菜菜鍋 (康怡廣場) (Closed)

最有誠意嘅日式火鍋放題店🍲有勁種醬料選擇，梗有幾款啱你！仲可以揀鴛鴦湯底，啱晒三心兩意嘅我！海鮮樣樣都好鮮甜 🦐牛肉仲round round都咁靚 🥩 .#菜菜鍋 #shabusai #しゃぶ菜

Summary: Good value for unlimited meatThe Goods: Personally really like variety of sauces and condiments, but choice of food is also great.The Bads: Not much at this price, but personally think curry is a bit too watery.Damage: HKD148 + 10% SC, we picked the cheapest meat option (as usual). You can eat for 90 mins.This is probably our 20th time visiting this shop, as we live quite close by. I would recommend this one too but still my personal favourite is a newer place in North Point called Gyu!

其實食物係OK的，但本來都有諗住有機會再嚟食過，但服務態度差到🤮🤮，我從來都未試過唔係因為食物差，而係侍應態度差到永遠都唔想再去，個男侍應同我講公司唔介意嘥咗啲食物，叫我哋走，但我桌子上就只剩下一塊已熟咗的肥牛，我哋睇過時間，我哋係有遲走，但只係3分鐘，使唔使吹我哋走吹到甩褲呢？佢都睇到只剩一片牛肉啦！呢啲簡直係倒米侍應，佢唔好黎啲平常餐廳做啦！走返去做大排檔咪好囉！大排檔啲態度啱佢做多啲

這間店店面雖然不大，但座位寬敞，與鄰桌有隔板分開，出去自取食物必須戴口罩，環境舒適，衛生令人放心。我們一行人都不是肉食量大的人，所以選了較便宜的特上牛肉，想不到牛肉的質素仍然十分好，外表好睇、肉質鮮美又夠滑。其他自取的食物款式雖然不算很多，但蔬菜、鮮菇、肉丸，想要吃的都有，冷熱飲品、雪糕甜品一應俱全。特別一提這裏的雲呢拿味軟雪糕，味道香濃，質感幼滑，必須一試。侍應人手充足，想找人加添牛肉、湯水的時候都很快，侍應殷勤有禮，服務不錯。

一人一鍋，$168 已食到上等牛肉。雖然有D肥、但入口即溶、有牛肉味、豬肉也不錯！多款鍋底、任食丸丸+菜十飲料、雪糕……90分鐘、價格值！今期仲有贈卷但要到旺角分店用……稍微美中不足！

戲院開番，急不及待去睇少年的你，不過係睇戲前需要醫飽個肚，於是係附近搵食，行行下去到康怡廣場見到有間食火鍋好似唔錯咁五點幾見到未有人，但門口望過去已經準備到好豐富既食材😋係咪等緊我😎晚市有幾種唔同牛肉揀，湯底可以揀兩款，仲可以追加海鮮😋😋精挑細選之下我同媽媽一致揀左嚴選牛肉放題，湯底揀左蕃茄配香辣，豬骨醬油配壽喜燒，落完單店員會提番計時90分鐘，嗯，夠哂時間掃食😎入左位冇耐湯底就上到，速度上都幾抵讚👍個嚴選牛肉睇落去實在令我流哂口水🤤枱邊有張咁既memo手，睇落好正咁 不過今次時間緊迫就唔叫住主菜放低先，行左出去掃視下有咩配料拎，一望超多種！醬汁配料好齊全！完全可以發揮創意自己較汁🤗除左配料佢仲有飯，咖喱，中式湯，糖水供應，以呢個價錢黎講真係算多款咯拎完一堆野開開心心開餐😋😋個牛肉的確如店員所講肉味濃，雖然冇乜脂肪但都算滑口，醬汁多款可以試好多唔同味道👍食完主餐梗係要有個甜品作為完美既結束，食雪糕🍦旁邊有大量小配料自製雪糕😋我整同媽媽整，食得好滋味😋😋食飽飽都差唔多夠鐘睇戲，未夠90分鐘就走嚕，呢間店我第一印象就係配料勁多多多😆食物既質素都中上，呢個價錢食到咁既質素cp值相當唔錯。有機

