七重天餐廳

Open Now

Now Closed

今日做野做晏咗，所以就自己食晏啦⋯⋯公司樓下仲係好多人等位，落完雨，太陽晒返啲蒸氣上黎，所以一路行，一路搵啲唔洗等位既。結果行咗成條街，去到冇咁多人地方，遇上呢間七重天例牌都係雞排，但佢搭埋豬仔骨，所以豬仔骨原本係配菜。估佢唔到，原來調返轉，啲豬仔骨咁正既，香滑，有咬口，雖然有兩支骨係唔方便用叉食，但唔好食咁盡囉⋯⋯有少少肉淨，實拮到格。至於雞呢⋯⋯好可惜，實咗少少唔係咁適合我。另外一提，坐對面位的小姐，叫了一份咸豬手，好大份，我見佢食得好滋味，下次要試下先。

><近排要去鰂魚涌上堂 食飯時間有d趕唯有喺附近解決餐湯竟然有洋蔥湯揀全枱一致都想試下 個湯清清地 唔係好特別黑椒西冷扒意粉($60)塊扒份量都ok 幾腍冇鬆肉粉味同行嘅仲嗌咗蒜蓉德國鹹豬手($60)有d驚訝唔係炸嘅豬手洋蔥豬扒拼吉列魚柳($62)唔知係咪當日壞冷氣 越食越熱風扇都降唔到溫><><><><><><><><><><><><七重天餐廳 Seventh Heaven Restaurant鰂魚涌英皇道867號麗華大廈地下

多數番工 我都會帶自家飯盒番公司食除左星期一同星期五今日到左星期一 又同一班同事出去食個晏就有同事話想黎呢度食西餐 幸好我地早放晏 一行8人都有張長檯比到我地今日既午餐Menu我叫左 “黑椒德國🇩🇪咸豬手”跟飯, 忌廉湯同熱奶茶豬手好巨大 咸度剛剛好我有同事食完豬手 就食唔到意粉了😹另外, 蒜蓉包 牛油味同蒜蓉味都好香 而且麵包唔硬 仲多脆內軟, 不錯

今日做野做到連Lunch 都食唔到，頂到3:30 去七重天食下午茶！因為太肚餓，我叫左個西多并炸雞脾跟凍奶茶!落檯時嘩左出黎！因爲隻雞脾係我食咁多間茶餐廳以黎最大既一隻！我咁肚餓都食淨小小大得誇張！整體黎講ok 既，西多即整！雞脾我覺得係返炸！會再幫親$39

是否太耐沒有寫食評，有朋友開始投訴！哈哈！今日又開始介紹，這次是前往鰂魚涌的一間小餐廳。因為難得地到北角返工，所以食店總是圍繞著鰂魚涌。餐廳的外表比較低俗，雖然這樣，但不會影響我對食物的要求，40至60元一個餐，差不多吧！好，進去。 由於沒有吃早餐的關係，所以我一點就點了牛扒意粉！！ 這個lunch包了一杯熱飲，一個薯蓉包，一個餐湯，其實也很豐富！有一點驚訝是這餐廳竟然有洋蔥湯可以提供！ 啱曬身體不適的食客！餐湯我點了羅宋湯， 好明顯這間餐廳的羅宋湯並不是罐頭湯，羅宋湯竟然沒有蕃茄蓉這一點很有趣！ 羅宋湯偏清淡淡菜味很出，胡椒味也很重。我覺得蒜蓉包的蒜味未夠，可能我貪心，呵呵！而且外皮不夠脆，可以略為改進。 之後到正餐，牛扒比想像中入味，而且軟身，不會很硬感覺，保持牛肉汁！處理很好！而且很大片，視覺感覺一流！！意粉比較乾身，所以我都另外叫侍應給我黑椒汁！哈哈！ 意外地這餐廳員工很有禮貌！個人覺得是lunch的選擇之一~~

