深井陳記燒鵝 (Closed)

各位如冇必要請吾好光顧這間舗。1. 完全冇冷氣2. 職員態度惡劣。3. 從未聼過一定要全數人齊才可以入，欠 1 位只是去了洗手間，有枱都吾比枱，加上態度非常差。4. 12 人枱必需一定要 足12 人坐，9 人都不可以坐，寧願空左張枱喺度，簡直莫名其妙。5. 食物質素差，同裕記差太遠！6. 衞生環境太惡劣。7. 商場本身計差。

星期日晚同屋企人嚟食等左成個鐘 要叉燒冇叉燒 要燒鵝冇燒鵝 xxxx人地專登嚟食 又唔放張牌出嚟 話冇講緊係8點 已經唔係10點幾啲侍應態度又差黑口黑面最後食唔飽叫左個甜品黑白黃金磚 配 奶茶紅豆冰 呢個set $40 等左一排 點知佢同我講 冇曬紅豆冰 問我轉唔轉其他野飲 咁我心諗等左咁耐 都要轉嫁啦我就轉凍檸茶食完埋單佢話個個甜品餐要收我$43 凍飲加3蚊我心諗 本來就係凍飲紅豆冰係你地話冇 我先焗住轉 依加仲要收我錢我問個女經理 佢仲死都同我理論Ok fine 我照比左其實唔係3 唔3蚊既問題 係我本來叫左你地話冇 我先轉 又冇同我地講要加3蚊我地又唔係無啦啦轉你個餐杯野飲 嬲以後唔會再食 垃圾 ！

上星期同屋企人去將軍澳，發現將軍澳站的商場PopWalk 原來開了很多食肆，於是揀咗依間第一次進駐將軍澳的連鎖店試下。我們一行五人六點半到達，等了大約15分鐘便有位。其實這間分店的裝修不錯，我們的卡位也算寛敞，除了有名的燒味比較貴，其他小菜原來也不貴，大多也是七丶八十元。我們點了半隻燒鵝，另外加4個小菜，五個人也吃得很飽，算是抵食之選。其實我沒有去過總店吃燒鵝，但將軍澳分店的真係幾好味，皮脆肉滑又不太肥。北菇扒時蔬，個冬菇好厚身，這個菜大家喜出望外。菠蘿咕嚕肉，不過不失。豉油王鵝腸，懷舊菜好少地方仲有得食，家人至愛，我自己略嫌鹹一點。薑蔥魚雲煲，好味，份量也不少。總體來說，燒鵝好吃，小菜不貴，可以一試。

今晚買了半隻燒鵝外賣，打開外賣盒，以為比錯得 1/4隻下裝，拿回到餐廳睇睇有冇弄錯！收銀員大大聲話並無偷減，並說陳記燒鵝每隻起碼5斤幾以上，我即埸要求磅我剛買那 『半隻』燒鵝，上磅後所有伙記都唔出聲，因為只有1斤4兩。做生意咁唔老實，好難再幫襯

屋企附近商場的大大小小餐廳，直覺上值得一試的都已經幫襯過，直至最近一個新商場開業，終於又有一批新餐廳可以選擇了。今晚就揀了「深井陳記燒鵝」。講起深井燒鵝，筆者本人最喜歡「裕記」，而「裕記」也一定一直堅持不開設任何分店，實在十分難得。相反另一間競爭對手「陳記」十多年前開始已衝出深井，在港九各處陸續開設多間分店，連同深井的一系列幾間燒鵝酒家，今時今日加起來已經超過10間分店，只不過估唔到會在將軍澳插旗。唔知點解，每逢星期三及星期四，將軍澳區商場內的餐廳特別少人幫襯，去到「陳記」只不過大約八點，竟然大把座位任揀。室內裝修環境十分企理，有別於其他的燒味茶餐廳，甚至可以用雅緻去形容。始終餐廳以燒味為主打，餐牌內的小菜款式已經不算少了，但晚飯時段的所有小菜竟然只可以單點，並沒有包含白飯及飲品的套餐選擇，實在有點說不過去。來到「陳記」，一定要叫番碟陳記燒鵝飯（$56）。這些名氣大的燒鵝專門店，又或者是「太興」這類大型連鎖燒味餐廳，容許客人選擇鵝胸或者鵝背而不需要另外加錢，因為總會有些客人喜歡啜骨頭；反之一些個體經營的街坊燒臘店，就肯定不容許指定部位，皆因銷量並不太大，很容易賣剩鵝背，晚晚虧本。果然沒

一家三口來吃飯，燒鵝水準和中環一樣，但小炒王就唔得，好似一堆剩送炒埋一碟甘，蝦仁炒蛋蝦仁入口凍既，中環分店好好多。呢間鋪頭排煙麻麻，吃完一身都係味，就算平時經過，都會沾到蝦醬味

叫得深井陳記燒鵝，咁梗係要試吓佢啲燒鵝啦。叫咗燒鵝瀨粉、蝦干通菜煲、秘製醬汁燻蹄。佢哋將啲燒鵝浸湯，食落塊皮唔脆又唔香，瀨粉個湯冇味，有點失望。通菜煲同都唔差，燻蹄幾好味，不過貴啲。

真心講句，大家樂好食D！本來特登走去試下，諗住新開張，點知燒味質素一般，環境衞生一般，唔係咁值呢個價錢。重點係門口待應態度很惡劣，附近有很多食肆選擇……冇下次！

深井陳記燒鵝 (將軍澳)將軍澳唐賢街19號天晉匯II期1樓127號舖將軍澳港鐵站步行5分鐘，下午茶時段非常抵食，深井燒鵝湯粉單拼$46，雙拼$50，雖然鵝肉略瘦，但味道不錯，外皮很薄，肉汁多，配埋梅子醬味道非常好，下午茶份量來說也頗多，粉麵湯底味精少，食完唔會非常口乾，而餐飲港式奶茶也大大杯非常冰凍，整體來說真係非常唔錯，裝修環境也非常靚及坐得好舒服，店員服務也好好，大餐牌價錢也不貴，我相信我會經常來幫襯的。

陳記係將軍澳開張，幾年前去過深井總店食燒鵝，皮肥多汁肉嫩，所以一直都念念不忘，今次竟然係將軍澳開分店就緊係要試下！不過通常都係希望越大失望越大....去到叫咗個燒鵝四寶飯，點知個燒鵝皮乾爭爭，啲肉仲鞋烚烚...真係無語...紅腸、切雞同咸蛋同$30四寶飯無咩分別，不過不失。不過我覺得既然$30、40可以係美心食到同樣質素，就無必要俾$60。

2017年九月廿二日星期四下午12:40左右到這家在將軍澳天晉二之陳記深井燒鵝茶餐㕔，抱著吃聞名之燒鵝到這家茶餐聽，地方坐位尚算舒適，坐下15號枱點了一隻燒鵝肶及二份午餐龍蝦球蕃茄出前一丁及豬扒一丁。蕃茄湯糖下多了，龍蝦丸也是偏甜，對長者及糖尿病患者的健康有一定的負面影響，熱飲咖啡奶茶尚算夠熱，但代糖欠奉，現今快餐店及連銷式茶餐室都有代糖設置，舊式的陳記，進不上潮流，準備避淘汰，燒鵝到我面前是涼的，還未算凍。鵝皮己索回油不香不脆，鵝肉尚算合格，但整體算不上好吃。即食麵烹煮過火或運送需時太夠，到我面前是很淋，又豬扒及龍蝦丸和麵是分開時間上的，如進食速度快的人，麵吃完還未見餸，有待改善。總評⋯差劣