-繼續介紹吃到飽系列《菜菜鍋》🍲呢兩年越出越多火鍋放題🤤岩晒各位大食積🤫今日介紹呢間分別有四個唔同嘅收費🤲🏻先揀左牛肉級別先👀🥩上等牛肉 （$159）🍖特上牛肉（$189）🐮嚴選牛肉（$239）🐄和牛肉（$299）然後可以揀兩個湯底🍜芝麻海老湯🍤壽喜燒湯🥘蕃茄湯🍅香辣湯🌶海帶湯🍘豬骨醬油湯🐖（有時有啲限定口味架😍）另外可以加錢追加海鮮🦞今次我就揀左嚴選牛肉（$239）湯底放面就揀左芝麻海老n蕃茄湯🍅芝麻海老湯建議唔使揀😒淡到一個點！蕃茄就隱陣嗌！夠濃！🤤另外牛肉同豬肉係可以任叫架！蔬菜/丸/雜不甩果d可以自己出去拎！牛肉唔差😍油脂分布平均！呢個價錢都可以食到牛味😂同埋佢玩菜醬料款式都算好多😁又係2百幾蚊食到飽系列😎非常之推薦啊！🙂（等疫情完咗再打邊爐啦各位）提示：放心呢個邊爐唔係最近食架）😂

與友人相約八點，但最後訂枱時間為七點，七點九去攞枱，有兩個方案：一、等半個鐘分枱坐二、等一個鐘一齊坐似乎大多係七點半左右入坐了，唯有分枱坐吧。揀咗第二平嘅特上牛肉放題($189、加一)：肥膏唔多，唔小心淥耐咗嘅牛質都唔覺靭。豬肉唔鞋，同個蕃薯湯底好夾。今日啲芋頭好好味，但粟米就硬到咬唔到。周邊仲有飯、咖喱牛汁、湯、汽水、茶包、雪糕。友人話(我無食)雪糕好滑。汁料選擇都夠，但唔見有生蛋，麻醬似食腸粉果隻多過好邪惡果隻。總括而言，OK，性價比一般。

第一次行經大排長龍，所以放棄了。今日卷土從來，即時入座，選了中價放題，選了一人鴛鴦鍋，秋蠓及辛辣湯，湯，牛很快送上，火速攞調味，發現調味種類也很多及齊。芫茜，姜蓉都有齊。再出自助台，有各種菜，瓜，菇，竟發現羽衣甘籃，皇帝菜，鮮雞，魚塊，青口及各種手打丸類，加分。另外熟食方面就五目雞飯, 青紅蘿蔔湯，咖哩牛肉。甜品除了云厘拿雪糕，竟然有合時的姜汁番薯糖水。驚喜！食物種類多，至於食物質數，牛肉味重，好食，豬跟牛差不多，至於任食的雞就冇乜雞味。手打丸不是每種都啱食，最欣賞反而是咖哩牛肉，番薯糖水。添食又添食！價錢或貴了點點，但質素及種類又有驚喜。可以再去。

今日我同朋友兩個人去到太古搵嘢食 見到菜菜鍋 好似幾好冬天打邊爐都唔錯 烚吓烚吓！咁我哋就兩個人去排隊攞飛話說今日係星期三。未攞飛之前我見到入邊都有好多張吉枱（即係客人已經走咗） 應該係人手不足，所以暫時未執嘢轉姐！ 唔緊要我哋等一陣應該好快到我哋。嗰陣時叫到44號 我係48號（因為佢哋有限時90分鐘 我諗佢哋會知道有幾多張枱將會埋單） 我哋好有禮貌咁問個 帶位：唔該 大約等幾耐左右？ 帶位：唔知喎！有機會可能成晚你都未必會等到！ 我：哦 好！ 明白（我心諗佢同趕客有咩分別） 等左半個鐘唔夠就叫到我哋係冇解釋點食法點計法嘅情況下俾咗張細枱我哋 明明我同我朋友都幾大份！ 令人最嬲嘅係遲過我哋入嘅兩張 兩位 佢哋分別都有4人枱坐！ 唔緊要。我即刻問帶位小姐可唔可以換張大啲嘅枱比我地！ 帶位小姐： 冇個喎！我哋係根據客人走，去安排枱。你有冇要求。冇得咁個喎！同埋你哋已經坐低左叫埋鍋 （態度極惡劣）我哋心諗。下。其實佢都見到我哋坐得好辛苦。但係都唔幫我地轉枱。易令人最嬲嘅情況係 佢全程態度都喵嘴喵舌 講嘢又大聲。擺明係同你吵！ 不過我都想講除咗呢個所謂嘅 「態度極惡劣既帶位小姐」之外。

日式 菜菜鍋 康怡3樓有一間日本火鍋叫菜菜鍋。佢有幾個價錢俾你選擇唔同級數嘅牛肉！鍋底也可以選擇一人一鍋，/ share鍋底！一人一鍋既話就可以每人選擇兩個湯底，最近就新出左黑松露冬菇豆乳湯(白色果款)！湯底好重黑松露味，又唔會太咸，正！另外仲簡左壽喜燒味，正常發揮！另外，今次我地簡咗最平個款牛肉試！$129加一！牛同豬都可以任食！呢度既配菜同醬料都算多，菜，丸，汽水都係自己係出面拎，選擇好多👍🏾牛肉方面，油脂分佈平均，唔會太肥/太瘦！所以我地食左14碟牛！🤭食到最後仲有雪糕！總括而言，抵食！會encore!