食咗幾日魚生、壽司🍣 #小秘書 終於返回地球從過草根生活🥴 喺鰂魚涌返工就快已經五年喇⏱ 今日第一次有同事帶我去 七重天餐廳 - 鰂魚涌店 食lunch 🍽 #豉油西餐 我就食得多，#七重天 嘅質素算唔錯，起碼塊牛扒唔會有一陣雪味、仲要係切都切唔開果隻😅 我覺得肉質同味道ok wow! 不過聽同事講 #羅宋湯 🍅 嘅味道比以前差咗... 而 #小秘書 就覺得口味辣咗啲。而且成間餐廳佔咗八成半都係男客人👦🏻👨🏻‍🦰👴🏻 如果要傾密計，就唔好過嚟喇🤣

For a tea set (2-6pm) price of only $30, I was astounded at the juicy pork chop which was a very large size and covered in tasty garlic sauce and accompanied with freshly fried potato wedges as well as an iced lemon tea served in a real glass!!! For that price and good food, you can’t beat that. The only downside is that I found a long, black hair in my garlic sauce and a long, black hair in my husband’s iced milk tea :-( The baked cheese pork chop over egg rice was also scrumptious and came fre

係鰂魚涌嘅食lunch ，就好似進入到第三世界嘅災難現場，又或者末日既喪屍片咁，一隻二隻飢民湧入唔同既餐廳，跑慢啲就要等位，分分鐘等到lunch hour 完都未食到飯。同事介紹呢間餐廳，lunch hour 都唔算太多人，係門口等一陣就已經入得，侍應事先係門口幫我哋落單，所以一坐低已經有湯飲。特別之處係一般餐廳通常提供紅湯同白湯，但呢度竟然有洋蔥湯。洋蔥湯配上香脆既蒜蓉包，絕對係perfect match， 洋蔥湯非常之清爽， 亦有好多洋蔥絲，食到有少少雞湯做膽， 加上煲咗好耐既洋蔥，非常入味，清得嚟好溫暖順口，冬天超啱飲。而蒜蓉包既外皮好脆， 牛油味同蒜蓉味亦非常足夠， 外脆內軟，唔會乾曬，點埋湯食真係超正。至於西冷扒亦都唔錯，煎得幾香，但店內提供既餐刀就唔太利，需要額外問店員索取牛扒刀。 同埋黑椒汁就多咗啲，有少少遮咗個牛扒嘅味道，係 典型嘅港式西餐，但意粉就烚得比較耐，比較淋身，同埋係預先煮起，所以有啲凍。不過午餐時間，廚房比較繁忙，喺情有可原嘅，六十蚊包嘢飲，不過不失啦。

很久沒有去七重天吃晚餐，今晚在那兒吃飯，给我一個意想不到的驚喜。我點了一份美国西泠牛扒(七成熟), 當我一切開牛扒，它是足足七成熟，而且不用加任何汁，巳經好好味，超有水凖。加上那位姐姐很友善，服務態度很好。今天過了—個開心的晚上。

早餐係週圍食尼食去都係果幾間，5係happy together 就係樓下茶餐廳，其實都幾厭下。之後比我發現，係呢頭咁多年，竟然未食過呢間野ge早餐，配合天時地利人和之後就gogogo出去買早餐！剛剛去到果時其實都有d怯怯地，因為間野中意玩情調，d燈光比較暗，好驚以為已經行到過尼但都未開門，但原來早就開左門喇！我地一入尼之後，就陸陸繼繼好多人入尼！之後我地都等左段頗長ge時間，當我地想催佢快d果時，佢終於包好比我地。第一下見到個外賣盒好大個，但其實好驚盒大料少，不過佢ge質同量絕對對得起個價錢！先5講佢塊扒已經佔左大半個盒，佢個太陽蛋同個薯角我已經比左個心心眼佢！同埋咁大個盒真係比佢塞到滿，呢個5止係早餐，直頭可以當lunch 食tim呀！

