上陽樓

Open Now

Now Closed

朋友仔最近搬咗去大圍，當然要去佢新屋探下啦！之後我哋去圍方搵間坐得舒服又高質嘅中菜食。五香牛展份量真係超乎預期，五香調味剛剛好，配酒一流！豉油王鵝腸豉油王鵝腸份量十足，食落口感爽滑，豉油味好濃，絕對值得一試。蜜脆銀鱈魚超推介！銀鱈魚外面酥，裡面嫩，食落冇骨啖啖肉，令我不停咁食！薑蔥粉絲蝦球煲蝦球食落嫩彈，薑蔥香氣撲鼻，粉絲吸咗湯汁真係好惹味。琵琶豆腐最後點左個清淡無負擔嘅琵琶豆腐，口感啱啱好，健康又好味。

位於大圍圍方嘅《上陽樓》，一家精緻中菜館，取名自唐朝上陽宮的皇帝御膳房，提供多款精緻巧手菜式，結合傳統和新派元素，而且裝修典雅，營造一個舒適嘅用餐環境🥢低溫慢煮欖香一字排骨用上低溫慢煮嘅方法，排骨得以保留到肉汁，外層炸得酥脆，內裡肉嫩又juicy，配上欖菜亦帶出了獨特嘅鹹香味🥢當紅脆皮炸子雞沿用傳統方法，先將雞隻風乾，再用滾油上皮，做出來的炸子雞就更加皮脆肉嫩，輕輕點一點淮鹽，一吃不停口🥢家鄉小炒皇材料用上蝦乾、魷魚、腰果和韭菜花等，份量和味道都非常豐富，大排檔必有嘅招牌菜，來到這裡依然鑊氣十足🥢上陽樓炒飯用得店名命名嘅炒飯當然不簡單，飯炒得粒粒分明，乾身不油膩，材料有蝦仁、叉燒粒和蔬菜粒等，可配搭黃辣椒醬來食，增添點點香辣味

有老有少五人吃飯。小朋友非常肚餓，先點咗個 炒米粉 以及魚腐煲。幾分鐘之後就再點一個炒飯， 冰鎮咕嚕肉及淮山排骨煲。但是，除了魚腐煲正常， 咕嚕肉D肉勁細，同埋只有10舊肉 。排骨煲都非常差， 全部都係肥膏骨。最可惡嘅係，點嘅炒飯同埋炒米粉， 一個小時後都冇嚟 (點炒米粉計起) , 中途詢問過三次，頭兩次好似有啲示意知道，都冇乜回覆我哋點樣，第三次再問都係冇乜反應， 小朋友又不斷喊肚餓， 無法坐定。但係夥記，樓面呀，都好似冇意思佢幫我哋追咁， 火都嚟。 埋單走人，冇下次!!!直情覺得佢冇心做生意， 影衰香港飲食界。

屋企嘅長老最鍾意食中菜，要搵一間坐得舒服，食物質素高嘅中菜都唔係咁容易，以下想介紹嘅呢一間就完全合乎佢地嘅要求啦！👍🏻👍🏻鮑汁炆雞腳🐔$78雞腳好入味，仲有好多煮到腍晒嘅花生，骨膠原滿滿！😍😍薑蔥銀絲蝦球煲🦐$198首先係面頭嘅蝦球用料好新鮮，爽甜彈牙，然後就係非常有驚喜嘅部份，出乎意料佢哋嘅粉絲係有少少香辣嘅感覺，調味唔會過鹹同埋過油，整體粉絲令到呢個蝦煲加分唔少啊！芝士焗西澳洲龍蝦伊麵🦞$468好推介大家嚟到呢度一定要食佢哋嘅龍蝦伊麵，佢哋嘅龍蝦大大隻啖啖肉，亦都好能夠保留龍蝦嘅肉汁，龍蝦肉爽甜彈牙，佢哋嘅芝士亦都有別於一般嘅酒樓，鹹香味重好多，仲要全部伊麵都做到拉絲效果，整體真係一般酒樓出色唔少！懷舊芝麻卷（4件）$48芝麻味好足夠，有陣清甜嘅味道，質感好滑，算係高質少有嘅芝麻卷！🙌🏻