康怡廣場向來都多日本食品買，除咗有吉之島呢個大型日本百貨公司外，喺吉之島地下仲有唔少日本餐廳:有鐵板燒、壽司、拉麵、海鮮飯。選擇多多，康怡3樓仲有一間日本火鍋叫菜菜鍋。今次試咗菜菜鍋，佢按照唔同嘅價錢可以選擇唔同級數嘅牛肉，可以選擇一人一鍋，每個鍋可以選擇兩個湯底，配菜亦都夠多，雞肉、菜、魚蛋味道ok，值得一試。今次我試過特上牛肉鍋 189蚊一位，唔算太貴。 如果喜歡食牛肉，值得一試。湯底叫咗壽喜燒，我覺得壽喜燒湯底太甜。

光顧了晚市，限時90分鐘。剛剛過了90分鐘，服務員黑哂面，三番四次催促我們交枱。因為已經晚上9:30，門外並沒有顧客等候，沒有阻著他們做生意😤當時枱面上剩返4塊肉，想一人一塊快快手煮熟食埋佢，同服務員講唔想浪費食物，誰不知服務員劣度非常惡劣地回答，「你只可以浪費左啲野食」，絕對不能接受😡最諷刺的是枱面上貼有’請珍惜食物，切勿浪費‘的大字宣傳。飲食業服務員為趕著放工，強迫食客浪費食材，實在是不能容忍。不會再光顧此店❌❌❌

港島東想搵任食邊爐都唔多太古康怡呢間 近近地又都算幾平可以揀要特上牛肉定上等牛肉，價錢差D而最近仲出左免費升級豆乳蝦湯， 可以一戰👻豆乳蝦湯就係白色果個 湯底都幾有蝦味 又唔會好咸，上圖右邊係壽喜燒味，下圖右邊係豬骨湯味。個人就鐘意壽喜燒多D喇~我地就叫左普通果隻上等牛肉，其實上等牛肉都唔差，眼望隔離枱係特上牛肉，D牛嘅紋路的確係靚D既，但厚度就都差唔多~另外仲有豬肉，無論係牛定豬都係任叫任食，可以無限食到飽！任食仲有好見唔同菜，肉棒，丸類任拎，選擇都唔算少，不過我就鐘意食牛食到自己飽😂醬料都有好多唔同款，應該可以滿足哂所有人嘅需要，呢樣野都幾貼心，一d平時比較少見嘅如芝麻，莞茜呢d都有驚唔飽嘅話仲有各式各樣飽肚食物，不過任食都好難會唔飽😋其實場內汽水任飲，不過打邊爐想飲酒嘅話都有選擇，$15一罐330ml, 唔算平 但就可以滿足飲酒嘅慾望~食到最後仲有雪糕機！配料都唔少~臨離開記住一定要食呀！任食一個人唔駛$200都算抵呀！

話說啱啱呢個星期六 諗住成班人大概有五大五小去食太古嗰間菜菜鍋 響螺為嘅時候當時係晚上六點半 我哋就已經攞咗十位 隊友位嘅時候係一個鐘頭後七點半 佢竟然同我哋講 唔可以一齊坐 分開曬東南西北四面 講真 我哋成班friend一齊食飯 唔會想分開食可放攞位嘅時候已經同你講咗十位你應該要提早預留位置畀我哋 之後當我嚟到嘅時候 佢竟然話 呢個係公司安排㗎啦 你一係揀錯一係揀唔錯 咁我再問佢如果要十位一齊坐要幾多點佢竟然同我講要再一個鐘頭後 咁嘅理論 係咩事呢 究竟係佢哋內部問題定係我哋自己嚇嘅問題呢 係唔係食你哋呢間菜菜鍋唔應該太多人去食只係限兩位至四位人數呢 所以我對呢間嘢非常非常非常感到極度憤怒 唔會再考慮再食 所以希望你哋如果人數太多千祈千祈唔好再揀呢間