和同事到附近做野，黎家姐介紹既呢間食Lunch，話幾好食又抵。叫了扒餐，套餐包餐湯，蒜蓉包及飲品一杯。蒜蓉包香脆，叫了白湯，覺得咸了一點。飲品叫了凍奶茶，一般般啦！牛扒很大塊，配黑椒汁，有點筋位，但肉質很軟淋，牛味雖不太濃但也很不錯的說。配菜是白烚椰菜和焗薯角，椰菜須要沾黑椒汁才好食，要不然就無味了。薯角外皮乾脆，好味。以六十多元來說，個人覺得很值得。

是晚突然好想食扒，便和男友到樓下餐廳開餐。套餐很便宜，連加一也是八十多。餐湯我叫左忌廉湯，湯沒什麼配料，味道偏咸，但也可接受。叫了一客黑椒汁西冷牛扒，7成熟。西冷牛扒很大塊，7成熟肉質也頗軟淋，牛味也不錯，配上黑椒汁很美味。配菜有白烚椰菜及焗薯角，椰菜是白烚，沒味道的，但沾些黑椒汁，很好食。薯角比較瘦，沒什麼肉，但外皮很脆，好食，如大塊一些有多些薯肉便更好。套餐配一杯飲料，叫了凍奶杯，普通野啦，茶味不夠濃，但也OK。最後食套餐的甜品，有布甸或o者喱可選，選了o者喱，食完飽飽走人。

如果想食牛扒,又唔想比好多錢,通常都係係屋企近件七重天食,雖然係港式豉油西餐,但係呢個西冷扒只係$68,加埋1之類約$80埋單,實在價錢之上叫了5成熟,肉質唔會太稔,肉味一般,但黑椒汁既提味下還是可接受,而且份量應該有約10安士.雖然明知豉油西餐既牛扒都可能經一些特別處理,但係久不久食一餐還是可以呢.伴碟既薯角不夠脆,略為乾左一點,但係撈下個汁食都可接受晚餐跟飲品和芒果布甸,芒果布甸真的有芒果肉,食落芒味不算重,下點花奶食變得滑潘一點更佳呢80蚊,我會更樂意比佢地,而唔係花X餐廳O個類

我相信這店應該是裝修過吧，完全感覺不一樣的西餐廳，地中海格調的設計，白色外牆，籃色窗櫃，彼有小情懷！我們點了煎魚扒拼炸大蝦與意粉，份量不是很大，魚扒煎得唔錯，吃落有魚味，肉質唔松散，食物本身新鮮應記一功。大蝦只有一只，並不算很大，炸了感覺熱氣，但食材新鮮，食落肉質爽口，不錯。意粉無味，應該無落鹽去煮，還好有白汁，否則難以全部吃下，但是落白汁感覺非常茶記。

每一次路過一些名字特別的餐廳，總會給我一個特別深刻的印象。而每一次坐車來鰂魚涌尋食，在英皇道旁，有一家名字很奇怪的餐廳，總會令我在巴士式電車車窗內，往外望多幾眼。這就是我是日專程來看個及食個究竟的《七重天餐廳》。這一家《七重天餐廳》，是一家很傳統的豉油西餐廳，入到內，亦能夠感覺到他的老派格局。飲食的環境雖然是普普通通，但當中有不少擺設，也是值得你去用相機拍下的。午市的套餐，有麵包有湯也有扒。我點了牛扒，店員立即問我要幾成熟，令我在心中的期望提升了不少。食扒的前戲，就是麵包同餐湯，蒜蓉包加忌廉湯，creamy 就是最好的形容詞。蒜蓉包香脆，點一點湯食，更可口。食西餐都是配薯菜比較上正宗一點，肉眼扒，4成熟，配上相對上比較粗條的 fries，再淋上一個燒汁，感覺非常之香港式，而對外國人也沒有絲毫的失禮。把牛扒切開，鮮紅的肉色，鮮紅的血汁在牛扒的內心滲出來，肉質腍而帶香，這肉扒，雖然不是什麼高級的扒，但在濃香的汁帶領之下，這牛扒的香味十足，濃濃烈烈的汁味，牛肉味，是平凡人的一種美妙味道。好的港式西餐廳不多，既老字好又保持良好水準的更少。大家都是香港人，豉油西餐，基本上是由細食到大的，這一種牛