其實廚師煮嘢食係好食，因為中秋節我諗太忙，大家都應付不到人流太多，雖然有好多錯漏百出最後我點咗嘅魚都未有差唔多等咗一個半小時都未上到菜，相信獨特嘅競爭優勢大家都體諒今日係太多人同埋見到都好多客人吵吵鬧鬧都係因為上菜問題同等候時間太長。所以我哋決定揀一日不是節日的去因為我最想食就係琵琶豆腐，但係呢可惜因為嗰日中秋節日係唔可以點普通小菜一定要點套餐當然我們都有點套餐，可是我想額外加一兩個小菜都不行，因為佢哋當日係冇做普通小菜的！我們大人五個小朋友四個先食了三千幾蚊都算OK抵食甚至

@shangyangrestaurant 位於大圍圍方3/F嘅上陽樓主打精緻高質粵菜，呢度環境佈置得很典雅又帶點輕奢型格路線，餐具的挑選、擺放，坐位的設計等都好講究，很有中國亭園的特色👏🏻，服務員態度友善，當晚就算客多，但招呼服務都很週到👍溫馨提示：那晚是平日，大約7 點左右已爆滿，想食就要早點訂位😊🏁🏁🏁🏁🏁🏁🏁🏁🏁🏁🏁🏁🏁🏁🔖茶位🫖費每位$20叫了鐵觀音，茶壼用小蠟燭暖住唔怕凍👍🔖前菜及上楊黃椒醬（$28/份）前菜嘅喬頭，大大粒，非常爽口，酸甜啱啱好，好開胃，忘記問有冇得賣😆另外是一碟惹味嘅XO醬同黃椒醬，微辣，同樣醒胃👍😋🏁🏁🏁🏁🏁🏁🏁🏁🏁🏁🏁🏁🏁🏁🐓炸子雞半隻（$248）我最鍾意食炸子雞，半隻分量都唔少，外皮炸得簿脆，內裡肉質嫩滑juicy,忍唔住連雞皮都食埋。🦐薑蔥粉絲蝦球煲（$198）服務員打開煲蓋後，已經聽到zizi 聲，熱🔥腾騰，D煙湧出來，見到已口水流埋，大大嚿蝦球，非常入味同彈牙，蝦香四溢，粉𢇃掛晒汁，滲出蝦同埋薑蔥嘅香味，好好食。🍖叉燒（$198）份量比我想像中大份，厚切叉燒😍，暖暖地，雖然唔太半肥瘦（平時食叉燒最怕太多肥膏，太瘦又怕嚡恰恰）但呢度嘅叉燒每一口都好

上陽樓取名自皇帝御膳房，係圍方商場入面一間人氣中菜餐廳，裝潢亦極盡心思，「大圍之柱」更係必到嘅打咭位🤩🤩😁😁😆😆🐚冰鎮椒香鮑魚🐚：鮑魚切片，爽滑脆彈，花椒嘅香麻味好突出，配合底部嘅萵筍一齊食，好清新嘅前菜🦐蔥香粉絲蝦球煲🦐：大大隻嘅蝦球夠爽彈，配合香蔥同惹味粉絲，盡數吸收醬油香味，香而不膩，係好好嘅澱粉質選擇🐮蜜椒安格斯牛柳粒🐮：經典嘅大排檔菜式，喺呢度做得同樣非常好味，安格斯牛柳粒鮮嫩，重牛味，蜜椒薯仔香甜，下飯好選擇🐟魚湯鮮竹勝瓜浸魚腐🐟：魚腐大大粒，夠晒軟滑，又有魚肉嘅香味，鮮腐竹同勝瓜份量畀得大方，魚湯令佢哋變得更鮮甜好味🐦紅燒妙齡鴿🐦：即叫即炸嘅乳鴿係最好味嘅，外皮香脆，鴿肉嫩滑，咬開時肉汁爆發，色香味俱全嘅紅燒乳鴿⭐大斑兩味⭐🐟翡翠炒斑球🐟：斑片起肉去骨，食落啖啖肉好滿足，西蘭花，彩椒等配菜互相配合，簡單得嚟又好好味🐟支竹炆頭腩🐟：頭腩份量都幾多，配合埋燒肉同吸味嘅支竹，成個煲好有鑊氣呢 上陽樓地址：大圍圍方3樓329號舖#上陽樓#大圍#大圍餐廳#大圍食肆#中餐廳#中菜#特色中菜#特色菜色#招牌菜#圍方#圍方商場#地鐵商場#椒香鮑魚#粉絲蝦球#大斑兩味#紅燒乳鴿#蜜椒牛柳粒

