喜來稀肉 (Closed)

以前都有去過喜來稀肉其他分店，都覺得不錯，但係因為有一排好多人去，變左限時，就無再去喇。今次再黎，同朋友聚一聚。灣仔分店地方闊落，枱同枱中間有好大空間，可以同朋友好舒服咁傾計。掛住傾同食，唔記得影相添~4個朋友叫左一個牛嘅set（壹頭牛），可以燒下。我地仲有叫2個石鍋飯（石鍋拌飯，魚籽石頭鍋拌飯），一個湯，同一個煎餅。因為我地上網訂枱，每人有一個free drink。壹頭牛套餐幾好食，有5款肉，雖然個餐係2人套餐，份量都足夠我地4個人每樣都試到一至兩件。我地掛住講野，有D牛肉燒得耐左，不過都唔會好硬，唔錯！外圍嘅蛋係可以不斷添，我地覺得泡菜味好食D，另外個芝士味唔太突出。個蛋我地都食左3轉！湯有少少海鮮，有蜆，有半隻蟹。味道一般，同其他地方嘅湯差不多。煎餅比外面韓式餐廳嘅煎餅大，料都幾足，蔬菜算多。好香，味道好好。石鍋拌飯放得太耐先食，熱到鍋底有飯焦，變左D飯有少少硬。後加嘅魚籽石鍋拌飯幾好食，有好多魚籽，啖啖都有魚籽，仲有紫菜添。下次再去！

我地去食午餐。午市熟食套餐，有一碗湯、一碗白飯、一碟肉仲有兩碟泡菜，價錢都60蚊左右，好抵。首先份量係非常充足，前菜的泡菜有好多選擇，侍應好好咁比左唔同款式的泡菜比我地。主菜我地叫左墨魚，雞肉，豬肉一齊分享。墨魚好爽。雞同豬都比較「鞋」，好入味。個湯都可以，有好多蛋絲同少少肉絲，濃淡適中。個餐好豐富，最後有甜品，可惜，冇飲品，有飲品就更加完滿啦。另外，都坐得舒服，但有機會要搭枱。午市人好多，book枱比較好

今天一大班老友約食飯，本來打算麻甩邊爐，但有人建議韓燒，試下新野啦，上到去比裝修嚇左一跳，非常寬敞，是超闊，檯與檯之間應可放多一張檯，有ｄ似街邊自己搭爐似的，老闆唔想賺錢？人少就街邊檯，人多就卡座，設計幾好，座位內可放袋與褸，唔洗食完一陣燒烤味，good，但每張椅都沒有靠背，成晚坐直直都幾靠腰力，價位屬於中高，強調靚韓牛，唯一好處泡菜，生菜，蛋汁無限暢食，比較抵番ｄ，韓式煎蛋有兩種味，泡菜，芝士，覺得唔知食緊乜，芝士無芝士味，泡菜加左蛋又無左泡菜味，蛋又無乜蛋味，我究竟食左乜？？一頭豬：都幾特別，豬乜都有ｄ，肉質亦ok, 一頭牛：部份都有ｄ，肉質看上去亦幾靚，但無牛舌，兩個set話就叫二人，但四人食都夠，可以。韓式炸醬烏冬：黑漆漆，唔知點，只有豉油及洋蔥味，如果咁比起我地中式的差很遠味，韓牛肉眼：望落ok，都可以，但高價，不及和牛油，又不及美牛味濃，一般。牛舌：薄切，爽度ok，但太濕，點燒都唔夠乾同焦香。總括：都可以，但肉質幾靚都無乜用，韓式燒烤重囗味，乜靚肉質肉味都蓋過啦，而且不知是否滿足fans心態，侍應生好多OPPA，落order時有ｄ困難，他們的英文就算好都有口音，所以不知為何

同事放工大家雙雙諗唔到晚餐食咩好，就決定在公司附近，連lunch都未有機會試到的喜來稀肉試下😁😁放工時間6點多，一到埗就有位，店內空間很寬敞一坐下店員就立馬送上前菜，在燒板上加上一小舊肥豬膏，倒下蛋汁。右邊紅紅的蛋汁內有些泡菜最後決定食二人套餐的"一頭豬"，承惠$388雖然看似份量少，但二個唔大食的我們，足夠有餘。而且生菜還可以任添，大家都可以試下用不同方法試下，例如自製生菜包。😎最後結賬連同加一服務費，多謝$428。

