深井陳記燒鵝 (Closed)

我叫個燒鵝四寶飯。差不多下午三點。唔洗等位。黎到個燒鵝得個皮食得。入面全包肥高。無一件有肉。不如我落單講埋肥高淨食？真係好過份。服務員態度又西口西面。我黎食野又無得罪你地。就算我唔係淨叫燒鵝飯。你都唔係只比個皮我食掛？作為食客見到無哂胃口。你作為廚師既咁既野都交到出黎比人食。有無可能？比下良心好無？我本來所都想算。愈食愈一肚氣。我專登叫呀媽一齊黎食燒鵝。比咁既野我食。所以決定開登記上黎留言。我一定唔會再過來食

我地係街坊都會食陳記燒鵝.老公放假都會外賣返屋企食、佢地下午茶燒鵝瀨都算抵食、我老公都外賣左五六次..但係今次真係印象深刻外賣燒鵝瀨粉正正常常杯奶茶令我大開眼界🥵🥵🥵發現奶茶裡面有檸檬🍋幾十歲人第一次飲檸檬奶茶⋯⋯ d人返工咁心不在焉？真係離譜見到都唔開胃 ⋯⋯失望😞

本打算去買半隻燒鵝，付款時收銀女員工態度好差，我地話用銀聯信用卡比錢。個收銀話無銀聯，係個拍咭機度寫左啦，你睇唔到既咩！態差到咁，我當然唔會幫襯。臨走出門，個收銀仲叫返入廚房話唔洗斬啦，人地無現金。個收銀超惡劣。我都費事再話佢，而家信用卡，電話支付都好普遍，仲做一個井底之蛙，覺得有現金先可以買野。

我唔會再蠢多次！燒味還可以!其他小菜實在好難食!咕嚕肉吃不到肉，只吃到脆漿！例湯好似水一樣！夥計服務差！常常掛住傾偈！大聲傾偈仲興奮過客人！想食燒味小菜，去太興好過！

深井陳記燒鵝將軍澳唐賢街19號天晉匯II期1樓127號舖陳記燒鵝竟然開到入黎將軍澳，唔講唔知仲以為淨係深井先食到，不過今日lunch 當然無咁富貴食燒鵝啦，原來呢到除左燒味以外，仲有lunch 餐牌仲要日日唔同款，每日有4個選擇，就算日日黎食都唔會厭啦，哈哈。我就叫左金菇沙嗲肥牛炒河，覺得無咩獲氣，似係一早炒定一大堆咁，但份量都算充足既，肥牛都幾多。而我朋友就叫左中式豬扒飯，豬扒都有成3~4舊幾足料，個汁酸酸地好開胃，再加上用埋菠蘿做配料，味道都幾match。

週六和先生一起來吃午餐，這是我第1次來將軍澳的深井陳記燒鵝餐廳的裝修是典型的中式風格，而且比一般的酒樓顯得有格調。12:00來到用餐的人不是特別多，所以可以坐在卡位上，很舒服。餐牌的選擇很多，除了套餐之外，也有典型的茶餐廳的炒粉飯面。而且套餐的價錢也是街坊價。我們點了一個燒鵝瀨粉，四寶飯，例湯，還有熏蹄。燒鵝瀨粉的燒鵝分量很多，除了燒鵝味道好之外，湯底也非常的好味。四寶飯更是驚喜，因為它的鹹蛋是一隻。最驚喜的是例湯，沒有想到他的例湯絕對比大酒樓的素質還要好。清甜，沒有味精，原汁原味。最驚喜的是價錢，利湯才8塊錢一碗，最後整張單不到200塊。絕對會再來這家餐廳幫襯。

話說我發覺我冇寫過中菜嘅食評，最近又想試呢間嘅下午茶，所以就分別叫咗兩個燒味雙拼瀨粉，順便攞嚟寫食評。呢個係我叫嘅，有豉油雞同燻蹄。豉油雞同其他舖頭差唔多，唔算滑（唔知係唔係部位問題），有淡淡地嘅豉油味。我覺得今次叫嘅燒味入面，燻蹄係最好食嘅。非常爽口，而且味道啱啱好，唔會太淡或者太鹹。瀨粉好普通，都係淡淡地嘅湯加啲爽爽地嘅瀨粉囉。呢個係啊媽叫嘅，有燒腩仔同燒鵝。燒腩仔係令我最失望嘅，已經凍咗，啲皮一啲都脆，仲要超級鹹。燒鵝都冇想像中咁好食，因為都係凍咗。呢度可以再嚟，燒味唔可以話好好食或者好難食，抵食程度唔錯。今次試過嘅燒味入面，最值得一試嘅係燻蹄。如果我下次再嚟，我應該會試叉燒，自己本身鐘意食，加上網落幾正。

最近港島區開了很多燒鵝專門店。所以我都想留意吓這區有沒有？結果比我找到這間唔係深井的深井燒鵝。老實講這些老字號其實我都有啲擔心定價會很貴。但我睇完其他人的食評我都發覺可以接受所以前往試食。我和家人一行三人去試。大膽地點了半隻燒鵝。因為屋企人都怕佢哋會比唔知咩部分做例牌。所以選擇貴點的半隻這裡有幾款食物做特價。所以我們選了幾款小食。如果再唔夠才點小菜。但老實說真係小食都已經很足夠值得一試。燒鵝口感一流。塊皮很脆。值得一試。份量足夠。很滿足。鵝腸口感對我來說就一定沒有豬腸那麼好。但這間份量都很好。平價小食都算收貨鵝肝我就很小食中菜版的。我多數食西方版。煎香之後加塊多士。所以我只能說可以。還有份量都很足夠。鵝血我覺得都係豬紅會比較好食。不過一試都值得。因為真係唔貴。集齊這三個小食。做就了一餐全鵝宴。這餐很便宜。每人大約一百多就可以。老實說我們一定會再來。因為佢地服務都算可以。但唔需要收茶錢和加一。

