上海香港麵家

Open Now

Now Closed

現在想找豆漿栥飯都真難! 我知道的只有這間, 這天好懷念小的時候食豆漿栥飯做早餐, 就來食。其實這裡我比較喜歡他們的咸豆漿, 但今天點了甜的, 甜的都可以不是很甜但不是很滑。栥飯裡面的榨菜比較少, 剛看了其他食評才知道原來可以加錢加榨菜。如果可以多一點榨菜, 這個栥飯會好食點。說好食也算不上, 來都是只想找回以前上學前食豆漿栥飯的記憶。

天氣有點悶熱，怕熱的我嚷着要喝凍飲。素知我要求多多的阿姨說不如找間小店坐下吧!這正中我下懷呢，剛好經過渣甸街的這間，而正好我倆都愛喝豆漿的。     這一帶的食店，租金貴得咋舌，也貴得有道理。以前是外國遊客，現在是自由行，都愛在此尋味。這間上海香港麵家也有不少歷史了，門前有不少遊客在探頭觀看，也難怪，店的陳設就跟一般的老派上海食店無異，紅紅黃黃的，很傳統的感覺。       只點了兩杯豆漿，難得阿姐並沒有黑臉，於是膽粗粗再坐一會。        這兒的豆漿最好的便是夠凍，十分消暑。不過感覺是來貨的貨色，略甜，豆味不夠濃，只能說是普通的水準。      臨走時順手外帶一份粢飯($18)，想不到這粢飯竟令她念念不忘，大讚美味非常。下次經過，我一定要親身試一下它的粢飯，也外帶一個孝敬她吧!

正在覓食，走過看到九成滿座，相信不會差吧，就入內找個位子~二人點了一件粢飯、一份煎鍋貼、一份醉雞、一碗豆漿~粢飯是預先包好的，切半上碟，剛好一人半件~ 整件粢飯肥肥的，其實是飯層厚厚，餡料並不多，油條又腍又韌，肉鬆和榨菜份量都少，味道不夠~ 在大埔墟和紅磡吃到的都比它優勝得多~ 不明白為何還可以售$19一件  實在不值...煎鍋貼底部煎得有點燶，皮粉粉腍腍，韮菜霉霉黃黃，肉餡鬆散無味，整隻鍋煎只吃到油味，不點醋真的難以嚥下 醉雞是整餐中最好的了~ 雞肉嫩滑有鮮味，酒香不太濃，但肥膏偏多~甜豆漿甜度適中，滑而無渣，但豆香不夠~以這樣的價錢，有更多更好的上海小舖選擇，不會再來了...

同朋友行完街, 肚餓轉到黎呢間鋪頭就入左黎, 點知都幾後悔因為d食物都偏貴我叫左個秶飯加杯豆漿已經成三十蚊!先講個秶飯, 又痴牙, 問題係好咸!!! 想飲豆漿中和返啦, 對我黎講又太甜朋友就叫左湯鮫, 價錢都成三十四十蚊 今次佢碗湯鮫竟然冇乜味. 望住我朋友一次又一次倒豉油就知道真係幾冇味! 但係要讚嘅係個皮都幾好入面啲料又夠足

早前在銅鑼灣做完嘢，個日又好想食油豆腐粉絲湯，所以就一個人去左位於渣甸街29號地下的上海香港麵家了！這試老鋪，不要寄望環境好，服務質素好！只求味道就OK了！今次一個人吃，點了油豆腐粉絲湯，浄水餃同灼菜心，盛惠＄80 多元，在銅鑼灣都差不多了！油豆腐粉絲湯 － 有幾條菜，油豆腐（即豆腐卜）同粉絲，味道不錯，湯夠濃又不咸，粉絲爽口，吸收了湯味，不錯不錯！浄水餃 － 喜歡上海水餃沒有韮菜，只有白菜同豬肉，一碗八隻都，size一般。個人喜歡落醋食，特別美味！灼菜心 － 只有一句，沒什麼特別，點它，只為食菜！沒有很大的評價，難得的是這些旺區還有老鋪，得閒來一下，因為不知何時會被急速發展的城市取化了