情人節7:30 pm 左右到達，好開心唔洗等位啊！無謂俾貴d又要同人迫啦！2人食韓燒都好浪漫架！唔使一定要5 courses dinner 嘅！第一要讚就係呢度好大，枱與枱之間有足夠距離, 唔會太迫亦都唔會聽到隔離枱講嘅嘢。店員還會問我地意願想坐邊張枱我地揀左坐圓枱。一豬一牛一個湯加白飯再加飲品$600 有找！！2個人都可以吃得好飽！豬肉叫了辣護心肉, 肉質夠淋，因為一早醃好左，食到有啲甜味又有少少辣。推介牛肉叫了調味牛排骨，好似用麻油和蒜蓉調左味，唔使點醬已好好吃。這裡的配菜有3小碟。泡菜夠哂辣，比較正宗（香港有好多泡菜都不夠辣）。另一碟有香蔥？芽菜，生菜同韓式辣醬，撈勻食勁香勁好味，加肉類包生菜必用！洋蔥就不是太特別。泡菜湯，入面有好多豬肉，配料都好多架，夠哂濃。但要自己加$12叫個白飯。桃汁好甜，覺得可以加冰底，咁會好飲d 。藍色lemonade, 睇落好靚但其實只係雪碧加一片檸檬和藍色糖水。

同事們難得約到就緊係試下新野，大家都未食過灣仔呢間，就試下。因為怕多人，一早book左枱，我地到左見到個場地好大，我地有6個人，一去就有位。我地叫左個午餐share,,,,好豐富 但無咩特別。都係普通生菜包豬肉 spicy湯，兩隻蛋，小小拌菜同飯呢個牛肉set好好味！係必叫，全部每一款都好好味，唔洗點汁都好食。豬肉set都好食 不過個人無咁中意食豬肉 佢都幾有心思，有唔同部位，幾香同滑！最後呢個燒蛋係好好正架！超滑，超好味，係包左架，想食幾多都有！睇下個半熟蛋幾滑！對於一班人黎講，呢個係好好既聚腳點，值得一試架！

本来就超级喜欢韩餐，没想到香港的韩餐也这么赞。很正宗，跟我在韩国吃的味道一样！据说是韩国的连锁品牌。午餐价格还不可以接受，人均不超过100。但是晚餐烤肉价格看起来很贵，要500-600。餐厅很大，公司聚餐觉得坐起来很宽敞。椅子的设计很有意思，可以打开放衣服。香港这样寸土寸金的地方，这样的设计很人性化也很有趣！最喜欢套餐里的章鱼，微辣偏甜，口感很好。自助的土豆泥味道也不错。自助区还有泡菜，很适合朋友聚餐的地方

天寒地凍不想吃火鍋，燒肉會是我另一個選擇，這天就與老友記去灣仔的喜來稀肉圍爐取暖兼烤肉啦XD 也不是第一次到喜來稀肉吃烤肉了，特別喜歡這裡空間大但桌數不多，桌與桌之間有充足距離不怕會被鄰桌的油煙飛濺 XD 而且喜來稀肉的通風抽氣設備非常好，吃完一晚燒肉身上也不會沾上多少油煙味。 甫坐下已有店員送上前菜和在爐邊加上芝士蛋跟泡菜蛋，前菜和蛋都可以任意添加，泡菜酸辣夠味超開胃，芝士蛋和泡菜蛋只要注意火候就能吃到香滑口感 (單吃這些都半飽啦，也太划算了吧？) 先點一客壹頭豬的二人拼盤套餐，可以一次吃到護心肉、五花肉、豬頸肉、豬大腸和烤豬皮，分量少少兩個女生吃剛好！ 豬皮放在爐上邊烤邊卜卜脆響，不少油分在燒烤過程中被迫出，焦香脂香同時散發。烤好的豬皮較乾身，香脆中還帶一點豬皮的靭度，嚼勁十足。 最容易燒的豬頸肉也被我烤得半焦，手殘星人當之無愧。豬頸肉口感較爽，護心肉又軟又香。 大大一片五花肉半肉半脂肪，燒得半熟時可以用剪刀剪成小件再燒，火候更易控制。燒好的五花肉脂香濃郁，沒有薄切的香脆口感卻也啖啖肉嚼勁十足。 第一次燒韓式豬大腸，大腸中心的脂肪油分被熱力慢慢迫出，不會太肥膩。沒

之前去其他分店都係排到2046先入到今次好好彩係wc呢間唔知係新開定係閒日既關係我地walkin唔洗等就即刻有位喇一行四人，必嗌左有護心肉，真雪花牛肉，韓式烤豬大腸，辣五花肉，牛肋骨肉⁠⁠⁠⁠護心肉 $150食評：呢個真係生招牌！！每次黎都必嗌，因為實在太太太好味，而且好似係得呢間先有得嗌護心肉，口感比起其他PART既豬肉更爽口彈牙，一燒個下已經勁香，點佢個汁黎食一流！！真雪花牛肉 $200食評：一上黎見到個色澤同脂肪分佈就知係好野黎，唔洗燒太耐就已經聞到牛肉既香味，我地燒到5成熟左右就拎上碟食，好香牛味！而且d脂肪好平均，好正，飯都送到幾碗！韓式烤豬大腸 $120食評：成日係韓劇見到d人食豬大腸就好想試，今次終於比我試到，佢個份量都算大份，夠我地4個食。原本以為係放完上去係烤豬大腸，自己燒完發現個口感更似炸大腸，因為店家整到d大腸細細份，再放上去會比較似炸，口感一流！！！最岩用黎送酒，可惜我係唔飲酒的辣五花肉 $120食評：呢個係要原條燒完再自己剪，我一開始仲擔心咁中間個D入面咪好難熟，但我燒左一條之後發現原來好易燒！而且因為佢有肥肉係度，燒既時間唔洗好耐就已經可以番轉，不過就比較難