深井陳記燒鵝將軍澳唐賢街19號天晉匯II期1樓127號舖專程揸車入去深井食燒鵝就試得多啦， 估唔到而家陳記燒鵝連市區都有分店，餐廳既格局仲好舒服，完全唔似係間中式餐廳午膳時間好抵食，每日有5款午餐都係4x蚊仲包埋飲品，日日唔同款，每日黎食都唔會怕悶呀而我難得黎到當然係要食最出名既陳記燒鵝啦，4 寶飯入面包括左有，燒鵝，紅腸，油雞同咸蛋。。。燒鵝皮好脆， 肉質鮮嫩，再加埋個酸梅醬，無得頂

🍙等待時間：平日收工六點半抵達完全唔洗等，一個人直入有位坐。🍔室內環境：好有中國古式風格，以木為主格調，好睇🍰服務質素：服務員態度和藹，上我碟餸仲自己讚話d燒味靚喎 😆🔺用餐簡評：我就叫左叉鵝飯，要肥既，平時特 多數會要求埋多汁，但呢間千䃽唔好咁做！因為本身個燒味汁已極香濃，份量岩岩好夠撈飯，你再加實破壞左碟飯。如圖所見確實係上佳燒味，完全符合我要有肥有廋既要求，係燒鵝略廋！🔹總括來講：係好食既！算呢區好食既燒味店

12月26日諗住去附近食午餐，咁就諗住去呢間食鵝飯，咁我點咗個四寶飯，另外嗰位就叫咗燒鵝莆式炒飯！我個四寶好快就嘅到，眼見都可以嘅，不過食咗幾啖想食燒鵝，點知一反轉全部鵝都係得肥高😨實在過份我真係食唔到😨咁我就同店員講，佢就叫我比成碟師傅睇先可以比返啲有肉嘅燒鵝比我！咁好啦我就比佢成碟攞走（呢個情況對我嚟講已經唔係好滿意）其實只係攞返嗰幾燒鵝入去咪得囉！之後有位應該係經理嘅人(一位著裇簡衫四眼短髪女人）攞住我碟飯比我時，佢竟然同我講，你下次睇咗無問題先食，因為個個客都係望咗無問題先食！呢個人講嘢真係令我當時好嬲，咩叫望咗無問題先食？而家係你哋比啲肥膏我我先出聲，有無攪錯呀，買衫咩！當時我無諗過寫食評嘅所以第一碟我係無影相。到第二碟燒鵝莆式炒飯到，我哋第一時間睇啲鵝都係咁，但今次都有幾舊有肉，所以就硬食就算，我就話以後都唔再去，雖然住附近去過唔止一次，我好怕啲咁差嘅服務，而家我明白點解佢唔多人，原因都係啲人服務態度差同食物質數唔係好穩定。

出街食得多，最後都係覺得中式嘅嘢最啱胃口。放假最啱都係去中式食肆，食個飯吹下水。💦話明深井燒鵝，做出嚟嘅燒味飯相信一定十分出色，所以我當然要試一下啦！🤤 我選擇了燒味雙拼－燒鵝油雞飯。旁邊還有附上燒鵝醬同薑蓉。燒鵝味道真係不得了！💓 外皮十分脆而且肥瘦適中，食落去啖啖肉。重點一定是豉油汁，唔會太咸，送飯一流！另外仲點了白灼鵝腸。份量都算幾多，啱哂兩個人食。底層有好多芽菜，mix 埋汁幾好味。鵝腸真係第一次試，咬落爽爽地，都算唔錯嘅。😛之後仲有白飯魚煎蛋 ($78)。上碟時十分熱辣辣，有陣陣蛋香，十分吸引！💓 食落去有家的味道😆 白飯魚夾雜係蛋嘅入面，食嘅時候唔係好feel得到，可能本身呢種魚係冇乜味。但是整體味道都幾好嘅：）

呢間吾止食過一次，覺得價錢合理，坐得舒服，味道又吾差，所以間吾時都會再黎食今次例牌叫左燒鵝拼燒肉，燒鵝肥瘦適中，而燒肉皮都好脆口另外一樣必叫既係豆腐斑腩煲！大大煲，斑腩又好入味！今次驚喜既係豉油鵝腸！鵝腸又大條又長，好爽口！成碟大大碟好抵食黑椒牛仔骨都好淋，好易咬，吾會太靭難咬斷黑椒味都好入味，加埋大量洋蔥好香口！最後叫埋椒鹽魷魚！都係不負所望，炸得好香好脆！全餐埋單每人都係百幾蚊，晚餐又坐得咁舒服黎講算係平食

附近食到悶就上左陳記食個午餐，麻婆豆腐就未試過，今次就即管試下！！岀面d麻婆豆腐系唔辣既，但呢度既竟然系有少少麻辣，白飯又系勁多，個汁有蔥，豆腐厚度幾好，汁稀度正常。炒銀針粉，銀針粉有色但無乜味。熱奶茶奶味夠。

週末下午茶，落單雞髀薯條套餐，等佐半個鐘，催佐幾次先被告知鷄髀仲未解凍，要我取消。之後飲品又催佐幾次先黎，前前後後等佐45分鐘，真係好“難忘”！一定唔會再幫襯。