, Austin MTR Station
continue reading
Telephone
26872128
Opening Hours
Today
11:00 - 23:00
Mon - Sun
11:00 - 23:00
Above information is for reference only. Please check details with the restaurant.
#慶祝 #聖誕🎄 #冬至 話說由細細個開始對韓劇愛好感因而對韓國美食好感🥰我估大部份人都睇過「星」呢套韓劇⭐️聖誕節俾我哋發現咗呢間好有特色嘅韓國小店，店舖嘅裝飾已經好似去咗韓國咁樣，仲有阿豬媽老闆娘，好親切🤣冬至一於同Lisboy & Lisba食餐好！🍽️ 花蟹魚糕火鍋天氣凍冰冰❄️一於食個新出又豐富嘅花蟹魚糕火鍋暖暖個身體🔥呢個波好有特色㗎，大大隻花蟹斬開，喺韓式火鍋入邊熬製，成個湯底都充滿蟹肉味🦀夠晒鮮甜，仲有大量唔同款式嘅韓式魚糕，好大個鍋，食完都飽晒😋🍽️ 特大牛排骨配生菜我哋估唔到個煲咁大，另外叫咗一個韓國燒烤🍖燒特大牛排骨🥩原骨直上，凍冰冰有燒肉食真係好窩心，個牛排骨燒到好Juicy，好香甜😋牛味濃，最愛韓國燒烤，因配埋生菜食罪惡感少啲🥰🍽️ 人蔘雞 + 炒粉絲Lisboy想食人蔘雞，我覺得呢度嘅人蔘雞夠晒特色，好似去咗韓國食咁樣嘅風味，隻雞燉到好軟熟，一咬即開，好入味😋冇得輸！話說外國讀書嘅時間，有位韓國同學知我好愛食韓式炒粉絲😋所以成日整俾我食，估唔到呢間嘅韓式炒粉絲可以食到以前嘅味道夠晒正宗，好懷念啊🥰🍺 2 x hite +真露因為見到呢個配搭好新鮮又夠晒吸引，所以order咗嚟試一試🍾估唔到咁駕勢🤣好大Jar酒瓶🍻原來Beer mix真露都幾易入口😋配韓國菜好爽！
continue reading
講到佐敦文英街既韓國餐廳，相信好多人都會聽過呢間星星Pho Cha，其實佢已經屹立咗喺佐敦好多年。除咗炸雞十分出色外，其實佢好多韓式食物都好食，性價比亦好過，絕對比尖沙咀金巴利街嘅同行有過之而無不及 😆喺文英街有兩間星炸雞，一間係可以堂食嘅星星Pho Cha，一間就係專做外賣既星星Togo，我同朋友其實兩間都食過，亦都係長期嘅擁躉，今次食完個土豆豬骨湯後決定要幫佢打返一篇食評 🤓土豆豬骨湯 佢有細份同埋大份，我哋兩個人所以叫咗細份，呢個豬骨湯用咗土豆、韓菜及豬骨熬製而成，豬骨肉10分軟腍、入味，令我諗起泰國嘅火山排骨。但呢隻韓式排骨湯更加有驚喜。原味紫菜包飯傳統嘅韓式包飯，性價比10分高炸醬麵炸醬麵嘅份量又係令我哋嚇一跳，份量超多之餘，亦都好有韓國本土嘅風味泡菜炒豬肉建議點泡菜炒豬肉，加配白飯，呢個餸既辣汁好開胃，豬肉亦都好軟腍，真係白飯都要叫兩個先搞得掂星星系列餐廳都係由韓國人主理，我同朋友食韓國老闆娘都在場，服務都好好，見到我哋前菜食完就即刻幫我哋再添加，好有人情味嘅韓式餐廳😍
continue reading
又濕又凍既天氣最啱就係食韓國野暖下身, 事隔幾年黎返呢間位於佐敦韓國人主理既韓式餐廳, 呢度既裝修好有feel, 食物選擇好多, 有啲仲係香港其他韓國餐廳比較少見😌石鍋拌飯🍲 ($92)超級熱辣辣既石鍋拌飯可以選擇配牛/雞/豬, 有各式既配料, 最重點係要將生蛋用飯蓋一蓋住整到佢熟熟地再撈就會有蛋飯既味道, 個鍋係熱到可以整到飯焦, 加埋辣醬一齊食超正, 食完成個人暖曬😎星星拼份炸鷄 🍗($158)原味拼甜辣醬味炸雞總共有大概10-12件, 個人覺得甜辣醬果款唔算辣, 但係完全食唔到辣既朋友可以揀返原味會好啲🤓土豆豬骨湯🍖 ($258/$358)有細份同大份既選擇, 兩個人食細份就剛剛好, 排骨整到夠稔身同埋都幾入味, 仲有大量既蔬菜去做配料, 湯頭唔算辣仲可以加湯, 食完仲可以加飯或麵索曬啲湯汁幾正🤩星光清河氣泡酒🍾($68)呢枝我都介紹左好多次, 真係好好飲, 想飲酒又要易入口既一定要叫呢枝🥳冇諗過平日夜晚呢度都咁熱鬧, 呢度既CP值都算幾高😉
continue reading
食物都算正常,炸雞新鮮炸起，不過無咩味。炒粉絲起碼夠味，上曬主食，差唔多最後先上小菜。全個餐廳得一個姨姨，送餐埋單叫野食都係佢，唔知佢係咪太忙喇，佢就態度好差。唔小心俾第一個comment厄左黎食😤
continue reading
放工同同事去食個晚餐、就揀了一間食韓國菜的、今日凍冰冰最好食熱的、暖一下身體🤭小菜土豆豬骨湯 🌟🌟🌟🌟🌟口感濃郁，湯汁清甜，豬骨熬煮得恰到好處，肉質鮮嫩多汁，搭配土豆入口即化，帶來滿滿的滿足感。湯裡的調味料恰到好處，不會過於鹹或油膩，這道湯燉煮的時間長，讓豬骨的風味完全融入湯裡，每一口都能感受到濃郁的豬骨香氣。牛排骨 🌟🌟🌟🌟🌟肉質豐富，帶有濃厚的牛肉風味，咬下去肉質鮮嫩多汁，口感十分豐富。經過適當的烹調，內裡保持著肉汁，牛排骨的調味料搭配得宜，讓肉質更加鮮美，不會有腥味或過於油膩的感覺。食用時搭配醬汁或配菜，讓整體口感更加豐富。韓國草莓米酒 🌟🌟🌟🌟融合了草莓的甜美和米酒的香醇，帶來獨特的口感體驗。草莓的酸甜味與米酒的醇厚口感完美結合，入口清爽順滑，帶有淡淡的果香和米酒的香氣，韓國草莓米酒的酒精度適中，適合大多數人享用，不會過於刺激。
continue reading