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 上陽樓以提供酒店級既精緻菜式為主打，菜式亦由曾於酒店任職既大廚煮理，味道絕對有保證👍🏻係圍方三樓既上陽樓，樓面面積夠大，座位闊落環境舒服，其中以清明上河圖作創作概念既「大圍之柱」係打卡必影既作品𝗪𝗛𝗔𝗧 𝗪𝗘 𝗢𝗥𝗗𝗘𝗥✨ 冰鎮椒香鮑魚花椒味滿又唔會有辣味既冰鎮鮑魚，爽口彈牙，味道清甜，加上爽脆口感既萵筍，口感配搭同味道都係好好既開胃小菜✨ 蔥香粉絲蝦球煲粉絲蝦球煲近排都食好多，砂鍋既粉絲蝦球煲真係唔錯砂鍋既熱力一直keep住令粉絲條條分明，唔會黏埋，口感爽脆非常好食✨ 蜜椒安格斯牛柳粒牛肉味道超香既安格斯牛柳粒真係好吸引加埋蜜糖包住既薯仔，就好似香港大排檔既名物，薯仔牛柳粒一樣咁好食呀✨ 魚湯鮮竹勝瓜漫魚腐魚湯鮮甜好味，將魚腐成片浸落魚湯度再食用，真係抵抗唔到呢種魚香味係口入面散發既感覺✨ 大班二食一食腐竹魚頭煲，二食翡翠炒斑球魚頭煲仲包括燒腩，冬菇，枝竹等材料，香濃好食翡翠炒斑球有大量翠綠爽脆既西蘭花，大大片既鮮美班球真係無得嘆✨ 紅燒妙齡鴿燒得香脆既外皮，加埋甜美既乳鴿香，佢地既乳鴿非常出色，值得一試ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ

昨晚一家四口食晚飯，由於晚飯時間商場好多人，隨意揀間有位嘅就入去食。先睇裝修唔錯，環境佈置餐具都精緻，雖然價錢唔平，但有位就入座啦。餐廳內裡不算太大剛坐滿，雖然點菜時侍應對餐牌不太熟悉所以重覆幾次先落到單，但態度都好好令人滿意。點了五樣菜：炸豆腐粒，豉油皇爽脆鵝腸，啫啫生菜煲，小炒皇和清湯安格斯牛腩。先係起菜速度好慢，差不多四十五分鐘先上第一道鵝腸。雖然最後經理有解釋係廚房有一爐頭壞咗影響出品，但眼見係一次出幾碟小炒皇！先嚟嘅鵝腸唔爽脆，豉油唔入味，鵝腸仲有陣味！再嚟炸豆腐粒，先唔講面頭係粉唔脆，等咁耐仲要唔熱只係微暖。啫啫生菜煲同小炒算正常但唔可以講話好，街坊酒樓好過呢度…最後嘅清湯腩就真係最差，清湯味道好清但加咗啲好鹹嘅鹹菜，安格斯牛腩有筋又有牛（酥）味。兩碗白飯連茶錢埋單九百幾真係貴得嚟絕對唔值！！俾完錢想同經理講兩句意見，結果收完錢就走咗去講唔到，咁唯有喺呢度講，價錢只係其中一個問題，只要你俾到合理的食物水準和環境係可以值俾，但呢啲質素坦白講茶餐質素都不如！