我對上海菜一般般, 不愛吃也不是討厭。可是這天晚上特別想吃餛飩。而距離呀肥上班地點又要近, 就查openrice 看看有甚麼好吃。最後看到這間老店, 食評原來幾多的。來到時, 已是晚上8時多。很港式的一間上海老店, 門面裝修到店內, 都舊舊的, 感覺很傳統。進入店內, 人很多, 看得出來很多自由行旅客在。我們找到位子之後, 就全店滿人了。晚飯時間的銅鑼灣, 這樣的一間老店, 必定要搭枱。幸好, 座位不是太逼, 仍有伸展空間。坐下立刻看看有什麼好吃。咦...不便宜喔。但坐下之後, 人流不斷, 客人不斷!應該是不錯吃, 所以才這麼多人光顧。姐姐店員相當忙。呀肥點的豆漿, 好飲是好飲, 但呀肥說有渣, 他不是太喜歡。他的豬排担担麵(新鮮豬排) $48他說一般, 担担麵的湯底味香太農稠,一開始吃的時候還可以, 但是吃不多兩三口就很糊。另外, 担担麵會有點肉鬆灑在上面, 如果不吃, 要記得落單時說明。而豬排嘛...就吃不出來新鮮...就是很一般的豬排。之後來的是菜肉餛飩麵 $40這個一定要推介, 餛飩超好吃。吃了幾口才記得拍照, 太好吃了!餛飩的餡料調味調得很到位。咸甜度恰當!而且每隻都包得飽滿

位於渣甸街西環小巴站既呢間廿四小時上海野。真係細細個就食到大。冬天買個栥飯先上小巴。一路暖手一路食可以暖到西環。中秋同做冬就係到買芝麻湯丸。到而家人大了。飲酒小不免。係銅鑼灣飲完個胃寒就一定黎呢到叫一碗咸漿。暖胃。解酒。醒神。又唔會好似食個面咁返到屋企頂住訓唔到。呀姐一收到ORDER就會拎個碗。一匙炸菜混蝦皮。一匙醬油混醋。加多一嘜豆漿就OK!仲會加D蔥花同三兩片油條。兩分鐘都唔洗仲快過淥杯面。等三十秒到豆漿就會比醋凝結左一層好似蛋花咁。入口都幾熱要小心D。輕輕既咸加輕輕既酸加濃濃既豆味同豆香。炸菜同蝦皮令味道層次更豐富。好多時都唔夠喉要整多碗。胃暖了。係時間返歸眠一眠

去親銅鑼灣唔想食咁貴嘅野, 又要好味嘅, 次次都係諗起食粢飯, 因為食過唔同舖頭嘅粢飯, 始於都覺得呢間最好味, 我由10幾年前嘅$9隻, 食到宜家$18隻, 值唔值? 上枱嘅粢飯熱辣辣, 雖然中間嘅油炸鬼係唔脆, 但係勝在好多肉鬆, 再加上少少炸菜, 口感仍然一流, 再加杯凍漿, 正到爆!!! 之後再嚟碗熏魚麵, 甜度適中, 一D都唔腥, 麵底只係簡單嘅上海麵, 但係麵質好滑, 加埋甜甜地嘅熏魚, 絕配!!

一間上海麵家, 除左麵類外, 其實仲有好多豆類既制品食, 適合當早餐而入面陳設簡單幾張圓台亦有卡位就好像一般茶餐廳, 簡單得黎算企理我在附近做野前就叫左一杯豆漿同粢飯做早餐凍豆漿豆味算夠而有輕微豆香, 上面有一層豆泡係我幾鍾意所以證明豆既密度比較高, 甜度算適中粢飯係STANDARD SIZE , 同細個時食既一樣, 分開兩粉, 飯粒粢埋一齊食落有"張"住既口感, 裏面既肉鬆同油炸鬼落足料, 肉鬆偏甜令到同飯粒合而為一, 而油炸鬼有咬口所以令到口感加左一層點綴!

某夜差不多八點才來到銅鑼灣，想起在某 blog 上看見這裏的排骨擔擔麵不錯吃，於是就走了過來。客人很多，卻剛好有個一人座，於是不用就有位子啦。店家不大，侍應也有三四個，但大多都專注於門口那個現煮檔攤，大概這裏的粢飯／煎餅都相當有名，很多人來買，所以好些侍應也就專做外賣，也所以我待了好些時候才可以下單。擔擔麵很快就上桌，湯底輕清，入口花生味很濃，雖然飄著紅油，但吃下口沒想像中的辣；白身麵相當幼，剛吃的時候質感爽身彈牙，感覺不差，但吃到最後就開始有點糊掉了。豬扒一大塊切成小條，入口肉質稍硬，卻是天然無添加的感覺，相當家常風，醃得入味帶微甜，質素不錯。麵的分量不大，對我來說剛好，但＄37 老實說有點貴，但在銅鑼灣地段，也許是避免不了的價位？連豆漿一杯，買單＄44，有機會的話也可以來一試呀。