The food was alright, the food quality was not as good as i expected for the price it offers:/ not sure will I go back again:/ Apart from that, the other thing that annoyed me was there was only one chicken dish. Most of the staff are helpful and nice.

本想到訪銅鑼灣店，但只有灣仔分店有枱，反正地點也方便，而且店內寬敞，人比較少，吃得更舒服。套餐的組合不太合我心意，加上只想吃護心肉，所以沒有要套餐，散叫就可吃到自己真想吃的款式。幸好散叫也會自動送上豐富的前菜。豬護心肉是韓國料理特有的款式，餐紙上有特別介紹：位於豬橫隔膜與肝之間的肌肉肉筋，不含油份而有嚼勁。每隻成年豬只有400至500克護心肉，故較罕有。其實不明白所謂不含油份，或許是油份較少的意思吧！燒時講究技巧，因形狀不是扁平，要像炒肉般不停翻才不易燒焦，口感有點像豬頸肉和叉燒。這款招牌喜來稀肉牛肉片最受大家歡迎。因為是薄切只需兩面分別燙一下便熟透，油脂較少但也很軟滑，牛味也香濃。爐邊的蛋汁可無限添加，一邊原味一邊泡菜味，用來送白飯或麵都很可口。既然護心肉是個人最愛，一碟怎會夠。這款是辣味，加了不少醬汁，但不算太辣，同樣要花點功夫翻肉和用夾偶爾壓一下確保熟透。這款霜降牛是較貴的款式，8塊索價220元，外觀很美很吸引，雪花分佈均勻，顏色鮮豔。但燒過後口感比想像中遜色，略嫌較難咀嚼，反而沒喜來稀肉軟腍，但勝在牛味足。護心豬肉太受歡迎，平時慳儉的我都忍不住想再多吃點，但就轉為試牛肉。味道和

I like the fact that you can make reservation ahead of time and the space is spacious for HK standard. The food is decent and I really like the egg custard thingy they have along with the BBQ.

在中環一帶上班, 食LUNCH既消費好高, 久唔久去下灣仔試下新野已經係第2次去喜來稀肉食LUNCH, 多選擇, 價錢100蚊內左右環境又好, 又可以自助無限添前菜, 仲有沙冰飲真係唔錯既食LUNCH選擇

曾有朋友對這裡的燒肉讚不絕口. 是晚就和相識已久的朋友到來吃晩餐, 順道一聚.店內面積很大又寬敞, 枱與枱的空間十分足夠, 與朋友大聲談笑也不怕了.打開餐牌, 肉類選擇繁多, 最後我們揀了十多分鐘, 才能下決定. 點了一客豬護心肉, 牛頸肉, 牛排骨, 韓式豆腐湯及韓式伴麵. 點好食物後, 侍應就給我們加了蛋漿, 以便製作爐邊蛋.這個豬護心肉, 呈橙色的, 肉質緊緻卻嫩滑, 脂肪多兼而油潤, 不錯的.至於牛頸肉, 牛頸部分是牛活動最多的部分之一, 是以肌肉為主,  故脂肪不會太多, 薄切會方便咀嚼. 然而, 這碟牛頸肉卻件件厚切. 雖其肉質是柔軟, 亦已經只燒至六成熟, 不幸的是, 它仍然偏韌, 咬著很費勁.牛排骨切為方塊形狀, 放在爐上燒, 很快便熟了. 它的肉質軟嫩, 牛味濃濃, 醬汁醃得入味可口, 不會過鹹, 尚算不錯.用生菜包裹著來吃, 立即減輕油膩感.韓式豆腐湯內除了有豆腐, 更有肉碎, 洋蔥, 辣椒等. 豆腐很是滑溜, 湯的辣度屬中等, 惹味十足. 不過, 豆腐湯是否應有點兒豆腐味道呢, 奈何我倆卻丁點兒也找不到.....韓式伴麵之上有切件的烚蛋, 拿起剪刀輕輕在冷麵上剪三

我地中午時間來食lunch, 無book枱但好快就有位！地方大，枱與枱間寬，好啱一班朋友仔來，又唔怕聽到隔離枱講咩。d野好好食，我叫左韓式芝士拉麵，好濃味！如果塊芝士再大塊d就好喇。枱上有呼喚服務員既鐘，唔使舉到手軟。服務員有禮貌，一叫即到！大家都同意會再來！