今日約好友去大圍站圍方食晚飯，《上陽樓》環境優雅舒適。茶費 $20/位前菜&上陽醬 $28/枱酸甜木瓜片很清爽開胃，醬汁：黃辣椒醬辣辣地，XO醬足料夠惹味。我們點左金銀蒜粉絲蒸蟶子皇$198，有四隻超大蟶子鮮甜又爽又脆口，粉絲索左蟶子汁鮮甜好美味，值得推介👍😋涼拌椒香鮑魚$68（隻），薄片鮑魚口感清爽帶些花辣油香的微辣，鮑魚下面是涼伴萵筍絲很清爽配青紅辣椒粒美味可口。薑蔥粉絲蝦煲$198，有六隻彈牙大蝦仁，爽口煙韌的粉絲索左蝦鮮味，真美好食😍家鄉小炒皇$178，配料有鮮蝦仁、大蝦乾、魷魚、芋頭絲、腰果、韮菜花，鑊氣十足夠惹味😊

📍上陽樓上陽樓取名自皇帝御膳房，提供酒店級既精緻菜式為目標，保留傳統味道之餘亦加入新元新素😎食肆裝潢亦都好華麗，環境寬敞舒適，幾有空間感，好適合家庭聚會🏘️🥢前菜&上陽黄椒醬 $28前菜係蕎頭，味道酸酸甜甜，最啱就係攞黎解膩～同時，配左兩款餐廳既自家製醬料：黃椒醬同XO醬🥢涼拌椒香鮑魚 $204 （$68@隻）呢款涼拌小菜好適合宜家炎熱既天氣，鮑魚切成薄片，口感算幾彈牙，而麻椒既香味十足🥳墊底嘅第一盤萵筍，亦浸滿麻椒嘅香味，係唔錯嘅開胃菜🐷炭香蜜汁叉燒 $198叉燒燒得好入味，最外層蜜汁加炭烤加淡淡的煙燻味！選用左肥瘦適中的豬肉，食落幾有咬口，肉質都唔柴，散發著淡淡既炭火香味～略嫌叉燒燒得冇咁焦香，但勝在味道搭救🤓🐽秘製欖角一字骨 $188個賣相相當吸引🤩排骨有預先炆過再攞去炸～新鮮即炸，食既時候熱辣辣，咬落亦好酥脆！一字骨亦都好入味，肉質亦都比較軟腍，無需要沾醬汁～🐥脆皮炸子雞（半隻）$240用咗好傳統嘅做法，將醃製好嘅雞風乾，煮嘅時候先用滾油慢慢碌落外皮到，好考功夫！所以口感上做到皮香肉嫩嘅感覺，雞皮脆到好似食緊薯片咁；肉質就正正常常～📍 上陽樓 (大圍)大圍車公廟路18號圍方3樓3

👩🏻放假同屋企人去圍方行街，揀咗間中菜館食晚飯。本身以為係普通酒樓，入到去先發現裝潢設計都好現代化，菜式賣相都好精緻！🌟竹笙上素羹$65 即叫即煮～熱辣辣而且菇菌蔬菜keep到爽脆嘅口味。成個感覺係健康清爽，幾有驚喜。🌟薑蔥銀絲蝦球煲$198蝦球大隻彈牙，去殻去蝦尾就最啱懶人。粉絲薑味幾重，偏向乾身，食到底都唔會油淋淋。🌟原隻八頭南非鮑魚扣鵝掌$168👩🏻做節通常會食～價錢比其他地方食平好多，但質素都係差唔多。鮑汁偏甜口。🌟上陽樓炒飯$138真係超超超高質！米飯粒粒分明，乾身冇油膩感。勁多瑤柱、蝦仁、叉燒。同埋叉燒用嚟炒飯都好食，下次試下散叫先～🌟濃雞湯鮮百合浸時蔬$148雞湯比平時食嘅濃少少，有唔少清甜嘅百合點綴，唔會食到口淡淡。🌟楊枝甘露$38多果肉又多芒果爆珠，特別足料。