游完水出銅鑼灣搵食，星期六人山人海，媽咪未食過呢間栥飯！所以帶佢同豬表妹來食！難得係去到唔使等位！成日見全場爆滿嘅境況！我好少堂食，通常外賣個栥飯加熱豆漿返屋企同肥髀食！地方好普通小食店格局，木椅木枱，略殘舊，不算乾淨（碗仔有污跡，油淋淋），店面好繁忙，人來人往！叫咗:菜肉雲吞麵--四粒雲吞幾大粒，要分開幾啖食，皮滑溜煙韌，餡料菜多肉少，比例幾好，味道清爽！配幼麵，麵質一般，唔彈牙！湯底唔味精！份量分到四小碗都夠食！粢飯--粢飯上枱已經切開一半，用保鮮紙包住，好大碌，食半個已經好飽，餡料多，外層糯米軟糯，煙煙韌韌，肉鬆鬆身甜美，油炸鬼今次比較硬，炸菜偏咸！比較失色！豆沙鍋餅--上枱賣相好醜樣，炸到黑晒起泡泡！（我估係啲油問題）感覺好油膩，餡料豆沙份量多！熱辣辣，味道其實唔差！冷熱豆漿--正常好味，最重要凍豆漿夠凍，熱豆漿夠熱！（我知好似好廢話，但真係好多食店做唔到）今日服務值得一讚，因為平時店員多少有點愛理不理，今次個後生男店員好好禮貌，因為我舉手要落單時，佢招呼緊另一枱客，嗰枱客又好多嘢問，佢都有示意唔好意思等多陣！有覆單！上菜都好勤快！

第一次吃的時候是在觀塘，不過那個是不正宗的，只有飯和肉鬆，沒有油炸鬼。今次終於有機會吃到了，不過價錢就貴了一點，因為要$17一個，在其他地方便宜得多，不過聽說這間很出名，所以我便來了試。味道不錯，其實份量也算多，我吃完一個已經非常飽了，內裡的飯非常的實，有油炸鬼和炸菜，非常的足料，不過我相信配上豆漿一定非常的棒，真是一個經典的上海早餐。

一連要加班幾天，晚飯時，我又來到了渲甸街，尋找老上海的味道。這一次，就走進了比較細小，但人流極旺的《上海香港麵家》，不過，我同樣地，吃了一個客飯。上海人，很喜歡豆製品的，所以，好多時去上海館子飲食，都會要上一杯豆漿，甜一甜。這兒的豆漿，雖然是來貨，但入口夠甜，凍的也雪得夠凍，豆味亦足，雖不是很濃，但已經可以說是可口。之前在旁邊的館子吃了獅子頭，這一天，我就來一份我的另一至愛，滬式的回鍋肉。滬式的回鍋肉，源於川湘菜的回鍋肉，味道減辣，醬味加重。《上海香港麵家》的味道也是舊派的，也是改進了，少油減濃味的，菜多，肉少，是向來的特式，再以醬撈菜飯，不知不覺間，我吃得很飽。貪吃，所以多了一份紅油炒手，辣油很香，菜肉雲吞的份量也是十足，不過，味道卻是完全來自辣油，沒有沾上辣油的，可以說是沒有味道，美中而不足。簡單，但不廉宜，味道美，但環境感覺混亂，吸引但總覺得有點不足。不過，這就是上海的路邊食店的寫照，登慣堂、入慣大室的人，可能會不喜歡。人多擠迫，縱使味道是好，但環境是扣分的主要因素。

是晚同女朋友睇完影畫戲, 由於早飯飯既關係有D肚餓, 但街上的選擇已經唔多,  所以走左黎渣甸街既上海香港麵家食宵夜!雖然大部份食店都已經關門, 但呢度仍然客似雲來, 有堂食既, 有外賣栥飯既, 更有開車黎開宵夜既, 認真熱鬧.我地倆小口最後點左一個鱔糊麵, 拍青瓜, 菜肉雲吞同埋一杯凍豆漿鱔糊麵係用上海麵, 麵質彈牙, 唔錯. 鱔糊既味道亦可以, 但鱔的份量實在太少....幾乎都係食緊芽菜....大概是因為價錢問題吧??拍青瓜由於太心急食, 影唔晒全碟 =P醋落得好勁, LIKE酸朋友可以一試, 不過遺憾青瓜係用切的, 並唔係期待中拍出黎既口感菜肉雲吞大大隻, 雲吞餡料新鮮, 配埋熱辣辣既湯非常好, 為今晚最滿意既環節凍豆漿豆味一般, 骨碌骨碌的喝光, 沒法附圖抱歉!!

今朝去銅鑼灣見客，同同事食埋早餐先上去，我地兩個都好小係銅鑼灣呢邊，所以係附近亂咁行，睇下有未好食，行行下見都呢間上海香港麵家，舊舊地嘅感覺，都幾多人買外賣，早上食清清地嘅上海早餐都唔錯。今朝我個早餐超級豐富，見都咩都想食咁，有粢飯，熱豆漿同豆花。粢飯分為兩半，用保鮮紙包住，可以就咁羅住食，材料豐富有肉鬆，炸菜，油炸鬼，加埋煙煙韌韌嘅飯，好耐冇食好好味。食完個粢飯係咁凍嘅天氣下再飲埋杯熱豆漿，呢個早餐分量剛剛好呀！