呢間大圍嘅中菜餐廳真係有水準，絕對值得一試😋茶位每位$20，茶質好，有多款選擇。前菜及上陽黄椒醬每份$28，前菜係蕎頭。另外仲有乾瑤柱XO醬。西湖牛肉羹每位$65，羹湯濃郁，牛肉嫩滑，豆腐切到好細粒，口感滿滿好豐富，係暖胃嘅好選擇。薑蔥粉絲蝦球煲$198，蝦球鮮甜彈牙，薑蔥嘅香味濃郁，粉絲好入味，味道一流。我就撈埋個乾瑤柱XO醬，仲正！菠蘿咕嚕肉$148，酸甜適中，肉質外脆內嫩，有水準。紅燒花菇豆腐$148，花菇大隻，豆腐滑嫩，紅燒醬汁幾正。豉椒蟶子皇$198，蟶子大隻鮮嫩，豉椒炒得非常惹味😍

自從大圍有左「圍方」大家就多左個新既聚腳點😂 雖然圍方熱潮過左 但其實商場都有幾多特色餐廳架😆 呢間食粵菜既「上陽樓」保留住經典既味道 同時加入左好多創新元素既菜餚🇨🇳✨涼拌椒香鮑魚 $68 / 隻呢款系冷盤開胃菜😌 冰鎮住已經切片既鮑魚 鮑魚味道鮮甜 而且厚肉爽身🐚 川椒味麻麻辣辣 非常惹味🤤 鮑魚底下仲舖滿住口感爽脆既萵筍😆西湖牛肉羹 $65用上新鮮牛肉碎 豆腐 香菇 芫茜 雖然材料簡單 但湯羹味道香醇潤滑 鮮美可口🥣 中意佢仲有陣陣既胡椒味tim🙊鮮奶蛋白蟹肉炒蝦球 $198鮮奶同蛋白配搭滑如絲 已經夠正😋 再融合埋蟹肉既鮮味 更加有帶勁既滑嫩口感😋 而且蝦球既肉質緊致 令成道菜既層次再昇華👍🏻清蒸東星斑 $418超級無敵勁中意食東星斑!!😍 足足有14两🐟 用上最簡單既方法烹調 味道已經鮮甜無比🤩 魚肉入口非常嫩滑 細膩又有層次既口感😋 瑤柱蛋白海皇炒飯 $158經典既粵菜炒飯之一🍚 米飯粒粒分明 散發住瑤柱既鮮香 配上蝦仁同帶子 口感更豐富 清淡又鮮美餐廳會收取茶位費 前菜 和上陽黃椒醬既費用💰

❤️‍🔥 = 極力推介的單品✌🏻炸子雞 半隻 $240 ❤️‍🔥薑蔥粉絲蝦球煲 $198冰鎮咕嚕肉 $168魚鬆炒米粉 $148👧🏻女友問過我：你最鍾意食咩菜式？🧔🏻‍♂️我：炸子雞🔸世界上咁多菜系，每種菜系又咁多種菜式嚟講，如果要我即刻揀一樣，我第一個諗到就係炸子雞🥸炸子雞勁嘅位係好少會中伏，因為好講究手工，間餐廳無信心嘅話，根本唔會放炸子雞入菜單入面😁～一般嚟講，雞會用香料醃製，確保入味🧐之後仲要將雞風乾，令到皮更加脆。炸嘅時候，控制好油溫，先用高溫將外皮炸至金黃色，再用中溫慢慢炸熟入面嘅肉，咁樣做出嚟嘅炸子雞就可以保持外皮脆而入面嫩滑😎今次食嘅呢間餐廳都無令我失望，整體出品水準做到85分，雞肉多汁嫩滑❤️‍🔥🔸另外啲菜式都唔錯。薑蔥粉絲蝦球煲嘅蝦球夠彈牙，薑蔥味濃郁，同粉絲一齊煮，吸晒啲汁，好有口感，比80分！冰鎮咕嚕肉酸甜開胃，仲有少少冰涼感；魚鬆炒米粉炒得乾身，唔會油膩，魚鬆鹹香，加埋啲蔬菜，味道層次豐富，呢兩款都係70分以上嘅作品🤙🏻🔸總結今次嚟呢間圍方中菜都好滿意，因為食到好味嘅中菜，環境又靚又舒服，服務仲好好